|
Re: رسالة حب (Re: عاشقة)
|
عاشقة
من اسمك .. بتزحزح جواى اشكالية... من عنوانك.. اتوه بين كلماتك... ومن بينات كلماتك... اتوه ما بلقى مخارج.. والف وادور ما لاقى منافذ.. احتار ما بين الخاص والعام.. .. مرات لمن بقى الحلم محال.. خليتينى بكلماتك.. وبقيت احلم كأنى على فرس محمول.. والعشق حالة.. تخلخل جواى ثوابت .. وارحل لحظة احاول انسى الاخر.. وابقى انا واحاول افرز عشتى من الناس ما بتعرف.. معنى ان العطاء.. لكن وانا.. النوبى اتعلمت كان واخواتها والحرف العربى... اتذكرت... خطابات الهوى الاول.. نكتب بقلم الرصاص.. رسالة منقولة.. ارسل لك تحية اذا مرت بالجبال.. زلزلتها واذا مرت بفلسطين حررتها... كلام فى ثوابت المستحيل.. لكن.. جانى احساس بأنك رجعتينى لى زمن كنا بنستلف الكلام..... عشان نعبر عشان احساسنا... وانت يا عاشقة.. والعشق حالة.. خاصة.. تهزمك وترحل بيك عبر المستحيل.. يبقى.. الكلام ماهو صفة بل اوعية لتعابير محبوسة...
واتخيلى جانى احساس........بانى لم قريت كلامك اتمنيت..... لو لقيت فى آخر عمرى انسانة تكتب لى كلام يسافر بي عبر المستحيل ويحلق بى فى السماء التامنة.. ولكن اقول فتحتى جواى جرح.. وانا القلت خلاص كبرت وما لى فى درب العشق تانى والله يجازيك يا بنية
|
|
|
|
|
|
|
|
|