|
Re: جاتكم (غدا أجيئك من جهات الشمس)بي جاي (Re: فتحي البحيري)
|
فتحي الجميل التحيات النواضر
سالتني عن الصورة ولها قصة مرتبطة بما نعيش هي لانسان اعزه جدا واتمنى ان التقيه احبه جدا وماشافت عيني عينو ولا كلمتو لكن حته مني ابوه وامو وانا اصدقاء وكان معانا ناس تانين اصحابنو برضو جمعنا الوطن والشعر والادب بشكل عاموجعتنا الملاريا وحبوب الكنيين والكلوركوين وجمعنا السجن لعنة على السجن والاعتقال ولمنا الحزن واتقوينا ببعضنا كتير
لمن عرفت انو اتولد سالت ابوه شكلوا كيف قال لي مدهش ، ملخبط الدنيا، وانا مسميهو (كجول) عشان كرعينو مكوجلات ومعوجات
كتير من ناس البورد بسالوك كجول يعني شنو
وكنت سعيد لمن حبوتو مشت بلاد الخواجات وقعدت معاهو ونستو..كنت بتخيل ونستو معاها وكم مرات داعبتو في خيالي ورقصنا سويا وكم مرات غنيت ليهوكم قبلتو وجضمتو وبطني فارة من حلاتو ورقتو انا متاكد بكون مميز لانو طفل الحلم الجوانا لمن كنا بنحلم أأأح كم انا مشتاق يا صاحب الصورة
رسمنا صورته قبل ان نراهو اسميانهو يوما ما ابو زيد واخته اسميناها سماسم وكنا نتظر قدومه بيننا ولكنه ولد في المنافي البلاد البعيدة ويوما سوف يكتب في (سيرته الذاتية) هاجر والدي و كلاجيء الى هذه البلاد.. ووووالخ انهم احد ابناء اللجوء
ارسل لي هذه الصورة بواسطة والدته بعد مشاركتي في البورد بايام ولم اجد غير ان يكون هو واجهتي لكم وبذلك اعبر له حبي وشوقي بطريقة ( زووووربا)هذه .. وان انتمي اليه... ومتاكد جدا الرسالة وصلت اليه وهو الان يعرفني ويحكي عني متاكد جدا... !1 وده احساس وليس معلومة وصلتني
رايك شنو الود ده مش لزيز وحلو وبفور البطن
اليك ياصاحب الصورة كل الحب ومعا ضد التهجير ضد الظلم ضد القهر فلنعمل سويالنسقط الطاقوت ونلتقي كلنا في مقرن النلين
|
|
![Edit](https://sudaneseonline.com/db/blank.gif)
|
|
|
|
|
|
|