|
|
 عجبني ليك يا بكري
|
الأخ بكري
عندما طالبك الأعضاء بسحب عضوية د. المشرف باعتبار أنه من قيادات الكيزان الذين اساءوا إلى الحركة الطلابية ومزقوها، وباعتبار أنه من الذين تسببوا في تعذيب وتشريد الكثيرين من أبناء شعبنا رفضت ذلك عملا بمبدأ حرية الرأي.
وكان ربك بالمرصاد (يمهل ولا يهمل) فحدثت فضيحته التي فاقت فضائح سجن ابو غريب فقام براهو عمل شتات خالي محطات.
وجاء سعادتو محمد حامد جمعة متـابطا خططه لتدمير المنبر ورصد الشرفاء من بني الوطن وطالبك الأعضاء بعدم السماح لمثل هذا الشخض بنيل شرف عضوية المنبر ورفضت متعللا بنفس الحجة.
وهاهو الآن يلعب لعبته القذرة المفضوحة والمرسومة بكل دقة.
أقول قولي هذا بالرغم من تضامني الكامل معك.
|
|
 
|
|
|
|
|
|
|
|
Re: عجبني ليك يا بكري (Re: shammashi)
|
خالص التحايا
shammashi
مهما كانت دوافعك للنيل من خصومك
ده ماسبب بخليك تشمت فى بكرى
بكرى فى محنه ولازم نقيف معاهو
لكن انا حزنان جدا لبكرى لانو وكت الحاله بتتعالى الاصوات لكن وكت الفعل اغلبكم حتجرو واطى
اذا هى حاله صوته ليس اكثر..
ورينى انت فى المليار دى بتدفع كم؟؟!!
وزى ماقلو عندنا بالبلدى (السواى موحداث)
بعدين انت زول متعلم وواعى لو كل شى قعدتو تجعرو فيهو كده ورونى فايدة القانون شنو..
الناس توظف جهودها واكيد ماحيضيع حق وبالقانون..
وقلبى معاك بكرى..
| |
|
|
|
|
|
|
|
|
|
Re: عجبني ليك يا بكري (Re: معتز تروتسكى)
|
الأخ معتز
التحايا النواضر
Quote: خالص التحايا
shammashi
مهما كانت دوافعك للنيل من خصومك
ده ماسبب بخليك تشمت فى بكرى
بكرى فى محنه ولازم نقيف معاهو .. |
إنت دي ما شفتها ولا شفتها وقبلت منها
| Quote: أقول قولي هذا بالرغم من تضامني الكامل معك.. |
بعدين يا سيد من كلامي واضح باني ما شمتان إنما أنبه بكري لأخطاء ارتكبها في إدارة هذا المنبر
أما عن تضامني فقد أعلنته في بوست آخر وقلت الآتي
لو مبلغ الاتنين مليار بالدينار حأتبرع بقيمة اتنين صندوق طماطم
لو بالجنيه باتبرع بي قيمة كوز بصل
يا معتز ديما لمن أشوف اسمك باتذكر فرقة الأكروبات السودانية ما عارف ليه؟؟؟؟؟
تخريمة
يا محمد حامد شايفك كتبت الآتي
Quote: المهم استغربت ولم اجد تفسيرا لما حدث وهممت وعزمت على استجلاء التطورات التى حدت بكاشا هذا التصرف وقلت هذا فى مداخلة لي بأحد البوستات ثم وجدت انه من الافضل لى من الان وصاعدا ان امتنع عن الوساطة فى هذه القضية إذ أن من الواضح ان بعض الزملاء هنا قد استمراءوا جر الجميع الى اوحال القول السيى والظنون الاسواء ويظنون كل صيحة عليهم واترك لهم وهم قادرون بلا شك اعانهم الله ونصرهم على تحقيق الظفر وكسب القضية واثبات ان كاشا كتب المقال رغم انف وانف من خلفوه .
واقول آخرا .. فى هذه الازمة سعيت بصدق وبلا غرض منذ البداية لمعالجتها وكنت مستعدا لتجاوز مطبها واشهد فيها لبكرى بذات النية ولا يبقى لى الان الا شهادتى – فيما اعلم – ساوردها ... كاملة .... والله على ما اقول شهيد ..
