|
Re: رواية لا تنتهي (Re: بت قضيم)
|
اصلا انا كانت رايحة لي فكرة عنك ..يعني محاولات انكار انك البت الرايعة صاحبة التدفق العالي دي لا ولن تجدي ..والمثل بقول (الزول البقول دا خيال وهو بتكلم عن مرحلة الاساس زمان.. .كضاب ما خيال ) مثل من جنوب الصين.... شوفي في حالات الونسة والشوف المباشرة ممكن تقنعي الزول بي جنس الكلام دا وتقولي دا خيال .. لكن لامن تكوني انتي ذاتك ما اكتر من مُتخيل في ذهن المتلقي.. صعب جدا انو الواحد يطلعك خارج اطار الكلام البتكتبيهو .. انحنا بنتكلم من وراء مونتيور ..يعني كمية الافتراضات عن انو البت قضيم دي منو.. كتيرة.. لذلك ان أي فرضية بتساعدني اني القا فيها فكرة عنك ما بكضبا ..حتي ولو كضبتيها انتي ...(انا اصدقك انتي ولا اصدق الجنوبيين الصينين) تعرفي يا رايقة ..ايام ما كنتا بقرا احباطاتك اتخيلتك واحدة اسمها ريل ( احدي الزميلات في الجامعة ) ما كان عندها أي علاقة بي اسمها قط .. فقد كانت تتحرك اينما مال جسمها (شفتي حركة الاميبيا) وانتي زولة قتي بتحبي العلوم..ولم تكن زميلتي ملفتة للنظر ولم تكن جميلة باي حال وعندها نضارات طبية مرعبة ، كانت طويلة الصمت كثيرة الهم كان بيننا وبينها ثار بائت ، دايما كانت ترتدي جيبة لاتمت الي البلوزة بصلة ، وما كان بهمها … لذلك كان هناك ما يميزها عن بقية الزميلات …تلك البهدلة منقطعة النظير التي ترزح تحتها .. برضو والحق يقال البت كانت كِليمة ..كانت اذا تكلمت في قاعة ابو رنات ادهشت المحاضر و افحمت وكأن الحديث عندها ياتي بابعاد اخري ..بتطرطش في الكلام ..زيك يعني .. بعد ما قريت احباطاتك وانتهت ، وقلنا ليكي واصلي وعملتي تقيلة.. والصاوي اخوي قال كلمة حق في وشك ،لامن ارجع مشاكل المشاطات الاخيرة في البورد لتوقفك عن الكتابة …بعدها طفقت ابحث (حلوة طفقت دي موش كدة)المهم فتشتا ليكي عن كتابات اخري في ارشيف البورد ولقيت بعثراتك الرايعة . وانا بقراها وبدون ما اشعر بقيتي والدة احد الاصدقاء بالسودان وبالغربة …دكتورة ، تُدرس الاقتصاد في احدي الجامعات خارج الوطن ، سودانية في ادق تفاصيلا ..وفي تفاصيل منزلها ..كثيرة الكتابة وكثيرة القراءة .. زي ما سامعة ما عندي مشكلة في اني القي لي شماعة ارميك فيها .. في قصتك الاخيرة الحلوة ذكرتيني مني قرت معاي الابتدائي .تخيلي كانت مبالغة في الرهافة والشفافية والخجل ، ما عارف ابوها وامها كانو بعاملوها في البيت كيف؟كنتا دايما بتخيل انو امها الجدة بطة بتاعة مجلة ميكي وكنتا بتخيلا بتتكلم معاها عن طريق الغنا بي بيز جيتار ، المهم المني دي كانت يا غالية لامن نطلع من المدرسة للشارع تنتظر ناس بيتم لو جات حاجة كبيرة مارة (عربية ،باص ،لوري ،زول كبير)المهم أي شي كبير ومرت قداما.. كانت طوالي بتعملا في روحا بدون أي حركة او أي اشارة .. في منتهي الصمت ومنتهي الادب ..تكون واقفة وعيونا مدمعه وسارحة في شي ما معروف…ومريحة روحا . . يعني خُلعتا كانت عَينة.. وشاء الولي القدير انو نخش نفس الجامعة وكانت صديقة نشيطة لحزب نشيط تقدمي الملامح ولامن تكتر النقة في بعض المحافل وفي منازل بعض الاصدقاء ويغلبني اسكتا ،كنتا بقول ليها :اصلك من زمان حالجة.. وازوغ … مني هسع مهندسة في مؤسسة بترولية في الخرطوم ، وتخيلي قريب جدا والحمد لله بقت ما عندها حاجة كبيرة ، او ما عندها كبير زي ما بقولوا ..ولا تعبأ حتي بالمدير .. . نامل ان تواصلي في السيرة العطرة.. . قال اكسر الجسر قال انتي قايلاني عواليك؟
