|
Re: اول جمعه في السنه الجديده .. صلاه الله في سري وجهري (Re: Elkhawad)
|
بسم الله الخواض يا بركه لكم سررت وانا استمع لرائعة مولانا محمد الحسن الميرغنى الكبير صلاة الله فى سرى وجهرى على المختار تترى طول دهرى رسور الله فر النوم منى وضاجعنى السقام وضاق صدرى رسول الله اشكو الحال حقا اليك ومن يغيث سواك ضرى
عليك افضل الصلاة والسلام ياسيد الانام ولك الود ايها الخواض الجميل تغنيت بهذه المدحه الختميه الرائعه فى العام 1984 وسجلتها للتلفزين السودانى مع مجموعة نمارق انذاك ومعلى الان نسخه من ذلك التسجيل واللحن الذى تغنيت به لهذه المدحه هو لالح الاستاذ بابكر سليمان هو الان استاذ بقسم الموسيقى بمعهد الموسيقى وهونفس اللحن الذى يردده الاستاذ مجمد منير وهذه اضائه بسيطه؟ وان شاء الله كل ايامنا وايامكم وايام الاحبه فى سلام سلام سلام سلام سلام انور
| |
![Edit](https://sudaneseonline.com/db/blank.gif)
|
|
|
|
|
|
Re: اول جمعه في السنه الجديده .. صلاه الله في سري وجهري (Re: Elkhawad)
|
العزيز الخواض أنا فكرت برضو اني أكتب عن الروحانيات و علاقتها بالموسيقي و بالمناسبة أنا صوفي بالفطرة .. رغم اني ما انتهجت منهج محدد .. لكن بحب الصوفيين جدا و بحس بيهم ناس صادقين .. عشان كده بحب مدائحهم و موسيقاهم ... و المدحة اللي انت وضعتها دي ما حتتصور سمت بي لي أي درجة تسلم يا خواض و ربنا يخلي سنتك سنة خير
محمد
| |
![Edit](https://sudaneseonline.com/db/blank.gif)
|
|
|
|
|
|
Re: اول جمعه في السنه الجديده .. صلاه الله في سري وجهري (Re: azza)
|
الخواض ربنا يحقق الأمنيات الطيبة كلها
زكرتني بي شيخي
قلتا ليهو الفاتحة
يا شيخ يوسف مسافر
قال لي حتعمل شي كعب في سفرك ؟
قلتا ليهو لا انشاء الله
قال لي ها
- فتح ايدينو ثانية وقفلن -
قال لي فوت عوجة ما بتجيك
ما عرفتا والله يوما أضحك ولا أبكي
يا حليلك يا شيخ يوسف
تسلم يالخواض
| |
![Edit](https://sudaneseonline.com/db/blank.gif)
|
|
|
|
|
|
Re: اول جمعه في السنه الجديده .. صلاه الله في سري وجهري (Re: Elkhawad)
|
الاخ الخواض ويا لها من جمعه ونحن فى رحاب الشيخ الاكبر راجل كسلا سيدى الحسن اب جلابيه ، الذى كم تغنينا ونحن صغار شى لله يا حسن التى نظمها مداحه بابكر ود المتعارض لك الشكر
الاخ انور
لقد تعودنا منكم على روائع المديح وقد سبق ان قدمتم وانتم فى فرقة نمارق رائعة سيدى الحسن الاخرى بصوت عمر بانقا
اقبل على دربنا لو كنت حيرانا اقبل على نبعنا لو كنت ظمئانا اقبل على دربنا واسمع مقالتنا وانعم بصحبتنا روحا وريحانا
ليتك يا خواض ترحنا بها
| |
![URL](https://sudaneseonline.com/db/blank.gif) ![Edit](https://sudaneseonline.com/db/blank.gif)
|
|
|
|
|
|
|