وكسرناك يا قلم دفقناك يا دواية
.. |
ذكرتني قول اسماعيل حسن
يجيك مسدود تقول قدوا (بكسر القاف)
وتقدوا براك وتقول سدوا.
.
.
يا لذيذ يا رايق
| |
|
|
|
|
|
|
|
|
|
Re: عجبني ليك يا بكري (Re: shammashi)
|
خالص التحايا
shammashi
مره تانيه
اولا ياسيدى انا محمد ولا ملتو عندى فيهم رائى كبير ..
لكن طريقتكم البطمم البطن دى انا مامعاكم فيها ..
عشان كده بعاين بعينى ممغوس..
كل شى عايزن تعملو فيها مقطعنها وفى النهاية بتطلع حالة صوتيه..
Quote: لو مبلغ الاتنين مليار بالدينار حأتبرع بقيمة اتنين صندوق طماطم
لو بالجنيه باتبرع بي قيمة كوز بصل |
وكلامك ده زاتو يدل على انك ماواثق حتى فى كونك حتدفع قدر شنو ده اذا سلمنا بانو فى دفع..
الواحد لمن يجى لى شى يكون مالى يدو ويتكلم..
وتبقى هتافت وفى النهاية الناس تجر واطى..
عشان كده بقول ليك انا قلبى على بكرى.يعنى باللبلدى كده حتركبو التونسيه.
كلامك شفتو ياسيدى لكن الكلام فى بعض الاحيان مابقدم قضيه..عشان كده رمية حكاية انت زول متعلم وواعى وارجو ان لايكون افتراضى خطا!!!
وحترجع وتلف وتجى تانى لى كلامك ده لانك ماعندك غيرو ..
عشان كده لو كنت قريت حديثى كويس كان كفاك شر الرد الماجايب حقو ده..
| Quote: يا معتز ديما لمن أشوف اسمك باتذكر فرقة الأكروبات السودانية ما عارف ليه؟؟؟؟؟ |
وبعدين انت قايل الاكروبات دي هينه....
لكن اذا كنت بتفتكر الاكروبات من الارجحه او من المعنى القاصدو انت تبقى غلطان لانى شفته وسمعته وماقاعد اكورك من يجبو لى طرف الكلام..
وبقول ليك شكرا لوصفك بالاكروبات...
طيب انا بسالك انت حاول خمن انى كل ما اشوفك بتذكر شنو؟؟!!!
هل من اجابة..؟!؟
*ملحوظه ..
ارجو ان نكتفى بذلك..يعنى حتى الاجابة احتفظ بيها لنفسك..
والتحايا النواضر..
| |
|
|
|
|
|
|
|
|
|
Re: عجبني ليك يا بكري (Re: ahmed haneen)
|
يا معتز
ياخوي إنت مالك مسخن ونفسك قايم من صفارة الحكم
Quote: لكن طريقتكم البطمم البطن دى انا مامعاكم فيها ..
] |
أسي يا زول أنا جيت دقيت بابك قلت ليك تعال معانا وللا جيت شايل ليك كشف.
Quote: ورينى انت فى المليار دى بتدفع كم؟؟!!
] |
أول حاجة هي مليارين وإلا تكون اتوسطت لي كاشا عشان يخفضا.
تاني حاجة إنت حتدفع كم ؟؟؟علي اليمين بس التفعوا إنت أنا قدرو مرتين (دا حد أدنى)
بعدين إنت طوالي مالك افترضت إنكم كسبتوا القضية
ياخوي دي دايرة ليها مية سنة
يعني لو كسبتوا القضية التعويض حيدفعوهو ورثة بكري (بعد عمر مديد إن شاء الله)
يمشوا يبيعوا بيوتم في الحلفاية
ويدللوا البورد دا ذاتو لمن يدفع أكثر
ويبيعوا عربيتو الفي امريكا ديك.
كدي روق المنقة يا خوي
| |
|
|
|
|
|
|
|
|
|
Re: عجبني ليك يا بكري (Re: shammashi)
|
| Quote: بعدين إنت طوالي مالك افترضت إنكم كسبتوا القضية |
هو ذاتو معتز شايت مع منو
الكيزان المكملين الشطارة
ام مع المكملين الاستنارة..
ولا مع المهاجرين الحيارى..
