|
Re: غباء الهندي عزالدين يحرج الجيش (Re: احمد حمودى)
|
الهندي مشكلتو انو ما مارس الصحافة في عهد فيهو حريات ، المشكلة التانية انو عمرو حوالي 50 سنة فلمن صحفي يلقى نفسو حر يكتب العايزو بعدما حصل سن ال50 بكون مشوش كده وامورو ما مظبوطة اسي الزول ده بكل بساطة ممكن الجيش يقبقبو ويقول ليهو جبت الكلام ده من وين الخ الخ وحيخسر وحيكرر الغلطة دي تاني وتالت لحد ما يتفتح فيهو بلاغ ويعرف الله كم. البليد ده متخيل انو خلاص بعد كده ممكن يكتب اي كلام وزول حيسألو مافي ، حريات وكده ، طبعا ما عارف انو الصحفي بستفيد من الحريات في شنو وانها بتمكنو انو يأدي واجبو على اكمل وجه ويتطور كمان .. الاغرب انو في ناس بتشتري جريدتو !
| |
|
|
|
|
|
|
Re: غباء الهندي عزالدين يحرج الجيش (Re: ترهاقا)
|
ارجو من الاخوه المحترمين وكل الكتاب من داخل وخارج الصحافه الالكترونيه ان لايجيبول لينا سيرة هذا المافون المتسلق الذى لايفهم فى السياسه ابجدياتها هذا انسان صنعته صحاة الكيزان الاغبياء الحراميه والسفهاء منهم هو وابوجعبات حسين خوجلى فرجاء لا تذكروا لنا اسم الهندى ولا ابوجعبات فى اى منبر اعلامى فى الثوره الحره
| |
|
|
|
|
|
|
Re: غباء الهندي عزالدين يحرج الجيش (Re: السنجك عثمان)
|
وقبل أن يصبح رئيس زار هذه المعسكرات وكان يلبس قميص عادي بلا ربطة عنق ! كوفي عنان زار هذه المعسكرات وهو يرتدي تي شيرت وجلس أرضاً مع هؤلاء النازحين ! كولن باول زار هذه المعسكرات وهو يرتدي قميص زي قميص حمدوك وكان يقف بجواره مصطفي إسماعيل بكامل هندامه فعلّقت عليه السي إن إن متسائلةً كيف له أن يرتدي هذه الحُلة الفاخره وهو يقف وسط جماهيره الجوعي والمشردين ؟
| |
|
|
|
|
|
|
Re: غباء الهندي عزالدين يحرج الجيش (Re: محمد أبوالعزائم أبوالريش)
|
مرحب عبدالله،
Quote: البليد ده متخيل انو خلاص بعد كده ممكن يكتب اي كلام وزول حيسألو مافي ، حريات وكده ، طبعا |
طيب ما هو من زمان بيكتب العايزه وبيمسح جوخ زي ما عايز ... الشي الما معتاد عليه، إنه في زمن الحريات، كل الآراء بتتنشر وزي ما هو كتب، ممكن غيره يكتب ويقول ليهو إنت غبي ...
الناس ديل نفسهم حيكون قصير ... ما بيقدروا على الرأي والرأي الآخر والصحافة الحرة والأشياء الكانوا بيسمعوا بيها دي.
| |
|
|
|
|
|
|
Re: غباء الهندي عزالدين يحرج الجيش (Re: محمد أبوالعزائم أبوالريش)
|
Quote: ارجو من الاخوه المحترمين وكل الكتاب من داخل وخارج الصحافه الالكترونيه ان لايجيبول لينا سيرة هذا المافون المتسلق |
تعرف يا السنجك، زولك ده في مرة كان شاني هجمة .... هجمة شنو ... أعلن حرب عديل كده على سودانيزأونلاين .... ولفترة كانت خرمجاته البيسميها كتابة، موجهة لي بوردينا ده .... ونكر إنه يكون عنده عضوية ... لما زنقوه، قال عضويته إتلغت .... بكري أبو بكر عنده دغالة بيعرفها براهو ..... قال ليهو: عضويتك قااااعدة مافي زول هبشها ..... طبعاً بعد داك (كبّر اللفة)
| |
|
|
|
|
|
|
Re: غباء الهندي عزالدين يحرج الجيش (Re: الطيب بشير)
|
Quote: فعلّقت عليه السي إن إن متسائلةً كيف له أن يرتدي هذه الحُلة الفاخره وهو يقف وسط جماهيره الجوعي والمشردين ؟ |
يا عبدالله الشيخ ياخ ديل أصلاً ما سمعوا بي (لكل مقامٍ مقال)
بعدين أصلاً ما سأل نفسو ... ليه حمدوك في كل المحافل لابس بدلة وهنا جا بي قميص casual
| |
|
|
|
|
|
|
Re: غباء الهندي عزالدين يحرج الجيش (Re: الطيب بشير)
|
Quote: و إسحاق فضل الله بتاع الغزالة التي تسأله أن يذبحها!! |
والله يا الطيب، إسحق ده رغم الدجل بتاعه والإستهبال والكذب وكل الخصال الكيزانية .... زول ممكن تقول عنده مخ ... لكن الهندي ده ما صرفوا ليهو أصلاً طايوق.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|