الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
كم اشتاق الان للسير في حوارى ام درمان
|
كم اشتاق الان للسير في حوارى ام درمان اخرج من ودارو وامر بالهجرة واعطفعلى احمد مكى فالركابية والشهداء وودالبخيت لوووول العباسية بقيزانها مركز شباب الربيع وبانت الموتمر العتيقة المدرسة التى حملتنا على اكتافها
والفتيحاب ارض المنشا كم اشتاق اليك الان ياام درمان
|
|
|
|
|
|
|
|
Re: كم اشتاق الان للسير في حوارى ام درمان/ بالغت يا زمراوي (Re: zumrawi)
|
Start--- من باب تقليب المواجع
كنت أزمع الرد تفصيلاً على أخينا زمرواي، لكني أرتأيت أن أنتحي لنفسي ركناً قصياً أسلم فيه دمعي للهملان.. براااااي ، ثم غيرت رأيي مرة ثانية، وحبذت إثبات الفضل لصاحبه الأول: زمراوي.
لاااااااااااااااااااااا إله إلا الله يا زمرواي... هسع كان في داعي تفتح علينا أبواب جنس دي؟ حلف لك صادق يميناً ما مطبوق ولا مطلوق، من قريت السطور
السطور البسيطة انطلقت فيني نارية خلت الجهاز في عيني طشاش، والناس النضاف الجنبي ديل بقوا لي بعاعيت وشكلوتات.. (دي واسعة شوية)!
آآآآآآه... ياليتني أمتطى ناجية يتلوى نفاثها تخب بي صوبها: لأمتى أرجع لأمدر وأعودا أشوف نعيم دنيتي وسعودا او يا ليتني محتقباً بربع ركن أثير عند "اللالوبة" وبداخلي جوقة كاملة العدد والعدة، موفورة الذوق، سليمة السلم والوزن والإيقاع، تغنيني من سلسبيل أبو السيد الليلة لاقيته.... الليلة لاقيته ملأ السرور قلبي وبي أسمه ناديته لها وأنشغل عنى لأنى غبيته دق وخفق قلبي وغلبنى تثبيته فضلت أتأوه وما قدرت أنبيته من وقتها وعنها وطوالى حبيته الليلة لاقيته القلب حباه وبالشكر واليته ما عشقت هندامه وقامته وتواليته أنا عاشق أخلاقه وقدرته جليته ياليته يشعر بى ياليته ياليته بالزمة يا مدهش وجدانى هزيته منى الفؤاد بالصد صدعته وأذيته وإن حلفونى بأسمك عن ضررى عزيته ليه ودى بالهجران يا حبيبى جازيته أنا لو ضمنت رضاك كان شخصى هنيته وبيك تم لى أملى الفى الكون تمنيته وأقول صريح للناس يا ناس السعد ظنيته عرج على بعد ما خلاص العمر أفنيته
ذلك، بعد أن تدج بي ساق التطواف عند كل منعرج أثير، من حفافي الخور، إلى منافي الكباجاب، ومن عند تبيان بانت إلى لدن معمودي العمدة... آآآآآآآآآه يا زمرواي...أين مني الخليل مأتبطاً عوده، ثملاً بالنشوة يصدح أذكر بقعة أم درمان وأنشر في ربوعها أمان ذكر يا شبابي زمان دارنا ودار أبونا زمان فيها رفات جدودنا كمان ما بنساك خلقه ضمان جنة وحور حماك أمان ذكر يا شبابي زمان بطرا الأسسوك زمان كانوا يحلحلوا الغرمان يساهروا يتفقدوا الصرمان ذكر يا شبابي زمان في السودان فتيح معروف ولسه أب عنجه خوره سروف ود نوباوي زول معروف باقى وديك مشارع أبروف ذكر يا شبابي زمان كانوا جبال تقال ومكان نزلوا اتربعوا الأركان خلوا البقعة كل مكان آهلة وزارة بالسكان ذكر يا شبابي زمان ليه يا كعبة العربان غاضبة وفين عريسك بان قبال نسأل الركبان حبك من حسودك بان ذكر يا شبابي زمان وتبرع المتبرع وبالخمرة نديان
