|
|
 لكم جميعا
|
ونحن صغار بنلعب في التراب ونتجاري من هنا لهناك مرة نلعب كورة ومرة دسوسية ومرات ام الحفر او كمبلت وفي نص الحي ومع المغارب مافي لعب وتسمع الاصوات مع الازان تعال ياود وادخل استحمة وخليت سفنجتك وين والغبى اليازاك ويجي بكرة ونفس الحصل امبارح بعد المدرسة لعب البلي والفريد ما يديك الدرب يا اولاد انتو ما عندكم اهل ادخلو من الحر ده شيلو شنطكم دي يا ود ما تمشي يا ود انعل خاشك يا ود اسمع الكلام يا اولاد انتو مساهرين لحدي هسي مالكم ما عندكم مدارس قوموا من تحت العمود ده ما فيهو شي غير الحشرات قوموا كل واحد علي بيتوا سريع ما عاوز اشوف فيكم واحد هنا قسم بالله اللقي واحد فيكم هنا زي المواعيد دي تاني الله
قال بي قولو
اجازة الايام دي مدارس مافي بنات الحلة تسمعهم اريكا عمياء اريكا عمياء او الصج وبعد شوية الاولاد بعد لعب البلي يجو يفرتقوها للبنات عشان نلعب كمبلت
وكده بالطريقة وبالليل تعال نلعب الرمة والحراس بس ياجماعة ما في واحد يربط القميص عشان الضرب بالزراير بيعوق وبكرة نلعب شليل وينو يا جماعة والله البرد شديد رجلينا دي اتشققت تعال يا ولد شيل الجلسرين ده امسح وشك ده الليلة الجمعة جنة الاطفال وسندباد والشارع هادي ناس هناي الفي الحلة عندهم ولدهم ظابط يا زول كتفو كلو دبابير دبابير شنو عنده صقر ومقص لابس ليك الاخضر ده وعنده سواق لما يكون نازل السواق بينزل ويفتح ليهو الباب شفتو لبسو نضيف ومكوي كيف والدبابير دي من دهب يا سلام انا غايتو لما اكبر عاوز ابقي ظابط في الجيش وده عاوز يبقي دكتور وده مهندس لكن كلنا لو بقينا ضباط احسن حبوبتي جابت لي من الحج لبسة بتاعت ظابط كاملة ومعاها مسدس.....
حوارات دايما ما كانت تدور في زمن الطفولة رغم ان المواهب كانت متعددة فكان هذا رسام وذلك كاتب جيد في مواضيع الانشاء وهو شاطر في الحساب الا ان الجو العام كان كله يدور حول كلية الطب واحيانا الهندسة والجمهور عاوز ظابط كان هذا جيلي في السبعينات اخر جيل لعب بكورة الشراب والجيل الذي سرقت احلامه
حوارات مهداة لكم جميعا خاصة اخونا ميدو واخي محمد الذي يناوشه كابوس دفاعنا الشعبي ياهودي
عبدالرحيم ابايزيد
|
|
 
|
|
|
|
|
| العنوان |
الكاتب |
Date |
| لكم جميعا | abdel abayazid | 01-22-03, 11:55 PM |
| Re: لكم جميعا | Elkhawad | 01-23-03, 00:12 AM |
| Re: لكم جميعا | abdel abayazid | 01-23-03, 00:29 AM |
| Re: لكم جميعا | مهاجر | 01-23-03, 01:28 AM |
| Re: لكم جميعا | بكرى ابوبكر | 01-23-03, 07:13 AM |
| Re: لكم جميعا | abdel abayazid | 01-23-03, 09:32 AM |
| Re: لكم جميعا | مهاجر | 01-23-03, 12:22 PM |
| Re: لكم جميعا | abdel abayazid | 01-24-03, 12:31 PM |
| Re: لكم جميعا | abdel abayazid | 01-25-03, 11:58 AM |
| Re: لكم جميعا | abdel abayazid | 01-25-03, 05:49 PM |
| Re: لكم جميعا | abdel abayazid | 01-25-03, 05:49 PM |
| Re: لكم جميعا | abdel abayazid | 01-25-03, 08:44 PM |
| Re: لكم جميعا | abdel abayazid | 01-25-03, 11:35 PM |
| Re: لكم جميعا | Elmosley | 01-25-03, 11:50 PM |
| Re: لكم جميعا | abdel abayazid | 01-26-03, 00:34 AM |
| Re: لكم جميعا | Tumadir | 01-26-03, 01:05 AM |
| Re: لكم جميعا | abdel abayazid | 01-26-03, 01:43 AM |
| Re: لكم جميعا | abdel abayazid | 02-01-03, 02:02 AM |
| Re: لكم جميعا | abdel abayazid | 02-07-03, 00:05 AM |
|
| |
abdel abayazid
فيس بوك
تويتر
انستقرام
يوتيوب
بنتيريست