|
|
 فــاروق كــدودة : ايوه شيوعى وعندى عمارتين المشكلة شنو ؟
|
ونسة مع شيوعى واضح جدا
د. فاروق كدودة : ايوه أنا شيوعى وعندى عمارتين شنو المشكلة ؟
الترابى مكار ونقد مفروض يتنحى والصادق المهدى ما بنفع رئيس جمهورية تانى !!
توقفت بنا عربة الصحافة امام بيت فخم وجدناه ينتظرنا فى مدخل الشارع يرتدى جلابية بيضاء وينتعل سفنجة وفى
يده بقية سجارة رماها ومد يده بالمصافحة وابتسامة مريحة كذلك .. دخلنا فاذا البيت الفخم قصر يجمع الى الفخامة اناقة ... سألنا هو : انا قلت ليكم عازمكم شنو ؟ فأجابت صباح: شاى وذهب لأحضاره وهمست لى صباح : حيعملوا براهو .. كانت صباح قد امدتنى بكثير من المعلومات حول ضيفى وساهمت كثيرا هى فى ان تكون هذه الونسة امامكم الآن ..تحدثنا قبل ان ادير جهاز التسجيل عن الجو وانفلونزا الطيور وبدأت معه بسؤال بايخ:
*الحقيقة وانا جاى وفى ذهنى انك احد منسوبى الحزب الشيوعى وواحد من قياداته ودة حزب المفروض انه مهتم بالفقراء فاذا بى امام قصر وانت شغال فى مؤسسة تعليمية الطالب فيها بيقرأ بالملايين وانت بتصرف برضو ملايين ... مش لى حق اشعر بتناقض فى حالتك دى؟
0( بعد لحظات صمت):انا عمرى ستين سنة وانا ما داير اقول انو انا زول ذكى وكدة لكن لا ينقصنى التفكير السوى ولازم اكون اختزنت تجربة وشوية معارف وعلاقات تخلينى احلحل مشاكل اساسية ومشكلة السكن (الضل) مشكل اساسى .. وفى الحقيقة دة ما البيت الوحيد عندى عمارة صغيرة فى العمارات
* عملتها كيف ؟؟؟
0مشيت لى صاحبى مهندس قلت ليهو داير اعمل لى عمارة وانا ما عندى قروش قول لى بتكلفنى كم لغاية ما تدينى المفتاح قال 13 مليون جنيه ونص فى الوقت داك
* الوقت داك كان سنة كم؟
* 0أظن سنة 92 ..
* * أها ؟
* 0عندى صديقى فى بنك قلت ليهو انا داير 13 مليون ونص
* *براك كدة ؟
* 0 اصلو انا عندى صديقى مليونير الله يرحمه هسة .. قال لى ياخى شيل من البنك انا القدامك دة مديون للبنك سبعمية مليون شفتنى هسة مهموم او ما قادر انوم لا ما فى مشكلة اتوكل وشيل ولو ما قدرت تدفع ابقى انا مديون للبنك سبعمية وتلاطاشر مليون جنيه
* *يعنى بسط ليك المسألة تماما ؟
* 0لا وكمان ممكن يتحمل ديونى ( يضحك) فعلا يازول اخدت البتاعة دى وعملت العمارة الصغيرة وبى كدة وفرنا قروش ايجار عيادة الدكتورة زوجتى ورجعت ال13 مليون وغيرها وساعدتنا فى بناء البيت القلت عليه قصر دة وبالمناسبة هو ما مكلف
* *وانقطعت عن البنوك بعد التجربة دى ؟؟
* لا بالعكس لأنو بقت عندى تجربة وطالما دفعت الملايين ديك قلت خلاص ندور فى الموضوع دة وفعلا مشيت لى بنك تانى قلت ليهم أدونى مائة مليون ...
* *وأدوك طوالى ؟
* 0شوف البنوك عندها مشكلة فى تصريف سلعتها البتبيعها وهى القروش ودى سلعة راكدة وبى نسبة ربح 1%
* * وشلت المية ؟
* 0 وما وقفت خشيت فى ميات لدرجة انى الآن ما عارف شلت كم مائة مليون
* *وما عليك مشاكل ؟
* 0 لا يعنى امكن الآن مديون أقل من خمسين مليون وما عندى قلق .. تعرف الجماعة ديل بسمونى الزبون الجيد لأنى بسدد طوالى وهم قصدهم انى الزبون الجبان لأنو الجماعة الما بسددوا ديل ما بخافوا
* *لكن ما عندك مشاكل ؟
* 0 ابدا اصلو انا عندى بنتين فقط
* *ممكن نعرفهم ؟
* 0 الكبيرة غادة دكتورة فى هندسة الكمبيوتر والتانية ساندرا فى خامسة طب مشهورة كدة
* * ما عندهن علاقة بالحزب الشيوعى
* 0 لا
* *ما حاولت تجندهن ويبقن شيوعيات ؟
* 0 والله انا اتحت الجو عندى مكتبة فوق ممكن تشوفوها فيها كل الدراسات الاسلامية والشيوعية والروائية وكل الأنواع
* *لو واحدة منهن بقت كوزة ؟
* 0طبعا هذا لا يسعدنى لكن بخليها
* * ويسعدك انها تكون شيوعية بعد عمرك الطويل فى هذا الحزب ؟
* 0 (صمت لحظة وشرب قليلا من الماء)والله يسعدنى انها تبقى شيوعية حديثة انحنا شيوعيين قدام و
* *قصدك ناس القوى الحديثة ؟
* 0 لا اقصد شيوعية حديثة يعنى ما متزمتة
* * وكم نسبة ديل فى الحزب عندكم ؟
* 0 والله الشباب وقت شفتهم فى الندوات لقيت نسبتهم كبيرة
* * وهل افكارهم مختلفة ولابرضو زيكم ؟
* لا ما اظنهم مخرفين زينا ... مثلا ابن اخى متدين جدا وبزورنى دائما ويبدو انو كان فى سؤال شاغلو كتير .. ومرة اتشجع وسألنى
* * السؤال شنو ؟
* 0 قال لى يا عمو انت ما بتصلى مالك ؟
* *سؤال واضح هل كانت الاجابة صعبة ؟
* 0 لا ما صعبة ولا حاجة قلت ليهو انت وقت عييت منو الجاك ووداك المستشفى من اعمامك الكتار ومين الراح بورسودان وجاب ابوك للعلاج هنا ومين البقيف مع اهلك اذا دايرين تبرع او مدرسة او جامع قال لى بجوك انت قلت ليهو حصل انا كذبت او قطعت ليك فى زول اذن لغاية هسة انا الاسلام عندى هذا النوع من السلوك
* * كيف يعنى ؟
* 0 يعنى رضا الوالدين والأهل والاقرباء وعدم ايذاء الآخرين وربنا يقدرنى على الطقوس الباقية
* *تقصد الصلاة والصوم والحج والزكاة وال
* 0 ايوة والولد ارتاح جدا انو عمو ما بنكر الاساسيات لكن زى كتيرين جدا من المسلمين هنا وفى العالم الاسلامى مابقوم بكل الشعائر
* * معليش يادكتور اننا نتدخل فى موضوع بينك وبين ربك لكن انت الشجحعتنا؟
* 0(يهز رأسه موافقا )
* *انت مقتنع تماما انك مقصر كمسلم فى الصلاة والصوم وكدة ؟
* 0 بما انو البلد فيها شريعة فأنا ما حأقدر أرد على سؤالك التجريمى دة والأيام دى فى اتهامات زندقة وغيرها وخلينا نكتفى بالقول ربنا يقدرنى على بقية الشعائر
* * ممكن تساهم فى بناء مسجد ؟
* 0 لو كان دة الخيار الوحيد
* * ما فاهم ؟
* 0 يعنى لو قدموا لى لدعم جامع ومدرسة حأدعم المدرسة أصلو الجوامع كتيرة
* * ...................؟
* 0 تعرف للأسف بعض الناس الببنوا المساجد دى بعملوها علشان يتحصلوا على تسهيلات فى مواد البناء وانا بعرف واحد بنا مسجد هنا فى ........... الحقيقة عمل أوضة صغيرة مصلى وفوقها طوابق شقق سكنية ودى ما نية صادقة للمسجد الناس دايرين يبنوا بيوت ساكت
* * طالما نحنا فى محطة البيوت خلينا نسألك هل ابدا حسيت بحرج وانت معارض وساكن فى ذات الوقت فى بيت حكومة ؟
* 0 الناس ما بعرفوا انو البيت الكنت فيه فى حى المطار هو لزوجتى دكتورة اسماء السنى اخصائية الأمراض الصدرية والقرار انها مفروض تكون فى منطقة قريب من مستشفى الشعب عشان تنقذ من يعانى ...وهو الحقيقة ما بيت فاروق كدودة انما انا قاعد معاها
* * لكن ما عندك مشكلة تسكن فى بيت حكومة ؟؟
* 0 أقاطعها يعنى ؟ ليه ياخى ما الحكومة ممكن تشيل منى ضرائب وهى تدينى مرتب
* * انا سمعت انو البيت زاتو كان جنب مكاتب جهاز الأمن ؟
* 0 الحقيقة نحنا كنا ساكنين قبلهم بعد 89 هم اللى جو سكنوا جنبنا
* * عندك علاقات واسعة جدا ويبدو لى عبارة اختلاف الرأى لا يفسد للود قضية تنطبق عليك ؟
* 0 ايوة انا لاتفسد علاقتى مع اللى عندهم رأى من الذين اختلف معهم وطبعا فى كتير من البختلف معهم ما عندهم رأى
* * مثلا ؟
* 0 ممكن تفسد علاقتى مع رجل امن مثلا لكن ما تفسد علاقتى مع دكتور الترابى مثلا ممكن ازوره ويزورنى
* * وعمليا عملت دى ؟
* 0 ايوة وعزمته هنا فى بيتى دة وجانى وقعد فى حتتك دى
* * ونستك معاه كانت فى السياسة بس ؟
* 0 لا انا عزمته بمناسبة افتتاح هذا البيت وعزمت معاه نقد والصادق المهدى و
* * نقد ما اعترض على الترابى ؟
* 0ما كان مبسوط
* * ما صرح ليك بى ضيقو من عزومتك للترابى ؟
* ايوة صرح لكن هو عرف انو الناس التانيين عارفين انو هو جاى.. يعنى مشت كدة
* * اتقابلوا عادى واتونسوا عادى ؟
* 0 ايوة طبعا لو انت فى حفل عام زى دة عادى جدا تفقد كرسيك لو قمت منه وصادف انو الترابى ونقد الاتنين فقدوا كراسيهم فأضطروا قعدوا فى السلم برة وقعدوا جنب بعض وفى صحفى نوبى صورهم جنب بعض وللأسف ما رسل لى الصور وما ظهرت
* * لكن لا الترابى لا الصادق ما سألوك عن المدعوين ؟
* 0 لا انا قلت ليهم عندى مناسبة افتتاح بيت وعازم خواجات وهو فى الحقيقة انا داير اورى الخواجات وبالذات السفراء انو دة السودان
* * شنو البعجبك فى نقد ؟
* 0 صبرو وذكاءه
* * والما بعجبك فيه ؟
* 0( صمت وتفكير )مرات يضيق بالآخر الذى لا يستوعب الأفكار بسرعة .... ما هو مرات فى ناس بتحتاج انك تشرح ليهم النكته ونقد ناس زى ديل ما بستحملهم
* * قلت بعجبك صبرو ... هل هو صبر على الحزب أم على ناس الحزب أم الظروف ؟
* 0 والله طبعا هو صبر على الحزب 16 سنة تحت الأرض وفى المدة دى قطعا ظهرت ليهو مشاكل عائلية مثلا وفاة أخته وكان نصف الحضور أمن قايلنو حيجى ونحنا شايفنهم
* * كنتوا بتلاقووهو تحت الأرض ؟
* 0 ايوة عادى
* * ومالذى يعجبك فى الترابى ؟
* 0 الترابى ذكى وقارئ لكنه اعتقد مكار نقد ذكى لكنه ما مكار
* * كيف مكار ؟
* 0 الترابى فى سبيل مصلحة حزبه مستعد يقتل
* * مكر الترابى دة هو الخلى حزبو الآن أغلبية و يحكم كل هذه السنوات ؟
* 0 الترابى ما اغلبية انا زاتى كنت بتخيلو كدة لكن انتخابات الجامعات وضحت انو ما اغلبية ولا حاجة
* * يا دكتور الآن كذا جامعة اتحاد طلابها فى يد الاسلاميين ؟
* 0 ديل ناس المؤتمر الوطنى
* * انا بقصد ليك الاسلاميين عامة ؟
* لا كان كدة معليش لكن انا بتكلم عن الترابى فى الشعبى وأظنه الآن براجع فى حساباتو تعرف انو الجماعة ديل صاغو سياسة جديدة للتعليم العالى مثلا ان يعطو 7% لأبناء الشهداء والمقاتلين وكدة ومن الباب دة يدخل ابناء الحركة الاسلامية ودة بخليهم اغلبية
* * معقولة يا دكتور ال7% دى تدى الأغلبية للحركة الاسلامية قصاد ال93% الباقية ؟
* 0 المنافسات فى كليات كتيرة فى درجة واحدة ... تحت مسميات كتيرة وظفوها لصالح ناسهم.. مثلا صندوق دعم الطلاب وانا كلفت طلبتى يعملوا بحوث عنه وقالوا انو بدعم الطلبة الاسلاميين بس
* * انت يا دكتور بتعتمد على بحوث الطلبة ؟
* 0 دى احصاءات عملوها واثبتوها
* * طيب معناها اكتر من60% من طلبة السودان كيزان لأنى اطلعت على احصاءات تبين عدد الطلبة البدعمهم الصندوق
* 0 التخريب اللى حصل يحتاج لمراجعة كبيرة وانا دعوت لهذا كثيرا وبالمناسبة دة بنعكس على الخريجين.. انحناوقت اتخرجنا احسن من حملة دكتوراه الآن
* * خلينى أحول ليك الاتهام بما انك استاذ جامعى مش ممكن تكونوا انتو كأساتذة سبب فى التدهور دة مقارنة بأساتذة زمان ؟
* 0 الاساتذة برضو تعبانين ويقال فى بعض الآحصاءات انه 73% من حملة الشهادات العليا خارج البلاد وحل محلهم مئات الخريجين بماجستير من جامعة امدرمان الاسلامية وماليزيا والهند وغيرها
* * ايجابيات الانقاذ شنو ؟
* 0 طبعا نحنا ناس احياء وحتى المجنون عندو حاجات كويسة بعملها ..اول حاجة انو الشعب السودانى بقى بميز بين الناس كويس والايجابية التانية تضاءلت نسبة مستقبل الحركة الاسلامية وانا افتكر لوقامت انتخابات الحركة الاسلامية فرصها حتكون ضئيلة جدا
* * اقاطعك واذكرك اننا بنتكلم الآن عن الايجابيات
* 0 ايوة ما دى من الايجابيات الدين وزجه فى الدولة مشكلة الدين سلوكيات والدولة قهر
* * الدولة قهر حتى ولو كان الحاكم الحزب الشيوعى ؟