أو لعلني أرتمي عند قدميه مستزيداً والجذوة تأتلق ماهو عارف قدمه المفارق يا محط آمالي السلام في سموم الصيف لاح له بارق لم يزل يرتاد المشارق كان مع الأحباب نجمه شارق ماله والأفلاك في الظلام يا دهر أهوالك تسارق منها كم كم شابت مفارق ما علينا الفات كله فارق رقنا وله نعيد الملام من حطامك أنا غصني وارق في شن أبقيت للطوارق غير قليبا في همومه غارق ولسانا برده الكلام ويح قلبي الما انفك خافق فارق ام درمان باكي شافق يا أم قبايل ما فيك منافق سقي أرضك صوب الغمام يا بلادي كم فيك حاذق غير الهك ما أم رازق من شعاره دخول المأزق يتفاني وشرفك تمام مسرح الغزلان في الحدايق والشوارع الغر والمضايق قول لي كيف أمسيت دمت رايق دام بهاك مشمول بالنظان مجلس اللذات في النمارق والترف لا زال وصفه خارق ضاري حسك فاح جانا مارق وله قاطعو الريح ما هو لام في يمين النيل حيث سابق كنا فوق أعراف السوابق الضريح الفاح طيبه عابق السلام يا المهدي الامام أين مني الودعته شاهق باكي ناهد لسه مراهق عيني ما بتشوف الا شاهق أين وجه البدر التمام أين مني الفي زهوه باسق في شبابه نقي من مفاسق بين ثيابه البيض المناسق حولك اشبه رتل الحمام يا بريد الجو فوقي حالق ميل علي الروح ليها خالق عدت سالم قول وأنت عالق مقرن النيلين كيلو كام الحبايب لفتوا الخلايق بيني وبينهم قطعوا العلايق ان دلال ان تيه كله لا يق نحن ما مجينا الخصام يا جميل يا نور الشقايق أملأ كأسك واصبر دقايق مجلسك مفهوم شوفه رايق عقده ناقص زول ولا تام من فتيح للخور للمغالق من علايل ابروف للمزالق قدله يا مولاي خافي حالق بالطريق الشاقه الترام ما يئسنا الخير عوده سايق الحي يعود ان أتي دونه عايق الي يوم اللقا وانت رايق السلام يا وطني السلام
آآآآآآه يازمرواي... أوتدري؟ قالها أبو الطيب قبل سنين أبوكم آدم سنّ المعاصي وعلمكم مفارقة الجنان ---End
(عدل بواسطة serenader on 01-31-2003, 04:48 AM) (عدل بواسطة serenader on 01-31-2003, 06:17 AM) (عدل بواسطة serenader on 01-31-2003, 06:23 AM) (عدل بواسطة serenader on 01-31-2003, 08:49 AM) (عدل بواسطة serenader on 01-31-2003, 08:51 AM)
| |
|
|
|
|
|
|
Re: كم اشتاق الان للسير في حوارى ام درمان (Re: zumrawi)
|
serenader الله يكون في عونك .. انت كبدتك مهرودة بالحيل على قول أهل العوض عليك الله القلب علينا المواجع منو هسة انت ولا زمراوي
الغريب عن وطنه مهما طال غيابو مصيرو يرجع تاني لي وطنو وصحابو
رد الله غربتنا أجمعين سالمين غانمين غير خزايا ولا مفتونين
آمييييييين
| |
|
|
|
|
|
|
Re: كم اشتاق الان للسير في حوارى ام درمان (Re: zumrawi)
|
العزيز ود دور - زمراوى لك التحيه والاحترام السير فى حى ودنوباوى العظيمه حلة السواراب (سورالذهب)مرورا بحلة التمباكه والسوق الجديد من شارع ود البصير ذكريات الصبااخى الحبيب طارق ابو الحسن ذكى سناده اسرة زمراوى عامه عند لفت الهجره مرورا بشارع الدومه هذا الشارع لى به اصحاب عزاز جدا جدا 0 حتى صينيت الدومه على طول حى العمده حيث اخى وصديقى عثمان ابو شيبه واسرته وصلنا حى العمده محمد حسين الطاهر الهمام ود الصول محمد نصر باشلاك الشمالى 0 شارع الودادى على طول حى الشاطى الجديد حيث بيتى الجديد باصالة ابناء امدرمان الخالصه 000 الخ
