|
|
 Re: لماذا تنتهك حرمة عوض دكام؟! (Re: أحمد علاء الدين)
|
يا ابوي يا السني ..
يا السني طمني ...
الأغنية من الأغاني الهابطة القديمة والسني المعني هو الشيخ السني في مدينة ود مدني والبعض ينسبها لدكتور السني !!!
ابونا الصايم ديمة ..
مرضي ما مرض عزيمة ..
كان بمشي وبجينا بي شوفتوا تبقى سليمة ..
والشيخ الصايم ديمة هو العارف بالله والأغنية من الهابط ...
يعني يا اخونا احمد علاء الدين الموضوع ما جديد والتغني بي أسماء المشاهير في الأغاني الهابطة أو ما يسمى بأغاني البنات يعني الحكاية ما جديدة ..
يبقى الهجوم على الفنان ليس له أي مبرر ويمكن الحديث بي صورة عامة عن الأغاني الهابطة وليس أغنية بعينها ..
أغنية عوض دكام ما فيها أي إساءة لي المرحوم عوض دكام بل فيها شكوى حال للراحل المقيم المهتم بي الفن وبي الدارجي كده يعني يا دكام تعال شوف البلد بعدك بقت كيف ؟؟؟
أما مقولة " كلام يا عوض دكام " فهي ليست جديدة والناس بتقولا من سنة أسكت وأي زول حابب يشاغل ليهو زول مثلاً لقاهو بيقول ليهو في كلام كبااااااااار كباااااار وحق مثقفاتية أو لابس ليهو لبسة جديدة الناس بتقول ليهو " كلام يا عوض دكام " !!!!!!!!!
يعني بي صراحة كده انا أحس إنو موضوع الكاتب يفتقر للموضوعية وهو حديث مكرر تناوله أكثر من كاتب في زمن لا نعرف ماذا نكتب في أعمدتنا اليومية !!!!!!!!!!!
سنتر الخرطوم ..يا عوض دكام ..
السهر بي الكوم .. يا عوض دكام ..
إشتهينا النوم .. يا عوض دكام ..
شوفوا دنيتنا وكلو حاجة تمام ..
وكلاااااااااااااااااااااااااام يا عوض دكام ..
|
|
 
|
|
|
|
|
| |
عمر الفاروق
فيس بوك
تويتر
انستقرام
يوتيوب
بنتيريست