او مع المغتربين
من النضال صارو فتارى..
فقعدوا فى نص الصحارى...
لا وطن تحسن ولا ابن بارا..
شكرا شماسى
انا بدفع قدرك..بس معتز دا طالب
نشارك مساهمتو ..
| |
|
|
|
|
|
|
|
|
|
Re: عجبني ليك يا بكري (Re: abuguta)
|
يا ابو قوتا
معتز دا عامل فيها ياهو الحكم
لا شايت جاي ولا جاي
بس جاري وراء اللعيبة
وآخخر شي يمكن المشجعين يدوهو دقة.
ماعندي مانع على الاقتراح
والله أقول لك حاجة
إنت ذاتك علي الـ..... ما تدفع حاجة
حقك وحقي وحقو علي
أها جعلي وللا ماني جعلي
| |
|
|
|
|
|
|
|
|
|
Re: عجبني ليك يا بكري (Re: shammashi)
|
طيب
shammashi
عشان مانطول الحكى ويبقى نقاش فى شى مايتساهل..
دايراوضح ليك نقطتين
اولا انا مامسخن بس انت الحقيقه المره ساعة يقولها ليكم بتفتكرو الزول هايج..
الشى التانى انا ماحددته ليك انو حادفع ولا لا ؛لكن اتكلمت عن انو الطريقه البتم بها معالجة القضايا فى النهاية كلها صراخ وزعيق ليس عشان كده نحن واقفين محلنا..
عشان كده انت ماقريت كلامى كويس قلت ليك ماتبقى حكاية اقتباسات ولا اكثر..
انا قلت ليك لورتبنا حالنا كويس بنقدر على كل شى ...
لكن نقعد فى البطولات الهلامية دي وعيك وعاك ده البمغص وبطمم البطن..(انت قادر تفهم كلامى ده كويس)
*كذلك كنت ااسا ماعايز ارد عليك لانى قلت ليك نقفل الباب ده لكن هناك مايستوجب الرجوع....
| Quote: بعدين إنت طوالي مالك افترضت إنكم كسبتوا القضية |
كلامك ده انا عايزمنك منك فيهو توضيح..ياباشا...
مافهمتو؟!!؟؟!!!
كمان
| Quote: أول حاجة هي مليارين وإلا تكون اتوسطت لي كاشا عشان يخفضا. |
ماتفترض وتقطع من راسك ساى
ثم انا باى حق اقول لى كاشا ولا عباس ده خفض القروش؟؟!!!
منتظرك ياسيد شماسى..
| |
|
|
|
|
|
|
|
|
|
Re: عجبني ليك يا بكري (Re: معتز تروتسكى)
|
Quote: لكن نقعد فى البطولات الهلامية دي وعيك وعاك ده البمغص وبطمم البطن..(انت قادر تفهم كلامى ده كويس)
.. |
يا أخي أنا كلامي الكتبتو موجود
وريني البطولات الهلامية فيهو وين
بعدين باجيك راجع
الشي التاني البوست كان انتقاد لبكري في إدارته للمنبر والتي جرت عليه ما نحن بصصده الآن
ناقش الموضوع المطروح في البوست ولا تخرج عن إطاره.
| |
|
|
|
|
|
|
|
|
|
Re: عجبني ليك يا بكري (Re: shammashi)
|
والله ياسيد شماسى انت زول غريب خلاص..
يعنى بقت علي حكاية ضربنى وبكى وسبقنى واشتكى..
Quote: الشي التاني البوست كان انتقاد لبكري في إدارته للمنبر والتي جرت عليه ما نحن بصصده الآن
ناقش الموضوع المطروح في البوست ولا تخرج عن إطاره. |
من البداية قلت ليك لمن حسيت انو الشغله فينا واحد مافاهم التانى قلت ليك خلاص انسها واتجاوزنى..
جيت رميت كلامك ده..وانا طبت منك تفهمنى معناهو ..
لاحكاية داير انتقد بكرى ولا ولا ...
انا بعرف بتبن اختلف وبتين اتلاقى...فى شى اسمو الاوليات....
Quote: *كذلك كنت ااسا ماعايز ارد عليك لانى قلت ليك نقفل الباب ده لكن هناك مايستوجب الرجوع....