* 0 ايوة نعم الحزب الشيوعى وقت حكم روسيا كفر عدد كبير جدا من الروس بهذا الحكم لأنه بقى حزب واحد قاهر ولذلك اعتقد انو الحزب الشيوعى السودانى بعد مؤتمره الخامس حيكون واضح انو لن يسعى للسلطة بفرده انا بتصور كدة او دة رأى حيكون كدة لو حضرت المؤتمر
* * نحنا ما زلنا فى محطة الترابى ... الآن افكاره وآراءه الجريئة عاملة ليهو مشاكل كيف تقرأ هذه الآراء ؟
* 0 طبعا هو يريد ان يتميز يعنى دلوقت الحركة الفكرية فى السودان راكدة فالترابى ما عندو طريقة غير انو يخالف بعض المسلمات او ما كانت مسلمات لكنه بما انو رجل ذكى يعرف انو قضايا ذى امامة المرأة وزواج المرأة المسلمة من غير المسلمين قضايا ساخنة وحيلقى آيات يبرر بيها افكاره وفى هذا الركود لازم يقول حاجة عشان يتميز
* * ممكن تقيف ضد الحملة الضدو يعنى ضد الدايرين يكفروه ويتهموه بالزندقة ؟
* 0 لا شأن لى بها دة خلاف عائلى
* * نأتى للصادق المهدى ... مشكلته شنو سيد صادق ؟
* 0 ( صمت ثم ضحكة خفيفة) دة سؤال مشكلة ... الصادق ايضا مشغول بالتحديث وهو عارف انه لا يمكن ان يحكم حزبه بالطريقة الحديثة لأنه حزب تقليدى لازم يكون فيه امام وكدة يعنى .. وانا شايف انه الصادق ارهق نفسو فى الفترة الأخيرة بطرح نفسو كمفكر اسلامى بينما هوة قائد سياسى وهنا يصطدم بالسياسة والدين ائمة الانصار مختلفين من عبدالرحمن المهدى لغاية الصادق لذلك ربط العمل السياسى بالعمل الدينى فيه مخاطر كبيرة لذلك الصادق الآن مضطرب والا كيف تفسر لى رحلته مؤخرا الى مالى ليصلى صلاة المولد استجابة لدعوة القذافى ونحنا عارفين ليس هناك صلاة مولد مشيتو لمالى عرضتو لاساءات حكى عنها هو فى ندوته الاخيرة
* * يصلح يحكم السودان تانى ؟
* 0 السودان يحتاج الى حكم بطريقة جديدة والصادق المهدى زعيم حزب تقليدى وممعن فى التقليدية والسودان يحتاج الى عقلية جديدة وهو ليس من الطبقات او الفئات الاجتماعية المطروحة لحكم السودان الجديد
* * من ترشحه ليحكم السودان الجديد هذا ؟
* 0 يضحك) دة السبب الخلى جعفر نميرى16 سنة رغم انو جعفر نميرى هو بنصفه انو سفاح وغيرها الا انه الحكم الشمولى بطرح طوالى سؤال ماهو البديل ولذلك الآن يقولون من هو البديل للبشير رغم انه المقابر مليئة بأناس كانوا يظنوا انهم لا يمكن الاستغناء عنهم لذلك دة سؤال بعطل الحركة البديل يأتى نتيجة حراك سياسى الظروف بتطرح الناس المناسبين
* * انت قادر تحكم السودان ؟
* 0 جدا وافتكر انو ما اتيحت لى فرصة اعمل حاجات كتيرة لكن ممكن احكم السودان
* * رغم انك الآن فى حزبك برة اللجنة المركزية ؟
* 0 الاحزاب ما كدة بالذات الحزب الشيوعى آآآآآآ يعنى امكن انا ما عايز لجنة مركزية
* * عرضوا عليك ورفضت ؟
* ايوة امكن ياخى انا ماعايز
* * ما لو انت عندك ثقة فى انك تحكم بلد من باب اولى تكون عندك رغبة تحكم حزبك ؟
* انا بحكم حزبى او بساهم فى حكم حزبى وانتو عارفين كصحفيين انى واحد من البشكلوا الراى العام
* *انت شيوعى متمرد حتى على الحزب ؟
* 0( يتناول كوب الماء مرة أخرى وانتهز الفرصة واصب لنفسى كوب شاى تانى )ما متمرد بالمعنى دة لكن انا مؤمن انو حواء والدة ومافى شخص واحد هو البفكر وخلاص والحزب والحركة بتمشى بمجموع الأفكار وانو على الناس يعبروا عن افكارهم متى ما اتيح ليهم وبالكيفية التى تتاح لهم انا ما باخد اذن عشان اصرح وما جانى اعتراض على تصريحاتى دى حتى الآن
* * ومافى شيوعى شكك فى علاقتك مع صلاح قوش مدير جهاز الأمن والمخابرات ؟
* 0 لا مافى زول قال كدة لكن صلاح قوش من رجال الأمن المقتدرين ... ناس الأمن يجب ان تكون عندهم القدرة انهم يكونوا ظريفين ... فى المرات القليلة القابلتو فيها كان صلاح رجل ظريف
* * لكن قالوا علاقتك بيهو حميمة لدرجة انك اتوسطت لزميلك عشان يتعالج برة ؟
* 0 ايوة هذا هو الظرف الأنا بقصدو وانت قاصد علاج زميلنا محمد محجوب قلت لصلاح بالتلفون ياصلاح محمد محجوب مندوب الحزب الشيوعى فى سكرتارية التجمع أطرش ومعظم الاجتماعات فى السجانة وعشان اعضاء التجمع فى الاجتماع يسمعوه الكلام بكوركو وبى كدة ممكن يا صلاح تسمع تفاصيل الاجتماع وانت فى مكتيك ياخى رغم دة خلى الراجل دة يسافر للعلاج فى لندن
* * ووافق ؟
* 0 قال لى بضمانتك وانو ما يحضر اى ندوة فى لندن قلت ليه بضمانتى وفعلا سافر ودي الظرافة والجانب الانسانى
* *البشير ماقابلتو ؟
* 0 لا الا فى اجتماعات عامة ورسل معاى رسالة لنقد بالمكرفون فى بيت الضيافة وقلت ليه تصل
* * وصلتها لنقد ؟
* 0 نقد بكون سمعها لكن انا ما وصلتها
* * عملت قبل كدة تصريح انو الفوق للستين يتنحى عن العمل العام ؟
* ايوة انا قلت يتنحوا عن القيادة ويكونوا مرجعية فى مجلس شورى لكن القيادة لا مفروض يتيحوا الفرصة للشباب
* * التصريح دة لو كنت رئيس جمهورية بتطلعوا ؟
* 0 لا رئيس الجمهورية ممكن يكون تخطى الستين وممكن يكون فى الثمانين
* * لو قام مؤتمر الحزب تطالب بتبديل نقد ؟
* 0 وتبديل آخرين وامكن دة راى نقد زاتو
* * الآخرين هم الحريصين على وجود نقد فى هذا المنصب ؟
* 0 ما دى مشكلة الأحزاب الشيوعية فى المناطق المتخلفة تلقى الر جل الاول من المهد الى اللحد بريجنيف كان شبه ميت وكيم ايل سونغ لكن فى اوربا الغربية لدورتين فقط ويتنحى وهو فى الستين
* *اى الاحزاب العندو مستقبل فى السودان؟
* 0 الحزب الشيوعى
* * رغم انو الآن صوتو خافت ؟
* صوتو خافت لانو ما عندوش مكرفون
* *الحركة الشعبية ؟
