|
Re: جيناكم يا حبايبنا بعد فرقة وشوق نغالب فيه ويغالبنا (Re: sama7-au)
|
أحبتي
تماضر الجندرية والبقية
تحايا وشوق
في هذه المرة من كل المرات وددت ان اضمكم الى موسوعتى السماحية اودكم لو تعلمون كم احبكم
على كل مازلت اتحاوم في ربوع مدينتى اتعرف على ملامحها مرة اخرى واعيد ذكرياتي في ارجاءها عدت اليها بعد كل هذه الفترة عـــــــــروس
بالتأكيد الصورة مختلفة قليلا او بعض الشئ لكن تمنيت لو اتيت اليها بملامحي الماضية حتى اتمكن بان اكون سماح تلك البنت العادية دون الحوجة الى تغمس شخصية العروس
بالمناسبة العرس يوم الخميس والبودر كلو معزوم
ويا تماضر والله البلد مهما كانت مافي زيها
اعود اليكم والوقت ملكي والشمار كتير انا تاني بس بجي
سماحكم
| |
|
|
|
|
|
|
Re: جيناكم يا حبايبنا بعد فرقة وشوق نغالب فيه ويغالبنا (Re: sama7-au)
|
هى يا سماح انتى عروس؟؟؟؟؟؟
الف مبروك ياختى والمحومكبى جاى شنو والعرس يوم الخميس الجايى؟؟؟
مدنى دى ما فيها حفرة دخان ولا حنانة ولا خياطات؟؟؟
امشى يابت ادخلى جوة، البورداب ديل انا بقنعهم ليك
لووووول
بنحبك نحن برضو يا سموحة ونتمنى ليك احلى عرسة، وبيت مال وعيال، والفنان منو؟؟؟؟
| |
|
|
|
|
|
|
Re: جيناكم يا حبايبنا بعد فرقة وشوق نغالب فيه ويغالبنا (Re: sama7-au)
|
سموحة العروس
حمد الله على سلامة الوصول وبل الشوق الساكن في الضلوع الف مبروك جعله الله بيت مودة ورحمة وزينه بالذرية الصالحة وهنأه برغد العيش قلبت الشبكة لمدة ساعتين لأجد أغنية سيرة تليق بالمناسبة ولم يناسبني إلا اغنية الشيخ سيرو بصوت كابلي . وبإذن الله يوم الخميس ليلة الجمعة نعمل ربتنا هنا ونفرح بيك يا زينـة
تحياتي وأطيب أمنياتي
| |
|
|
|
|
|
|
Re: جيناكم يا حبايبنا بعد فرقة وشوق نغالب فيه ويغالبنا (Re: sama7-au)
|
المدعو الفرح ارحل الى المدينة التى ترتص فى ازقتها شمعدنات الفرح... كل الفراشات فلتحملها الريح الى مدنى... ولتتفتح لوزات القطن .. ولنحجز كل مقاعد البصات السفرية.. وتبدأ مسيرة الفرح بانطلاقة زغرودة تتسامى فى السماء... ونكثف شعورنا ولنصمت بكل انفعال لهذا الخبر البهيج
سماح مبروك لتبدأ رحلة الحياة وانت اكثر تمسكا بمضامين اتذكرها بين مداخلاتك
| |
|
|
|
|
|
|
|