|
شمارات مشاكل نفى تنضيف استهبال ديمقراطيه تلفيق اى حاجه
|
انا الموقع ادناه افتح هذا البوست لكل من عندو شمار مشكله أوداير ينفى ليه حاجه مثلا عندك مشكله معى زول بدل تبوظ على الناس التانين البوست وتطلعو من مسارو تعال هنا اكتب الحاجه الموجعاك وفى مداخلتك ماعليك الا وضع لنك اى وصله من هنا وبذلك تكون قلت الفى نفسك بدون ماتبوظ البوست وكمان كان خجلان من الزول أو ما داير تخسر لسانك فوقو وفى نفس الوكت ما داير تكتما فى حنانك ما عليك الا تخت وصله من هنا بدون لا تحتوى على شى الحاجه التانيه حى يكون البوست دا كومدى يعنى ما جاد وبالله أختو لينا فيه الفلسفه لكن برضو بنقبل النكت الحلوه الحاجه التالته أى زول يخت كلام ما بشبهو حسب رؤيتى الشخصيه بنقلو هنا وبكلم كاتبو انو انت اكبر من كدا والكلام دا ما بشبهك برضو حيكون فيهو تنبؤ بالمشاكل تحت التشييد يعنى كان فى اتنين متناقرين او زول مبارى بوستات زول تانى حنكشفو هنا عشان لمن المشكله تقع نكون زى البيبل مقزين برضو الداير يعتزر لى زول مافى مانع نجيبو ليهو هنا ونخش واسطه بيناتم لكن بعد دا كلو صاحب البوست له الحق فى طرد أى عضو يتفوه بالقاب أبذأ من اللازم اللهم الا ان تكون منقوله من بوست تانىبرضو كان اى زول مكسر فى كتابات أو صورة اى زول/ة يمكنه البوح هنا ويمكننا مساعدته يمنع منعا باتا أخذ المواضيع بحساسيه أو جديه لصاحب البوست فقط الحق فى تكذيب او تصديق اى موضوع كما يملك نفس الحق القراء فى تصديق او تكذيب ما يأتى به صاحب البوست لكن لا أحد يملك الحق فى مطالبة صاحب البوست او احد المتداخلين بالاتيان باى دليل على ما انزله لصاحب البوست الحق فى تعديل او حذف او اضافه اى بند لهذه البنود فى اى وكت والماعاجبو يحلق حواجبو
|
|
|
|
|
|
|
|
Re: شمارات مشاكل نفى تنضيف استهبال ديمقراطيه تلفيق اى حاجه (Re: WAD ELGAALI#4)
|
ده كلام من أمنه مختار موجه لى معتصم الطاهر عن عثمان محمد صالح الQuote: الأخ معتصم الطاهر..
حاشا لله أن أبخس الناس
أشياءهم ..يعلم الله ليس طبعى
ولا تربيتى تسمح بذلك
فالظلم من الشيطان..
وكنت واحدة من المعجبين
بقطع عثمان محمد صالح الرائعة
ولا أزال.. |
نداء موجه لاخونا عثمان هل قرأت هذا الكلام ووضعته فى الاعتبار
| |
|
|
|
|
|
|
Re: شمارات مشاكل نفى تنضيف استهبال ديمقراطيه تلفيق اى حاجه (Re: WAD ELGAALI#4)
|
Quote: وما تخاف يا استاذ
لو حبيت اغيرزوجي ما بلجأ لمكان مثل البورد
الذي للاسف جمعني مع من هم على شاكلتك
لاروج لنفسي!!!!!!
سامع يا حيوان.
و يجي يقول لي اعتذري لهذا الحيوان.
ستك تراجي. |
الكلام دا شايلو دكين ومطارد بيهو تراجى من بوست لى بوست دكين وعرفناه كلما اخبرنا عن نفسه انو زول اى كلام لكن يا استاذه تراجى ألا ترين انك عممتى وشملتى اناس يحترمونك
| |
|
|
|
|
|
|
Re: شمارات مشاكل نفى تنضيف استهبال ديمقراطيه تلفيق اى حاجه (Re: WAD ELGAALI#4)
|
انا طبعا زول مطلع جدا ومسقف سقافه عاليه لكن برضو زول فضولى لا يمكننى تفويت اى شمار مهما كان بارد سمعت قالو فى اليومين الفاتو والجايين ناس المؤتمر الشعبى يعدون العده لتبويظ القمه العربيه ويستغلون بعض معاونيهم فى بعض البلاد العربيه التى أكد رؤسائها الحضورفى ايصال تهديدات بعدم ضمان سلامة المشاركين فى القمه ويعزون ذلك لانشقاقات وخلافات بين القصر والجهاز التشريعى وجهاز الامن و من الناس المترددين من الحضور الريس اللبنانى والناس الكنصلو الاردنى يا محمد جمعه الكلام دا صحيح
| |
|
|
|
|
|
|
Re: شمارات مشاكل نفى تنضيف استهبال ديمقراطيه تلفيق اى حاجه (Re: salamat)
|
سلامات ازيك انت فى الطلح الولع والله قصة الدكتور الكبير الحيفجر قنبله موقوته حيث روت لى بعض الاخوات ان احد كبار الدكاتره فى البلد يطلب من احداهن ان تطلب الطلاق عندما شكت له ضيق افق زوجها وغيرته الشديده ومتابعة ايميلات الاعجاب من بعضهم المهم الدكتور الكبير قاليها بالحرف دايرا بيهو شنو والله تطلقيهو بكره تعرسى سيدو لكن البنيه ما متأكده منو سيدو دا وهسى هى فى حيره لكن كما أبدت مخاوفها خايفه تابها مملحة تفتشلها قروض
| |
|
|
|
|
|
|
Re: شمارات مشاكل نفى تنضيف استهبال ديمقراطيه تلفيق اى حاجه (Re: WAD ELGAALI#4)
|
25-03-2006, 02:23 م
Adil Osman
.
تاريخ التسجيل: 27-07-2002 مجموع المشاركات: 2388 Re: آمنة مختار.. رؤية وصفية تحليلية لما حدث (Re: DKEEN)
فى التحليل النهائى: ما بين امنة مختار ودكين ليس كراهية. او خلاف سياسى او ايديولوجى. ما بينهما شئ يشبه الحب ولكنه يتلبس لبوس الكراهية. لا ليس الكراهية. الكراهية كلمة غير مناسبة. ما بينهما فيه تنافس مشوب بالحب. زى الطردة. تعرفوا الطردة والمشاعر الملتبسة بينهما؟ ربما كانا يعبران عن رغبة خفية وحسرة اسيفة انهما لم يدرسا فى مدرسة مختلطة. لم يتشاركا الفصل او الدرج او الدولاب فى حصة الرياضة!
Quote: دكين يحب امنة وامنة تحب دكين او على الاقل لا تكرهه.. |
| |
|
|
|
|
|
|
|