|
Re: تأملات فى الشاورما (Re: قرشـــو)
|
العزيز قرشو اتفضل معانا فطور لانو باين عليك جيعان هههههههههههههههه كدي بيني وبينك كدا انتا موقعك كان شنو في المسرحيه دي لك كل الود والتحيه
| |
|
|
|
|
|
|
Re: تأملات فى الشاورما (Re: قرشـــو) (Re: قرشـــو)
|
أخوي قرشــــو شايف نفسك مفتوحة رغم انو جو جدة لايساعد على ذلك بتاع الشاورمة الجنبنا كل ما أمشي ليهو ألقى الدائرة بتاعت اللحم ياها زاته مابتنقص قلت ليهو ياخينا انت مافي حد غيري بيشتري والا ايه قال لي لا والله دي عملنها اليوم يا بيه
قال اليوم قال لو ليها شهرين يكون كويس
| |
|
|
|
|
|
|
Re: Re: تأملات فى الشاورما (Re: قرشـــو) (Re: garjah)
|
الأخ قرجة في السودان في بيتنا كتير باكل ملاح بامية بايت ياخي مرات يجيبو ليك ملاح قرع بايت هو القرع دا الواحد لو أكلوا في الحواشات برضو مابضوق ليهو طعم خلي يدوك ليهو بايت في الحلة والحلة زاتها بدون غتاية لكن بيني وبينك كدا اول مرة اسمع انو في شاورما بايته
| |
|
|
|
|
|
|
Re: Re: تأملات فى الشاورما (Re: قرشـــو) (Re: ابوحراز)
|
العزيز قرشو طبعا انت دخلت في اللحم الحي وكلامك دا اياك اعني واقصدي ياجارة الشاورما دي ماله والله حاجة تمام وكمان لما تبيت احدي الصباح تبقي حركة في شكل ورده وبعدين لما أنت تحرش علينا الناس كده يبقي أحسن نحن نمشي السودان بشرفنا لانو بكرة حيرفعوا لينا الكرت الاحمر و يتم انهاء خدماتنا عشان كده ياناس البورد كلام قرشو دا انسوه.
اما بمناسبة كلمة بايته مره جاء واحد شحات للجماعة بتاعين الاعمارات ديل قام دقه الباب طلعت ليه واحده قال ليها ماعندكم ملاح بايت عشان انا جعان المهم المرة دخلت البيت ما لقت ليه اي حاجة قامت قالت ليه انت عاوز ملاح بايت هز راسه قامت قالت ليه خلاص تعال بكرة تلقي الملاح البايت يعني يافردة الراجل يصوم احدي بكرة عشان يأكل ملاح بايت من الحاجة دي بالله رأيك شنوووو في الكلام دا مش أخير من شاورمتك البايته دي بالله ياقرشو لما تمشي سوريا زور الشيخ سعد عشان تعرف انو كلامك دا عن الشاورما كلوا كان افتري وتشويه سمعة وبدين الشاورما الانت قاعد تقطع في لحمه دي والله عندها رجال يهزوا ورزوا عشان كده اعمل حسابك وجد انا خايف عليك من الجماعة ديل بعدين ناس ابوحراز ماعندهم شاورما ديل ناس الكبسة مرة بالدجاج ومرة بالحم ماشايفه منفخ كيف وقدر ما يشوف ليه ديك راسه دا من الارض ما بيشيلوا
دوما عكسووو
| |
|
|
|
|
|
|
Re: تأملات فى الشاورما (Re: قرشـــو)
|
استاذي قرشو لك احترامي
لا احب الشاورما اطلاقا ولا احب عملها في الشارع
لا تروقني ابدا ولكن ارى اناس امام بتاع الشاورما وهم ينتظرونه
بفارغ صبر المهم 000 اشرت الى المطاعم واظن هذا هو هدفك من كتابة
هذا البوست فالمطعم اصبح بديلا للبيت حتى في رمضان 000 طبعا لن تغلق المطاعم واذا ماحدث ذلك فستجد الكثير من الذين قد قطع رؤسهم 0000
وهذا ما اظنه سيحدث فالمشغول جدا لا يعود للمنزل ويعتمد على المطعم
