|
Re: تم الخلاص، هللوا يا رنموا، تم الخلاص، هللوا يا رنموا، لربنا ..... (Re: Ro3ah)
|
تررا رارا لالا ررررتررا افرحوا افرحوا واقول ايضا افرحو ود شاموق الخطير التحيات النواضر ذكرتني بانسيابك ده زمن جميل وغريب جدا عشتو وانا سعيد وكلما يداعب ذاكرتي اشعر بنشوة غريبة جداواشعر كم هذا السودان عظيم بناسو واهلوا وعلاقتوا اذكر كم مرة دخلت الكنيسة مرتين مرة كان في زوول معنا في الحلة اسمو حيدر كان راجل جميل وحبوب وحيدر ده اصلوا حبشي وكان ذو شخصية محببة لكل الناس وعمروا الواحد ما خته مسالة الدين حاجز المهم حيدر اموا توفت وحزنا كلنا كل اولاد الحلة وبعدين عشان تدفن كان لازم نمشي الكنيسة يا سلام ناس كتيرين مشو معنا الكنيسة من ناس الحلة وحضروا التشيع والصلاة وذهبنا بعد داك الى مقابر المسحين مابين نمرة اتنين ومجلس الوزراء وتم الدفن ومافي زوول قال مسيح او مسلم وبعد داك وقفنا مع الاسرة كلنا وقفت رجل واحد وده كان راجع لحيدر لانك بتلقاهو في الفرح والكره
اما المرة التانية هي كنيسة وهمية يعني تجردية اقامها الاب كودي في داخل سجن كوبر ومعه مجموعة من ابناء النوبة لا اذكر الاسامي وكانت في العنبر الداخلي وذلك كان عام 90 او91 وكان يترنم ببعض الاهازيج الدنية وقد عجبتني تلك الاهازيج فكنت اشاركهم فيها افرحوا افرحوا واقول ايضا افرحو وقد قامت بيني وبينهم علاقات انسانية رائعة وجميلة وقد علمت مؤخرا ان الاب كودي توفى عليه الرحمة فقد كان رجلا فاضلا وطيبا ورحيم وقد اهدوني ايضا كتاب الانجيل وكتبوا عليه اهداء جميل كنت كلما اتذكر ذلك اقوم اطلع الكتاب واقعد اقراء فيه وحين يراني بعض الاصدقاء او الاهل افعل ذلك يدخلون معي نقاش حاد واقعد اوضح لهم من جديد علاقتي بهذا الكتاب وهو يعني لي اصدقاء واحباب وناس وبشر وعلاقة انسانية لك الشكر فانت تفتح ذكريات جميلة ومدهشة
|
|
|
|
|
|
|
|
|