* رغم ترحيب الناس بيها فى بداية وصولها لكن حصل تراجع عنها والليلة فى الجرايد قالوا حينزلوا الانتخابات مع المؤتمر الوطنى ومن الممكن تكتسح الانتخابات ودة يبقى خذلان للشعب السودانى
* *حتى لو جو بالاغلبية ؟
* 0 بالاغلبية والقروش والتزوير من الممكن ان تتحول الحركة لحزب سياسى كاسح رغم وفاة قرنق لأنه الأحزاب السودانية دى ما ملهمة
* * بما فيها الشيوعى ؟
* 0 بما فيها الشيوعى والا قولى يا ابنى بالله كيف تتوسط امريكا الآن بين الحركات المسلحة فى دارفور من اجل اصلاح العلاقة بيناتهم حتى هذه المسألةالأحزاب ما قادرة تعملها دى انا بعتبرها فضيحة .. وعدم كفاءة وعدم جدارة للقوى السياسية
* * تنتقد الأحزاب بشدة ؟
* 0 ياخى القوى المعارضة دى كلها تقول الحل هو المؤتمر الجامع حل لكل المشاكل .. طيب لماذا لا تعقد هذه الأحزاب المؤتمر الجامع دة ... ضرورى اذن من الحكومة ؟ وانعقد كتير آخر مرة قبل كم اسبوع فى تنزانيا وغيره وتقررت فى المؤتمرات اشياء كتيرة المهم ليس من المستحيل عقد هذا المؤتمر هنا وخلو الحكومة توقفه
* * المشكلة فى الأحزاب وليس الحكومة هنا؟
* نعم الحركة السياسية فقيرة هنا فى افقار فكرى وثقافى وكله
* *خلينا نجى لفاروق كدودة شخصيا ... انت حلفاوى الجنسية والميلاد؟
* 0 ايوة انا اتولدت فى عبرى قبل ستين سنة
* * مراحلك الدراسية ؟
* مرحلة الأساس فى عبرى والوسطى فى حلفا القديمة والثانوى فى الأبيض خور طقت ثم جامعة الخرطوم ثم موسكو
* * قريت اقتصاد ؟
* لا فى جامعة الخرطوم قريت قانون
* * ومن وين ليك الاقتصاد ؟
* 0 اصلو انا اترفدت فى جامعة الخرطوم من سنة تانية لأنى كنت رئيس اتحاد طلاب الوقت داك وكنت مشاغب
* *سنة كم ؟
* 61و62 م
* *ومنها لموسكو ؟
* ايوة بس بعد اختفاء بسيط لأن قرارفصلى من الجامعة كان مقرون باعتقالى فاختفيت
* *منو الجندك للحزب الشيوعى ؟
* 0 تتصور مافى زول جندنى انا جيت لقيت نفسى فى المرحلة الثانوية معترض على نظام ادارة الداخلية والأكل وجدت نفسى مع مؤتمر الطلاب ورابطة الطلبة الشيوعيين
* *زوجتك برضو من حلفا ؟
* لا زوجتى اسماء السنى من الخندق وامها من الحلنقة ودة خليط عجيب
* * بتاكل قراصة ؟
* دة بيت ما فيهو قراصة ولا لقيمات دة بيت بتاع مارتديلا وحاجات زى دى
* * واهلك ما بحسو بالغربة معاك هنا ؟
* 0 وقت يجو هنا نتيجة للغة نعم لكنهم ما بأملوا اننا نعمل ليهم قراصة
* * بتحب وردى أكيد ؟
* 0 اكيد وعلى المستوى الشخصى صاحبى واحبه كفنان بالذات فى الغنا بالرطانة ووردى دة كشخص كدة راجل والله
* * غيرو بتسمع منو ؟
* 0 كابلى وفيروز وبالذات فى اذاعة لندن بالليل فيروز بتخليك حاجة تانية
* * بتقرأ كل الصحف السودانية ؟
* 0 والله استطيع ان اتحمل من 6 الى 8 صحف يوميا
* *بمن تبدأ ؟
* بقرأ أعمدة زى أصداء محجوب محمد صالح ووراق كتير لكن عثمان ميرغنى شايفو خفت شوية انا ما عارفو مالو
* *بمناسبة وراق حزنت وقت انشق مع الخاتم عدلان منكم ؟
* 0 والله حزنت لوراق وما للخاتم
* * ليه لم تحزن على الخاتم ؟
* 0 لأنى كنت عارف طموحاته كنت عارف انو كذب على الحزب وقت قال ماشى لزوجته فى بريطانيا الخاتم الله يرحمه عندو طموحات شخصية وعشان كدة اختلف هو ووراق وانا أكن لوراق احترام كبير حتى الان رغم اختلافى معه
* *نختتم بسؤال عن مؤتمركم الذى طال انتظاره ؟
* والله صحى طول جدا وانا افتكر قيادة الحزب تلام على هذا التأخير وانا كنت اعتقد ان المؤتمر يجب ان يقوم بأى شكل والحزب لا تنقصه الأفكار ونحنا ناس شطار
* *ما دام انتو شطار شنو المانعكم تعقدوا مؤتمركم ؟
* 0 يمكن لأنه مناط به مهام كبيرة جدا نتيجة للأحداث الحصلت فى العالم وفى السودان وامكن الاعداد ليه بحتاج لقدرات وافكار اكتر
* * ما قدر شطارتكم الكنت بتحكى عنها الآن؟
* 0نعم بشطارتنا ونحن لها لكن امكن بنحتاج لمال .. انت عارف حكاية انو الحزب دة بقولوا عنو اكبر حزب شيوعى فى العالم التالت وفى افريقيا وفى العالم العربى
* *ودى ما حقيقة ؟
* 0 ايوة دة اعلام ساكت دة حزب عادى جدا وانا بفتكر انو دى حركة من الجهات البتحرض علينا المخابرات الأمريكية والبريطانية وتقول ليهم خلو بالكم دة حزب خطير
* * تقييمك انت للحزب ؟
* 0 حزب سودانى عادى وحزب صغير كمان
|
|
 
|
|
|
|
|
|
|
 Re: فــاروق كــدودة : ايوه شيوعى وعندى عمارتين المشكلة شنو ؟ (Re: قرشـــو)
|
Quote: 0 قال لى يا عمو انت ما بتصلى مالك ؟
* *سؤال واضح هل كانت الاجابة صعبة ؟
* 0 لا ما صعبة ولا حاجة قلت ليهو انت وقت عييت منو الجاك ووداك المستشفى من اعمامك الكتار ومين الراح بورسودان وجاب ابوك للعلاج هنا ومين البقيف مع اهلك اذا دايرين تبرع او مدرسة او جامع قال لى بجوك انت قلت ليهو حصل انا كذبت او قطعت ليك فى زول اذن لغاية هسة انا الاسلام عندى هذا النوع من السلوك
* * كيف يعنى ؟
* 0 يعنى رضا الوالدين والأهل والاقرباء وعدم ايذاء الآخرين وربنا يقدرنى على الطقوس الباقية
* *تقصد الصلاة والصوم والحج والزكاة وال
* 0 ايوة والولد ارتاح جدا انو عمو ما بنكر الاساسيات لكن زى كتيرين جدا من المسلمين هنا وفى العالم الاسلامى مابقوم بكل الشعائر |
أعوذ بالله
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: صباح احمد)
|
عزيزتي صباح
شكراً على هذه الإضاءة الوضاحة لشخص مفكر مثل د. فاروق كدودة. تعرفي السودانيين لسة ما متعودين على شفافيةهذا النوع من الناس. النوع الذي لا يكذب ولا يدعي ولا يلون واقعه بتقوى كاذبة وفقر أرعن أحي العم فاروق وأحبه.