Quote: بعدين إنت طوالي مالك افترضت إنكم كسبتوا القضية
كلامك ده انا عايزمنك منك فيهو توضيح..ياباشا...
مافهمتو؟!!؟؟!!!
كمان
Quote: أول حاجة هي مليارين وإلا تكون اتوسطت لي كاشا عشان يخفضا.
ماتفترض وتقطع من راسك ساى
ثم انا باى حق اقول لى كاشا ولا عباس ده خفض القروش؟؟!!!
منتظرك ياسيد شماسى.. |
تجى تسالنى وانا طالبك وبدافع عن نفسى وحقى..
| Quote: وريني البطولات الهلامية فيهو وين |
!!!!!!!!!!!!!!!!!!!!!!!!!!!!!!!!!!!!!!!!!!!!!
والله مالاقى غير اقول ليك ربك ينور بصيرتك عشان تشوف..
انا زاتى مشغول لو انت مشغول بكون فى المكتب وبجابد....
فبقول ليك القلتو سابقا فى حقى ماداير منك ليهو توضيح واتجاوزنى وسوق بوستيك زى ماتحب ..
وانسى انى جيت خاشى عليك..
ماعشان مابقدر ارد عليك....
بس عشان احاول اقرا ليك من بعيد واشوف فهمك وكمان زى مابتقول مانخرج البوست من اطارو....
يلا الله معاك
بس قبل ما اتخارج اقرا اللينك ده وشوف الناس البتتكلم عن دولة القانون والفهم الصاح..
ضـد سودانيزأونلاين, ...... ضـدنا جميعـاً .........
وسلامز...
| |
|
|
|
|
|
|
|
|
|
Re: عجبني ليك يا بكري (Re: shammashi)
|
الأخ شماشي
تحية
ما حدث لبكري أم جدي وهام
وعنوانك هذا يدل على شماتة
حتى لو كتبت في آخر حديثك أنك
تتضامن معه.
فالرجاء عدم محاولة استغلال موقف مثل
هذا لتأنيب صاحب الموقع على مواقف اتخذها
من قبل..
| |
|
|
|
|
|
|
|
|
|
Re: عجبني ليك يا بكري (Re: Amin Elsayed)
|
اسمحوا لى بنقل مساهمتى فى بوست كتبه اليوم محمد حامد جمعة، واختار له عنوان (كسرنا القلم دفقنا الدواية).. وهو عنوان واضحة دلالاته!
_________
محمد حامد جمعة
سلام وتنمية وديمقراطية.. دى تحيتى ليك باعتبارك شريك لنا فى الوطن السودانى.
1- انت صحفى فى جهاز حكومى اعلامى اسمه المركز السودانى للخدمات الصحفية. واختصر اسم هذا المركز الى الSMC من اسمه باللغة الانقليزية (Sudanese Media Centre). وهذا المركز تابع لجهاز الامن والمخابرات السودانية.
2- انت عضو فى حزب المؤتمر الوطنى الحاكم. وهو كان جزءآ من الجبهة الاسلامية القومية التى انقلبت على الديمقراطية فى 30 يونيو 1989.
3- منحك الاستاذ بكرى ابوبكر عضوية المنبر السودانى الحر مثلك مثل غيرك. وهذا المنبر ساحة للحوار والنقاش السياسى والثقافى والادبى والاجتماعى الخ. وهو ايضآ ساحة لنشر المقالات والمساهمات الفكرية والابداعية من رواية وقصة وفنون تشكيلية وتصوير فوتوغرافى، وغناء وموسيقى الخ.
4- الانفراج السياسى فى السودان والحريات النسبية الحالية واتفاق السلام بين الحكومة الحركة الشعبية جاء بنضال السودانيين وضغوط المجتمع الدولى، ونتيجة لتعاون وبراجماتية بعض قيادات الحزب الحاكم واستراتيجييه.
5- عندما تستمع سلطة سلطة شمولية الى نفسها والى صدى حديثها مع نفسها لمدة طويلة، قد ترى فى حرية التعبير وحرية الرأى وحقوق الانسان انفلات وفوضى وشغل بتاع ملكية ساى!
6- الانتقادات التى يوجهها الاعضاء هنا للسلطة الحاكمة ولحزبك ولك هى من صميم ممارستهم لحرية التعبير وحقهم كمواطنين سودانيين فى نقاش امور وطنهم وشعبهم، اذا كانوا يعيشون فى السودان او فى خارجه.
7- بعض العناصر فى حزبك الحاكم لم تفق بعد لواقع الانتقال من احتكار السلطة لكم والثروة لبعضكم، الى الترتيبات الجديدة التى فرضها اتفاق السلام العام الماضى. واهمها الدستور الانتقالى وما نصّ عليه من حقوق وحريات واستحقاقات. فما زال جهاز الامن يتحكم فى الحياة السياسية، وفى الاعلام والحريات الصحفية. ومازال التصنت على التلفونات قائم، وما زالت مراقبة بعض الافراد قائمة. وما زال الاعتقال السياسى والتحفظى قائم.
8- حزبك الحاكم، بما توفر له من دولارات البترول وغيره من الثروات الوطنية، يسعى بالترغيب فى تأليف قلوب من يرغب فى تأليفهم، ويسعى الى تجنيد عناصر فى الخارج للعمل فى شعب الامن الخارجى، والتخابر وتجميع المعلومات فى اوساط السودانيين فى تجمعاتهم المختلفة فى العالم العربى والشرق الاوسط، وفى اوروبا وامريكا وفى استراليا وفى غيرها. يجدون ضالتهم فى ضعاف النفوس، ويستغلون حاجة اسرهم وضنك العيش فى السودان.
انت تقول بعضمة لسانك
Quote: | Quote: كان الله فى عون بكرى ابوبكر – وسيعتبر البعض قولي تملق للزلفى – الذي بادر وأسس هذا الموقع وبذل فيه ما بذل من جهد ومال ورهق أضافها إلى معاناة غربته وهجرته ونجح الرجل بشهادة الجميع واتفاقهم في تأسيس موقع سوداني متميز وملتقى كبير ورائد مكابر من ينكر ذيوع صيته ومضلل من يدعى انه غير مؤثر وغير محضور ومشاهد |
ولكنك لا تتمناها له فى سياق تمنيات حسنة وطبيعية. انت تقول كان الله فى عونه، لأنك وغيرك تعتقدون ان بكرى الان فى محنة. وان بيته سوف يخرب بسبب الدعوى التى شرع الوزير السابق عبد الحميد كاشا فى رفعها ضد الموقع وصاحبه، ويطالب فيها بتعويض مالى!
وفى هذا السياق تحاول انت ان تخفف محنة بكرى وخراب بيته المتوقع، بالتدخل لدى السيد كاشا كى يسحب الدعوى ويوقف الاجراءات القانونية التى سوف تكون نتيجتها حكم قضائى لصالح كاشا سوف يترتب عليه الويل والثبور والخراب لبكرى وافلاسه وضياع سنوات شقائه وغربته! الخ الخ!
هذا هو الخيط الجديد. تخويف بكرى وشن حرب نفسية عليه بالتلويح يالقانون والغرامات والتعويض!
وفى نفس الوقت تحاول ان تدق اسفين بين بكرى صاحب الموقع، وبين العضوية التى سوف تتسبب فى خراب بيته، بسلوكها المنفلت، وعدم احترامها لحرية التعبير!
لقد حاول حزبك الحاكم وسلطتك الشمولية من قبل حجب الموقع فى السودان.
ثم حاولوا تسريب عناصر امنية ومخابراتية للتخريب ولصرف العضوية عن نقاش قضايا الوطن والمساهمة فيها.
حاولوا الحصول على معلومات الاعضاء الشخصية من ملفاتهم.
حاولوا تخريب الموقع تقنيآ. ومارسوا بعض الحيل الاستخبارية المعروفة.
ثم حاولوا زرع الفتن بين الاعضاء. وحاولوا الاساءات والنبذ والاتهام بالانحلال الاخلاقى والتعريض ببعض العضوات الناشطات.
فى سياق كل هذه المحاولات، الذكية والساذجة، جاءت مقالات كاشا والفريق ادم موسى، التى اثارت الضجيج الحالى. ويجب ان تعلم ويعلم حزبك الحاكم وجهاز امنك ووكالة مخدميك، ان الموقع، منذ تأسيسه، وصلته ونشر الاف المقالات من معارضى السلطة ومن حلفائها ومن اعضائها ومن المتعاطفين معها. من كافة الوان الطيف السياسى. ولم تثر مشكلة واحدة. ولا واحدة.
