|
الضـــــــرات
|
الضرات= النسوان المعرسات فوق بعض............. انا فسرتها عشان مافي زول يقراها غلط ويحملني المسئولية.... سودان نت....و..... سودانيوز ون لاين.... ضرات ... وهن بنات عم.....بالنسبة لي.... الاتنين زي بعضهن علا الكبيرة ليها الكبره......والصغيرة.... نكمل فيها باقي شيبنا......واحدة من الحاج يوسف...وواحدة من مدينة الطائف.....واحدة... بتتمشط وتكوفت شعرها...ومشلخة عوارض...وشلوفتها مدقوقة ....ونضمها دراش....التانية... بتمشي الكوفير....وتسوي حمام الساونا.. الساونا دي وحات الشيخ الجعلي لي قريب دا قايلها صابون....وتضرب شلاليفها بوهية.... وضفورها طوال وقاعدة تجلطن ببهية برضو....وكلامها دقاقة...النوم بمواعيد والاكل بمواعيد......وكل شي بمواعيد...... لي كم يوم..... بمشي بيغادي لسودان نت...القى البيت مقفل... بالطبلة والمفتاح...وقدر ما ادق الباب مافي زول يفتح لي....قلت يمكن حردانها وسافرت لبيت ابوها..... لكن حتى الشفع ساقتهم معاها يا ربي؟...... سبحان الله .... شوقي ليها ردوم ردوم زي السكسك المنضوم....الكلام دا اوعى واحد يلفحو ويسويهو غنية....وبكرة يجي ترباس يقدنا بيهو....اصلها حنينة....ولامة كل الناس...وبي دروشتها ونضمها الدراب دا برضي ظانيتني قاعد اريدها.....ما الاولى هي...واتعودت عليها... لكن نسابتي الاتنين ضكرين........ علا انا متلوم فيهم..... لي حسي ما شلت لي شي عصرتها لواحد في ايدو.....انا اعصر من وين لكن؟...ناس الضرايب مخللنا شي نعصرها... انا غايتو تارني معرس اتنين وعلى عينك يا تاجر....... الكلام الناس .... المعرسين بالدس..والله مسوينو عرس عرفي.... زي وليدات السودان الايام دي......الواحد يمشي للقديمة بحالتو العارفاها بيهو.....وقت يجي للجديدة.... يصبق شعرو.... ويلبس قميص نص كم... وسلسل دهب...ويعلق صورتها في نص السلسل...ويقولها... انا بكره اسرائيل... وبكره معاها الويكة... وبكره بوش ورقاد الحوش....وبموت في مونيكا..... .
|
|
|
|
|
|
|
العنوان |
الكاتب |
Date |
الضـــــــرات | سجيمان | 03-29-03, 05:52 PM |
Re: الضـــــــرات | ايهاب | 03-29-03, 09:28 PM |
Re: الضـــــــرات | raheel | 03-29-03, 10:04 PM |
Re: الضـــــــرات | سجيمان | 03-29-03, 10:30 PM |
Re: الضـــــــرات | raheel | 03-29-03, 10:38 PM |
Re: الضـــــــرات | سجيمان | 03-29-03, 10:56 PM |
Re: الضـــــــرات | AbuAla | 03-30-03, 02:37 AM |
Re: الضـــــــرات | raheel | 03-30-03, 10:58 AM |
Re: الضـــــــرات | سجيمان | 04-01-03, 01:12 PM |
Re: الضـــــــرات | سجيمان | 03-30-03, 11:19 AM |
|
|
|