وأهمس في أذن من يستعيذون هذا هو النوع الذي خلقه الله ليحبه ويحبه البشر
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: شادية عبد المنعم)
|
خالص التحايا
الزميلة العزيزه
صباح على الحوار والجميع
اسمحو لى ان اختلف معاكم واقول ليك ؛ ياجماعة مانخلى السطحة شويه وننظر للامور بعمق اكثر وعقلانيه..
----------------------------------
عزيزى
قروشو..
| Quote: عاش نضال الطبقة العاملة |
؟؟!!!!؟؟؟؟
لو كان الحديث عن (بعضهم) كان يمكن ان نقول لاباس لكن لمن ياتى الحديث عن الدكتور كدوده يبقى شيتنا تانى !!!
فالراجل حقة اكبر مما نكتبه عنه فى كل شى...
--------------------------------
عزيزى
زول ساكت
ياسيدى لايوجد مايدعك تزدرى من حديث الدكتور الى هذه الدرجه بما يتعلق فى نقطه العبادات تلك ..
فى النهاية الدكتور كدوده انسان وقابل للخطا والصواب وفى النهاية لكل معتقدات لنا التمسك بها ما لم ناذئ احد؛
فالحديث فى مجمله قمة فى الصراحه وماذكره حقيقه نحن جميعنا لانوفى عبادتنا حقها وفى اعتقادى ان درجة الفهم للدين تتفاوت هذا مافتح مجال لتفرع الائمه والاجتهادات وو الخ من هذا النقاط..
والدليل على ذلك هو لم يقلل من شان المعتقد الذى انت بصدده ...
فالصلاة هى لمت تفرض بالصورة التى تجعلها صلاة كامله بل كانت بالتدرج
بعدها تاتنى نقطه (الجهاد) لانفسنا وكل حسب مقدرته وفى النهاية الامور المتعلقه بالغيبات هى عند علم السماء..
وماذكره الدكتور صراحه افضل من الدهنسه والذين يكذبون باسم الدين لينالون مبتغياتهم..
وحقيقة لم المس اى عيب من خلال ماقاله الدكتور كدوده ؛
لكن اقول ان الحديث الذى ذكره فيه وعي كبير جدا فى كل شى من عمل سياسى وصراحه لمعتقدات الفطريه التى يتعامل معها الانسان السودانى ....
يمكنك متابعته الموضوع هنا ايضا. عيب يادكتور فاروق كدودة....لا يا فاروق الشرع.
كذلك اؤيد هذا الحديث للزميله (شادية عبد المنعم) و اوافق عليه فالتحايا للدكتور..
Quote: عزيزتي صباح
شكراً على هذه الإضاءة الوضاحة لشخص مفكر مثل د. فاروق كدودة. تعرفي السودانيين لسة ما متعودين على شفافيةهذا النوع من الناس. النوع الذي لا يكذب ولا يدعي ولا يلون واقعه بتقوى كاذبة وفقر أرعن أحي العم فاروق وأحبه.
وأهمس في أذن من يستعيذون هذا هو النوع الذي خلقه الله ليحبه ويحبه البشر |
والتحايا النواضر..
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: معتز تروتسكى)
|
Quote: عزيزى
زول ساكت
ياسيدى لايوجد مايدعك تزدرى من حديث الدكتور الى هذه الدرجه بما يتعلق فى نقطه العبادات تلك ..
فى النهاية الدكتور كدوده انسان وقابل للخطا والصواب وفى النهاية لكل معتقدات لنا التمسك بها ما لم ناذئ احد؛
فالحديث فى مجمله قمة فى الصراحه وماذكره حقيقه نحن جميعنا لانوفى عبادتنا حقها وفى اعتقادى ان درجة الفهم للدين تتفاوت هذا مافتح مجال لتفرع الائمه والاجتهادات وو الخ من هذا النقاط..
والدليل على ذلك هو لم يقلل من شان المعتقد الذى انت بصدده ...
فالصلاة هى لمت تفرض بالصورة التى تجعلها صلاة كامله بل كانت بالتدرج
بعدها تاتنى نقطه (الجهاد) لانفسنا وكل حسب مقدرته وفى النهاية الامور المتعلقه بالغيبات هى عند علم السماء..
وماذكره الدكتور صراحه افضل من الدهنسه والذين يكذبون باسم الدين لينالون مبتغياتهم..
وحقيقة لم المس اى عيب من خلال ماقاله الدكتور كدوده ؛
لكن اقول ان الحديث الذى ذكره فيه وعي كبير جدا فى كل شى من عمل سياسى وصراحه لمعتقدات الفطريه التى يتعامل معها الانسان السودانى .... |
الاخ معتز
تحيه وتقدير
اما من يجهر بانه لايؤدي الصلاة المكتوبة بالطريقة التي ذكرها الدكتور التعوذ بالله اضعف الايمان كرد على ماقيل
نعم لقد كان صريحاً جداً صراحة يفتقدها الشيوعيين الذين يقولون للناس نحن مسلمون ونؤدي الفرائط
وناويين الحج في حين ان مبادي الشيوعيه تقوم على ان لا اله والحياة مادة وان الدين افيون الشعوب
والذين يتخذون لينين وماركس قدوةً لهم لابد لي وانا اتعشم ان يكون المصطفى قدوتي ان ابترأ منهم
نعم كلنا فينا نقص ولكن المجاهرة بعدم الصلاة المكتوبة تعد من الكبائر وقد كفر جمهور العلماء تاركها عمداً
لايهمني من يتدهنس ويتاجر باسم الدين فلست منهم في شيء
كلو ولا الصلاة يامعتز
ولك كل التقدير
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: صباح احمد)
|
الحبيب معتز تروتسكى
لك التحية
Quote:
عزيزى
قروشو..
Quote: عاش نضال الطبقة العاملة
؟؟!!!!؟؟؟؟
لو كان الحديث عن (بعضهم) كان يمكن ان نقول لاباس لكن لمن ياتى الحديث عن الدكتور كدوده يبقى شيتنا تانى !!!
فالراجل حقة اكبر مما نكتبه عنه فى كل شى...
|
الحديث يا سيدى ليس عن رجل خيّر اتخذ مسلكه الخاص فى الخدمة العامة ونحن لا نتحدث عن اصنام واشخاص مقدسين لا تمس قدسيتهم اننا نتحدث عن فكر ورجل تبنى الفكر ومن اسمك اعتقد انك متشبع بهذا الفكر وتعرفه أكثر من الآخرين ومن ذلك المنطلق كان تعليقى المرتبط بمرتكزات الفكر والفكر سيدى ينبذ الراسمالية ويحاربها بشدة Quote:
استمر نضال الطبقة العاملة حتى توجت بقيام ثورة أكتوبر الاشتراكية التي قادها زعيم البلاشفة ف0 لينين واعلان دولة العمال والفلاحين وقيام دكتاتورية البروليتاريا التي اصبح فيها العامل هو رب العمل ويدير الانتاج وصولا إلى الأممية الثانية التي فشلت لكنها قدمت الكثير للطبقة العاملة وحسنت ظروف عملهم ومستوى معيشتهم رغما عن الرأسمالية وعلى اثر فشلها تشكلت الأممية الثالثة التي دعت إلى ضرورة تطوير النضال من اجل المطالب الاقتصادية المباشرة للطبقة العاملة |
فالامبريالية هى اعلى مراحل الراسمالية ومن يمتلك عمارتين فى وطنى يعتبر راسمالى فكيف نستطيع التوفيق بين هذا وبين الفكر الذى اطلعنا عليه وقرأنا كتبه بشغف فى اولى مراحل الشباب ؟؟؟
لا اعتقد ان هنالك فى وطنى من نقول عليه "شيتاً ثانى" فلا قداسة لآى رمز سياسى مهما كان سيدى وحينما ينطق بعظمة لسانه مخالفا افكاره فمن حقى ان المز فيه ( الا إن كان هذا الحوار مفبركا) والمز فى فكره الذى حاد عنه ولعلمك انا لا اعرف الرجل شخصيا ولا اتحدث الا عن حامل فكر..
