أنت البقيت قديم يا عبد الله، لأنك من زمن الشتالة البمسكوها باليد المشققه البرد ديك هههه. ناس شندي بقوا يزرعوا بصل الخريف ويقطعوه أخضر عشان يلحق السوق وثلاثة ارباعه بمشي لناس الدهب. وبعده طوالي يشتتوا تيراب الشتوي عشان (المسمس) يلحق برد الربيع قبل زيفة الشتاء. والعجب ناس سيدون وأم الطيور، ديل ما بتفرق بصلهم شتوي ولا صيفي الا تعصر البصلة وتشوف كمية الموية الفيها.. لا وكمان ماتنسي عندنا واحدين زرعوه في البيوت المحمية البتنتج في عز الصيف والرميض. بصل الخريف للأسف تضرر كتير لان التواريب أغلبها تلفت، والأراضي المتاخمة للنيل كلها غرقت من الجيلى لاعن العبيدية، وبالتالي الأزمة حقت البصل حا تستمر مع انعدام المخزون، خاصة وأن كسلا أصبحت بيئة طاردة لترابلة البصل..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة