|
الفيش فاش
|
النقعد في واطة الله دي......ونفكر بعقل شوية... ما نشوف نفوسنا بس.... لكن نشوف غيرنا برضو.... سجيمان حافظ روايات شكسبير صم...ومتبحر في فلسفة... بن خلدون....وهيغل ..وجان بول سارتر....وسيمون دي بافوار....يقعد في القهوة....مع بتاعين الاورنيش....الكهربجية....والبناين....ويشرح لهم ..... اكون اولا اكون تلك المعضلة...وتغني سميرة دنيا باعلى صوت....وسجيمان... عندو قصيدة...مليانة من كل اصناف البديع وضروب الجناس...والكلمات التقيلة.... الجابها من امهات الكتب...وحبوبات الكتب..وعاوز يسمعها للجماعة... الزول دا مجنون خلي بالك...نحن مالنا ومال الشنفلي... والله تأبط شرا....والله حتى عنتر بن شداد...؟ ديل ناس ماتو زماااااااااااان...وراحو في حق الله.....خلينا مع الف الطوب والمسطرينة...ومفتاح النجمنجم......سجيمان زعل ونطط عيونو وحمرهن... وقال انا غلطان....مالي ومال الرجرجة والدهماء..... الدهماء دا يكون لون جديد؟...زي البيج...و اللون الفاري؟......عارف يا بتاع الاورنيش يا متخلف انت.... نحن نعاني من ازمة ثقافة....واغانينا تعاني من التقوقع...والانحصار داخل السلم السباعي الضيق.....والادب السوداني في طريقه الي الانتحار..... الانتحار بالصبغة...والله بالبنادول.... الكهرباء لا .... لانها حارة.......وانت يا عربجي.... يا الديمة مقابل دبر حصانك....ازمة السياسية السودانية....لا تعالج بانتعال الباتا....ولا بالقامها حزمة من برسيم...البسو الياقات...وتهندمو جيدا....واحتسوا الشعب مدام...معتقة.....الزول دا بيقول في شنو؟..الزول اظنو زييييين... متعلم...وفاهم....كيفن ما فاهم؟ يا زول ها..... دا ما شفتو في التلفزيون..... عليك امان الله خلانا كلنا فاتحين خشومنا...وما عارفين منو ولا كلمة..... والله ظانيتو هو زاتو بعد مرات ما بيعرف نضمو........الزول مثقف..... يا زول .... انت بتلعب
|
|
|
|
|
|
|
العنوان |
الكاتب |
Date |
الفيش فاش | سجيمان | 01-27-03, 07:53 PM |
Re: الفيش فاش | عشة بت فاطنة | 01-27-03, 08:59 PM |
Re: الفيش فاش | ود شاموق | 01-27-03, 11:29 PM |
Re: الفيش فاش | سجيمان | 01-28-03, 01:05 PM |
Re: الفيش فاش | almulaomar | 01-28-03, 01:28 PM |
Re: الفيش فاش | سجيمان | 01-28-03, 02:23 PM |
Re: الفيش فاش | سجيمان | 01-28-03, 02:23 PM |
Re: الفيش فاش | Elmosley | 01-28-03, 02:28 PM |
Re: الفيش فاش | سجيمان | 01-28-03, 02:47 PM |
Re: الفيش فاش | Elmosley | 01-28-03, 02:58 PM |
Re: الفيش فاش | garjah | 01-28-03, 03:24 PM |
Re: الفيش فاش | سجيمان | 01-28-03, 04:36 PM |
Re: الفيش فاش | garjah | 01-28-03, 06:26 PM |
Re: الفيش فاش | سجيمان | 01-28-03, 09:46 PM |
Re: الفيش فاش | abas | 01-29-03, 09:05 AM |
Re: الفيش فاش | سجيمان | 01-29-03, 01:39 PM |
|
|
|