العزابي الذي لا يتقن الا حلة العدس ستتوق نفسه يوما ما الى اكله في
مطعم 000 كذلك المراة التي لا تجد وقتا للتطبخ طول الاسبوع قبل ان
تعود للمنزل متاخره من اين ستحضر طعام الغداء او العشاء لاولادها
حال وجود زوج راضي بذلك الوضع 000 والكثيرين
لك التحيه
| |
|
|
|
|
|
|
تأملات فى الشاورما (Re: قرشـــو)
|
بمناسبة الشاورما ولحم الدجاج أضمن مرة كنا في اليونان نعمل في موسم حصاد الطماطم وكنا شغالين لواحد اغريقي فقام سألنا صاحب المزعة عايزين الغداء شنو جماعة قالوا عايزين دجاج باليوناني ((كتوبلوا)) ومعنا واحد جنوبي اسمو سايمون فقام الراجل جاب الغداء وأثناء الأكل سايمون قال ياجماعة الجداد دا مالوا كراع بتاعوا كبير فعندما سألني الاغريقي قال دا بط فقام سايمون قال والله يا جماعة ناس دا يوم بيأكلنا حيوان وقلنا ليوه يا سايمون الدجاج ذاتو ما حيوان قال معليش يا جماعة انا عربي بتاعي تعبان.
حموز
| |
|
|
|
|
|
|
Re: تأملات فى الشاورما (Re: قرشـــو)
|
قرشو مية مسا على الناس المنتظره الشاورمه
عارف ، ماما عاملة لينا ملاح (باميه) ياااااع بتكلم جدا انا .. وحردتها وجيت فتحت الكومبيوتر وقرأت شاورمتك اقصد موضوعك وحسيت باني عايزه اكل شاوما بس .. المغرب بعيد لسه عشان نرسل اخوي (المفعوص) اصلوا بكره شاوما اشواق في شارع الستين لانه مضظر ينتظر دوره بعد 2 ساعة وكلما اضطره الظروف لفعل ذلك
| |
|
|
|
|
|
|
Re: تأملات فى الشاورما (Re: قرشـــو)
|
الاستاذ قرشو ياخ وينك ارسلت بوست قبل كم يوم أسأل عن الغائبين وكان اسمك رقم واحد حمدلة ع الشوفة أما الشاورما فموضوعك ظريف كالعادة شكرا على هذه التحفة
| |
|
|
|
|
|
|
تأملات فى الشاورما (Re: قرشـــو)
|
أخوي قرشو ملكة الشاي المظبوط شيري انتو ما كفاكم سمك الملجة وشية السواكني عايزين تضايقو ناس الداخل في حتة الشاورمة العاملة زي النشارة ياخي ده ساندويتش لا بيشبع لا حاجة انا شخصيا غير شحتفة الروح ما بلقى من وراهو شي والا رايك شنو يا أخوي الجعـــــلي نحن ناس عضة ساكت وكان ماردمت العضام قدامك الواحد ما بيتكيف وما بيعتير نفسو اتعشى زاتو
قال شاورمة قال
| |
|
|
|
|
|
|
Re: تأملات فى الشاورما (Re: قرشـــو)
|
نفسى آكل الشاورما دى والله، لكن يبدو انه مافى نصيب ابدا
البازيلا والملوخية والبطاطس دى نخليها لمنو
كدى أدعى لينا يا قرشو كان الله يفتح نفسنا للحوم والمعاضم دى
| |
|
|
|
|
|
|
Re: تأملات فى الشاورما (Re: omdurmani)
|
الاخت مهيرة
انا لو عارف دربو كنت جريتو من يدو وجبتو ليكم فيكم واحد عارف دوار العمدة بي وين
ايوا انت يا ود العم
كديه النشوف ناس قرجة والجعلي اكيد بيعرفو دربو
| |
|
|
|
|
|
|
Re: تأملات فى الشاورما (Re: ود العمدة)
|
امدرماني
عامل دقنك الزي المسطرين دي
بالغت في
من العنوان دي
مرة كنا معزومين سماية في الحلة
ختو الصينية قدامنا
قلت لي راجل كبير قاعد معانا
افتتح لينا الضلع ده ياحاج طبعا انتو ناس خبرة
عمك زعل زعل شديد
وقال لي
شايفني مباري العزايم والا شنو
انا والله دي اول صينيية برة البيت اقعد فيها من شهرين
ياحاج في طولك في عرضك
الاكل برد....موش الضلعة دي انا بفتتحا ليكم
مديت يدي وخمشت خمشة محترمة
عمك اتلفت علي....الخبرة ما حقتك يا ولدي
| |
|
|
|
|
|
|
Re: تأملات فى الشاورما (Re: garjah)
|
الاخوة الاحباب حقيقة الشاورما دي مسالة مزاج بس ما اكل حبة واحدة وتكون جدة باردة كدا مع المغرب شيري خبرة جات علي شاورما فريقنا لكن عندنا جنبنا راضي هلال عندوا شاورما دبل في اليوم مدورة وبرضو طعمية ابعاد وكشري مظبوط بمزاج مع عصير مشكل ودا تخصص راضي هلال تعالوا زوروا فريقنا وجربوا
| |
|
|
|
|
|
|
Re: تأملات فى الشاورما (Re: قرشـــو)
|
الأخ قرشو وأنا أتجول في ردهات المنبر منقباً عما فاتني من مواضيع وقعت عيني على موضوعك هذا وقد كانت وقعة سوداء فاحم لونها دخلت وأنا أتوجس خيفة لأنني أخشي مقالب العناوين دلفت إلى مقالك ظاناً أن في المسرح طعام أى كان صنفه وقد كان بالرغم من أنني أدعي الرشاقة وممارستي للرجيم لقلة حيلتي لا تمشياً مع الموضة ، تخيلت منظر تلك الكتلة من اللحم تماثل خيط القطن الذى تغزله حبوبة آمنه عليها رحمة الله بعد أن يكتمل في متراره ، أنا لا أعشق الشاورما بالرغم من إنبهاري بها ذات مرة ، وليحمد أهلنا في القرى والحضر الله كثيراً على تميزنا وتفردنا بأم رقيقه وأخواتها حتى وإن كان يصعب تقديمها في شطائر على شاكلة الشاورما ، وأحسب أنه حتى أم رقيقة تبدل حالها بتبدل الأحوال وأصبحت غير أم رقيقة التي كانت في أزمان قد خلت ، فأم رقيقة هذه الأيام دخل فيها ما يعرف بالماجي أو المرقة الجاهزة وهي عبارة عن مكعب سحري يذوب في الماء ليعطي أم رقيقة طعماً وشكلاً ولوناً ، ولما كانت أم رقيقة هذه من أساسيات الموائد في بلادي لم يسلم منها صغير أو كبير أو حتى رضيع. وفي إحدى الحافلات في الخرطوم وفي درجة حرارة تفوق طاقة البشر قال الكمساري لأحد الركاب لقد دفع لك ذلك الرجل ، فما كان من هذا الراكب إلا أن هاج وماج وقال مخاطباً الرجل الذي يجلس في مؤخرة الحافلة بتدفع لي ليه بتعرفني من وين ، فقال الرجل بكل برود يا أخي إنت مش فلان ، قال له يا أخي أنا لا فلان لا زفت فرد الرجل بكل برود والله أكل المرقه خلى السودانيين كلهم يتشابهو تصدق إفتكرتك فلان. معظم الوجبات الجاهزة ظاهرها فيه الرحمة وباطنها من قبله العذاب فتخيل معي الزيوت المستخدمة في قلى هذه الأطعمة ويقال أن زيوت القلي لا يتم تغييرها بل يتم زيادتها كلما نقصت ، هذا ناهيك عن نوعية اللحوم أو الدجاج. وقد أكدت دراسات علمية ان للوجبات السريعة أضرارا بالغة على صحة الانسان نظرا لاحتوائها انواعا ضارة من الاصباغ والملونات والمنكهات الكيماوية موضحة ان الاستمرار فى تناول الوجبات السريعة يسبب البدانة والسمنة الزائدة نتيجة ارتفاع نسبة الدهون والهرمونات فيها والتي تسبب اصابة المستهلكين بأمراض القلب والشرايين والعسر الهضمي والامساك المتواصل والربو.
| |
|
|
|
|
|
|
Re: تأملات فى الشاورما (Re: almulaomar)
|
الأحباب الاعزاء
الشكر لكم جميعا يا من تذكرتم غيابى القسرى وكانت نداءاتكم حتى عبر الشاورما تصلنى واشكر كل كلمة تساؤل وكل من علق على البوست ولعل الأخت شيرى قالت فى ملاح الباميه ما سيثير سخط اخرين عليها اذ ان البامية البايتة مع الكسرة الحارة لا تضاهى ابدا ولها ان تسحب مسخرتها منها لانها معشوقة لاخرين ..
اما الأخ الملا عمر فانا اوافقك بضرورة الحرص الكبير من الوجبات الجاهزة فهى لا تخلو من المخاطر ولكنك مرمطت ام رقيقة اذ جعلتها قرينة وربيبة الماجى لعنه الله فقد قيل لى ان بعض اهلنا فى السودان يستعملون الماجى كمبيض للاوانى الحديدية فحالما تبرق وتتلاصف فما بالك بمعداتنا ؟؟ لقد حرمت الماجى من دخول منزلى منذ أمد ولكنى مرة اكتشفت ان حرمنا المصون تستعير مكعبا من الجيران وذلك من خلال الفاضى ؟؟؟ لست ادرى ما هى وجهة نظر اخواتنا فى ذلك فالحلة مفعمة باللحم السواكنى ومع كل ذلك لا يتورعن من اذابة مكعبات الماجى اللعينة .. اذا دهاهن بالله حتى ينجرفن وراء تلك الدعايات التى لا تسمن ولا تغنى من جوع سواء افراغ جيوبنا المهترئة ؟؟
لك تحياتى وقاتل الله الماجى
| |
|
|
|
|
|
|
Re: تأملات فى الشاورما (Re: قرشـــو)
|
اخي قرشو أولاً يدافع السيد عكسو عن الشاورما وأخواتها لأنه حاميها ويعرف جيداً كيفية إعدادها ولأنها تدر عليه وعلى شركته الكثير من المال ويبقى عسكو ساكت عن الحق ويندرج في مرتبة شيطان أخرس حتى يقبض آخر كل شهر وبالعملة الصعبة في هذا الزمان الأكثر صعوبة وبعدها يعمل عمره طمعاً رحمة الله التي وسعت كل شئ. حكاية الماجي أخي هي تشبه في ما تشبه موضة الملايات الكانون الأمريكية ومعجون سيجنال وصابون لوكس وتلفزيونات ناشيونال وشاي ليبتون والعربات الباكسي الهايلوكس وكريم ديانا ، فنحن أمة مفتونة بالتقليد حتى لو كان في الإتجاه المعاكس فما ضرورة أن تطبخ زوجة الجزار بمرقة ماجي سوى أنها سمعت جارتها فلانه تقول أن المرقة تعطي الملاح طعم رائع وتنتشر الدعاية ما بين غمضة عين وإنتباهتها وبالقدر الذي نصدق معه جميعاً أن الحلة بدون مرقه زي الشرا في القندول.
| |
|
|
|
|
|
|
|