مع تحياتى
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: قرشـــو)
|
خالص التحايا
الاعزاء..
زول ساكت
ازيك يازول يازين...
صدقينى ياسيدى الانطباعية ماحلوه والنظر لللمواضيع دون تفتيتها اصلو ماحيوصل للنتيجه لانو الزول بجى خاشى بفهم انو ماعايز يقتنع..
ياسيدى ما مهم تقتنع لكن النظره للاشياء بعقلانيه بالتاكيد افضل..
اقول ليك على حسب قدرتى لانو الموضوع حيجر ..
ياخ ده الفهم بتاع انو الشيوعين كفار وماكفار وو الخ...
ده فى حد ذاتو تعبير ماصاح فى نظرى لانو انت بتتناقش معاى بخلفية دنيه عن فرضيات بتقودنا لى نقاش وربما جدل ...
نحن نحكم العقل ونتناقش بمنطق العقل ..
النقطه الانت ذكرتها سبقا وان تعرضت ليها..فى احدى كتاباتى...
البراجماتية كانت حاضره فى تاخير الحزب:
وقع الشوعين فى فخ كبير نصبه لهم الاسلاموين .
من الملاحظ عندما تبدا فى محاورة اى اغلبهم دائما يكون محور الحديث الدائر بان الشيوعي هو مدافع وانت مهاجما مبرر ومتذرعا بان الفكر الشيوعى ليس كذا وكذا وهذه النقطه التى كانت (الفخ) فالاسلاميون هؤلاء يعلمون جيدا بان عدوهم الاول ليس (الامه او الاتحادين او غيرهم ) فى الدرجه الاولى بل الشيوعين (وهذا يحسب لهم ) فا اثروا ان يوجهو حملتهم الاعلاميه من اجل تغويض مد الفكر الشيوعى بكل الوسائل من خلال استخدام الاسلوب الخطاب الدينى العاطفى لطبيعة الفطره الدينية للانسان السودانى .
الحزب الشيوعى لايرفض الدين ولكن هو حزب لايقوم على اساس دينى وهو شى جيد فقد بدؤا حملتهم منذ زمن بعيد ولكن كانت لحادثة (طرد نواب الحزب الشيوعى من البرلمان) نقطة تحول فى مسار الحزب فقد عمد هؤلاء الاسلاموين الى الزج بسمعة الحزب وتلويثها واغترانها باسائة الدين الاسلامى على اعلى مؤسسه الا وهى البرلمان سعوا فى ذلك ونجحوا وحقيقة كان ايضا بتعاون بعض التظيمات الكبيره لانها ايضا تعلم ما مدى توغل المد اليسارى الشيوعى لو كُتب له الاستمرار بنفس النفس حينها..
نجح الاسلاموين بالتعاون مع تلك التظيمات فى ان يتم طرد نواب الحزب الشيوعى من البرلمان .
ماترتب على ذلك من خلال الواقع البسيط فعندما يمرر كبار مثقفى البلاد ومتعلميه على مستوى البرلمان واقتناعهم بما سبكه الاسلامين ؛ فما بلك عندما يصل هذا الخبر الى اهلنا البسطاء الذى تجده فى مزعته لايعرف (الطوريه والسلُوكه والبرش).
كان شى طبيعى ان يحصل نفور من هؤلاء ففى بعض المناطق ارتبط الفكر الشيوعى والشوعين (بالكفر والرده وووو).
كان هذا ناجم مما حصل فى حادثة البرلمان لكن ليس هذا كل هو المهم فالاهم هو ان الشوعين وقوعوا فى الفخ بجداره فبدلا الانصراف فى طرح البرنامج وذلك من خلال المساجله بين اى شيوعى واخر فبدلا ان يبدا الشيوعى فى طرح برنامجه تجده يبدا يبرر بانهم ليس كفار وانهم ليس وليس .
هذا كله كانت غلطتهم لم يسعوا لتاركها من خلال دراسة لطبيعة المجتمع ؛ كما زاد الطين بله كل ماتقدم الزمن اصبح هم يؤكدون ذلك بافعالهم من خلال مايهوم لهم بان الحزب مرتع للانحلال والحريه المطلقه ووووو (وهذا الفهم اصبح سائدا) وهم من ساعدوا فى ذلك وبجداره.
فكثيرا ارتباط بعض السلوكيات لايتوقف على الاقتناع بالفكره..
حديثى اعلاه لاينطبق على كل الشيوعين لكنه موجود فى بعضهم ..
الشى التانى حديثك بقود الى حته بتاعت الشيوعية المادية والشيوعية الاشتراكية..وده بفتح الباب لى موضوع حزب شيوعي سودانى واقع ليك ..
لاننكر بان هناك جانب مادي فى الشيوعية لكن كوضع مثل السودان الوضيعية بتاعت الماديه شويه صعبة ؛دعنا نتكلم بصراحه..ولاننكر انه يوجد ماديون ..لكن الطابع الغالب هو الاشتراكي..
ثم انو الشى البعرفو انو الحزب الشيوعي وده من النقاط البتفق فيهو معاها انو قيام على ما على اساس دينى ؛وده شى فى حد ذاتو فهم متقدم جدا حتى الاحزاب االاسلاميه او الدنينه عموما الان (لانها انتهازيه ؛ودى مشكلهة كل الاحزاب الدنيه حشر الدني فى السياسه وده بفضحهم كتير) فتحت الباب ده انو يكون الحزب على اساس المواطنه وليس على العقيده والمعتقد..
وحكاية افيون وما افيون دي طيب انا بقول ليك بتفق معاها وانا ماشيوعي..وزى ماقلت ليك الموضوع حيمشى للكلام كتير..
كذلك عزيزى انا لم اتهمك فى شخصك بالدهنسه والمتاجره باسم الدين؛ انا بتكلم عن التنظيمات الاسلاميه..
| Quote: كلو ولا الصلاة يامعتز |
ياسيدى بى منطقك ده انا بقول ليك الاولين بفوتو الصلاه فمابلك نحن؟؟!!
اتكلم ليك بكل صراحه انا عندى قناعة فى نفسى بانو الواحد لو خلى كل شى اقلاها يصلى شفت كيف ؛لشنو وليه ؛انا ذاتى ماقادر احدد لكن بالرغم انو الواحد بشيلها مرات وبجليها مرات كتيره الواحد عندو رغبة يواصل فيها ؛زى مابقولو اقلاها وصية الوالده كلو شى ولا الصلاه حتى لو ماكنت مقتنع بيها ومن الباب ده برضو شوف صليتها ورضيت والدتى واكيد فى رضاها رضا الله ولا موهيك؟؟!!عشان كده بقول ليك زي ماقال الدكتور ربنا يقدرنا على البقية...
واها بقدر انو مختلفين ياهو فى نقطه اتفقنا فيها واكاد اجزم بانو الدكتور نفسو ماضد كلامك ده ..بس نحن بنقتع او اقلاها بنحترم وجهات النظر المشكله فى المتشددين..
