|
Re: نحن ..... النمطية والتقليد (Re: THE RAIN)
|
يا ود الدامر
وكل الناس المشاركين في هذا البوست واللسة حايشاركوا باراءهم لكم جميعا احتراماتي وتقديري
ما نامله هو ان يودي هذا النقاش الي بلورة فكرة واضحة يتبناها الجميع في المهجر او علي الا قل الراغبين لتقديمها كطرح قوي الي جهات الاختصاص عن طريق جهاز المغتربين او العاملين بالخارج يكون واضحا فيها ماذا نريد منهم بالضبط لانهم هم الان يعرفون ماذا يريدون منا
لانوا بامانة الاجتهاد في عمل شى بالسودان من قبل اي مغترب دون دراية ودراسة والمام بواقع الحال هو هدر للجهد والمال
وما امر ان يهدر شقاء الاغتراب الطويل علي عينك يا تاجر ونرجع لنقطة صفر وصفوف سفارات وشيك عمرة وحينها لن يكون في العمر بقية لمدارق المطارات
يجب ان لا يكون هذا البوست ونسة وتختفي فبيننا الاقتصاديين الضليعين والعلماء كل في مجاله والتجار والمهنيين/
بكافة انواعهم ومهنهم ما بنقدر نقول للسودان عشان نرجع عايزين كيت وكيت وكيت وبي حقنا
انا لست تاجرا لكن مرت علي تجربة شخصية تستدعي الوقوف عندها طلب مني اخي بدل ان احضر للسودان وابعزق قروشي يمين شمال ان ارسل حافلة وحدد مواصفاتها موديل 99 ودي بتربح وتجيب ليك كدا وكدا وهسي معاي سمساري قال دي بياخدوها ناس البنوك وشرطا تكون مكندشة وجماركها بي كدي
الكلام ده كلو ما لقيتو صحيح اولا الجمارك لقيتها ضعف ما قالوه ومصدرهم الجمارك الرئاسة اها وصلتها وجيت لي موضوع البيع شيك لي مدة خمسين يوم بنديك هنتر ونعجتين قطعة ارض في الشارقة وتدفع انت 20 مليون كاش في الطربيزة يكون اقل من تكلفتك قبل الجمارك بي عشرة مليون وده زاتو ان سكيتوا بتلقاه هوا ساكت وهسي عليكم امان الله عربيتي خليتها هناك في الخرطوم وبقت عش والغريبة المكيفات حلفت ابت تشتغل وبقت تجيب كتاحة بدل هواء
لابد ان تكون هنالك جهة واضحة مسئولة عن توطين المغتربين العائدين في ديارهم ويبعدونا من الحرامية وده ما اظنو طلب مستحيل لان المستحيل هو ان ينجح اي مشروع فردي لمغترب دون ان تكون هنالك جهة ناصحة بالسودان
|
|
|
|
|
|
|
العنوان |
الكاتب |
Date |
نحن ..... النمطية والتقليد | ود الدامر | 01-11-03, 10:05 AM |
Re: نحن ..... النمطية والتقليد | اساسي | 01-11-03, 11:16 AM |
Re: نحن ..... النمطية والتقليد | ود الدامر | 01-11-03, 12:39 PM |
Re: نحن ..... النمطية والتقليد | zico | 01-12-03, 07:15 AM |
Re: نحن ..... النمطية والتقليد | قرشـــو | 01-12-03, 07:39 AM |
Re: نحن ..... النمطية والتقليد | ود الدامر | 01-12-03, 01:23 PM |
Re: نحن ..... النمطية والتقليد | THE RAIN | 01-12-03, 03:58 PM |
Re: نحن ..... النمطية والتقليد | nazar hussien | 01-12-03, 04:48 PM |
Re: نحن ..... النمطية والتقليد | Habash | 01-13-03, 03:36 AM |
Re: نحن ..... النمطية والتقليد | ود الدامر | 01-13-03, 10:32 AM |
Re: نحن ..... النمطية والتقليد | Tariiq | 01-13-03, 11:40 AM |
Re: نحن ..... النمطية والتقليد | ود الدامر | 01-13-03, 01:36 PM |
Re: نحن ..... النمطية والتقليد | Yassir7anna | 01-14-03, 10:14 AM |
Re: نحن ..... النمطية والتقليد | Yassir7anna | 01-14-03, 10:18 AM |
|
|
|