لا لرفض الاتفاقية 7+7+1 لا ميد من التفاوض وضيع الوقت لا مبادرات اخري
واللعبة كبيرة ممكن قحت تخسر كثير من الداخل وتكسب الموقف العالمي وممكن ترفض وتخسر الموقف العالمي وممكن تقبل والمجلس يرفض لانو اصلا باني موافقته علي اعتبار رفض قحت عشان يقوي موقفه
اسئلة كثيرة ومزعجة في النهاية لا اثق بالمجلس لكن العالم واقف علي راسو
06-22-2019, 02:24 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
الاسئلة يا دفعة قول وقعوا الاتفاق و اتشكل مجلس سيادي مشترك و الاغلبية مدنية هل يستطيع وزير الاتصالات اصدار قرار باعادة النت القالوا عليها مهدد امن قومي وهل بستطيع تنفيذ قراره، هل يستطيع وزير العدل تشكيل لجنة تحقيق مستقلة وهل تستطيع اللجنة استجواب البرهان وحميدتي وهل تستطيع طلب رفع الحصانه عنهم لتوجيه اتهام؟ هل يستطيع رئيس الوزراء توجيه وزير الدفاع لاصدار امر للدعم السريع للعودة لثكناتها!!! ياخ امر معقد جدا
لكن من ناحية تانية وجود حكومة مدنية مع دعم الشارع الحقيقي ممكن يغير في الاوضاع قليلا قليلا ويعمل على تفكيك الدولة العميقة بجدية فقط يحتاج شفافية ولو تعرضت الحكومة لضغوط داخلية او ابتزازات ما تسكت او تقبلها تعود للشارع في اي لحظة
06-22-2019, 02:38 PM
محمد محمود محمد
محمد محمود محمد
تاريخ التسجيل: 02-04-2013
مجموع المشاركات: 910
تطاول امد التفاوض ؛ في ظل عدم الاستقرار الأمني و الحالة الاقتصادية المتردية يوم بعد يوم ؛ حيؤدي للأحباط و بث اليأس في صفوف الشارع و بالذات الطبقات الضعيفة ؛ ناس رزف اليوم باليوم .. و ديل شريحة ما هينة و مؤثرة جداً .. لابد من استصحاب الواقع ده عند التفكير في أي حلول .. دون التفريط في تضحيات الشباب . أتمنى ألّا نوصل مرحلة مقايضة المجلس الانقلابي للناس بالفوضى و ضنك العيش ؛ مقابل القبول بالمجلس ..برهانه و حميدته . تحياتي صاحب البوست.
06-22-2019, 04:27 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
المكتسبات من اتفاق زي ده هو جو الحرية الممكن يتحقق العام وصحافة وندوات وسياسة بدل الان حتي مجرد ندوة ممكن يفرتقوها ليهم ثلاثة جنجويد شايلين سلاح دم الشهداء ما بتنسي لكن ده طريق مختلف لمن قعدنا نفاوض فيهم كان في الاف الشهداء في دارفور بابادة جماعية واغتصابات وانتهاكات وكل انواع الجرائم ودماءهم برضو ما بتتنسي
النجلس لحد الان ما قال حاجة .. عايز قوي الحرية والتغيير ترفض عشان يكتسب موقف قوي عالميا ويشكل حكومتو لو وافقت قوي الحرية والمجلس رفض تكون خطوة ذكية من قوي الرية والتغيير لو الاتنين وافقو ا مافي ضمانات كثيرة لكن 76 % مجلس تشريعي و7 مجلس سيادي كافية لحدوث تغيير
التغيير الجذري غير متوفرة ادواته وتطويل الموضوع فيهو مشاكل الناس الانفصلت كل يوم من شغلها وعجلة الحياة الواقفة
06-22-2019, 04:37 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
القبول ياتي في باب المناورة السياسية وتحقيق شيئ افضل من لا شيئ
الان السيناريو المتوقع اذا رفضت قوي الحرية والتغيير
المجلس حايشكل حكومة مدنية من احزاب الفكة ويقول للعالم نحن وافقنا لكن قوي الحرية ما وافقت وفي غيرهم ممكن يشكلوا حكومة مدنية ده الكان شغال ليهو حميدتي الفترة الفاتت ومخاطبات ومداورات في كل مكان
06-22-2019, 04:43 PM
ترهاقا
ترهاقا
تاريخ التسجيل: 07-04-2003
