|
Re: الاخوة فى ادارة قوقل نزجى لكم التحية .. (Re: أيمن الفاضل)
|
Quote: اوع يكون رسلو ليك رابط وقمت فتحته ناس قووقل بينبهوك لو في نشاط مريب، لكن ما بيطلبو منك حاجة محددة اول حاجة تعملها هسة انك تتاكد انو الرسالة جاتك فعلا من ناس قووقل |
مرحبا يا ايمن الفاضل .. ابدا ما فى رسائل وانا اصلا اى رسالة لو جات من جهة مجهولة فى الهاتف او فى اللاب توب بقوم امسحو طوالى وناس قوقل هم الاتصلوا ونبهونى .. انا لم اتصل عليهم ,,
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: أيمن الفاضل)
|
Quote: حكاية الاتصال دي انا شايفها غريبة بصراحة انت جهازك البتتكلم عنه نوعه شنو؟ موبايل اندرويد والا لابتوب؟ ناس قووقل حدهم معاك في الحساب بتاع قووقل. ما عندهم شغلة بمشاكل الجهاز من فيروسات و غيره |
الاتصال دى ما اول مرة ودائما اتصالاتهم تأتينى من ادارتهم الاقليمية فى لندن
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: علاء سيداحمد)
|
Quote: انا شايف احسن حاجة تعملها هسة اول شيء تغيير كلمات المرور المهمة تانيا رسل رسالة لي ناس قووقل من خلال موقعهم. سيبك من ارقام التلفونات امشي للجيميل واعمل بلاغ |
تعرف يا ايمن اول حاجة قالوها لى لازم تغير الارقام السرية لكل الحسابات التى دخلت اليها عن طريق قوقل
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: علاء سيداحمد)
|
معليش يا علاء و الزملاء للإجتهاد الخاطئ مني راسلني الأخ المسؤول عن المكتب الاقليمي لقوقل في الشرق الاوسط - وهو سوداني بالمناسبة له التحية ولكل شاب سوداني ناجح في المؤسسات الدولية - بعد ان قرا البوست ولم يعثر على وسيلة اتصال بالأخ علاء وافاد انه ليست من سياسة قوقل نهائيا الاتصال بالعملاء, يمكن ان تتم اتصالات محدودة لها علاقة بالمبيعات لكن كل تواصل الدعم التقني يتم بالإيميل والمحادثات الفورية على منصاتهم المعروفة, فما تعرض له علاء خدعة ممن انتحل اسم قوقل
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: علاء سيداحمد)
|
سلام يا اخ علاء اضم صوتي لصوت الأخ ايمن و اقول لك قصة الإتصال دي فعلاً غريبة، تعرف إدارة قوقل لو عايزة تتصل بي اي مستخدم جهازه فيهو فايروس او مهكر عايزين ليهم ملايين الموظفين عشان يكونوا في التلفون لبلايين الساعات اكاد اجزم ان من اتصل عليك هم الهاكرز انفسهم
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: elsawi)
|
Quote: اضم صوتي لصوت الأخ ايمن و اقول لك قصة الإتصال دي فعلاً غريبة، تعرف إدارة قوقل لو عايزة تتصل بي اي مستخدم جهازه فيهو فايروس او مهكر عايزين ليهم ملايين الموظفين عشان يكونوا في التلفون لبلايين الساعات اكاد اجزم ان من اتصل عليك هم الهاكرز انفسهم |
مرحبا اخوى elsawi
الاتصال مش عشان الجهاز فيه فايروس ابدا الاتصال بخصوص ان هناك هاكرز يطاردوننى وفعلا بعد اتصالهم اتضح ان كلامهم صحيح .
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: محمد عبدالرحيم)
|
يا علاء الدين ديل هاكرز محترفين ومتخصصين في الـSocial engineering وديل أخطر نوع من الهاكرز لأنهم بيظهروا بصورة طيبة جداً ومقنعة وأهدافهم بتكون بعيدة وبيخلوك انت بي نفسك تشتغل لي مصلحتهم بدون ما تحس
أنصحك بعمل نسخة إحتياطية لملفاتك في هاردسك خارجي وعمل فورمات للابتوب بعد تنزيل الويندوز أول حاجة نزل Internet Security ما تنزل أنتي فايروس عادي بعد داك أعمل Scan للداتا بتاعتك كلها قبل ما ترجعها اللابتوب أخيرا أدخل حساباتك كلها وغير كلمات المرور والمعلومات الخاصة بإستعادة كلمات السر وأهم شئ حساباتك تكون مربوطة برقم الجوال حقك خاصة حساب البنك واتأكد انو مافي معاملة مالية بتتم لو ما استلمت الـOTP في جوالك
تحياتي
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: عبداللطيف حسن علي)
|
سلام عليكم جميعا امس حصل صعوبه فى تضمين بوست من فيسبوك فى بوست ثوره مدرسه وظهر لى نفس الرساله (اثبت انك لست روربوت ) وبعد عده محاولات نزلت المداخله مرتين . المتصفح الاستخدمتو كان غير قوقل كروم . من فتره برنامج (انترنت سيكيوريتى) المستخدمو فى الكميوتر احيانا بيدينى رساله انو حجب محاوله لفتح كاميرا الكميوتر اثناء استخدامى للمنبر او بعض الوسائط الاجتماعيه الاخرى. واصبحت اطى الكاميرا بشكل دائم
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: Asim Ali)
|
عاصم سلام
مرات احس كل التلفون ازرار كاميرا
لو يدك طقشت حتة فاضية ساي تلقي الكاميرا صورتك
بسبب جهلنا التقني الناس ديل بقو شاربننا شراب
وبرضو يجونا الوهم ديل ويقولو الاسلام هو الحل
وكانو قاصدين حتة ابعد كتير التانين ديل كمان
| |
|
|
|
|
|
|
Re: الاخوة فى ادارة قوقل نزجى لكم التحية .. (Re: عبداللطيف حسن علي)
|
سلامات علاء ككبدو انت الهكرز مسيطرين على جهازك والفيروسات الوروك ليها هم الوضعوها ونبهوك عشان تخت ثقة فيهم و تغير رقم المرور اول ما تغيير يتسجل من عندهم... الارقام دي ما حقت شركة قوقل في بريطانيا اعمل بحث لمقر الشركة حقتهم في بريطانيا وحتلقى الأرقام دي أصلا ما موجود... القوقل بتتأكد منسلامة حسابك عن طريق الايميل و رقم التلفون برسلو ليك كود عشان تغيير بيهو كلمة المرور في التلفون او الميل وهكذا لكن ما بتصلو عليك.. الا يكون في بزنس وانت عامل اعلان منتج في شركتهم او حاجة.
اول حاجة تفرمط كمبيوترك. تاني حاجة لمن تخت الملفات فيدسك خارجي لمن تجي تنزلها تاني لازم تفحصها قبلما تختها في الويندوز الجديد.. بعدها طوالي تغيير ارقام المرور للمواقع واعملها كلمات مختلفة.. هم اصلا مستهدفين رقم الحساب البنكي ورقم الماستر كارد بتاع البنك... اذا خصمممو من رصيك طوالي تتصل بالبنك وتطلب ايقاف البطاقة... اولاد لذينة ديل ممكن يعملو اتصالات برقم تلفونك ويرسلو منو رسائل من غير ما انت تعرف ويطلبو من اصدقاءك مصاريف بإسمك.. ايميلاتك ورسائلك ما مهمة لانه عارفين ما فيها شيء لذلك لا يتم سوء إستخدامها.
الفيروسات دي بتكون دخلت عن طريق أحد البرامج الإنت بتصمم بيها الفيديوهات او غيرها من البرامج لذلك احذرمنها وشوف البديل ليها.
بالنسبة للمنبر اصلا الدخول ليهو تقيل للجميع في الايام الفاتت ما براك انت واصلا بكري مصعب الامور وما ظابط البرمجة تمام بالذات للصور والفيديوهات واظن انه متعمد يعمل كده عشان الناس ما يملو ليهو السيرفر بالقيقابايتات وتزيد تكلفة تشغيل المنبر ماليا والله أعلم. اهو ليك تشتغل دكتور و تعمل عمليات في الاعصاب و المخ بدلا من ان ترفق صورة او تعمل رابط او تعديل مداخلة في المنبر الأمر معقد شديد.
| |
|
|
|
|
|
|
|