|
خيراً تعمل ...........؟؟؟؟؟؟؟
|
شعر عزمي أحمد خليل سودانيزاونلاين.كوم sudaneseonline.com 31/3/2006 6:49 م
شعر عزمي أحمد خليل مهداه لموسيقار الأجيال محمد وردي ولفنان الجيل سامي المغرب خيراً تعمل خيراً تلقى وشراً تعمل شراً تلقى وكضب المثل القال في السابق خيراً تعمل شراً تلقى ********* البيعمل خير حقيقه الندم يوم مابيجيهو والبيزرع ديمه بيحصد مهما غاب الغيم عليهو والبيشيل الشر في قلبو أصلو ما بتنوم عينيهو مهما حاول يخفي حزنو بكره بيرجع كلو ليهو الله قادر في سماهو والبيريدو الرب بيبقى خيراً تعمل خيراُ تلقى ********* التسوي تلاقي فيكا وياهو في الآخر مصيرك قيس لحافك قبل تخطو وقبل ماتتوه في مسيرك ولوهربت من العيون كيف حتهرب من ضميرك لو تدوم في الكون مظالم كان زمان دامت لغيرك وكلُ زول للناوي يلقى خيراَ تعمل خيراً تلقى ********* عيش امين وما تشيل عداوه تلقى كل الناس حبايبك ولو حقيقه الطيبه طبعك ياما بتلاقي البيطايبك مافي زول بيشمت عليكا وله يفرح لي مصايبك وياما تبقى الفاجعه أكبر لما يفرحوا فيك صحايبك وتاني كيف حالتك بتبقى خيراً تعمل خيراً تلقى واشنطون 30/03/2006
|
|
|
|
|
|