|
طارئ: فيديو كليبات بهنس
|
اها كيفكم احبانا البورداب?
ده Link,كنت اجهلو,وفي بت فرنسيه بت اهلنا لمت فوقو صدفه,بعد مرور نحو خمس سنوات على الفيديو كليبين ديل.
القصه: انو في السنوات ديك كنت بدرع جيتاري وادقش اب روف جنب البحر,اشرب الشاي مع الفرد.
اهه صدفه كان في مخرج سينما فرنسي اسمو:فيليب نوردانت. يازول قال الا يعمل لي فيديو كلبات,معاو كاميرا ولابتوب فيهو مونتاج وقطع ولصق,انا كلمتو قلتا ليو انا زول بهنس ساي,هاوي,وصوتي شين,يازول عمك اصرا, وشتنا العملين ديل. pc: ماما نقا تراث زاندي. Sajora او ساجورا(من ساجور) كلمات والحان اخوكم الضعيف. محبتي
ايوااا! انا حاانسى اللنك ولا كيف,اهو ده:http://zoziomusique.free.fr
|
|
|
|
|
|
|
|
Re: طارئ: فيديو كليبات بهنس (Re: محمد بهنس)
|
بهنـــــــــــــــــــس انا عموما قبال ما اسمع انت عارف رائى بعدين انا عندى معاك مشكله ياخ انا لمن القاك حايم فى الحوش ده مرات بتجاهلك عنية كده لعدة اسباب منها اولا انت نظام تخش وتطلع دى معاك ماجايبه حقها.. يعنى انت زى بوستاتك دى داير (ويك اند) ولا اجازه طويله وهلمجرا.. فياخى حاول عالج لينا المسالة دى... اها بعد النقه دى اخبارك وصحتك وكيف عامل مشتاغون ولااكثر..
| |
|
|
|
|
|
|
Re: طارئ: فيديو كليبات بهنس (Re: معتز تروتسكى)
|
اخوي تروتس وين يامعتز? انا زول مطرطش بس . ..زيارتك تهيج الحنين للاصدقاء وانحنا كلنا فارقنا اوطانا.. لكن خالتنا عشه الفلاتيه قالت: "سار معاهم اينما سارو".محبتي تاتيك في بلاد العم شاي.
| |
|
|
|
|
|
|
Re: طارئ: فيديو كليبات بهنس (Re: محمد بهنس)
|
وفي بت فرنسيه بت اهلنا لمت فوقو صدفه
يا مطرطش .. ورود ونابت فيك براعم كثيرة
كدى ..حِت البرم دا ..
Quote: وفي بت فرنسيه بت اهلنا لمت فوقو صدفه .. |
دى فيها جير عديل ..
| |
|
|
|
|
|
|
Re: طارئ: فيديو كليبات بهنس (Re: محمد بهنس)
|
. حاولت اعرف الزول ده صور برج البركة من ياتو عمارة ما طلع معاي .. ديسكات الذاكرة ضربت خلاص يا ريت يا بهنس تقتل لي الفضول وتوريني من وووووووووووووووين تم التقاط الصورة .. تحياتي ،، .
| |
|
|
|
|
|
|
Re: طارئ: فيديو كليبات بهنس (Re: hatim ibrahim)
|
حاتم اخوي.. الlocations انا الاخترتها,في الخرطوم عمارة ابو العلا من شرفة احد مكاتب جريدة الايام في ذلك الزمن,وكان لي صداقات مع ناس كتار منهم,بعدين محل بتاع اناتيك في نفس المنطقه ويديره العم محمد واخوي حافظ ربنا يطراهم بالخير,ثم مكتبة المركز الثقافي الفرنسي بشارع المك نمر,وامدرمان اب روف اخر محطه او المرسى,والزول الطلع معاي للمعديه بوليس صديق من اب روف اسمو البدري البدوي هجو,ربنا يطراو بالخير,وبعدين النيل في جزيرة التمساح. قصرت معاك? .. .. محبتي
| |
|
|
|
|
|
|
Re: طارئ: فيديو كليبات بهنس (Re: محمد بهنس)
|
الأستاذ بهنس:
يسعد صباحك (بتوقيتنا سبعة وربع صباحا!)
شاكرين للنغمة الحلوةوالشغل المنجض وشوفتنا للخرطوم...
)))))((((سهرت اليالى الطوال))))(((((
you made my morning
شكرا
| |
|
|
|
|
|
|
|