|
اخر عمرى بقيت مدمن
|
طول عمرى خايف من الادمان لانى عارف نفسى زول هوا يعنى الحاجا البحبا ما بقدر اخليها عشان كدة عمرى كلو قضيتو فى الاستبسالات اولا فى فترة المراهقة لم تنجح اغراءلت اصدقاء السوء فى اقناعى بجر نفس سجارة فى ريعان الصبا فشلت نسوان مصر وشقروات اوربا وجميلات القرن الافريقى فى اقناعى بارتشاف البيرة حتى تعاطيت القات ونفذت من الادمان لضيق ذات اليد ونفورى الفطرى من فكرة السهر المخدرات حالت بينى وبينها الصرامات الايدلوجية بعد دا كلو اقع فى ادمان الانترنيت اصحى الصباح اقول اشوف بوستات الليل بس اقعد ساعة ارجع من الشغل اقول كدى نشوف الجندرية وتماضر كاتبين شنو تجى ساعة اقوم من نومة الضهر اقول كدى نتونس شوية مع محمد عبد الحميد وحواء بشير ارجع بعد ساعة اشوف تراث وابومهيار امشى اجى راجع كدى نطمن على شرنوبى يا جماعة انا البحلنى شنو
|
|
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
Re: اخر عمرى بقيت مدمن (Re: wadazza)
|
اخونا ود سيد والله ما شفت الادمان كنا في الهند في بداية التسعينات مع الانترنت وانا كنت فقط اشوف بريدي واقراء جرايد عربية فقط ولمدة طويلة لكن كان جا ابن اخوي يدرس معنا وبداء هو في الشات والاشياء دي وكان مدخل الادمان هو.طلب مني اترجم ليهو بس بعض الكلمات وشوية شوية اخوك دخل في الشات وعينك ما تشوف الا النور وكان وقتها عندي ملحق مادة واحدة .لحدي ما الواحد كره الشات انا كنت مقسم اليوم الصباح الجكس بتاع امريكا والنهار الهند والعصر والمساء عربي. وكان كلوا مواعيد والبقية تاتي.......... وما الادمان بس بقينا نواعد علي الشاشة ونمشي نلاقيهم بره لحدي خلاص نسيت المادة ومنها حلفت مافي شات تاني
| |
![Edit](https://sudaneseonline.com/db/blank.gif)
|
|
|
|
|
|
اخر عمرى بقيت مدمن (Re: mohmmed said ahmed)
|
قبل 3سنوات شاهدت فيلم امريكى يحكى عن علاقة بين رجل وامراة من خلال الانترنيت يبدا التعارف وسرعان ما تكون علاقة ارتباط بالجهاز تجرى الاحداث بايقاع متسارع وتظهر تفاصيل الحياة اليومية والاحباطات العاطفية فيلم ممتع الان بعد ارتباطى بالانترنيت تذكرت ذلك الفيلم الجميل والذى انتهى نهاية مفتوحة عندما وصلت بطلة الفيلم الى مكان اللقاء ثم استدارت راجعة
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
اخر عمرى بقيت مدمن (Re: mohmmed said ahmed)
|
تحت تأثير فاتورة قاصمة للظهر من اتصالات وضغوطات اسرية لا مجال لصدها قلت ساعات التقهية قدام الجهاز عادت حليمة الى القراءة رواية عاطف عبد الله الثقوب السوداء ولدى بعض الملاحظات سوف انقلها للاستاذ عاطف مع التهنئة بعملة الروائى الاول ادهشتنى وامتعتنى رواية مرايا الساحل لامير تاج السر هرولت مباشرة الى معرض الشارقة للكتاب واشتريت اعمال تاج السر الاخرى ادعو الجميع لقراءة هذه الاعمال وغدا اخر ايام معرض الكتاب
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|