اذا انا بتفق مع الحديث اعلاه..
| Quote: 0 يعنى رضا الوالدين والأهل والاقرباء وعدم ايذاء الآخرين وربنا يقدرنى على الطقوس الباقية |
لكل خالص والود والحب..
----------------------------------------
قرشـــو
العزيز
شخصيا انا ماعارف وليه اللبث ده منكم..؛الحاصل شنو الزول ده قاعد يتكلم عن كل البتقولو ده وعندو رائى واضح انو ضد الصنميه والقدسيه ووالخ اتفق معاهو فى ذلك جدا ..
مافى شى بعيب كلامو لو قعدنا براحه ونظرنا للامور بعيد عن الشد والاشياء البنجى داخلين بيها للنقاش كشى ثابت...
طيب ياسيدى عن موضوع راسماليه واشتراكيه وهلمجرا بقول ليك..
تفعيل الاشتراكيه:-
هى مجموعة متكاملة من المفاهيم والمناهج والتتظيمات والوسائل التى تشترك فى رفض المجتمع الراسمالى والايمان بالارداه الثوريه لاقامة مجتمع اكثر كفاية وعدلا بغية تحقيق المساواة الفعلية بين جميع الناس ويبن جميع الامم عندما نرتبفع بها تدريجيا وتصل اقصاها ..
لتفكيك هذا الكلام وتنزيله الى ارض الواقع ومقارنتة مع هذا الحديث مع طرح كمية اسئلة حول المفهوم الاشتراكى ...
فكما ذكرت ان مدارات اليسار بكل مافية شى من مكوناتى لذا كان يحتم عليا ان اقف فى شكل الخط الذى يهتف به الاغلبيه ومن هذا الموقف اتضح لى دائما ان ليس الاغلبيه على حق ..
عملية تذويب الفورارق بيت الطبقات:-
مادامت هناك طبقات فى المجتمع فانه تكون الفوراق بين هذه الطبقات .
وهذه الفوارق الطبيقيه اما اقتصاديه او سياسيه او فكريه او اجتماعية او..
من الناحية الواقيعه لايمكن القاء جميع هذه الفوارق الطبقية بقرار بين يوم وليلة ؛وانما يتم تذوبيها هذه الفوارق من خلال عملية تاريخة شاملة..
وهذا ما عنيته بان الموضع بقدر سهولته بقدر مايكون صعب فقط عامل الزمن والحكمه هما الفيصل لكن امكانية ازلالة تلك الفوارق غير ممكنه..بالشكل الذى تتخيلها وهذا اشبه ببعض جوانب الاشتراكيه وثورة البروتاريا فى النظريه الشيوعيه..
المقارانه بين التعريف الاشتراكى وعملية تذويب الفوراق بين الطبقات التشابه والاختلاف ...
نجد بان التشابه يكمن فى اننا يمكن ان ان نطلق على (عملية تذويب الفورارق بيت الطبقات) اشتراكيه اشبه بالعلمية مع تعديل تطفيف من خلال النظر الى مواقف الاشتراكيه لان علميا لايمكن القاء عملية تذويب الفوارق
اذا ماذا عن ثورة البروتاريا وهذا ايضا يدعنا نتسال عن علاقة الاشتراكيه بالدكتاتوريه..
لكذلك يمكن انمايدعم بان (عملية تذويب الفورارق بيت الطبقات) اشتراكيه اشبه بالعلمية مع تديل تطفيف من خلال النظر الى مواقف الاشتراكيه
1- الموقف من الملكية
2- الموقف من التنظيم الاقتصادي
3- الموقف من المساواة
*نلاحظ بان هناك تطابق (ماركس وتعريفه للاشتراكيه العلميه)..
الاشتراكيه العلمية :-
هى الاشتراكيه الناشئه عن التحليل العلمي للمجتمع ولظروفه الاقتصاديه والتكنكيه والاجتماعية والسياسيه والفكريه ...
ثورة البروتاريا ام ديكتاتورية البروتاريا:-
تنشا عندما رات الاحزاب الشيوعيه بان الانتقال من المجتمع الراسمالى الى الاشتراكي لايتم بصوره مباشره وفى التو ؛فتقوم تلك الاحزاب اعطاء الحق للبروتاريا فى فرض الديكتاتوريه او القيام بثوره لتصفية الرواسب والمعوقات الاقطاعية
• قديما كان هذا ولكن حديثا لااعلم كيف تكون الثوره وعهد الاقطاع شبه انتهى ..
• سيقول البعض بان التحول الزمنى والتغير فى اوجه امتلاك راس المال سيكون على الثوره ان تلجا الى امكان المال ؛ وهذا ما اثبت فشله فى (الاتحاد السوفيتى قديما) ،فاشكال اساليب العمل (كا الستاخونوفيه) بالرغم منه اسلوب جيد نوعا يوازى (التيلوريه) لكن لم يكتب له النجاح الكامل لسؤ التطبيق .
• وايضا مشاريع (الكولخوز و سوفخوز) لم تكن مجديا للوقف حائلا دو تفكك الاتحاد السوفيتى . لانه يجب التفريق بين بين المفهوم العام والشامل بطريقة علمية كذلك هل يجب اسقاط مايسمى (بالملكية الفرديه)؟.
يعنى ياسيدى انا ايضا ضد الاشتراكيه السوفيته بمفوهما القديم ....
اما بمايختص فى المسائل العقديه ربما تجد فيما كتبته فى مداخلتى (لزول ساكت ) بعد الاجابات..
ودمت عزيزى فنحن لانتحدث عن الاشخاص بقد مانتحدث عن الفكر..
والتحايا النواضر..
------------------------------------------
عموما انا لست بصدد الدفاع عن تصريحات الدكتور ولكن اتناولها من وجة نظرى ؛خلاف كونها علاقة او غيرها..
ولكم جميعا خالص الود..
