|
Re: عندنا جنس برد يشهيك فى الفودكا ولاهلنا فى (Re: بدر الدين الأمير)
|
كتب بدر الدين الأمير: الدفو من البرد بحتاج الفودكا سميرة نوف تحديدا حسب رواية دينق الاجنبى وبسند من العروبى العبار بريمة بلل ول ابا بدر..حبابك يا صديقي وحباب ضيوفك هنا..
هههههه.. ياخي دينق وبريمة ديل حناكيش ساكت..مرة نزل عندهم جليد عشرين سنتمتر..لغاية الليلة بيحكوا بيهو..والواحد لمن يشوف صورتو مع الجليد يرجف ويلبس كم جاكيت (قندول عيش ريف بس)..!! اسأل اهل الخبرة يا صديقي ، قبل اسبوع درجة الحرارة كانت 43 تحت الصفر..فشنو: عليك بلحم الحوت..!!!!!!!!!! على قول اخونا محمد هرون حميدان ، ذات مرت عن الفودكا ، قال:عندهم فودكا تخليك واقف تليذ..!!.. بالرغم انو ناس محمد حميدان ما عندهم برد زي بتاعنا..! لحم الحوت كويس في البرد (طبعا انتو ما عندكم برد ، فلو اكلت لحم الحوت ح تكون في حتات صعبة خلاس..!!)..
كبر
| |
|
|
|
|
|
|
Re: عندنا جنس برد يشهيك فى الفودكا ولاهلنا فى (Re: بدر الدين الأمير)
|
شايف البوست ده أتقلب لي أنداية، علشان كده الواحد يعمل حسابو، ويجب الالتزام بقوانين وقواعد الانداية.
مثلا لمن تقعد في البمبر لازم تدي ضهرك للحيطة علشان تكون مؤمن ضهرك في حالة اي دوشمان يدور. وكمان لو بقى عندك شوية جنيهات زيادة ممكن ترفع البيرق الابيض.
أها رفع البيرق الابيض ده كلام يجتاج الى شرح طويل ولخبراء.
| |
|
|
|
|
|
|
Re: عندنا جنس برد يشهيك فى الفودكا ولاهلنا فى (Re: بدر الدين الأمير)
|
كبر انت البجيبك شنو بوست ام الكباير بس التعب على كندا البتدى جنسيتها ليك انت البقارى ولصنوك صديقك عربى القطينة بكرى العقاب لاعرفناكم تنصرتو لاعرفناكم تنصلتو وخلينا من حنكوش البقارة العروبى بريمة دينق دا صنضيد الصناضيد فى الخندريس بل هو مرجعية وخبير في مواسم شرابها وانواعها من جنوب السودان الى الخرطوم وامريكا والعراق والكويت وقطر اخر مرة قالى لو اصحابك كبر وبكرى جاين كاس العالم خليهم يكترو ليك فى الفودكا الكندية قال دى تقول للروسية انت شنو قلت له هم مابقصرو ونا مابقصرو بوفر لهم عصيدة الدخن وملاح الويكاب وتقلية بالشرموط الناشف
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|