قدمت للسودان مشاعل فى العلم والفن وكل المكرمات قدمت للرايح مكان 00 قدمت للخائف امان 00 قدمت للثوار صفات 00 تاريخك العالى الصفات 00 امدرمان بلد الامان 00 امدرمان حنان تحيه خالصه لشاعر امدرمان الكبير عبدالله النجيب
| |
|
|
|
|
|
|
Re: كم اشتاق الان للسير في حوارى ام درمان (Re: sudania2000)
|
شوفي يا سودانية أصلاً ما بتعرف الجنة إلا بعد تفارقها... يعني مثلاً أخوك قاعد في درة الخليج، والحمد لله أموري ماشة، لكني تطبعت بطبعة سودانية راسخة لا فكاك منها، إسمها المحنة.. وفي المعنى ذاته يقول أبو الطيب المتنبي خلقت ألوفاً لو ردد إلى الصبا لفارقت شيبي موجع القلب باكبا من ثمّ، ارجو أن تسحبي كلامك ده، ولو من باب أدروب ولوف
| |
|
|
|
|
|
|
Re: كم اشتاق الان للسير في حوارى ام درمان (Re: zumrawi)
|
serenader تعرف ياصاحبي
بكاك دا فتح لي جرح قدييييم خلاص
مرة وأنا بغادر سنجة في طريقي لدار الغربة بكيت لي بكية حارة .. قلت فيها
دودو بينا يالنيسان مادام صنعوك في اليابان وماوروك معنى الشوق وقيمة دمعة الانسان وكان فارقت لي بلدي عزاي مبيتي في امدرمان بلداً فيها ميلادي وفيها الجد وفيها الخال وفيها غزال بسر البال وفيها جدودي سطرو التاريخ مدادهم دم وأقلامهم سيوف للدين ولي سترة بنات العم ايييييييييه يا صاحبي
إمتى أرجع .. لامدر وأعوووودها
| |
|
|
|
|
|
|
Re: كم اشتاق الان للسير في حوارى ام درمان (Re: zumrawi)
|
ياسودانية رجعت السودان السنة الفاتت ووجدت كل ماتقولين موية مافى كهربا مافى بس الاحساس بالمكان كان عالى والناس لسة بتضحك وبتونس مشيت لى مشوارين برجلينى فى الموردة كانوا بالدنيا وحمتفى الشهداء وودارو واستاد الهلال واستاد المريخ وطلة على بانت اماالفتيحاب ففيها المستقر مساءا ومنها التحرك صباحا
| |
|
|
|
|
|
|
كم اشتاق لحوارى امدرمان (Re: zumrawi)
|
الاخ زمراوى كيفك
حقيقة زكرتنى امدرمان والموتمر يا ابو على طبعا انا عرفتك طوااااااالى والمدة طالت وصدفة غريبة انو الاقيك فى البورد يا رفيق الدراسة يا رائع
زكرتنى ميدان السلة وواستاذ يوسف الخليفة
الموردابى
| |
|
|
|
|
|
|
حوارى امدرمان (Re: zumrawi)
|
الاخ ياسر معليش لكن جد افتكرتك حسن حسن ده فردة وسلم عليه شديد ولوامكن تدينى الاميل بتاعو
الموردابى
| |
|
|
|
|
|
|
Re: كم اشتاق الان للسير في حوارى ام درمان (Re: zumrawi)
|
...... والله ما عارف اكتب شنو ..... امدرمان .... امدرمان.. طيب يا زمراوي والموردابي في كم ميدان سله في امدرمان ... دي واسعه شويه ... غايتو حاولوا غايتو من ناحيتي بتذكر ليك حتي سنة 84 في القرن الماضي ..... لوووووووووووووول @ القرن الماضي دي اها بقينا نتكلم بالقرون ...
| |
|
|
|
|
|
|
|