| |
|
|
|
|
|
|
|
|
|
فاروق كدودة: ايوة شيوعي وعندى عمارتين فيها شنو (Re: صباح احمد)
|
السادة المتداخلين
السيد فاروق كدودة كان هو الناطق الرسمى باسم الحزب اللينينى طوال سنوات
حكم الانقاذ وهو فى هذا اللقاء يمتدح مدير جهاز الامن ويعتبره من الاصدقاء المقربين
فى نفس الوقت فان اللينينين يملاون الارض شتائما ووعيدا بالانتقام من جهاز الامن بالذات
فى كل منابرهم
فهل هذه شيزوفرينيا سياسية
بالنسبة للخاتم عدلان يبدو ان كدودة يبدى عدم احترامه له وهو يتجرا بمثل هذا القول لان الرجل ليس حيا وبالتالى لن يتصدى له اما حاج وراق فهو حى يرزق ولهذا السبب فان كدودة يتحاشى اغضابه
ولا تعليق
اما قصة العمارتين والقراصة والعصيدة
فانها تنبع من توق اللينينيين( الشيوعيين) للحياة على النمط الراسمالى
فهم يدعون الحديث باسم الفقراء ليس حبا فى الفقراء بل بسبب حقدهم على الاغنياء
فاللينينييو ن هم الد اعداء الفقراء واذا اتيح لهم ان يحكموا فى اى دولة فقيرة فالويل
للفقراء فى تلك الدولة
وصدق من قال بان اللينينييين هم الوجه الاخر للعملة حيث ان الوجه الاول من العملة
تحتله الجبهة الاسلامية
لقد شعرت بالغثيان وانا اقرا ما قاله السيد كدودة
بقى ان اشير الى ما ذكره السيد كدودة عن استدانته من النظام المصرفى الذى انشاته
حكومة عسكر الجبهة فلماذا تعارض النظام اذا كنت قد انخرطت كليا فى صفوقه بهذا الشكل
اعرف لينينيا قدم الى القاهرة هاربا من القضاء بعد ان استدان من بنوك الجبهة مبالغ ضخمة ثم ادعى بانه كان يناضل ضد النظام وطلب حق اللجوء السياسى هكذا؟ ويعيش حاليا فى العالم الجديد بعد ان ارسلته مفوضية محمد بوكرى بشهادة كاذبة من منظمة حمودة فتح الرحمن الى هناك
| |
|
|
|
|
|
|
|
|
|
Re: فاروق كدودة: ايوة شيوعي وعندى عمارتين فيها شنو (Re: عادل طه)
|
قال الاخ عادل طه
Quote: بالنسبة للخاتم عدلان يبدو ان كدودة يبدى عدم احترامه له وهو يتجرا بمثل هذا القول لان الرجل ليس حيا وبالتالى لن يتصدى له اما حاج وراق فهو حى يرزق ولهذا السبب فان كدودة يتحاشى اغضابه
ولا تعليق |
عفوا اخي عادل
حتي لا نظلم الرجل اقول ان الدكتور كدودة كان يكن من الاحترام كثيره للراحل الخاتم عدلان وانه كان يتحدث معه قبل رحيله بيومين عبر الهاتف
وهذا ماقاله لي الدكتور كدودة عندما كتبت مادة (يوم شكره) عن الخاتم علان بعد ايام علي رحيله
*Quote: توقيع رابع :
الخاتم عدلان اعتبره فقدا عظيما جدا .. انسان مفكر ورجل له بصماته الواضحة في الحزب الشيوعي السوداني وحركة الطلاب السودانيينوله قيمته عندما يعمل معك وقيمته عندما يختلف معك ,حتي في لحظات الخلاف معك ينبهك الي بعض نقاط الضعف فيك يعني الخاتم معك مفيد ومختلف معك ايضا مفيد لذلك اشعر بان الحركة الديمقراطية في السودان فقدت انسانا عظيما ... ننعي الخاتم لاسرته ولاصدقائه ونعزي انفسنا ايضا في هذا الفقد العظيم.
د . فاروق كدودة
الحزب الشيوعي السوداني |
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: صباح احمد)
|
Quote:
اما قصة العمارتين والقراصة والعصيدة
فانها تنبع من توق اللينينيين( الشيوعيين) للحياة على النمط الراسمالى
فهم يدعون الحديث باسم الفقراء ليس حبا فى الفقراء بل بسبب حقدهم على الاغنياء
فاللينينييو ن هم الد اعداء الفقراء واذا اتيح لهم ان يحكموا فى اى دولة فقيرة فالويل
للفقراء فى تلك الدولة
وصدق من قال بان اللينينييين هم الوجه الاخر للعملة حيث ان الوجه الاول من العملة
تحتله الجبهة الاسلامية
|
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: صباح احمد)
|
• هل كان من حق الخاتم عدلان التطلع لقيادة الحزب الشيوعي حينما كان عضوا" به ؟
قال الدكتور كدودة انه يعرف طموح الخاتم الزائد للترقي لقيادة الحزب , اعتقد ان هذا طموحاا" مشروعا" لمن هم علي شاكلة الخاتم لاسباب كثيرة اوجزها في الاني :
1- حق التطلع للقيادة حق مشروع لكل عضوية الحزب بموجب اللائحة .
2- الخاتم مستوفي لشروط الترقي لكل المناصب القيادية , بما فيها منصب الامين العام , حيث ان قدراته الفكرية والسياسية ووكذلك قدرته المذهلة علي التحليل والاستقراء تجعل منه قائدا ملهما" .
3- قضي الخاتم بصفوف حزبه السابق اكثر من ثلاثون عاما" , قدم فيها كل مايستطيع لتقدم هذا الحزب , مما ادي لتراكم خبراته , التي جعلت منه عضوا" مميزا" ملم بكل تفاصيل العمل الحزبي.
4- حينما تطلع الخاتم لقيادة الحزب ( علي حسب قول كدودة ) كان عمره يفوق عمر الشهيد عبدالخالق الامين العام السابق للحزب , وكذلك الاستاذ نقد الامين العام الحالي , كما قضي فترة اطول منهما بصفوف الحزب ( عبدالخالق حتي استشهاده ونقد حينما تسلم القيادة )
*من يحترم من ؟
ملخص حديث كدودة انه لايحترم الخاتم , وحقيقي كان يمكن لكدودة ان يمارس عدم الاحترام هذا من غير التصريح , لان الشخص الغير محترم هذا غير موجود وبالتالي لايمكنه الرد علي كدودة , واخلاقيا" كان يمكن لكدودة ان يصرح بعدم احترامه هذا في حياة الرجل المحترم جدا غصبا" عن كدودة , واعتقد ان كدودة كان سيفكر مليون مرة قبل ان يصرح تصريحاتة هذه , لانه ببساطه غير مؤهل اخلاقيا او معرفيا" ليقول ماقاله في الخاتم .
كدودة هذا قائد اليوم بالحزب الشيوعي , ماالذي يجعل من كدودة قائدا" ؟ ماذا قدم كدودة لحزبه طيلة فترة عضويته الطويلة ؟ اعتقد ان كدودة اضر الحزب بتصريحاته حينما كان ناطقا" باسم الحزب , كدودة اثار شكوكا" كثيرة بسلوكه المشبوه حينما يدعو الترابي بمنزله ليقابل نقد , ويكذب حينما يقول ان ذلك تم مصادفه , كدودة يتحدث عن ظرف صلاح قوش , وعن انسانيته حينما سمح لمواطن سوداني بالسفر للعلاج , كدودة سعي سعيا" حثيثا" لتطبيع علاقته بالترابي , وحاول غسل الترابي حينما وصفه بالسياسي الذي يمكن التعامل معه . صلاح قوش والترابي هما من اغتالا الشهيد علي فضل , وليس الخاتم الغير محترم !!!!!!!!!!!!
في العام 1992 وعدت السلطه من ياتيها براس الخاتم بملايين الجنيهات لتصفيته , وفي نفس العام منحت بنوك السلطه المحترم كدودة مبلغ 130 الف دولار لبناء قصره الذي يتباهي به ويدعو فيه الترابي , ليتخيل كدودة ان الخاتم الغير محترم ذهب لاحد بنوك السلطه في ذاك العام ليطلب قرضا , ماذا سيفعل موظف البنك معه ؟
وبعد هذا كدودة المحترم الذي لايحترم الخاتم !!!!!!!!!!!
| |
|
|
|
|
|
|
|
|
|
Re: فــاروق كــدودة : ايوه شيوعى وعندى عمارتين المشكلة شنو ؟ (Re: بهاء بكري)
|
صبوحة .. البحبوحة
الصحفية النجوحة
ازيك يا بنتي
المشكلة شنو ؟
شنو شنو؟
يا ربي
أيو .. أيوة.!!
لا لا
ما ظنيتني عارفها!!
لكن الظاهر إنها المشكلة في دماغنا دهالمشكلة نحن
أيو..
نحن
كان عندنا أصدقاء كان ممكن نقرقر ونضحك معاهم
ونغني
ومن وراهم الملايين.. البلايين .. البلاتين .. البترول .. اليوارنيم .. الدولارنيوم .. الذهبانيوم.. الموتانيوم.. القتلانيوم .. العمانيوم ..عمى تبوسة
| |
|
|
|
|
|
|
| |
صباح احمد
قرشـــو
زول ساكت
معتز تروتسكى
محمد اشرف
بهاء بكري
المسافر
فيس بوك
تويتر
انستقرام
يوتيوب
بنتيريست