|
Re: القاعدين لها شنو ؟ مع الاعتذار لبكري (Re: 3bdo)
|
عزيزى ود شاموق كدى خلينا نناقش ده...وبلاش تفارق ياجميل
ياجماعة فى نقطة واحدة...وحسب اعتقادى مشكلتنا ما فى التقسيم بس ماهو حتى لو اتقسم حيكون مفتوح للجميع...وححيستمر نفس النهج..ونفس الأسباب المن أجلها عملتو التقسيم...لأنه بصراحة المشكلة ما حكاية رأى وراى آخر زى ما بحسم البعض كل نقاش تحت الستار ده وتبدا الاتهامات للبعض بعدم الترحيب بالرأى الآخر ودى لعبة مزدوجة محبوكة بذكاء لعكس كل مداخلة هامة بأنها امتعاض وانه صاحب المداخلة يضيق بالراى التانى...ياجماعة الراى ده ماحاجة ساهلة عشان نسمى الشتيمة والاستفزاز راى ...الفكر ماحاجة ساهلة عشان نلغى فكرة انسان بجرة بوست كده بس بدون تفنيد حجج وبدون دراسات واستقصاء لمولد الفكرة واستمرارها أو حتى نهايتها...كده نحن شركاء فى ذبح الفكر الانسانى لما أكون انا ما مؤهل للنقاش ورغم كده دخلت فى موضوع وانا فاقد أدوات استمرار نفس النقاش..وأكيد لما ما القى حاجة أقولا حابدا وبطبع انسانى الخروج من الورطة باثارة مشكلة وافتعال مواقف...وياريت بعض المشاركين يعرفو حقيقة واحدة اننا ما مطلوب مننا نناقش النعرفو والما بنعرفو كمان...يتكلمو فى السياسة ندخل فى الموسيقى ندخل فى الدين ندخل فى الطب ندخل فى الغرام توووش...فى علوم الكومبيوتر والاقتصادوحرب النجوم.....وانا بقول هنا حتى لنفسى كضاب مين يكون عارف كل حاجة وناقش كل حاجة...أنا القدامكم ده كتير من الحاجات المابكون متأكد من استيعابى التام ليها ما بدخل فيها..وده ماعيب...العيب اننا نصل بغرور النفس الى درجة تصديق الأوهام...زى واحد يكتب مثلا الفكرة الجمهورية ما كويسة ..طيب ورينا ما كويسة ليه...واحد تانى يقول انا ماقريت عن الفكرة الجمهورية لكن بعد كده بسطرين هاجما...طيب على أى أساس؟ انا غايتو بلخص البحصل ده فى النقاط التالية: - الدخول فى مناقشات بدون دراية أو سند علمى فكرى لموضوع بعينه. -ايهام النفس بأن ما قاله رغم ابتساره وتجزئته وربما سطحيته هو عين الحقيقة -الاحساس بنشوة النصر المتوهم والبدء فى استفزاز الخصم بعبارات مثل ..غلبك ترد واللا شنو؟ - اللجوء الى سلاح التخفى وهو رمى الخصم بتهمة الضيق بالرأى الآخر لكسب ود بعض المشاركين..وربما شاركة البعض فى استحضار حوادث مشابهة وتتسع الدائرة قليلا..وقليلا قليلا...تبدأ الاستفزازات ...والردود العنيفة..ثم تؤدى الى حردان ومغادرة ربما هل هذا هو السيناريو؟ آمل المزيد من النقاش قبل اجراء التقسيمةحتى لا يكتب أحدناذات يوم قادم...أعيدوا البورد الى سابق عهده....وهكذا دواليك تحياتى ودعزة
|
|
|
|
|
|
|
|
|