|
|
 مرطبات أحوال الناس الجمبنـا
|
سلام مربع
اول الحكي
من ترى يمنحنى
طائراً يحملنى
لمغاني وطنى
عبر شمس الملح والريح العقيمْ
لغة تسطعُ بالحبِّ القديمْ.
ثم لّما امتلأ البحرُ بأسماكِ السماءِ
واستفاقَ الجرسُ النائم فى إشراقةِ الماء
محمد عبد الحي ـ العودة الى سنار
_______________
هترشه اولانيه
اليوم الخميس لا شيء عنده افعله . اجازة طبيعيه ، مع انني اتمتع هذه الايام باجازة شرعيه اكتسبت حقها من تقفيل الجامعات في السودان ولم اصدق ان ا(الكيزان) اتكاسروا وبربطة معلم ، قفلوا الدكاكين اقصد الكليات وابواب الحامعات ..
والمهم ان هذا اليوم المسمي بالخميس ولماذا قطعوا له هذا الاسم ..؟ لست ادري ؟ اعني من ذلك انه لا يعتبر اجازة تخصني انا ، بمعنى اوسع اقصد لبعض سكان منزلنا .
ماذا اردت ان اقول هنا ؟ . صحوت وبي رغبة عجيبة في الهترشة .. شديت سلك لبنت خالتي .. في هذا الوقت المبكر جدا .. لكنها لعنتني الف لعنة ولم تكتفي اذ راحت تلعن اليوم اكتشفت فيه انها بنت خالتي .. (( معقولة يا شيري تشدي لي سلك و(ديك ) عمارتنا لم ينم بعد من سهر ليله ، ناهيك عن قرب انبلاج صبحه ؟؟ ))
. هذا الديك العوير ، اكتشفت انا وهي بعد رحلة بحث طويلة ومضنيه في اصوله ، انه جاء من البدو في قافلة من التيوس وبعض اغنام لان العمارة التي تسكن فيها بنت خالتي صاحبها (بدو) قيح .. ترك البدو بمجرد ان ابنه نال شهادته الكبيره (الثانوية) كاول متعلم في ديرتهم قاطبه واصبح استاذا في مدرسة ابتدائية وفكروا انه من المناسب جدا في هذا التوقيت ان يترك (ديرتهم) ويأتوا ليستوطنوا في عمارتيهم التي اشتروها .. هو وحريمه الاربعة في شقة وابنه ونساؤه الاثنتين في شقه .. ذلك هو المفروض والتقسيم العادل .. لكن الذي حدث في الحقيقة ليس كذلك اذ انه يملك عمارتين متلاصقتين ..من ثلاثة طوابق وتسعة شقق .. والحقيقة ان هؤلاء البدو تركوا (شقتيهم) واستوطنوا عندنا وليس عندنا يعني عندنا نحن بل ترك اولاده وعيال اولاده ان يندسوا في كل ركن من العمارة فما ان تفتح باب شقتك وتخطوا سلمتين حتى تضطر ان ترفعها لانك (عفصت)شافعا يفترش عتبة السلم الاولى ، وعندما تحمد الله علي انها جات على قدر كده وسلم .. تسمع صياحا والفاظا لا تعرف معناها انك دهست (صحن) اكل كان يتحلق حوله (بشكة) من الصبايا يهرشون شعورهم بيد وبالاخري ياكلون . والكلام لابنة خالتي ..
يا للهول .. !! ماذا اردت ان اقول لكم هنا
اه تذكرت كنت اتحدث عن الديك . الذي جاءوا به من البدو .. فهذا الديك فقد ساعة توقيته .. وصار العيال والكهارب يمثلون عليه حركة غسل دماغ واسعة النطاق .. داش الديك ما بين طراد العيال له ، وزفت الاسفلت الاسود الذي اصبح لون جديد وواقع حياة لم يتعودها . مسكين هذا الديك ؟؟ اصبح له صيحتين واحدة عند صلاة العشاء ، والاخرى قبل صلاة الظهر مباشرة .. وهو التوقيت الجديد الذي به التزم (البدو) في عملية نهوضهم من نومهم واصبح البكور عندهم و (الريوووق) يبدأ بعد هذه الساعة ..
ماهذا ما الذي اردت ان اقوله ؟ ايضا ذلك ما لم اخطط لاقوله لكم هنا . كنت اتحدث عن شيء وفجأة (نط) ديك البدو واحتل مساحة الحكي
ما علينا المهم .. زجرتني بنت خالتي وقالت انني صرت عديمة الزوق مثل جيراننا البدو وديكهم ..
- انت عارفة الساعة كم يا قصفة انت ؟؟
- والله ما عارفة ، وعمري ما فكرت انو اعاين لي ساعة لمن اكون ما عندي موضوع .
- لا لازم تعرفي على الاقل عشان تبطلي تزعجيني انا .. الساعة هسع خمسة صباحا . وانا هسع قبل ساعتين يا مفترية كنت بتكلم معاااااك ،يعني شنو الحصل في البلد ؟؟ صدام ضرب امريكا ، ولا قناة الجزيرة لقت اسامة بن لادن ؟؟
- ايوه اسامه بن لادن .. هو ده الموضوع الكان من زمن تايه عني
- يا بت انت مجنونه .. اسامة بن لادن شنو ؟؟ وطالبان شنو ؟
- بالله بالجد بسألك انت اسامه مشي وين ؟؟ في بالي معقولة يكون حي لحدي دي الوقت ؟؟ يا بت قال ليك الامريكان دي فتتوا جبال افغانستان حته حته .. وماخلوا جحر ما دخلوا فيهو ؟؟ .
افرض مثلا انك انت اسامه بن لادن وعليك كل الضغوطات دي ، كنت حا تمشي وين ؟؟ ماهو لازم انت تضعي في رأسك انك لازم تدفعي الثمن ، وانك انت موش مطلوبة عشان انت مجرمه ولا لع ؟؟ انت مطلوبة عشان انت كبش فداء ، وذريعة عشان بيك ينفذوا اهداف وخطط قديمه ؟
- الله يحرق اسامة بن لادن وبوش .. يا بت انا عايزه انوووووم .. بكره ماما ح تصحيني بدري عشان جايينا ضيوووف.
- اتخيلي هسع لو انت مكان بوش .. كنت ح تعملي شنو ؟؟ لا ليه اتخيل ما انت اصلك بوش ذاتو .. مخ مافي .. حد يسيب خطيبو عشان نسى عربيتو في الباركن وانت جواها لمده ساعتين ومشى البيت ؟؟ هاهاههاا
عارفة خطيبك دا لقطه .. كنت بتمني خطيبي يكون زيو ؟ لكن اهو نصيب . يا خسارة .. اتخيلي لو انا كنت مكانك ؟؟ اهو دي الحاجة الوحيدة الما قادرة اتخيلها ؟؟
- اللهم طولك يا روووح .. والله ياشيري انا اقفل السماعة ..
|
|
 
|
|
|
|
|
| العنوان |
الكاتب |
Date |
| مرطبات أحوال الناس الجمبنـا | shiry | 01-09-03, 10:07 AM |
| Re: مرطبات أحوال الناس الجمبنـا | shiry | 01-09-03, 10:24 AM |
| Re: مرطبات أحوال الناس الجمبنـا | اساسي | 01-09-03, 10:49 AM |
 Re: مرطبات أحوال الناس الجمبنـا | مهاجر | 01-09-03, 10:31 AM |
| Re: مرطبات أحوال الناس الجمبنـا | قرشـــو | 01-09-03, 10:32 AM |
| Re: مرطبات أحوال الناس الجمبنـا | ensana | 01-09-03, 10:57 AM |
| Re: مرطبات أحوال الناس الجمبنـا | Modic | 01-09-03, 10:52 AM |
 Re: مرطبات أحوال الناس الجمبنـا | ShiningStar | 01-09-03, 04:19 PM |
| Re: مرطبات أحوال الناس الجمبنـا | shiry | 01-10-03, 09:50 AM |
| Re: مرطبات أحوال الناس الجمبنـا | shiry | 01-10-03, 12:33 PM |
| Re: مرطبات أحوال الناس الجمبنـا | اساسي | 01-12-03, 08:48 AM |
| Re: مرطبات أحوال الناس الجمبنـا | ShiningStar | 01-10-03, 05:37 PM |
| Re: مرطبات أحوال الناس الجمبنـا | shiry | 01-11-03, 00:10 AM |
| Re: مرطبات أحوال الناس الجمبنـا | shiry | 01-11-03, 00:11 AM |
| Re: مرطبات أحوال الناس الجمبنـا | shiry | 01-11-03, 00:14 AM |
| Re: مرطبات أحوال الناس الجمبنـا | shiry | 01-11-03, 00:17 AM |
| Re: مرطبات أحوال الناس الجمبنـا | shiry | 01-11-03, 00:31 AM |
| Re: مرطبات أحوال الناس الجمبنـا | مهاجر | 01-11-03, 10:22 AM |
| Re: مرطبات أحوال الناس الجمبنـا | shiry | 01-11-03, 01:52 PM |
| Re: مرطبات أحوال الناس الجمبنـا | كحلوش | 01-11-03, 02:21 PM |
| Re: مرطبات أحوال الناس الجمبنـا | shiry | 01-12-03, 00:19 AM |
| Re: مرطبات أحوال الناس الجمبنـا | مشتاق | 01-12-03, 00:34 AM |
| Re: مرطبات أحوال الناس الجمبنـا | shiry | 01-12-03, 06:44 AM |
| Re: مرطبات أحوال الناس الجمبنـا | مهاجر | 01-12-03, 10:41 AM |
| Re: مرطبات أحوال الناس الجمبنـا | HAMZA SULIMAN | 01-12-03, 12:02 PM |
| Re: مرطبات أحوال الناس الجمبنـا | azza | 01-12-03, 12:59 PM |
| Re: مرطبات أحوال الناس الجمبنـا | shiry | 01-12-03, 02:33 PM |
| Re: مرطبات أحوال الناس الجمبنـا | مهاجر | 01-13-03, 02:06 PM |
| Re: مرطبات أحوال الناس الجمبنـا | OmDur | 03-01-03, 05:54 PM |
| Re: مرطبات أحوال الناس الجمبنـا | shiry | 03-04-03, 03:42 PM |
|
| |
shiry
فيس بوك
تويتر
انستقرام
يوتيوب
بنتيريست