المعز عبد المنعم مصطفي ..اليوم التامن

المعز عبد المنعم مصطفي ..اليوم التامن
اليــــــــــــــــــــــوم الثامــــــــــــــــــــــــن انت المالي عيونا معزة وين متراوح سايب عزة دابا اشتغلت فيها الغنية دابو ضمير الدنيا اهتزا وبدا في القدح الكون يتبن شوقا يضوق للعالم لزة وين متراوح وين ياطالي باب النيل بحنين الوزة عمرك كلو تغنى عليها وتترجاها تعالي تعالي وأول ما هي بدت عينيها نهمه غيمه مشت طوالي كورلكنالك كورلكنالك سبع ايام في سبع ليالي الله الله الله …… …… الله الله الله ورجع الصوت النازف اه سرسار جدول رادبو العالي كنا غلابا وليل وربابه متلمين فوق قوز ونغني قلنا الصحراء تشهي الغابه حلمي قريب ماهو تمني تنسف فجاء الشوق دبابه وفينا غنانا يصن فد صنة الا اتقط سحابه سحابه وبدا يتجمع طير الجنة نفس الريح الحرق الغابة قطم فرحك ليله الحنة قطم فرحك يوم الحنة رغم بهاظه وعظمه فقدك الا أنو الحياه ما وقفت الأ انو في ناس بيغنو عشان تخضر الأرض النشفت ناس من بعدك بعضها بعضك وناس لا سمعت بيكلا عرفت وناس لاسمعت بيك وتكنو غنك اليهم ماش عليهم تتلافاهو الريح وتفنو ورا الاحلام … الجفت ورهفت… رهفت وخفت…خفت وطارت… طارت ورفت روحك فوق الغنيه اتلفت بي بشكير الصبر اندفت اتشتت كواني كواني وقلنا الله بيخون الخاين لملمناك والعين بتعاين مد النيل الوافي ضراعو سويناك باجور وجناين شيدنابك دور ومداين حندكنابك حز الريح حركنابك شوقنا الكامن اوقلنابك ظل مطامن انو حيشرق فجر العالم بي بني أدم طيب وأمن تبرق يمرق شخب الباكر ويضوي سماك يا يوم الثامن كلمات:محمد الحسن سالم حميد الحان:المعز عبد المنعم تخونني الحروف حينما احاول التعبير او الحديث عن اخي وصديقي وحبيبي المعز عبد المنعم عليه رحمه الله... لكني اضع هذا العمل بين ايديكم واترك لكم الحكم واترك القلم للاساتذه الاجلاء ود الباشا والموصلي فهم اجدر بالحديث عنه وهم يتملكون جميل الكلم.. واحساس الفنان.. ودقه التشخيص كما انهم من اصدقاء المرحوم كذلك ادعو جميع الاخوه والاحباب الذين عاشرو المرحوم والذين تعاملو معه لتقيم تجربته والتحدث عنها ملحوظة:- الاغنيه في رثاء كروان السودان الراحل مصطفي سيد احمد الذي قال في المعز والحديث للاخ صلاح الباشا: أن الكروان مصطفي كان يؤكد علي أن هذا المعز سيكون هو خليفته ,.. فإذا هو الآخر يلحق به في الفردوس إنشاء الله (عدل بواسطة Elkhawad on 04-17-2002, 07:03 PM) (عدل بواسطة Elkhawad on 04-17-2002, 09:48 PM) (عدل بواسطة Elkhawad on 05-16-2002, 11:54 AM) (عدل بواسطة Elkhawad on 11-19-2002, 02:11 AM)

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]