|
(انسانه مشكلتها انها سمينه......(2 (Re: osly2)
|
اسعد اللحظات هي التي اكون أنا هو لوحدنا فقط ولا أحد معنا....عندما انظر اليه أذوب شوقا وحنانا..... وعندما أتأمل لونه الفتان أحس أن الأرض تتهاوى من تحت قدمي...أمد أناملي بكل حب الدنيا لالتقي به..ااه منو الحلبي دا...وين مصطفى سيد احمد لمن قال الصباح الباهي لونك.....أكيد كان بيعاين ليك _ زينب يا بت قرضتي الكعك كلو خلي شي للضيوف وفجاه ياتي صوت أمي ليقطع علي انا والحبيب خلوتنا.... آه انا من طفولتي بموت فيهو كعك العيد دا.... طيب ما مشكله بكره اعرف اعملو وكل يوم اعمل صينيه....آخر مره عملتو طلع قوي زي الحجر لو رميتو في حيطه برجع ليك.....وناس احمد أسامه ما صدقو وشالوه الحوش....وقغدو يتفاننو بيهو على كل حال هنده قالت بكره حتجيبلي كعك في الجامعة عشان احكم ياتو الاحلى _ هندويه ازيك عامله ايه _ تمام انت كيف....اسمعي البت عزه دي ظهرت واللا لسه _ لا لسه حتى ضربت ليها في الداخلية قالو لي ما جات لسه من سنار _ والله حكاية البت دي يكونو عرسوها واللا شنو _ ما تقدري تعرفي....كاتله لي حيلها كدا _ عايني داك مش محمد عمر ااه انا من محمد عمر ومن وجاهه محمد عمر..ما مكسرني وقاطع فيني عروووق.....واللا صلعتو.....آه انا من صلعتو..عزه قالت لي يوم انو أخوها متأزم عشان بدا يصلع قلت ليها ومالو الصلعة وجاهه...عاينت لي شديد كاني جايه من كوكب تاني.....لكن يا اخوانا انا بموت في الصلعه .....ما عارفه حبيت محمد عمر عشان صلعتو واللا حبيت الصلعه عشانو.....لكن دا كلو مقطعاهو في شحمي وساكته.....ليه يا اخوانا يعني عشان سمينه ؟.......ما عندي قلب واللا مالي حق احب. هنده قاعده تربرب ليها ساعه وأنا ماعارفاها بتقول شنو.....الليله دا محمد عمر جاي علينا.....كدا اعمل نفسي ما شغالة بيهو واعمل نفسي بتونس مع هند.....البت دي بتقول شنو؟؟ _ اها يا زنوبه وزي ما قلت ليك الكعك دا كلووووو ليك انا عارفاك بتموتي فيهو لا ....لا ....لااااااا يا هند حرام عليكي ما حسه....كدا زلطتي برستجي
|
|
![Edit](https://sudaneseonline.com/db/blank.gif)
|
|
|
|
|
العنوان |
الكاتب |
Date |
مرحب انا ذاتى ام در | osly2 | 12-12-02, 05:33 AM |
Re: مرحب انا ذاتى ام در | filan | 12-12-02, 06:22 AM |
Re: مرحب انا ذاتى ام در | الجندرية | 12-12-02, 09:53 AM |
Re: مرحب انا ذاتى ام در | wadazza | 12-12-02, 09:57 AM |
Re: مرحب انا ذاتى ام در | banadieha | 12-12-02, 11:47 AM |
Re: مرحب انا ذاتى ام در | Elkhawad | 12-12-02, 12:19 PM |
Re: مرحب انا ذاتى ام در | Ana Zaty Omdur | 12-13-02, 02:06 AM |
Re: مرحب انا ذاتى ام در | moniem2002 | 12-13-02, 02:16 AM |
Re: مرحب انا ذاتى ام در | soma | 12-13-02, 07:20 AM |
Re: مرحب انا ذاتى ام در | bint algazeira | 12-13-02, 10:02 AM |
Re: مرحب انا ذاتى ام در | zola123 | 12-13-02, 11:19 AM |
(انسانه مشكلتها انها سمينه......(2 | حنين | 12-13-02, 11:33 AM |
Re: مرحب انا ذاتى ام در | حنين | 12-13-02, 11:35 AM |
Re: مرحب انا ذاتى ام در | noha_g | 12-13-02, 11:53 AM |
Re: مرحب انا ذاتى ام در | الأمدرمانية | 12-13-02, 03:09 PM |
Re: مرحب انا ذاتى ام در | HAMZA SULIMAN | 12-13-02, 04:00 PM |
Re: مرحب انا ذاتى ام در | Ana Zaty Omdur | 12-15-02, 01:54 PM |
Re: مرحب انا ذاتى ام در | نصار | 12-15-02, 02:18 PM |
Re: مرحب انا ذاتى ام در | Wad Aljaili | 12-15-02, 04:48 PM |
Re: مرحب انا ذاتى ام در | omergoda | 12-15-02, 05:29 PM |
Re: مرحب انا ذاتى ام در | gadora | 12-16-02, 01:23 AM |
Re: مرحب انا ذاتى ام در | Ridhaa | 05-23-03, 03:43 PM |
|
|
|