|
|
 Re: شباب المسنجر (Re: بت قضيم)
|
حتى انت يا وجن
والله انتي ما عارفة الطفرتو بقت خارج نطاق السيطرة منو....
مرق من يدنا تب .. دخل في يدين الحكومة المحلية ..
البوليس في عبارة اخرى ..
دي اصلها نتيجة طبيعية للفلتان الامني منقطع النظير ...
وبعدين كدرو شنوالببيعا ..
ياختي انا يا الكدرو ..يا حلة حمد..ما عندي تالت ..انا مرقتا من بري اللاماب قبل كدا عشان واحد ما حيلتوش اللضا ..
قرنفل انا عندي بالصوت بس
تخيل لحدي هسع بت الذين ما شفتا صورتا
يبدو لي انها بتشبه سلمى الحايك ..
ولذلك ما طلبتا منها صورة...اسوي بي صورتا شنو انا ماشي اعقد عليها
بت قضيم
بداية
لو استمريتي تقولي لي انو انتي حاسة اني حاجلط في مكان ما ..
فتاكدي اني حاقوم اجلط ..انتي عارفه اني بريدك من زمان ..
وان كان موقعك قد تاخر في الصف درجة بسبب هذه العزة (امنقا بت) وبسبب جكس القماير ودي حالة مرحلية ، ولكن يظل موقعك في الدرجة الممتازة ..
وعليه واستنادا على هذه الريدة مقرونة مع التحليل السايكولوجي (يا بتاعة السايكو) لو انتي كرررتي الكلام دا حالقى نفسي مندفع لان اجلط بي سبب او بدون سبب فقط لارضي هذة الريدة السايكو لوجيكال ..
اشمعنا يعني الغموض عندو قوة الف مغناطيس ؟؟
الف وواحد مثلا ما بنفع ؟؟
يا بت ما تبطلي النجري بتاعك دا..
بعدين ما تشطحي يا تاني امنقا بت المسالة ما فيها اي سلوك نفساني ولا الما موجود مرغوب ولا تلفت لي ورا وهلم طراش ...
بي بساطة البت قالت لي انها مشلولة يعني مكسحة ..تسير على دواليب..الدنيا ما قدرت تشيلها واقفة على حيلها ..قعدتا ترتاح.
وانا حسيت بي معاناتا ..
لاني عندي كراع راحت في حق الله وحق الدفعة 43 ضباط القوات المسلحة ..
43 الما كان فيها قط واحد قبيح الطلعة ..كانوا ابدا في كامل بهائهم ، استرد الله ما استرد منهم..وينتظر الصامتون في اعالي النيل وادارة العمليات العسكرية وضواحي نيروبي وحلة خوجلي دورهم في ادب تام ...
يعني هبشت فيني كراع ..آلمني ان تظل حبيسة مقعد ...
لا اقدام لديها ..
وانا رايت بعينى ويدي وانفي وبكل ما فيني من حواس.. رايت كيف تزول اقدام الرجال عند احتدام غضب الرجال ..
ولامر في نفسي لا يوصف ...
اثرت في حشاشتي ..ولاني زول رياد...وشفوق ردتها (سمعتي نكتة العقرب الشفوق)..
وما قررتا ذلك الصباح اني اشخت ليها إلا لانها مسكونة ..
بتقول ليها حاجات اكاد اقولها...
كأن افكر اقول اسم رايح لي تقوم المشوطنة تقولو لي ..
وتواصل الحديث عادي كان لم يكن ، بي كل اندياح تتونس وانا على الطرف الاخر من الميسنجر تقع زيتونتي في الكي بورد من الخلعة ...
وانا زول عشتا حياتي كلها بي صورة غير طبيعية .. ولدى شغف ما اعتيادي اني اعيش ما تبقي لي بصورةاعتيادية ..
يعني اطيق اني اتزوج كمغترب حسُن الظن من قريبتي التي لم اراها والتي تمارس الحياة كما غيرها ..ببني ادمية ِصرفه .
او من بت حسين شكري - الحلبية ، التي لا يمكن ملاحظة شواربها الاعند الاستغراق في التامل وجلي النظر - ولا اعرس لي بت تبدو كشيطان او بت شيطان ما معروف ..
تقعد تسبقني في الكلام الانا عايز اقولو ..
وتظل هكذا تغتسل في الحدقات بين ادمعي....
و تدهشني وتوقع زيتوناتي...
الى ان ياتي اليوم الذي تواصل فيه الحديث وحدها وتقول كل الكلام ، واظل انا كثيفا في صمتي..وبلا زيتونات في فمي .