مجموع المشاركات: 8463
الاخ جعفر وضيوفه الكرام لا أعتقد إنو حيكون في أي إتفاق وبأي نسبة من العسكريين ولا المدنيين طالما حميدتي موجود والذي لن يقبل بأي حكم إلا برئاسته، يعني مثلا أمس مشوا جماعته المرتزقة واللي كان حيتكلم فيهو عباس مدني في الرياض وحاصروا الجمهور وطلبوا منهم أن يفضوا اللقاء الجماهيري في خمس دقائق، تخيلوا؟ وقالوا إنو التجمهر ده ما قانوني ولازم يكون في تصريح من الدعم السريع والامن والشرط وكل المسميات الامنية حميدتي بيتحرك من واقع إنو الرئيس غصبا عن المجلس العسكري المنبطح مستقبل السودان أصبح قاتم جدا والله غالب
06-22-2019, 05:00 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
طبعا يا ترهاقا التعويل علي طمع حميدتي والصراع الحايخوضو مع المجلس اذا وافقوا الاتنين هو ما حايقبل وهو شغال بجمع في ناسو وبرشح في نفسو ملك وليس ريس موهوم بانو صاحب سمو ملكي ده غير تصفية حسابات كثيرة بدت
عايزين نتسعيد الجيش والشرطة وده جدا مهم مافي حل غير فترة امن وسلام
06-22-2019, 05:01 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
جعفر وضيوفه سلام.. ليه العسكر مصريين علي رئاسة المجلس؟؟ واندفع تمن قدر كم من الشارع في محاولة اسقاطهم او زحزحتهم من موقفهم دا؟؟. سبعة وتامنهم (زولهم). هل العالم ومؤسسايته من ماليه , ديمقراطيه او خلافهم ح تتعامل مع المشهد دا باعتباره مؤقت وتسميه الحاله السودانيه؟؟ وباي ضمانات؟؟ وزراء الانتقاليه ح تكون شنو الضمانات انهم يقدموا في جو غالب عليه الطابع العسكري واطماعه حايمه؟ والشارع هل ح يقبل برئاسه من عسكري؟؟؟ حتي لو سلمنا دا كووووولو ممكن يبقي اذن يجب الوفاء بمطالب الشارع كوووولها الاعلنت بيها قحت العصيان المدني قبل الشروع في ااي مشاركة واولها تفكيك ما يسمي بالدعم السريع ومحاكمة من تورط في المجزرة وجاء اسمه علي لسان الكباشي (حدس ما حدس) علي الاقل لأبداء حسن النوايا. وجود حميدتي في السياده واحتمال تراسها مع مليشيته في الشوارع خدعة في مسلسل اطفال اسمه (الحالة السودانية).
06-22-2019, 05:21 PM
ABUHUSSEIN
ABUHUSSEIN
تاريخ التسجيل: 08-14-2002
مجموع المشاركات: 39330
Quote: أتوقع ان يقدم المجرم تاجر الرقيق حميدتي شروط جديدة تضمن له الهيمنة على المجلس السيادي .
حميدتي ما عندو اي فرصة يقدم اي حاجة عشان كدة سموها اللاءات الثلاثة
لا لرفض الاتفاقية لا مزيد من المفاوضات وضياع الوقت لا مبادرة اخري
خليهو يخت شروط جديدة لمجلسه ونحن نعاين بس وتبقي خطوة ذكية جدا من قوي الحرية مزيد من التعرية لتاجر الرقيق ومجلسه العسكري ولا ينتظرو يوم تلاتين ... يمشوا يفتشوا ليها في روسيا
06-22-2019, 06:16 PM
Gafar Bashir
Gafar Bashir
تاريخ التسجيل: 05-02-2005
مجموع المشاركات: 7220
سلام يا معتصم الموضوع هو لعبة ومناورة سياسية ما اكثر ومشروع تعرية الان موقف قوي الحرية والثورة قوي جدا جدا بدعم عالمي اما تستمر بقوتك وتوضح انو اصلا المجلس العسكري لما كان بتفاوض ما عندو رغبة غير التجهيز لضرب المعارضة لكن لو انت رفضت موقفك والدعم العالمي حايهتز تجاهك ... وده حاليا سندك والا كانوا قتلوا كل يوم مائة ومافي قوة مسلحة تواجهم وخبرنا الجبهة الاسلامية ما بتعترف بيك الا اذا في يدك سلاح
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة