الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: يسألونك في السودان، أها ما خلآس جِيّت تِس� (Re: معاوية المدير)
|
يا أهلنا السودانيين أسمعوها مني، مطار الخرتوم شكلاً خرابة بالنسبة لمطارات العالم، لكن صراحة دخلنا عبره سالمين وخرجنا سالمين وكان الإستقبال من جميع العاملين علي مستوى ينسيك شكل المطار الشين . من ناحية تانية ذهبت لتجديد بطاقة الدخول في شئون الأجانب، فكان التعامل بنفس المستوى عملاً بأنني لم أستعين بواسطة .
هذا والله علي ما أقول شهيد ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
"السودانيون الشقيانون في الداخل" يحتاجون لاغتراب خفيف كده ثم عودة ليكتشفوا حجم الشقاء الذي تآلفوا معه حتى أصبحوا يتجرعونه كخمر ويستلذون بالراحة التي يبعثها في النفس والجسد انتهاء يوم الكَد وآخر قطرة في الزجاجة
السؤال عن يوم "الاستقرار" سؤال فلسفي عميق فمهما كان حالك في الغربة فأنت تَتَطوَّح متأرجحًا بين السماء والأرض
لكن سؤال يا مدير: هل الاستقرار المقصود مشتق من سقر؟
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية الزبير)
|
اصبحنا دولة مهاجرين ولاجئين ومغتربين ابديين .. والبقية كل واحد منتظر دورو في واحد من الصفوف دي .. الشعب ذاتو اتصالح مع الحاجات دي بطريقة مخيفة ، اصبح الحل في واحد من الصفوف دي ذاتا .. شفت يا ود المدير غنا الشايقية القديم داك الواحد تلقاهو في الخرطوم حقتنا دي وبحس بغربة شديدة يكتب كلام كأنو مسجون في غوانتانامو .. في الستينات عندي عمي لقا فرصة دراسة في روسيا .. حبوبتي وابوي اصرو كراعو ما يشيلا ! ده لو اسي كان شلتو عملو ليهو حنة .. حمدالله الف ع السلامة ..
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: عبدالعزيز الفاضلابى)
|
معاوية المدير
سلام صديقي العزيز ود المدير. حمد الله ع السلامة. اهلك اولاد جعل . ان شاء الله يكونو بخير . اها . لكن ما بهدلت لغة الضاد . بهدلة شديدة. انت سافرت بالسفنجة ؟؟؟؟؟
،،،،
Quote:
السودان، بلد في عضُما ما مستقرة مواطنها في عضمو ما مُستقر
معاوية المدير
،،،،
|
عزالدين عباس الفحل ابوظبي
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
أفاضِلُ النّاسِ أغراضٌ لَدى الزّمَنِ يَخلُو مِنَ الهَمّ أخلاهم من الفِطَنِ وإنّما نَحْنُ في جيلٍ سَواسِيَةٍ شَرٍّ على الحُرّ من سُقْمٍ على بدَنِ حَوْلي بكُلّ مكانٍ مِنهُمُ خِلَقٌ تُخطي إذا جِئتَ في استِفهامِها بمَنِ لا أقْتَري بَلَداً إلاّ على غَرَرٍ ولا أمُرّ بخَلْقٍ غيرِ مُضْطَغِنِ ولا أُعاشِرُ من أملاكِهِمْ مَلِكاً إلاّ أحَقَّ بضَرْبِ الرّأسِ من وَثَنِ إنّي لأعْذِرُهُمْ مِمّا أُعَنّفُهُمْ حتى أُعَنّفُ نَفْسِي فيهِمِ وأني فَقْرُ الجَهُولِ بِلا قَلْبٍ إلى أدَبٍ فَقْرُ الحِمارِ بلا رَأسٍ إلى رَسَنِ
حمد الله ع السلامة يا اخونا معاوية الناس هنا تعايشوا مع الوضع المايل دا لي درجة انو اصبح بالنسبة ليهم دا الوضع الطبيعي فشنو عزومتنا ليك للاستقرار في السودان دي نوع من الطيبة الزايدة الوصفا ود اليمني بي : نحنا ناس طيباتنا زايدي ..ناس حياتنا جبر خواطر خدمة تتعمل هسعيتي ..ما بنقول نرجابا باكر وتاني ناس بيحوقنا قوتنا ...وناساً الله علينا ساتر
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: elhilayla)
|
حمد لله ع السلامة يا ود المدير عنوانك انا قريتو "اها خلاس جيت تستغفر"..ايا والله قريتو كدي وقلت يا ربي زيارة البلد بقت زي المرض كفارة للذنوب وللا الحاصل اشنو :) المهم بمناسبة حمدلة السلامة اللحكيلك القصة دي من الباوقة..زمان البنوت قامن في موضة جديدة وبقن يختصرن حمدلله على السلامة دي و اكتفن بس بانهن يقولن على سلامتو فلان وعلى سلامتها فلانة وعلي سلامتك..الخ المهم مرة كورجة اللت بنوت جن عند ناس عثمان ود عجيب يتحمدلن السلامة لي واحدة ولدت او حاجة زي كدي وشبكن حبوبتنا بت اللمين على سلامتها فلانة..على سلاماتها فلانة..اها لمن زهجت منهن قامت نهرتن :هوي يا بنوت بلا قلة ادب معاكن..الشي دي يا تقولنها عديل يا ما تقولنها هههههه.
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
Quote: لكن صراحة دخلنا عبره سالمين وخرجنا سالمين وكان الإستقبال من جميع العاملين علي مستوى ينسيك شكل المطار الشين . |
حمدالله على السلامة
كنت خايف عليك يجزوك
اصلو ايام انت كنت هناك كان جماعة حميدتى شغالين جز بالملود ...
