|
Re: للنساوين بس (Re: انتصار محمد صالخ بشير)
|
الحاجة الغريبة يا كبسيبة ان الهنديات يموتن موت في الدهب ، واغرب حاجة معظم خادات المنازل ، لمن تسأل الواحد عن سبب غربتها وسبب عملها في هذه المهنة ؟ تجاوبك بأنها لم تغترب بسبب الاكل ولا الشراب أو بناء منزل أو مهر كما يفعل السودانيين ، بل أنها تهاجر من أجل الدهب والدهب وحده من يستحق تضحيتها وعملها كخادمة وله في خلقه شؤون
| |
|
|
|
|
|
|
Re: للنساوين بس (Re: كبسيبة)
|
لا حولالالالالا بكام دي...
سمعنا بكرسي جابر ودقن الخميني لكن قطر زي ده ما شفته عند اعتى المحافل النسائية السودانية لكن قطع شك اللي في رقبتها ده مفروض يكون دقن القاعدة ...
| |
|
|
|
|
|
|
Re: للنساوين بس (Re: كبسيبة)
|
الكترااااااااااااااااااااااااااابة دا ودوا لغير صالح للنشر لحدي ما اعرس. ذكرتني زمااان في الابتدائي,كنت ارجع الي المنزل مباري ضل الحيط لحدي ما اصل البيت,وغصبا عني يقع نظري علي الكلمات المكتوبة في الحيط,ذات مرة ,قرأت.. أم العروس دايرة.. فلوس تبني كبري في نهر عطبرة لا ..لا عرس المسخرة الناس بتمشي لي قدام وانحنا راجعين لي وراء لا ..لا..عرس المسخرة.
ومن حظي سمعت اللحن بتاعها من احدي طالبات الابتدائي,لحن اقوي من لحن النشيد الوطني لدولة (إحتجاجستان). .................................................................................... أخي كبسيبة أرجو ان تعلن انها مفبركة بالفوتوشوب,قبل تبقي موضة.
| |
|
|
|
|
|
|
Re: للنساوين بس (Re: كبسيبة)
|
انتصار: أزيك
Quote: كبسيبة يا اخوى ...هجمتنى !!
|
هجمتك عديل كده وأنا الداير اعرس بعد شهرين يكون حصل لي شنو يعني
| |
|
|
|
|
|
|
Re: للنساوين بس (Re: كبسيبة)
|
عشوشة: يديك العافية بجي بكمل الونسة معاك جمب الكانون بتاعك بس صلحي 2 قهوووووة وأهم حاجة بخور التيمان
Quote: بل أنها تهاجر من أجل الدهب |
طيب ما تشوفي لي واحدة من ذوات الدهب ديل
| |
|
|
|
|
|
|
Re: للنساوين بس (Re: كبسيبة)
|
Eng. Mohammed al sayed: يديك العافية
Quote: أخي كبسيبة أرجو ان تعلن انها مفبركة بالفوتوشوب,قبل تبقي موضة. |
من خشمك لي باب السماء خليهن يشطرن كده..ويكفن نفسن بس ديل الوحدة بتجي من بيتهم بي دهبه
| |
|
|
|
|
|
|
Re: للنساوين بس (Re: كبسيبة)
|
نجود : سلام
Quote: كدى بس اشوف لى مره سودانيه تقول عندى دهب |
والله كان شفتيها ركبت ليها سن دهب وماشة في الشارع توزع في الابتسامات ساي كان عملت زي ده... حتلعب بيهو نط الحبل في الشارع
| |
|
|
|
|
|
|
Re: للنساوين بس (Re: كبسيبة)
|
نادية عثمان : أزيك
Quote: وووووووووووووووووووووووووووووواحلاااااااااااتى ياكبسيبة عرستا متييييييييييييييين انت ؟!! |
ما جيتي ختيتي لي ولا خاتم
| |
|
|
|
|
|
|
Re: للنساوين بس (Re: كبسيبة)
|
Quote: الذهب : هو عنصر فلزي عرف منذ القدم وقد كان امتلاك الذهب بلونه الاصفر البراق والجذاب علامة تدل على الثراء لالاف من السنين وقد عرف قدماء المصريين كيف يطرق الذهب لصفائح رقيقه لدرجة نحتاج معها لما يقرب من 367.000 صفيحة للحصول على مجموعه صفائح رقيقه يبلغ سمكها 2.5 سم وخلال القرون الوسطى نشا علم كامل قائم بذاته يسمى الخيمياء نتيجة المحاولات التى بذلت لصنع الذهب بطرق اصطناعيه ولقد نجح العلماء المحدثون في تحقيق بعض احلام الكيميائيين القدامي ففي امكانهم اليوم استخلاص الذهب من ماء البحر كما بامكان مسرعات الجسيمات تركيب الذهب من عنصري الرصاص والزئبق كما يمكن لهذه المسرعات ان تصنع نوعا غير مستقر من الذهب مصنوع من البلاتين والايدوم وكلاهما يفوق الذهب قيمة الا ان اغلب الذهب المنتج تجاريا مازال مصدرة الارض واستخراج الذهب اليوم صناعه مهمة تشرف عليها بعناية حكومات البلدان المنتجه ويعتبر الذهب ذو قيمة عالية