|
|
|
|
|
|
|
العنوان |
الكاتب |
Date |
رواية لا تنتهي | بت قضيم | 01-29-03, 00:53 AM |
Re: رواية لا تنتهي | بت قضيم | 01-29-03, 01:06 AM |
Re: رواية لا تنتهي | hero | 04-17-03, 10:02 AM |
Re: رواية لا تنتهي | بت قضيم | 04-18-03, 00:56 AM |
Re: رواية لا تنتهي | Tabaldina | 01-29-03, 01:08 AM |
Re: رواية لا تنتهي | بت قضيم | 01-29-03, 01:14 AM |
Re: رواية لا تنتهي | بت قضيم | 01-29-03, 01:22 AM |
Re: رواية لا تنتهي | وجن | 02-25-03, 11:46 PM |
Re: رواية لا تنتهي | DKEEN | 01-30-03, 09:45 AM |
Re: رواية لا تنتهي | smile | 01-30-03, 12:19 PM |
Re: رواية لا تنتهي | Alsawi | 01-30-03, 01:00 PM |
Re: رواية لا تنتهي | بت قضيم | 01-30-03, 04:51 PM |
Re: رواية لا تنتهي | بت قضيم | 01-30-03, 05:03 PM |
Re: رواية لا تنتهي | Alsawi | 01-31-03, 10:02 AM |
Re: رواية لا تنتهي | DKEEN | 01-31-03, 09:29 PM |
Re: رواية لا تنتهي | بت قضيم | 02-05-03, 11:55 AM |
Re: رواية لا تنتهي | DKEEN | 03-10-03, 01:46 PM |
Re: رواية لا تنتهي | قرنفل | 03-11-03, 03:59 PM |
Re: رواية لا تنتهي | solara | 03-12-03, 07:45 AM |
Re: رواية لا تنتهي | benyya | 04-18-03, 06:55 AM |
Re: رواية لا تنتهي | بت قضيم | 05-13-03, 07:00 AM |
Re: رواية لا تنتهي | HOPELESS | 05-13-03, 07:09 AM |
Re: رواية لا تنتهي | الجندرية | 05-13-03, 09:04 AM |
Re: رواية لا تنتهي | بت قضيم | 05-13-03, 12:17 PM |
Re: رواية لا تنتهي | الجندرية | 05-14-03, 08:49 PM |
Re: رواية لا تنتهي | Ahlalawad | 05-19-03, 08:36 AM |
Re: رواية لا تنتهي | بت قضيم | 05-19-03, 11:21 AM |
Re: رواية لا تنتهي | Ahlalawad | 05-19-03, 11:32 AM |
Re: رواية لا تنتهي | الجندرية | 05-19-03, 11:41 AM |
Re: رواية لا تنتهي | بت قضيم | 05-20-03, 11:36 AM |
Re: رواية لا تنتهي | Ahlalawad | 05-20-03, 11:45 AM |
Re: رواية لا تنتهي | ابو نور | 05-20-03, 12:24 PM |
Re: رواية لا تنتهي | بت قضيم | 05-20-03, 11:52 AM |
Re: رواية لا تنتهي | Ahlalawad | 05-20-03, 11:56 AM |
Re: رواية لا تنتهي | الجندرية | 05-20-03, 11:59 AM |
Re: رواية لا تنتهي | Ahlalawad | 05-20-03, 12:04 PM |
Re: رواية لا تنتهي | بت قضيم | 05-20-03, 12:19 PM |
Re: رواية لا تنتهي | بت قضيم | 05-20-03, 12:31 PM |
Re: رواية لا تنتهي | Ahlalawad | 05-20-03, 12:36 PM |
Re: رواية لا تنتهي | بت قضيم | 05-20-03, 12:42 PM |
|
|
|