|
Re: منو المرائي دا ؟؟؟؟ (Re: طلحة عبدالله)
|
طبعا يا جماعة الاسمو العطبراوي داك لا يستحق ولا يجب أن يعيره الناس حتى أذن من طين .. دا كلامو عولاق وهترشة ساي ما فيهو ولا جملة مفيدة واحدة .. وعلى العليهو متفلت جدا حتى لتستحي منه البذاءة نفسها .
| |
|
|
|
|
|
|
Re: منو المرائي دا ؟؟؟؟ (Re: طلحة عبدالله)
|
طبعا مشيت فتشت لايف الزول القلتو دا غايتو بس الله يهون, قال مفروض يجيبونا جسم رقابي على المفاوضات, خلي بالك قصة السلطة والبحث عن المناصب لبست قاصرة على الاحزاب وقادتها لوحدهم بالنسبة للعطبرواي فواضح انو زول مسكين وتم استغلاله مرتين من من الباحثين عن اللايكات وعدادات المشاهدة في الاعتصام ومرة من الثورة المضادة لكن اشهد له بالقدرة على النقة و المنضمة فارغها ومليانها لساعات متواصلة دون ان يقف او يتلعثم او ياخد نفس حتى !
| |
|
|
|
|
|
|
Re: منو المرائي دا ؟؟؟؟ (Re: محمد البشرى الخضر)
|
منضمة متواصلة دي ما بتغلب زول البغلب الكلام المفيد .. نوعير السواقي دا أي زول بعرفو .. قوم لف .
بالنسبة لبتاع أنا أنا أنا دا .. عندي خبر بقول انو كوز من قديم الزمان .. وعشان ما تقول لي جيب المصدر بقول ليك قالوا لي واحد في صفحة الاستاذ فيصل محمد صالح ولامن قلت ليهو معقول ؟؟ مع الوش المدهوش داك قال لي اي والله والكلام دا من أهلو ذاتم ( أي أهل بتاع الأنا)\ شفت كيف ؟؟
| |
|
|
|
|
|
|
Re: منو المرائي دا ؟؟؟؟ (Re: احمد الأمين على إدريس)
|
أحمد الأمين سلام دي حقيقة واضحة كشمس الظهيرة وكل من يرى غير ذلك فبصيرته مختلة ولا يملك الحد الأدنى من الفراسة .. الثورة لم يهزمها التعتيم العالمي عليها في بداياتها الأولى ولا تخاذل الجيش في حمايتها ولا تحالفات أصحاب الأجندة مع النظام المعزول وقد نزل من قطارها من نزل وهي ماضية بثبات وصلابة وستورد مواردها بقوة الله .
| |
|
|
|
|
|
|
Re: منو المرائي دا ؟؟؟؟ (Re: طلحة عبدالله)
|
خلًيك من كوووووووول ده !!!! الضيًاب ديل جابو النت وكمان 40 جيجابايت دى من وييين؟ ماشاء الله سرعة صاروخيًة التقول متًصلين من مكتب بيل غييتس .. عينى بارده يالضًى أخوان
| |
|
|
|
|
|
|
Re: منو المرائي دا ؟؟؟؟ (Re: اْسامة اْباّرو)
|
خليك من ديل
في واحد طارح نفسو إنو خبير وشنو كدا ما عارف أستراتيجي
إسمو عصام دكين
قبل أيام أستضافتو قناة الجزيرة عبر الهاتف من الخرطوم بداية مداخلتو شن هجوم كبير على القناة أنها ما قاعدة تستضيفو
يعني صاحبنا من كثر قنوات الثورة المضادة ما عملت ليه رأس وقعر شاف نفسو حاجة كبيرة خلاص وكيف الجزيرة تهملو
طبعاً عجبني سرعة بديهة المذيعة لما قالت ليه نحن مكتبنا في الخرطوم مقفول بأمر سلطة المجلس العسكري
تحيات أستاذ طلحة وضيوف البوست
| |
|
|
|
|
|
|
Re: منو المرائي دا ؟؟؟؟ (Re: محمد علي البصير)
|
سلام يا أسامة هو من ناحية عليهم شبهات فدي أكيدة ما دايرة ليها براهين .. لكن والله أتمنى من كل قلبي أن يعود الجميع إلى حضن الثورة مع التأكيد مرة أخرى أن النزول من قطار الثورة لن يعيق مسيرته القاصدة
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|