|
Re: نائب مدير جهاز الأمن -عليه الطلاق- هو من قا (Re: عمر التاج)
|
دا يقول انا بديت التغيير ومعاها خبطة بالعصاية على الحفاظة و برهان يقول قوش جزء من التغيير و الفريق الاكعب من حميدتي يقول نحنا العملنا التغيير ولولانا ما عارف شنو و حميدتي كمان قصته قصة! ما عرفنا ابونا منو زاتو!! كلهم يقوموا يلفوا التغيير دا من بعد الله الفضل فيه يرجع لسبعين شهيد و كنداكة تزغرد الساعة واحدة و جندي رفض التعليمات أمام بوابة البحرية و انحاز لضميره! ما يملونا فقر وخاصة الكانوا بقتلوا في الناس ويعذبوهم بدم بارد ديل
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: Mohd Ibrahim)
|
حبابك يا خضر
Quote: الكل.ب دا بالذات مفروض يكون في الحبس الإنفرادي |
الراجل ده بالمناسبة من اشرس العناصر الكانت شغالة في الامن ومعروف أنه عسكري جيش ولكن نزعته العدوانية الرهيبة هي الجابتو للامن وجعلت منه نائبا لقوش وهو من يتحمل كل عنف هذه الثورة وفي رقبته كل هذه الدماء التي لم تجف
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: عمر التاج)
|
اخونا عاصم حبابك
Quote: الضعف واضح من كتره الحليفه ولفه الجسد ولسه عصايه الجن دى بتتهز قدام الناس ياخ الناس ديل عليهم جنس جراءه وقوه عين |
الاستقواء بالاهل والعشيرة برضو دليل ضعف وانهزام أغلب الامنجية ديل ما قاعدين يشتغلوا بمجتمعهم وما كانوا بقدموا لمنطقتهم الا البلاء واليوم بعد ما انكشفوا عايزين يتغطوا بالاهل واهل المنطقة ، وكمان يقنعوهم أنهم هم العملوا التغيير الخلاهم يتركوا المناصب ويعودوا كناس عاديين معقولة بس؟
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: عمر التاج)
|
Quote: الراجل ده بالمناسبة من اشرس العناصر الكانت شغالة في الامن ومعروف أنه عسكري جيش ولكن نزعته العدوانية الرهيبة هي الجابتو للامن وجعلت منه نائبا لقوش وهو من يتحمل كل عنف هذه الثورة وفي رقبته كل هذه الدماء التي لم تجف |
عليه يجب اعتقاله و تقديمه لمحاكمة عاجلة اذا كان هذا المجلس صادقاً و كيف يكون هذا المجلس العسكري الفاسد صادقاً وهم من النظام البائد ؟ قوموا الى ثورتكم و ابقو كتار
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: خضر الطيب)
|
هسع إذا وزير الدفاع المخلوع أيضا جا نكر كلامه وقال الزول ده ما قال أي حاجة ، حيكون موقفه شنو قدام الامم المتحدة ...ههههههه....محن والله ، وكل واحد عاوز يعمل نفسه بطل وهو الذي أشعل الثورة واحدث التغيير، ، والشعب السوداني ،صاحب الفضل ،يروح شمار في مرقة
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: خضر الطيب)
|
هسع إذا وزير الدفاع المخلوع أيضا جا نكر كلامه وقال الزول ده ما قال أي حاجة ، حيكون موقفه شنو قدام الامم المتحدة ...ههههههه....محن والله ، وكل واحد عاوز يعمل نفسه بطل وهو الذي أشعل الثورة واحدث التغيير، ، والشعب السوداني ،صاحب الفضل ،يروح شمار في مرقة
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: امتثال عبدالله)
|
Quote: دا يقول انا بديت التغيير ومعاها خبطة بالعصاية على الحفاظة و برهان يقول قوش جزء من التغيير و الفريق الاكعب من حميدتي يقول نحنا العملنا التغيير ولولانا ما عارف شنو و حميدتي كمان قصته قصة! ما عرفنا ابونا منو زاتو!! |
زمااان لمن تكون في حاجة منكورة ومايتلقي ليها اب ولا ام بنقول دي بت... اسه الحمد لله الثورة طلع عندها مجلس آباء وأمهات وطلعت بت لذينا وانا خايف البشير بكره يطلع من كوبر ويقول انا العملت التغيير ولو عصلجت كنت لاسه بكتل فيكم.. الغريبة ناس المجلس العسكري ديل- الفاتوا والقاعدين - قبل الثورة كانوا (جزء) من النظام والان عايزين يقنعونا انهم (كل) التغيير.
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: عمر التاج)
|
Quote: هسع إذا وزير الدفاع المخلوع أيضا جا نكر كلامه وقال الزول ده ما قال أي حاجة ، حيكون موقفه شنو قدام الامم المتحدة |
و الغريبة بحلف بالطلاق عشان نصدقه هههه الشعب ده لما حلفت ليهم في المصحف وقدام بتاع الدستورية داك ما صدقك عايزوا يصدقك بالطلاق؟ خالي الفضل كان جنو طلاق، لما يلاقي زول في الشارع يبادر بقوله ( على الطلاق السلام عليكم) ، يوم جا ماري علينا ونحن شلة صبيان قاعدين في الشارع، وبقي يحاضر فينا: على الطلاق انتو مانافعين، وعلى الطلاق انا لمن كنت قدركم كنت بسوي شنو داك). وانا كلما اسمع كلمة طلاق بعمل شخيط في الأرض قدامي، وفجأة انتبه لي وقال لي( ده شنو يا جنا البتشخبط فيهو ده؟)، قلت ليهو ديل عدد حلفاتك بالطلاق وتمن ٩٩ طلاق، عليك الله يا خالي كان ما تميتهن مية. نظر لي نظرة غضب وضرب بعصاه الارض وقال لي:( على الطلاق ما اتمهن) ، ثم انصرف. الشاهد انه البشير يطلق، وجلال يطلق، والزول الكان بحب البشير داك يطلق، ونحن نشيل ونصدق.
| |
|
|
|
|
|
|
Re: نائب مدير جهاز الأمن -عليه الطلاق- هو من قا (Re: عمر التاج)
|
ومثال اخر لحليفتهم ذلك التابعي صاحب الفيديو المشهور الراجل حلف طلاق زي خمسين مرة في ثلاثة دقائق واقسم بزوجته الماعزيزة انو ماحايخلي أسد أفريقيا يسقط قال الراوي: الرجل بعد سقوط البشير رجع لامرأته عادي وعايش معاها في تبات ونبات لاعقد ولا زواج جديد.
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|