وبعدين خطيرة القلتيها دي قصدك بيها شنو .؟؟خطيرة يعني مقطعا السماحة مثلا؟؟
ولا خطيرة شديدة الذكاء لدرجة الخطورة؟؟
ولا خطيرة ملغمة وممكن تشيل الكراع التانية ؟؟
ممكن تفضلي بي توضيح اكثر وانتي زولة عهدناك ام الوضوح ذاتو ..
ولو تفاصيل الونسة البيني وبين عزة الفوق دي ما كافية لمزيد من تحليلك الرائع ..
ابدا ما تشيلي هم دكين جاهز لمزيد من العرض ..
ختاما ما تتخيلي انا سعيد قدر ايه بمعرفتك
ختاما خالص
عرفتي كيف انو البت قات لي انتا ما براك ؟؟؟
خالتو
انتي قاعدة تقري من وين؟؟
|
|
 
|
|
|
|
|
| العنوان |
الكاتب |
Date |
| شباب المسنجر | بت قضيم | 09-01-02, 11:34 AM |
| Re: شباب المسنجر | Tumadir | 09-01-02, 11:36 AM |
| Re: شباب المسنجر | zola123 | 09-01-02, 12:08 PM |
| Re: شباب المسنجر | abushakosh | 09-01-02, 12:54 PM |
| Re: شباب المسنجر | ALZOLZATOO | 09-01-02, 03:04 PM |
| Re: شباب المسنجر | 7abib_alkul | 09-01-02, 03:14 PM |
| Re: شباب المسنجر | اساسي | 09-01-02, 03:22 PM |
| Re: شباب المسنجر | رقم صفر | 09-01-02, 03:27 PM |
| Re: شباب المسنجر | ALZOLZATOO | 09-01-02, 03:29 PM |
| Re: شباب المسنجر | WAD ELGAALI#4 | 09-01-02, 05:31 PM |
| Re: شباب المسنجر | بت قضيم | 09-01-02, 11:04 PM |
| Re: شباب المسنجر | woroorrook | 03-15-03, 01:43 AM |
| Re: شباب المسنجر | بت قضيم | 03-16-03, 12:42 PM |
| Re: شباب المسنجر | شوق | 03-16-03, 12:54 PM |
| Re: شباب المسنجر | بت قضيم | 03-16-03, 01:12 PM |
| Re: شباب المسنجر | Ahlalawad | 03-16-03, 01:20 PM |
| Re: شباب المسنجر | مريم بنت الحسين | 03-16-03, 01:26 PM |
| Re: شباب المسنجر | بت قضيم | 03-16-03, 01:31 PM |
| Re: شباب المسنجر | Ahlalawad | 03-16-03, 01:44 PM |
| Re: شباب المسنجر | بت قضيم | 03-16-03, 01:47 PM |
| Re: شباب المسنجر | مريم بنت الحسين | 03-16-03, 11:04 PM |
| Re: شباب المسنجر | بت قضيم | 03-18-03, 08:14 AM |
 Re: شباب المسنجر | ود عقاب | 03-18-03, 01:41 PM |
| Re: شباب المسنجر | ود عقاب | 03-18-03, 01:41 PM |
| Re: شباب المسنجر | فرفورة | 03-18-03, 05:44 PM |
| Re: شباب المسنجر | فرفورة | 03-18-03, 05:48 PM |
| Re: شباب المسنجر | ABUHUSSEIN | 03-18-03, 07:36 PM |
| Re: شباب المسنجر | بت قضيم | 03-19-03, 06:05 PM |
| Re: شباب المسنجر | DKEEN | 04-18-03, 10:58 PM |
| Re: شباب المسنجر | beko | 04-18-03, 11:14 PM |
| Re: شباب المسنجر | بت قضيم | 04-22-03, 10:40 AM |
| Re: شباب المسنجر | قرنفل | 04-23-03, 00:11 AM |
 Re: شباب المسنجر | وجن | 04-23-03, 01:21 AM |
| Re: شباب المسنجر | بت قضيم | 04-23-03, 08:58 AM |
| Re: شباب المسنجر | DKEEN | 04-23-03, 01:23 PM |
| Re: شباب المسنجر | بت قضيم | 04-23-03, 11:42 PM |
| Re: شباب المسنجر | doma | 04-24-03, 05:26 AM |
| Re: شباب المسنجر | قرنفل | 04-25-03, 03:45 PM |
|
| |
فيس بوك
تويتر
انستقرام
يوتيوب
بنتيريست