الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: a famoues somalian songs ...gift for all members (Re: Ahlalawad)
|
الاخت ليون
اين كان اختفاءك كل هذه المدة
لا شك ان الموسيقى الصومالية محببة للشعب السودانى وستجدى ان الناس على شوق لسماع كل شىء منها فهو تنوع محبب جدا ..
الاخ اهل العوض ذكرنى حليمة الصومالية والتى قامت بزيارة السودان فى احد اعياد ثورة مايو وغنت فتفاعل معها كل الشعب بصورة لا تصدق ابدا..
الصومال والسودان شعبان شقيقان ومن عجب حتى مشاكلهم متشابهة ربنا يحل كل المصاعب للشعبين
| |
|
|
|
|
|
|
Re: a famoues somalian songs ...gift for all members (Re: قرشـــو)
|
الاخ قرشو....
لم اتوقع ان ينتبه احد الي غيابي الغير مقصود لقلة بوستاتي من البدايه ....لكن لطالما شعرت بدفئ بيتكم العامر الذي استضفتوني فيه وكاني واحد منكم,فالف شكرلكم جميعا والشكر موصول الى الاخ بكري على كرم الضيافه والى ود الجزيره الذي عرفني بكم اخوه واخوات اعزاء....
حتى في فترات غيابي عنكم يناديني الشوق اليكم...فاسارع الخطى نحوكم لارى عائلتي الكبيره ...اجلس جنبكم واستانس بيكم ...اشوف فيكم اهل بلدي..ودا ما غريب لان الصومال والسودان وجهان لعمله واحده يمتزج فيهماالشعبان حتى تكاد لا تفرق بينهما....
وان شاء الله يحل السلام في ربوعهم.....
وهذه اغنيه اخرى اخترتهالكم وخاصه الى ق ط ن
rtsp://somaliasite.com/coolmusic/Track3.rm
تحياتي ليون
| |
|
|
|
|
|
|
Re: a famoues somalian songs ...gift for all members (Re: Ahlalawad)
|
اهل العوض...
الف شكر ليك على الاستماع.... ليسه ما ليقيت الاغنيه دي بصوت حليمه .ان شاء الله اول ما الاقيها حانزلها...
دي كمان من الاغاني المشهوره بيها حليمه الصوماليه (المعروفه باسم مجول)....ان شاء الله تعجبك rtsp://sahanradio.com/music/magool/song3web.rm
تحياتي ليون
| |
|
|
|
|
|
|
Re: a famoues somalian songs ...gift for all members (Re: layon)
|
شكرا يا ليون
لاثراء البورد
الحقيقة زوقنا واحد ونحن امة بعضها من بعض
لكن الحدود والجغرافيا والسياسة والتاريخ شتتوا هوياتنا وبعثرونا
لكن دايما الفن والابداع هم ضمير الامم والبعبروا عن هوياتهم الحقيقية
هديتك لينا حلوة
ووجود معانا بزيدنا فخر بيك
ما تغيبى
| |
|
|
|
|
|
|
Re: a famoues somalian songs ...gift for all members (Re: Tumadir)
|
الاخت تماضر ***ووجود معانا بزيدنا فخر بيك***
كلامك اسعدني ورفع معنوياتي شديد يا غاليه ....الف شكر لييييييييك وفعلا تبقى الموسيقى تنبع من اصالةحضارتنا وهي اجمل ما يمكن التخاطب بيه...حتى وان اختلفت لهجاتها او لغاتها.... لذالك اهديك اجمل اغنيه(هويو=الام) للام.... ودى مقطع من الاغنيه مترجم ليكي..
هااااااا يا امي هااااااااا يا امي يا كل الاحساس يا امي يا كل الطيبه يا امي قلبي متعلق بروحك يا امي ما يصيبك مكروه يا امي ما يصيبك جرح يا امي بايات القران واّّّمين الدعوات حصنتك بيهو يا امي مع كل اذان يمر عليك دعيت ليكي يا امي ما يصيبك مكروه يا امي ما يصيبك جرح يا امي شلتيني على ظهرك....دفئتيني بصدرك حنيتك وعيونك الحلويين ياامي كل تعبك على شاني يا امي شايلو فوق راسي يا امي ما يصيبك مكروه يا امي ما يصيبك جرح يا امي يا نظري..........يا امي يا قلبي ومهجتي...يا امي يااللى روحي امانه عندك بتذكروا الايام باشياء وانا بتذكر كل ايامي بيكي يا امي يا روح وجودي يا امي ما يصيبك مكروه ياامي ما يصيبك جرح ياامي ******************* وان شاء الله تسمعيها وتنال اعجابك ....
معاكم بقلبي دائما....حتى في فترات غيابي عنكم وسلامي لصديقتك زينب وادعوها لسماع الاغنيه معك....
http://www.somalilife.com/index.php?module=My_eGallery&...pid=87&orderby=dateD
مع تحياتي وتقديري ليون
| |
|
|
|
|
|
|
Re: a famoues somalian songs ...gift for all members (Re: layon)
|
ما اجمل هذا الينبوع الصافى ، كلمات بسيطة ورقيقة وصادقة شكرا
عندنا قصيدة ام، كاتبها الشاعر هاشم صديق وبغنيها الفنان يوسف الموصلى من هذا المنتدى وبتغنيها فنانة تانية اسمها سمية حسن بهديها ليك بالمقابل وياريت حد ينزلها عشان تسمعيها برضو
بكتب ليك رسالة طويلة يا امى بكتب ليك رسالة طويلة بى دمى اقالدك فيها يا امى واضمك ساعة فى حضنى
يا امى وحاتك ما بخت عنوان ولا بكتب اسم انسان وما برمى الجواب فى بريد كفاية اقيف واكتب فى جناح الريح كلامى الاملى يوصل ليك تخلى الريح تترتر فى المسافة عروس تحيل كل الصحارى بروش مضفرة بى سعف بلدى موشحة بى مشاعرى اليك
يا امى
اتمنى انها تعجبك
وتحياتك لزينب حتوصل هى مشت الصومال زيارة وبترجع ، شكرا
| |
|
|
|
|
|
|
|