|
|
 في التناص بين رواية بهنس وشفرة التواصل (توجد نُكتة فاضحة)
|
أخشى أن تكون "تناص" و"رواية" هذه خلَّت المكنة شالت في (زملائي) النقاد، فنفضوا أياديهم/ن عن ما كانت فيه، وتنادوا خِفافاً للبوست. وتزداد خشيتي من أن يكون ضمن من خفوا عريس عريسين، إذ يصبح الذي كانت فيه أياديهم حينها (حِنَّة)!!.
وهكذا تبقى المكنة بايخة رغم إنها شالت!!
أتمنى أن تكون، قبل يتنادوا، قد شالت..
(الحِنَّة.. ما المكنة!!).
في الأول نشوف رواية بهنس ثم نعود للتناص:Re: شوفو (العرقى) بسوى شنو؟
Re: شوفو (العرقى) بسوى شنو؟
في العمل عندنا، وفي بداية هذا الأسبوع، حدث سوء تفاهم بين أحد الزملاء والسوبر فايزر تطور لمشادة وصلت المكتب. في اليوم التالي علقوا (نوت) في البورد وأكدوا على وجوب اتباعها، ولأننا عادة كنا ما بنقرأ النوتس الكلو يومين بيعلقوها دي، حسب ما علمونا السناير، يقول السناير " لما تجي البورد وتلقى نوت، عشان ما تضيِّع زمنك في القراية وفي الآخر يطلع موضوع بيض، تعاين في النوت لكلمة (Employee) تشوف بعدها هل في كلمة(Benefits) !! لقيتها تشوف بعديها في رقم ثم علامة ($)!!. لو لقيت التلاتة حاجات دي أقيف وأقرأ، ولازم تفهم.. لو ما لقيتها ما تقرأ.. أنسى الفكرة وأكسب زمنك". طيب النوت دي ما فيها الحاجات دي.. لكن قالوا لازم تتبعوها!!
تقول النوت:
CODE OF CONDUCT All employees will endeavor to create a climate of mutual understanding and mutual respect for the dignity and rights of every individual in our workplace.
ما فاهمين.. يعني نتّبع شنو!؟.
طيب.. شلناها البيت ودخلناها على قاموس الوورد، قال معناها:
شفرة التواصل على كل العاملين السعي لخلق جو من التفاهم والاحترام المتبادلين. وذلك لما تتطلبه إنسانية و حقوق كل من يعمل لدينا.
(أرجو من ناس الترجمة يصحِّحوني لو كان المعنى فارق).
وإذا كان ما فارق فأنا "كناقد" أضم صوتي لعمك أبو العوض (بتاع بهنس داك!!) متسائلاً:
"دحين آجنا الداهي* دي تطير فوق عروضنا كدي ساااااكت!؟"
يجيب العوض " آآآييييي!!"
نرد مستغربين " نان كدي ما ختا!؟".
ـــــــــــــــــــــــــ
الداهي*: الداهي لغةً هي الدراب الفي عنواين البوستات.
المصدر: من مذكرات الحكيم باشي (بيدبا). 
(عدل بواسطة محمد السر on 03-12-2006, 05:16 AM)
(عدل بواسطة محمد السر on 03-12-2006, 06:09 AM)
|
|
 
|
|
|
|
فيس بوك
تويتر
انستقرام
يوتيوب
بنتيريست