|
Re: شروحات حال النساء (Re: DKEEN)
|
.. . دكين اللميع زرتنى فشوهت على بعض بوستاتى المقدسة وهانذا ارد اليك الزيارة .. .. . دعنى انقل بعض مما وضعته فى العراء هنا..
Quote: تبلدينا
من المؤكد ان النشأة كانت وسط حريم.. اراك فاتذكر بوافر الصبر نورة بت الامين.. كانت تجيد الغمز والمطاعنات..
ماعندي مشكلة اتقبل منك جميع ما لديك.. واعلم انك ما بتسويها كماالرجال وتختها لي في وشي .. معذور ..فالجية بي ضهر الدرب الوراني حركات نسوة تلوت الليل..
ومعليش انا ما كنتا عارف انو عيد المرة يوم 8 مارس.. وشايفك حافظو وعارف تاريخو.. اهو كل زول بختار طريقو..وبعرف اعيادو.. |
Quote: تبلدينا من المؤكد ان النشأة كانت وسط حريم.. |
وأنت الصادق .. 3 تستحى الشمس من شوفتن فى شروقها لقد كن 4 ( انتقلت احداهن لرحمه الله وهى السنة ثالثة الجامعية) ( بالله شيل ليها الفاتحة وربنا يتغمدها بواسع رحمته) عارف ديل كانن لمن يسمعن حركتى وانا داخل بجن بجارن - حباً وإحتراماً- الشايلة العصير والبتنفض السرير والبتدخل تجهز الغداء والله انا كن جيت مسافر يبكن وكن جيت من سفر يبكن وانا بكتب ليك الكلام دا بتذكرن عايز ابكي عاد شنو ما اتربيت فى وسطن (الحريم ديل) اتعلمت احترمن .. وأنصحن .. واسمع شكواهن.. بقرأ حتى جوابات المكسرين فيهم آها دى انت بتسميها شنوفى قاموسك البذئ !!؟ ( قاموس دوضحوية للبذاءة والاساءة النسوية) انا غايتو بسميعها صراحة وثقة .. وحاجات كتيرة .. والله لمن اتقدموا ليهم اولاد الحلال تصدق يا ديكو كنت بينى وبين نفسي ما عايز الزواج يتم لانى بالجد كنت حاسس حافقدن ودا الحصل !!؟ فاقد ونستن .. مشاغلاتن .. لمة غداهن .. نظافة غسيلن ومكوتن لهدومى ضجة البيت بوجودن .. لمعان الستاير فى غرفن..رشة الحوش فى مسائن وتتصور قمة الماساة كانت اننى لمن اتمكن من حضور زواج اثنين منهن كنت مثلك تحت امرة ( الكفيل ) وبطاقة آل سعود الخضراء. عارف يا دكين شاينغ .. اكتشفت انك عندك انفصال شخصية حب النجومية والأضـواء وحب الظهور و( حبيب روحى ابولمعة) اتلمع لكن ما علينا .. باقلا الكلام فى الخور
Quote: اراك فاتذكر بوافر الصبر نورة بت الامين.. كانت تجيد الغمز والمطاعنات.. |
نورا خيت الغلابة تدى للجيعان لقيمة وتدى للعطشان جغيمة وتكسي فى الماشين عرايا وفوقها يتقطع هديمه ما عرفتن نورا انتن شـّن عرفتن هي ..
دى (نورا) السودانية الأصيلة الانا بعرفها لكن نوره بت الأمين دى بتعرفها انتَ دورها كبيرا فى التأثير عليكـ لانها علمتك القوالة والسواطه..عبر كل الوسائل المتاحة فى ظل ثورة التكنلوجيا..
Quote: ماعندي مشكلة اتقبل منك جميع ما لديك.. واعلم انك ما بتسويها كماالرجال وتختها لي في وشي .. معذور ..فالجية بي ضهر الدرب الوراني حركات نسوة تلوت الليل.. |
عاد أختها كيف أكتر من كدا.. فى حب ياخوانا زى كدا.. عارف مشكلتك شنو!! انا الوحيد الختيتها وبختها ليك ظاهرة..
أنا الشــوكـ المشَربكـ فى الحَلِق أنا الصاقعة السـَبَق صوتا البرق أنا النايب الجعيص الما بتقيسو وبتلحق أنا الغيظ البياكل فى قليب المابي (كلامي) وبتحرق
أرهابك ما لفق معاي .. ودا المجننك ومطلع زيتك. ناس ارهبتهم عديل وواحدين قالو ما بتنهبش جلدك مّر (لكن على منو) وناس صاروا مطبلاتية فى مهرجاناتك وزفاتك البذيئة وبعد دا يا ود أنيسة أنا اتقبلت الفاظ البذيئة ولا زلت وسافعل مياهو كلام وفى الاخر بشيلو الهواء .. لكن الرجال مواقف .. وانت موقفكـ بائن مهما حاولت التبرير وممارسة المداهنة فى الخفاء وشتمهن فى العراء.
Quote: ومعليش انا ما كنتا عارف انو عيد المرة يوم 8 مارس.. وشايفك حافظو وعارف تاريخو.. اهو كل زول بختار طريقو..وبعرف اعيادو |
لانو عيد النسوان امى واخواتى وحبيباتى وقريباتى .. انت كمان ما تنساهو ..طيب عشان تتعلم تحترمن وكمان تحترم اخوك الكبير
___ دكين إستار الصعلكة ما كدا.. ربنا يشفيك من جنون العظمة
|
|
|
|
|
|
|
العنوان |
الكاتب |
Date |
شروحات حال النساء | DKEEN | 03-23-06, 07:59 AM |
Re: شروحات حال النساء | هضيبي علي سعيد | 03-23-06, 10:16 AM |
Re: شروحات حال النساء | Salwa Seyam | 03-23-06, 10:43 AM |
Re: شروحات حال النساء | Tabaldina | 03-23-06, 11:07 AM |
Re: شروحات حال النساء | Osman M Salih | 03-23-06, 12:01 PM |
Re: شروحات حال النساء | Osman M Salih | 03-23-06, 02:27 PM |
Re: شروحات حال النساء | AMNA MUKHTAR | 03-23-06, 03:27 PM |
Re: شروحات حال النساء | Osman M Salih | 03-23-06, 03:41 PM |
Re: شروحات حال النساء | Osman M Salih | 03-23-06, 03:46 PM |
Re: شروحات حال النساء | Osman M Salih | 03-23-06, 04:03 PM |
Re: شروحات حال النساء | AMNA MUKHTAR | 03-23-06, 11:45 PM |
Re: شروحات حال النساء | Osman M Salih | 03-24-06, 01:02 AM |
Re: شروحات حال النساء | saadeldin abdelrahman | 03-24-06, 00:45 AM |
Re: شروحات حال النساء | Kostawi | 03-24-06, 01:07 AM |
Re: شروحات حال النساء | Osman M Salih | 03-24-06, 01:15 AM |
Re: شروحات حال النساء | Osman M Salih | 03-24-06, 01:21 AM |
Re: شروحات حال النساء | Osman M Salih | 03-24-06, 01:29 AM |
Re: شروحات حال النساء | وجن | 03-24-06, 12:25 PM |
|
|
|