كمونية بالتشاطا * أطرف وألذ تحليل سياسى للوضع الحالي .. المقال وصاحبه يستحقوا جائزه* ✌🏽✌🏽😁
زمان مشينا نبيع حبال فى سوق القضارف انا وعبدالسلام جلود ومبارك سايرين بعد بعنا الحبال لاقينا ابراهيم جاكواك. بحكم انه ود السوق ومفتح ونحن اولاد قرى قال لينا امشوا افطروا فى سوق السحارين كمونية تشاطا ( جمع طشت) المهم مشينا السوق زحمة عجيبة الموضوع دا عبارة عن أربعة أشخاص اى واحد عنده صاج كبيير خاتيهو فى لداية ٣ حجار وفيهو كمونية طافحة زيت للاخر..
مافى صحن.. الطلب تدفع قروشك يديك عيشتين فى يدك وتقعد قدام الصاج فى نارو وتاكل.. المشكلة انه لغاية ما تكمل العيشتين ما بتحلق الكمونية ..العيشتين بتكون كملتهم فى الزيت الحار لانو مستحيل تقدر تدخل يدك من شدة ما سخن
هسة دا الحيحصل للحرية والتغيير فى ال ٢١ شهر حكم عسكر حسب الاتقاق الحرية والتغيير حتكمل العيشتين فى الزيت الطافح بدون ما تلحق الكمونية 🙈
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة