Post: #1
Title: تنبيه و تحذير المسافرين من القاهرة الى الخرطوم ... !!
Author: الطيب رحمه قريمان
Date: 01-24-2019, 11:35 PM
10:35 PM January, 24 2019 سودانيز اون لاين
الطيب رحمه قريمان-كندا
مكتبتى
رابط مختصر
بسم الله الرحمن الرحيم
تنبيه و تحذير للمسافرين من مدينة القاهرة الى الخرطوم عبر المطار .. قبيل سويعات من الان اليوم الرابوع و العشرين من يناير 2019
كنت فى مطار القاهرة مودعا ابنلى خالتى فى طريقه الى الخرطوم .. اتخذنا السايرة الى الوصول الى المطار .. و بمجرد نزولنا منها .. وجدنا ان هناك عدد اربعة شبابا سودانيين ..
قد اقتربوا منا بدون مقدمات .. و القوا علينا التحية بكل شاشة و ابتاسمة كانما انهم كانوا على موعد بلقاء مضروب من قبل ..
اقترب احدهم منا و قال .. يا اخونا .. و الله عندنا دواء ضرورى لابد ان يصل السودان .. بسيط و ما مكلف و مافيه مشكلة .. بل و تقدم الينا ليرينا نوع الدواء ..
و اخرج علبة و احدة من عدة علب كانت بكيس بلاستيكي بيده .. دواء بس .. ممكن تشوفو و ما فيه اى حاجة ..
احضر الينا عربة لحمل الشنط .. بل و تقدم و حمل الشنط فى تلك العربة ..
فى الحقيقة استغربت .. فقلت فى نفسى .. واو .. يا لهذه الشهامة .. و لكن و بفضل الله سرعان ما كشف هو عن نيته ..
حمل الشنط .. كان لمعرفة وزن الشنط ... !!
يا للهول ... !!
قلت له .. ما هو الدواء و ما هى نوعيته .. و فى ذهنى .. ان كان دواء منقذ للحياة و ضرورى .. فمكن لاخى ان يحمله ..
فخاطبنى .. مصورة فيها جراءة .. فقلت له ..
لا .. انا ما مسافر ..
و لكن و طالما ان هذا دواء .. و ضرورى .. فيمكن لهذا الحاج ان يساعدك و ياخذ لك علبة واحدة فقط .. !!!
حاول اقناعنا .. و اشر الى ان الامر فى غاية البساطة .. خاصة ان وزن الحاج دون الوزن الذى يستحقه ..
هنا انا و ابن خالتى تبينت لها نية الرجل .. انها تجارة ..
فانا و ابن خالتى دون اتفاق .. قلنا له .. ممكن علبة و احدة اذا اردت ... !!
و لما لم يجد بد .. تراجع الى الوراء قليلا .. و قال لنا .. بالسلامة .. شكرا .. اما كله .. او لا ..
و بسرعة و قد امتلا غيظا بين و واضح فى وجهه .. و ببطء انصرف عنا ..
و انضم الى عدد شابين أخرين .. كانا يرتقبانه ..
وضح لى وضح لى بملا يجعل مجالا للشك انهما كان فى انتظاره ... !!
نواصل ...
|
Post: #2
Title: Re: تنبيه و تحذير المسافرين من القاهرة الى ال�
Author: الطيب رحمه قريمان
Date: 01-25-2019, 00:11 AM
Parent: #1
فاتنى اذكر اليكم ..
ان ذلك الشاب .. قد وجه له ابن خالتى سؤالا .. أعتتبره فى غاية الاهمية قبل ان يغادرنا ..
كيف اوصل الدواء لزولك فى السودان .. ده .. يا أخى دى مسؤولية ...!!
فرد عليه .. و بسرعة .. لا .. لا دى ما قضية .. انت ادينا رقمك بس .. او .. انت اتصل عليه بمجرد وصولك للمطار .. و سوف تجده منتظرك فى المطار ..
و اخرج من جيبه عددا من الاوراق .. واضح انها كانت معدة من قبل فيها .. و اردف قائلا .. ده اسم المستلم و رقمه ..
و عنئذ فقطعت الشك باليقين ..
ان تلك ليست ادوية للعلاج الشخصى .. او لافراد اسرة هم فى حاجة ماسة له ...
فقلت فى نفسى أنها تجارة و تكسب من وراء ذلك ... !!
نواصل ..
|
Post: #3
Title: Re: تنبيه و تحذير المسافرين من القاهرة الى ال�
Author: Mohamed Adam
Date: 01-25-2019, 00:20 AM
Parent: #2
#تسقط-بس
|
Post: #4
Title: Re: تنبيه و تحذير المسافرين من القاهرة الى ال�
Author: الطيب رحمه قريمان
Date: 01-25-2019, 00:31 AM
Parent: #3
بعد ذلك تقدمنا نحو مدخل صالة المطار و كنت و ابن خالتنى منهمكين فى تناول موضوعات اسرية فى غاية الاهمية ..
فتوقفنا لاتمام الموضعات تلك .. و بينما نحن نتحدث .. اقتحمنا رجل مقاطعا لنا و لم ينتظر او يستأن فى ان يتحدث الينا ..
فنظرت اليه فاذا به زول ذو ملامح سودانية غير ان بشرته تميل الى اللون الفاتح قليلا .. مما جعلنى اتفرس فى وجهه لاستبين جقيقة سودانيته .. فواضح لى انه فى اوائل العقد الرابع من عمره .. و يحمل فى يده كيس بلاستيكى ايضا .. بهندام ممتاز ..
و تحدث الينا بدون مقدمات .. قائلا ...
يا اخوانا انا عندى دواء للسودان .. ضرورى يصل .. موجها الحديث الى شخصى .. فقلت له .. انا ما مسافر ..
فاخرج عينه من دوائه .. و اسمى ذلك الدواء .. تجنب ابن خالتى الحديث له ,, و آثر ان نواصل فى حديثنا .. و لينصرف عنا بعد ان ايقنت ان الامر تجارة و ليست دواء لحاجة من تجربتى الاولى ..
بادرته .. بالرد .. فقلت له .. معليش يا ابن العم .. ما حيقدر اخوي يشيل لك اى حاجة ..
فرد على .. يا اخى نحن سودانيين .. و لابد ان نتعاون .. و الدواء ما فيه حاجة و لا بدخلك فى مشكلة موجها الحديث الى ابن خالتى ..
فرديت انا عليه .. معليش .. ما نقدر نشيلك دواء .. و لا اى حاجة ..
فرد علي بعنف قائلا و قد اكفهر وجهه و هو كظيم ..
يا أخ مالك انت .. خلى الحاج ده يرد .. و انت امسك خشمك عليك ..
انت مالك يا زول قطاع ارزاق كده ..
اسمع يا زول .. انا ما قاعد اكلمك .. انا بكلم الحاج ده ..
انت زول قطاع .. بس ... !!
و لما ايقن ان لا دواء سوف ناخذه له ..
نظر الى بشزر .. و قال لابن خالتى .. شكرا يا حاج .. مع السلامة .. و انصرف و قد استشلط غضبا ... !!
أنتهى ..
|
Post: #5
Title: Re: تنبيه و تحذير المسافرين من القاهرة الى ال�
Author: Nasser Amin
Date: 01-25-2019, 01:20 AM
Parent: #4
سبحان الله
هسي انتا خايف من المخدرات !!؟
الخطر الان هو الرصاص الذي يحصد الشباب
اخير الادمان من الموت ،مش كدا؟
|
Post: #6
Title: Re: تنبيه و تحذير المسافرين من القاهرة الى ال�
Author: Nasser Amin
Date: 01-25-2019, 01:20 AM
Parent: #4
مكرر
|
Post: #7
Title: Re: تنبيه و تحذير المسافرين من القاهرة الى ال�
Author: ghariba
Date: 01-25-2019, 08:20 AM
Parent: #1
الموضوع حقيقي وسبق تحدثت عنه
|
Post: #8
Title: Re: تنبيه و تحذير المسافرين من القاهرة الى ال�
Author: عبدالعظيم عثمان
Date: 01-25-2019, 09:13 AM
Parent: #7
حكومة تخلي البلد بلا أدوية تسقط بس
حكومة تخلي الجوكية يكابسو في قريمان عشان يشيل دواء صحبة راكب تسقط بس
تحذير بتاع شنو يا أخينا، حكومة البشير بتقنل في الشباب بالرصاص
حذر البشير من حرمة الدم
|
Post: #9
Title: Re: تنبيه و تحذير المسافرين من القاهرة الى ال�
Author: معاوية المدير
Date: 01-25-2019, 10:32 AM
Parent: #8
غايتو يا قريمان كان عارفك حرّم مُخدرات ما يأمنوك عليها،
يا عمّك بتجمرِكا زي الما حصل شي ...
|
Post: #10
Title: Re: تنبيه و تحذير المسافرين من القاهرة الى ال�
Author: كمال عباس
Date: 01-25-2019, 01:58 PM
Parent: #9
الناس في شنو وقريمان في شنو؟ثورة شنو؟ قريمان عندو سباق حمير ! يا أخي حتي الحمير إنشقت من المؤتمر الوطني - وصارت تنهق - تسقط بس وتعتقل وتعذب بسبب تسقط بس!
|
Post: #11
Title: Re: تنبيه و تحذير المسافرين من القاهرة الى ال�
Author: الطيب رحمه قريمان
Date: 01-27-2019, 10:13 AM
Parent: #7
اشكرك الاستاذ صلاح غريببة ..
| Quote: الموضوع حقيقي وسبق تحدثت عنه |
|
Post: #12
Title: Re: تنبيه و تحذير المسافرين من القاهرة الى ال�
Author: ابوالقاسم ابراهيم الحاج
Date: 01-27-2019, 11:14 AM
Parent: #11
يعني عنوان كده عريضة ومخيف خلي الدماء فارت في العروق علشان الموضوع ده والله الناس في شنو والعالم الاخر في شنو استعفر الله
|
Post: #13
Title: Re: تنبيه و تحذير المسافرين من القاهرة الى ال�
Author: shaheen shaheen
Date: 01-27-2019, 11:18 AM
Parent: #12
# تسقط بس .
|
Post: #14
Title: Re: تنبيه و تحذير المسافرين من القاهرة الى ال�
Author: عوض جاه الرسول
Date: 01-28-2019, 07:12 AM
Parent: #13
ت
س
ق
ط
ب
س
|
|