عبر السنين وذلك لندرته ولان الذهب يدين بالكثير لخواصة الفيزيائيه والجماليه ولليونته ومقاومته للكيميائيات وكذلك لكثافته فهو ذو لون اصفر جميل وبريق معدني اخاذ ويسهل شغله بسبب ليونته هذه ويصفه العلماء بانه لين قابل للسحب وذلك لامكانية سحبة في شكل اسلاك رقيقه لسهولة طرقه وتحوله لألواح رقيقه كما يمكن تشكيله على اية هيئة مطلوبه وبعد ذلك فانة يحتفظ ببريقه لمقدرته على مقاومة الصدأ والتغيرات الكيميائيه الاخرى المتسببه بفعل الهواء ولابد من خلط الذهب بفلز اخر اذا اردنا صنع جسم صلب منه كقطعة مجوهرات كالسبيكه وتقاس بالقيراط والقيراط يساوى واحد من اربعة وعشرين جزءا ويعتبر الذهب عيار 24 قيراط هو من الذهب النقي وكلما قل كلما زاد اجزاء من فلزات اخرى وينصهر الذهب النقي عند درجة حرارة 1.064.43 م ويغلي عند درجة 2.807 م وقد تكون الذهب من جراء ترسب من الغازات والسوائل المتصاعدة من اسفل سطح الارض هذه الغازات والسوائل تتصاعد في اتجاه السطح خلال تشققات في القشرة الارضيه ويوجد الذهب بكثرة في الصخور المكونه لهذه القشره وغالبا ما يوجد مع فلزي النحاس والرصاص ومن النادر ان نجد قطعا ذهبيه بحجم كاف لرؤيتها بالرغم من ان صخورا كبيره من الذهب قد عثر عليها في استراليا في اواخر القرن التاسع عشر ويوجد الذهب في ترسبات العروق المعدنيه وهي عروق في القشره الارضيه كما يوجد في الترسبات الغرينيه وهي جسيمات كبيره تسمى شذرات او حبيبات الذهب وتوجد في قيعان الانهار وهذه الجسيمات جرفتها مياه السطح او مياه الفيضان وحملتها بعيدا عن العرق المعدني وبعض الشذرات كبيرة جدا واكبر الشذرات تم اكتشافها وجدت في موليجول بفكتوريا باستراليا في عام 1869 م والتى استخلص منها 69.92 كجم من الذهب النقي كما يوجد الذهب في مياة البحر حيث تحتوى على الذهب المحلول وينتج من ماء البحر 72 ملجم من الذهب لكل طن مترى
|
منقول
| |
|
|
|
|
|
|
Re: للنساوين بس (Re: كبسيبة)
|
كبسيبة الرائع بروعة دقن القاعدة انا ماكملت لانو بصراحة البورد دا فيهو نسوان ... بحبن الدهب الله يديهن العافية وكما هو معروف بان المراة السودانية عنصر لافلزي مع اعتبار الدهب عنصر فلزي , , حلوة فلزي دي ذكرتني فلذات اكبادنا مع اختلاف الحرف العقدة دا , لانو لوكملت العبارة تقوم تتطلع لي واحده تشمت فيني خلق الله لانو المرا السودانية عندها طولت ... .. .بال ماعادية ,, ودونك ماحدث لاخونا محمد الحسن الذي قالت نسوة في المدينة مالم يقله مالك في الخميرة , خلينا ياكبس الجبة يا اخوي نمشي تحت الحيط احسن ,
| |
|
|
|
|
|
|
Re: للنساوين بس (Re: كبسيبة)
|
اذا كان العقد الصغير اسمه كرسى جابر نوع ده نسميه مجلس التعاون الخليجى عديل كده الولية دى اكيد عندها انفلونزا دهب برضو احتمال الصائغ دكانه اتكسر فاستخدمها دكان . غايتو كان رسخ فى مزاج واحده من الحروم و بقتو موضه الشواطح الا يقعوا البحر.
| |
|
|
|
|
|
|
Re: للنساوين بس (Re: نادية عثمان)
|
كبسيبة كيفنك
غايتو الليلة سويتا فيني.....طبعا اخوك الليلة عيد ميلاد
زواجي, اها يا الغالي قمت فتحت لي بوست بهذا الخصوص سميتو
(اعياد)زوووول كدي هببو لي مافي....المهم...ما خليت لي وردة
ولا شمعة ما جبتها, ولما رجعت اخووووك فرحاااان بالحاجات الجبتها
دي لقيت ام العيال( متسنجكة) قااااعدة في الكمبيوتر وكمان فاتحة
البوست بتاعك دا واااخر منظرة...
اخوك عاين لورودو وشمعو دا كدااااا....و
(يا ولية انتي في الدنيا دي كلها ما لقيتي الاالبوست دا
قومي الى ورودك يرحمك الله...)
| |
|
|
|
|
|
|
Re: للنساوين بس (Re: كبسيبة)
|
الخير محمد عوض : أزيك يا لذيذ
تقوم تعمل برنت للصورة وتعمل ليها براوز سممممممح كده وتعلقها في الحيطة عشان كل ما تشوف الصورة تحرد الدهب وتعاين لي ورودك
| |
|
|
|
|
|
|
| |