|
طرفة حساب بين كيزان
|
بعد التمكين الانقاذى الجماعة قعدوا يضروا عيشم ووزعوا ممتلكات الدولة الوزارة بتاعت واحد والمؤسسة ملك التانى البترول حق الجاز والعاصمة وشركاتها للمتعافى وشركة المهاجر لتاج الدين المهدى اها بالعقلية دى سمعت حكاية طريفة عن حساب الكوار الكيزانى ناس الكهرباء وطبعا بقيادة كوز بعد ما مصو دم المواطن وطلعوا الجمرة الخبيثة دايرين قروش زيادة مشوا لناس محافظة الخرطوم وطلبوا رسوم على الاضاءة فى الشوارع ناس المحافظة ما ساهلين ما كيزان (وابو القدح بيعرف وين يعضى فردتو) قالوا ليهم خلاص نحنا بندفع حق الكهرباء لكن انتو كمان تدفعوا ايجار الارض الغازين فيها العوامد اها ديك اتخلعوا ويا شيخنا ويا شيخنا الموضوع دا خلاص ما فى داعى ليهو
وتقول لى كمان اليهود تجار
|
|
|
|
|
|
|
|
Re: طرفة حساب بين كيزان (Re: othman mohmmadien)
|
العزيز / محمد سيد احمد .. التحايى والتقدير ..
Quote: قالوا ليهم خلاص نحنا بندفع حق الكهرباء لكن انتو كمان تدفعوا ايجار الارض الغازين فيها العوامد |
اها واحنا ديل البخارجنا شنو ؟؟؟؟؟؟؟؟؟؟؟؟؟؟؟؟؟
فتك بعافية
| |
|
|
|
|
|
|
رد (Re: mohmmed said ahmed)
|
الاخ عثملن الكوز بعد ما يسف وياكل مال الحرام لازم يغطى الموضوع بمسحة من التدين الزايف يعنى ايات قرانية تكتب وحجة حجتين كدا وياشيخنا استغفر
عزيزى على البخارجنا ما عندنا وناقصنا ذكاء الشياطين
خالد ديل فاتوا ناس الهيلاهوب فى الحرفنة والكوميديا
| |
|
|
|
|
|
|
Re: رد (Re: mohmmed said ahmed)
|
الأخ محمد سيد احمد ياخى ديل حتى مساجد الله عايزين المصلين يدفعوا قروش الجمرة الخبيثة ولا تصدق الكلام اليقولوا فيه انه رئاسة الجمهورية ستلتزم بدفع فواتير الجمرة الخبيثة..كذب فى كذب فى استهبال فى ضحك على دقون الشعب..ولا ارى فى الأمر عجب .. مع تحياتى
| |
|
|
|
|
|
|
|