أغنية للسلام بالطمبور رهيبة (سوقنى معاك يا حمام) محمد النصرى

مرحبا Guest
اخر زيارك لك: 06-10-2024, 01:19 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الأول للعام 2006م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
03-29-2006, 01:59 AM

yasiko
<ayasiko
تاريخ التسجيل: 02-05-2002
مجموع المشاركات: 2906

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أغنية للسلام بالطمبور رهيبة (سوقنى معاك يا حمام) محمد النصرى (Re: يازولyazoalيازول)

    Thank you

    سوقنى معاك ياحمام
    كلمات محمد الحسن حسن سالم حميد
    غناء محمد النصري


    سوقنى معاك يا حمام
    سوقني محل ما الحبيبة
    قريبة تراعي الغرام
    غريبة الأشواق حبيبة
    يجيبا منام في منام
    ... ...
    سوقني محل ماالمحنة
    وأيادي تقطر سلام
    سماحة الحيا فوق أهلنا
    وبلادي تقرقر وئام
    ... ...
    غلابا وأمان مو الطيابا
    ضكارى بصارى وكرام
    حباب الحبان في بابا
    وتدخلوا عليّ الحرام
    فقارى ولكن غنايا
    غنايا بهذا الغمام
    بهذا النيل كم تغايا
    وتيرابا نرميهو قام
    ... ...
    إرادة القمره البتقدر
    براها تضوي الضلام
    شعاع شمشاً ياما خدّر
    وإذا يبَّس لان وقام
    ... ...
    فيابا خرابا الحرابة
    وخرابة فكر سوسي سام
    خرابة الكل نفسو تأبى
    عقابا .. تلِم عم سام
    ... ...
    ولِيد مخلوق للقراية
    خزين مدخور للجِسام
    تتمر نيتو التخاية
    إلاما مذهلل إلام
    درب من دم ماب يودي
    حرِب سُبّه .. حرب حرام
    تشيل وتشيل مابِ تدِّي
    عُقب آخرتا إنهزام
    ... ...
    بطانة الشيطان قديمِة
    وبعد دا منو العرشو دام
    إذا الإنسان ما ليهُ قيمِة
    علي إيش خلَّفُو سام وحام
    ... ...
    تعالوا الدم ما هو مويةِ
    ولا ها ترايي المسام
    خباري بحمر في أخويا
    وطراوة الخوة إبتسام
    ... ...
    تعالوا نحانن بعضنا
    نخل قلبو على التُمام
    نبضنا يشهل أرضنا
    وأرضنا تجِم العضام
    ... ...
    تعالوا بدل نبني ساتر
    نخيب ظن الصدام
    نطَّيب للعازه خاطر
    نقوم لأطفالا سام
    ... ...
    أخير كرّاكةً بتفتح
    حفير وتراقد الركام
    أم الدبابة البتكشح
    سعير الموت الزؤام
    ... ...
    تعال لي غابتك يا خيرا
    تعال لها يا أسدا الهمام
    بدل دوشكة يغني طيره
    محل قنبلة عش نعام
    ... ...
    بلد صمَّي وشعب واحد
    عصية على الإنقسام
    أبيه وبكراها واعد
    صبية ومشهادا تام
    ... ...
    بساط أحمدي كم يشيلنا
    وتشهِّلنا على الدوام
    نَقِل ليلنا تقوِّي حيلنا
    ودليلنا تمام التمام
    ... ...
    نلقّم سقف المتاهة
    نجم هدّاي في الضلام
    ونطعِّم حرف النزاهة
    لإيئلافك يا حمام
    ... ...
    ديموقراطية وأمان
    سوا .. سوا عالين مقام
    مواريثنا المن زمان
    محصَّنة في أروع نظام
    ... ...
    بريدك يا زول بريدك
    بعشقك حتّى الهيام
    أريحيتك عد تزيدك
    مهابة وليك القيام
    ... ...
    عهدي معاك يا حمام
    حبِيْب الرُسل الكرام
    رسول الأمراء العظام
    عصامي على ما يرام
    ... ...
    ماب تهدِل في خنادق
    ولا ب تقدِل فوق حطام
    ولا ب تنزل في فنادق
    وسطنا مراعيك قُدام
    ... ...
    فيا ملدوغ من أديس
    معوَّق في كوكدام
    تعال عمِّر فينا ميس
    كفانا طشيش الكلام
    جناحيك جنوب شمال
    وأمش طوِّف يا حمام
    محِل غصن العزّة مال
    عليك وعليهُو السلام
    حكيم الطير يا مهبِّر
    شُراكة القَتَلة اللئام
    متين بإسم الحق تكبِّر
    وبالرحمة تصلِّي إمام
    ... ...
    فلاحة العالم تعمر
    محبّة مودة ووئام
    تشمِّر ساعد السلام
    ... ...
    سوقني زمن كُلُّو عافي
    نتاجو عِلم خيرو عام
    بري آيمة من المنافي
    وطن وافي على الدوام


    (عدل بواسطة yasiko on 03-29-2006, 05:30 PM)
    (عدل بواسطة yasiko on 03-29-2006, 05:33 PM)
                  

العنوان الكاتب Date
أغنية للسلام بالطمبور رهيبة (سوقنى معاك يا حمام) محمد النصرى يازولyazoalيازول03-26-06, 09:37 AM
  Re: أغنية للسلام بالطمبور رهيبة (سوقنى معاك يا حمام) محمد النصرى محمد السر03-26-06, 05:25 PM
    Re: أغنية للسلام بالطمبور رهيبة (سوقنى معاك يا حمام) محمد النصرى يازولyazoalيازول03-27-06, 04:05 AM
      Re: أغنية للسلام بالطمبور رهيبة (سوقنى معاك يا حمام) محمد النصرى يازولyazoalيازول03-27-06, 04:21 AM
  Re: أغنية للسلام بالطمبور رهيبة (سوقنى معاك يا حمام) محمد النصرى كبسيبة03-27-06, 04:35 AM
    Re: أغنية للسلام بالطمبور رهيبة (سوقنى معاك يا حمام) محمد النصرى يازولyazoalيازول03-27-06, 04:37 AM
  Re: أغنية للسلام بالطمبور رهيبة (سوقنى معاك يا حمام) محمد النصرى yasiko03-29-06, 01:59 AM
    Re: أغنية للسلام بالطمبور رهيبة (سوقنى معاك يا حمام) محمد النصرى يازولyazoalيازول03-29-06, 02:03 AM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de