الشىء البيحصل في سفاراتنا دا مابتلقاه في أي مكان في العالم..إنت عارف الحصل لى دا معناه شنو؟؟؟؟زيادة على الرسوم الأخدوها بدون وجه حق وجددوا لي سنه واحد..بقي قدامي احد أمرين ياأمشي بعد كم اسبوع أدفع تاني وآخد جواز بسنتين قبل موعد تجديد الإقامه ويا أطنش وآخد سنه واحده في الإقامة وأدفع بعدين من جيبى للسنة التانية لأنه الشركه ما حتتحملها عني خاصة وإنه القصور من ناحيتي لأنه نظام الشركة بتجدد الإقامه سنتين كل مره مش سنه واحده..قالوا يسووها جماعه ويقعوا فيها جماعة تانيين..لكن فرجو قريب إنشاء الله
شافني طاشي قالي وين ياخونا ماشي قتلو داير أمشي السفاره وعلا لي ضحويه طاشي ضٌمــه غلبتني البصاره قال دا مادرب الزفاره قتلو لا..ماها الزفاره السفاره..س سفاره مش زفاره تااااني رد وقال زفاره قتلو ظاهر إنك ألجن وزي لسانك ما مساعدك إنت قصدك للسفاره قالى من وين يا مسكين قتلو من أهل العوض والزفاره بنعرف إنها في الجزاره
من حلمنتيشيه لتربال كان طاشي من السفاره وكفايه لغاية هنا مافي داعي نتمها يمكن يكون واحد لابد هنا يعوقنا كمان..عاوزين نربي الوليدات
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة