|
7000 عام او يزيد من الفشل (يلا ندلل البلد) وكل واحد ياخد حقه!!
|
قال ترهاقا مخاطباً بعانخي في مؤتمر القمة النوبية (ان الاوان للشتات) لمو التوابيت وجهزوا الاهرام وكلم مرتك تشيل اللحم الناشف من الحبل يمكن تصب مطرة!!
تعرف؟؟
يافردة ديل كلهم اهل وكل واحد فيم حاسي بـ عظمة!!
تخيل!!
ان مبعوث(البِده) البجة اوفد موفوداً يبشر باستعدادهم التام لراب الصدع و حبة (بُن) الناس مزاجات!!
ونصحتة.
اسمع يازوجي العزيز وان تكروا تذكرونا وان تفروا كلمونا احتمال نحتاج نجهز ونلبس تياب الساكوبيس ونرجاكم في طرف الشارع..
(اماني شخيتي) لها راي اخر في ضرورة اشراك ملوك الجهات الاخرى في امر الحكم...الاستعانة بعيال جعل وقائدهم المك نمر!!
الفور رايهم شنو!!
البجري يدقة دق الويكه في (فندق خشب)
اها اتفقنا.
ايوة
خلاص كل واحد يشيل حبة وإن شاء الله ماحدش حوش!!
النوبة يشلعو الاهرام ويبيعوها طوب والباقي اناتيك
البجة يلموا الجمال وشوالات البن ويجهزوا حالهم
الجنوبين يلموا باقي بيوت القش والبقر (تمام يافندم)
الشماليين كلهم يلموا الطنابير و السيوف والطواقي والسواقي( سريــــــــــــــــع)
نوبة الوسط واهل الغرب القريب يلا كل النقارات وكل البهجة وزيوت المصارعة( ماتنسو الريش)
الفور ممنوع اصطحاب شوالات التمباك يسمح بالالواح للذكر والسعية
البقية شيلوا خفيف والباقي خلوة للمالك الجديد
ويلا نفرتق البلد دي حتة حتة ونبيع الارض لمن له المقدرة على الاستفادة
ملحوظه على الراغبين في الشراء ان يعلموا اننا سنترك لهم 7000 عام اويزيد من الحضارة و 7000 من اللعنة التي يستحيل معها العيش في بلد واحد ممكن يصلح كمخزن لاي شي
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|