ليـــــــــــــــــــه؟ ليه حصلت مشكلة الان عندما نشرت مقالات لكاشا وموسى؟
بكرى سحب المقالات بعد نفى كاشا وموسى لها.
لماذا الان يسعى السيد كاشا للقانون فى السودان؟
من حقه طبعآ..
ولكنه ادعاء عليه ان يثبته.
وهذه هى المعركة السياسية والقانونية التى اشرت لها انا امس.
وهذه هى المعركة السياسية والقانونية التى تنادينا اليها كخيول الريح دفاعآ عن موقع عزيز على اعضائه، ودفاعآ عن بكرى، العزيز علينا كانسان وكمواطن سودانى شريف، ومخلص لقضايا بلده الذى اشتعل بالحروب الاهلية فى دارفور وفى شرق السودان وفى جنوبه.
لا نضخم دور هذا الموقع وتأثيره، ولا نبخسه فى ذات الوقت.
والساعون لعزل بكرى عن باقى الاعضاء..
وتخويف بكرى بالقانون والغرامات..
والساعون الى ايهام بكرى وحمله على تقييد حرية التعبير، لانها بتجيب ليهو المشاكل..
كل هؤلاء.. نقول لهم:
بيننا وبينكم القانون.. بيننا بينكم وطن مزقتوه بالحروب، وافقرتوه بالفساد..
لن نتركه لكم هذا الوطن. سوف نستعيده وسوف يعود له وجهه الذى يليق به وبنضالات شعوبه.
وكله بالقانون!
كله بالقانون!
كله بالقانون!
| |
|
|
|
|
|
|
|
|
|
Re: عجبني ليك يا بكري (Re: shammashi)
|
ما عارف الموضوع بيدور حول شنو وما عارف الناس الدخلت بعدك كتبت شنو لكن والله جيت ابارك ليك كتابتك لي بوست خاص بيك وبي لغتك الخاصة بغض النظر عن ركاكتها او الإبداع فيها ..
الف الف الف مبروك يا شماشي وتقراهو بي عرق العافية ..
| |
|
|
|
|
|
|
|
|
|
Re: عجبني ليك يا بكري (Re: عمر الفاروق)
|
الأخ عقيد
تحياتي
ياأخي الكريم لن اسمح لنفسي بالشماتة من الأخ بكري الذي أتاح لنا هذه الرئة.
وفعلا عنوان البوست قد يعطي انطباعا بذلك ولكن موقفي من بكري ومن البورد لا يحدده عنوان.
تحياتي
الأخ أمين
هذا ما ظللنا ننادي به منذ دخولنا لهذا المنبر. فأعداء الشعب يجب ألا يكون لهم مكان بيننا.
برضو تحياتي
الأخ عادل أمين شكرا لمساهمتك العميقةوالبيت بيتك.
والتحايا النواضـــــــــــــــــــــر
تخريمة:
شايف لي جماعة من ما شافوا اسم د. المشرف جوا طوالي وكسروا ركبة جوا البوست دا(وعملوا كمين زي بتاع الدبابين العملوهو في الجنوب داك)
واقول ليهم (وين تلقوا زي دا)؟؟؟؟؟؟؟؟؟؟؟؟؟؟
وغايتو الله يستر علي بوستي دا.
ياجاتو الكشة
أو بكري وداهو خـــــــــــــــــــــــور عمر.
| |
|
|
|
|
|
|
|
|
|
Re: عجبني ليك يا بكري (Re: عمر الفاروق)
|
معليش ياخي
الزول دا قال ليك الللية هو مشغول شدديد خالس
ممكن يجي بعد ساعتين من الآن حسب توقيت فرجينيا
لو مغرود فيهو شديد تعال لو بعد الساعتين ديل.
اسي أمشي مد ظهرك شوية.
| |
|
|
|
|
|
|
| |
معتز تروتسكى
ahmed haneen
abuguta
عبد الله عقيد
Amin Elsayed
Adil Osman
عمر الفاروق
فيس بوك
تويتر
انستقرام
يوتيوب
بنتيريست