|
Re: الرفيق العزيز مرتضى جعفر ... طال غيابكم (Re: Abdelfatah Saeed Arman)
|
يا زول
الزول ده قاعد
وظاهر بما يفيد متابعته
لما يجري هنا ...
وعلي العموم الناس زهجانة
ومعظمهم عندو طمام بطن
من هذا الذي أسميته كعنوان لكتابة
هجائية طويلة قاسية اللغة :
( شقاوة جلد العجيل الوقع فيهن )
وسنوردها إنشاء الله أو البلد ممحوقة الزمن
ها هنا يوما ما لا أخاله بعيدا دفاعا عن حزب
وثورة ووطن من خيانات آل تجديد وثقافة ثقافة .
وأخونا مرتضي - له التحية - جميل حتي غضبه
بلغه أشواقي ورغبتي في قعدة طويلة معاهو ..
سفر أو أبوجفين أو أبوعبيدة
فتاح : -----
عندي إجازة إسبوع مايلني في [email protected] عشان ننسق لي جية بي هناك .
أبوعبيدة
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Abdelfatah Saeed Arman)
|
*************
فتاح ازييك شديد وكتير !!
انا قبلك كل يوم كنت بسال نفس السؤال ..........
واول حاجة بعملها لما ادخل البورد هى البحث عن المناضل
مرتضى ......... ارسلت له رسالة عبر صديق اتمنى ان تكون
وصلت !!! عبرك اجمل التحايا لمرتضى وبنقول ليه افتقدناك.فعلا...........
فتاح ..!!وانت برضو وينك؟؟؟؟؟ رسلت ليك رسالة لكن عامل اسمك
الطويل دا بتجينى راجعة ............ كيفك ؟؟؟؟؟؟؟؟؟؟
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: خالد العبيد)
|
الكريم سليل الأكارم فتاح عرمان
لك معزتي و محبتي و إمتناني الكبير لمجرد السؤال عني، أنا كما قال ود أبوجفين -سآتي للرد عليه منفردا-متابع برضو، لكن برضو شوية مشغوليات، و كمان أنا دائما في حوار مع سامية و الباقر عثمان و حامد بدوي و عشة بت فاطنة و آخرين حول إنو البورد ده تدهور و أصبحت المسألة فيو فاكة و البوستات الجميلة قليلة يعني بالمختصر المفيد طارد، لكن كل الذين ناقشتهم وجدت عندهم راي بإنو الإبتعاد إعلان هزيمة و نجاح لمخطط من يستهدف تخريب البورد، لذلك يجب أن نتواجد مع مطالبة لأمين الموقع بضرورة عمل حاجة تعيد للبورد وقاره و يا بكري البوردات بقت كتيرة، لكن سودانيزآونلاين ليو موقع في نفوسنا و كسبنا منو كتير عشان كده دايرين نستمر فيو و بي شوق نجيو
فتاح أشكر لك إتصالك الهاتفي الوالدة بخير بس أنا بحكم إني الولد الحتالة خائف حبتين، قول معاي أمنياتنا لها بالصحة و العافية لإن نفسي في ملوخية كتيرة من يدها.
تحياتي لهيثم و ماجد و كل من معك
مرتضى جعفر
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Murtada Gafar)
|
العزيزة الأستاذ هالة
الزول الكلفتيهو يبلغني الرسالة ما قصر طوالي من قفل منك الخط إتصل علي، و ما بيقصر هو طوالي متابع معاي أمس كنا بنتكلم مع بعض. تشكري يا استاذة على السؤال و متابع أخباركم مزيد من النجاح و الإدهاش، فهكذا تتحرك البرك الساكنة و عشمنا فيكم كبير بس يلا شدي الحيل.
مرتضى جعفر
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Murtada Gafar)
|
تماضر
تحياتي ليك إنتي يا تماضر و سعيد أنا البتسأل عني إنتي، تعرفي يا تماضر لمان جيتي عندنا هنا كنت مشتاق أتونس معاك و أحكي ليك عن تبارك شيخ الدين و عشة شيخ الدين و اسألك عنهم و عن أخبارهم لكن كنت بتونس معاك من خلال ونسة الناس الكانت حولك معاك، و كنت مقدر زحمة برنامجك لكن كفاية علينا المرة ديك الشوفا لكن الجايات حتكون فيهم الونسات أرحب، بعدين تعرفي يا تماضر أنا عندي قناعة زي حقت الهنود إنو البلد بتاعتنا دي عندها آباء زي الأستاذ محمود و أمهات زي ناس خالدة زاهر و حاجة كاشف بدري و معاك إكتشفتا إنو عندها أخوات بس عشان نمرق من الحرج بتاع الراجل القال ليك و إنتي في مسرح الجالية السودانية إنو سنة ستين زار بربر لمن كان الأستاذ شيخ الدين جبريل ناظر المدرسة و ناس تماضر ديل كانوا صغار الوقت داك، عشان نطلع من الحرج الزي ده فأنت من أخوات الشعب السوداني يا حبيبة
بالمناسبة أمي كويسة بس لايماك و قالت تماضر دي ما جاتنا ليه، سامية و طالع قالوا السلام آمانة
مرتضى جعفر
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Abdelfatah Saeed Arman)
|
اخى العربى او ابو جفين او او كيفما اتفق
لم اكن اعلم بوجده هنا ... وصدقت انو الناس زهجانة وفى طمام لانى واحد مثلهم ... واتصلت به للسؤال عنه فوجده انو والدته والدتنا مريضة واتمنى لها من صميم قلبى الشفاء وسوف اتصل عليك للتنسيق لجيته طال انتظارها
وشغف انا لرؤية جلد العجيل
ولك المحبة كل الود فتاح
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Abdelfatah Saeed Arman)
|
القيادية هميمة لكم كبرت نعالى ( جزمتى) من الفرح لانو لاول مرة فى افريقيا يتم اختيار امراة لقيادة حزب ويرتضى اخواننا الذكور ان تقودهم امراة فلك ولهم التجلة و المحبة. اما الاسم فحظنا فى الدنيا كالطير كما يقول عالى الهامة مظفر النواب ... فقلنا نكبر الاسم ! واذا حادحسدينى فيه حا صغروا عشانك وعشان ما تزعلى وعشان ياسمحة الخ!!!
للمراسلة هذا الميل
[email protected] كده تمام ... هده اميل صغير وما محير
كل الود فتاح
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Abdelfatah Saeed Arman)
|
العزيز مرتضى الاتصال بك هذا اقل ما يجب ولا يقاس ما تقدمه للاخرين... وقلبى معك لاننا فى نفس القارب ( انت حتالة وانا) يعنى اشعر بما تشعر به ... اتمنى لوالدتنا عاجل الشفاء ونجاح العملية.
وناكل الملوخية(الخردة) من يديها معأ... ولك ولها الحب
واتمنى رؤية كتاباتك مجددا ( لانو لو دخل فار بيتك ما بتسيبو وتمشى وبامكانك التعايش معه هذا اذا استحال طرده من البيت) وكما يقول المثل السودانى: السودانى صبر على الجبهة الاسلاموية و الروسى صبر على استالين.!
كل الود فتاح
| |
|
|
|
|
|
|
Re: الرفيق العزيز مرتضى جعفر ... طال غيابكم (Re: Murtada Gafar)
|
سلامات يا مُرْ
Quote: الوالدة بخير بس أنا بحكم إني الولد الحتالة خائف حبتين، قول معاي أمنياتنا لها بالصحة و العافية لإن نفسي في ملوخية كتيرة من يدها. |
وألف سلامة للوالدة وألف تحية للخالة سلوى.
بالمناسبة: ناس الضرايب ديل غديتوهم آجماعة؟!
آآآخ ياخ
| |
|
|
|
|
|
|
|