مرحبا بك فى موطنك الاول ووداعا العالم الثالث
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
بعد وقوف المطر بساعتين ركّت بنا الطيارة في مطار الخرتوم ؤ بعد إتخارجنا من المطار بدينا مشوارنا لبحري عبر طرقات أوسخ بقعة علي ظهر الأرض، هكذا الخرتوم تستقبل الزوار بكيمان القمامة وأكياس البلاستيك والوسخ الدافر من حيث تدري ولا تدري، قعدت إسبوع كامل في الخرتوم ما قدرت أطلع من البيت غير مرتين وآحدة مع الأخ عثمان عووضة، المشهد العام وسخ في كل مكان، الشوارع مطنبجة موية، عادي الزول بيفتح باب بيتو ؤ يكشح الوسخ في موية المطر، زحام في الشوارع 7 يوم 24 ساعة يصعب علي الشخص تصورو ؤ فوق هذا في كتمات بتحصل يعني لو كتمت قدآمك أقنع من يومك . في الدروشاب محطة اللِستِك، ما شاء الله محطة عامرة بالمأكولآت والمشروبات شي سمك، فول، لحمة، جداد، طعمية، وجيمع المشروبات، والناس ماشين جايين ؤ يعضو ؤ يجغمو، وسط هذه المعمعة مررنا بجيفة حمار متندلة ؤ منفوخة لو شكيتا بدبوس تطرشق . بالليل في بحري جنب الجامع الكبير شوّف عيني المتشردين منتشرين علي الرصيف ؤ يتبرزو، هُرار عدييييل كدي وسط البلد !. أنا أتعنصر لعطبرة ؤ ماني داسي الحاجة دي لكن والله الداير أكتبو عن عطبرة هنا هو ما شاهدته بكل حِياد . أوّل ما دخلت اتبرا شعرت برآحة ؤ دا شي طبيعي لكن والله الحق يُقال وجدتها مدينة هادئة نضيفة، ساعتين برقشة تلفها كولها، السوق نضيف جداً، في هدوء وسكينة وكذلك شندي نفس الشي .
دي نظرة فاتحة شهيّة للجاي ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: علي الكرار هاشم)
|
شكرا أخي معاويـة
كلنــا في الهــم (شـتــات)
بصـراحــة أنا ما محتار في القاعدين في البلد ومتعايشين مع الواقع الأليم ببساطة
لأنهم (ما شـــافــوا) برا البلد كيف الدنيـا (طــــــارت)
أنا حقيقـة مستغـــرب ومندهـــش في القطيــع المجنــد على أفكار حسن ترابي ولا
يزال (يكـــابــر) في الأســافيــر وبمنهــج السمــع والطـــاعة (يسكــت) عن تردي
الأحـــوال والنهــب الممنهــج وتدمــيـــر القطاع العــام وحرمان افراد الشعــب من
حقوق المواطنــة حسب منهــج (التمكــين)
هــم مساكين والتاريخ ما جاب ليهم كيف الناس (انتقمـــوا) من اتباع التعايشي بعد
معركـة (كـــرري) وحرمان الناس ليس خطيراً على الناس بالدرجــة الأولى ولكنــه
خطيــر عليك أنت يا من تحرمهــم وما من (تــــؤيــــــد) من يحرمهـــم .....
اللهم وعياً ينتظم الجميع .. اللهم آمين
أحمد الشايقي
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: أحمد الشايقي)
|
Quote: "السودانيون الشقيانون في الداخل" يحتاجون لاغتراب خفيف كده ثم عودة ليكتشفوا حجم الشقاء الذي تآلفوا معه حتى أصبحوا يتجرعونه كخمر ويستلذون بالراحة التي يبعثها في النفس والجسد انتهاء يوم الكَد وآخر قطرة في الزجاجة
السؤال عن يوم "الاستقرار" سؤال فلسفي عميق فمهما كان حالك في الغربة فأنت تَتَطوَّح متأرجحًا بين السماء والأرض
لكن سؤال يا مدير: هل الاستقرار المقصود مشتق من سقر؟ |
معاوية يا قريبي لك ألف شكر علي حُسن الضيافة .
تألُف أهل السودان مع الشقاء جعلهم يشعرون بأنّ الحياة أصلها هكذا فلا تلوموهُن إن لم يثوروا أو يتزمرو، ولكن الخوف عليهم من ذلك اليوم يوم يطردهم الغرباء من أرضهم وأنتم تنظرون . نعم مهما إنصلح حالك في الغربة فأنت تتأرجح بين السماء والأرض، لكن هل تعتقد أطفالك يتأرجحون معك ؟ يأخي أطفال اليوم أصبح يرهبوهم بالسودان . سقر !، والله يا معاوية دي نظرة عميقة وما أدراك ما سقر، من أراد أن يرى بشر يصبرون علي الجحيم فاليذهب لأرض السودان ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
طريق عطبرة الخرتوم أو شارع التحدي كما يقولون . صُمم هذا الطريق لإستيعاب العربات الصغيرة، لكن اليوم عدد الشاحنات الثقيلة في هذا الطريق أكبر من العربات الصغيرة !. تمّ إجبار المهندسين علي التوقيع بأن الطريق قابل لإستيعاب الشاحنات، والرافض للتوقيع عليه تقديم إستقالته فأستقال البعض، لمصلحة من تمُر الشاحنات ؟؟. هذا الطريق لا يخلو ليل نهار من الشاحنات، تحمل ماذا ؟، وإلي أين ؟، وأين العائد من إستعمالها لهذا الطريق ؟، وأظن منذ أن شُيّد هذا الطريق لم تتم صيانته ولو لمرة وآحدة . طيّب القروش المُحصلة من الطريق بتمشي وييّن ؤ ليه ما بتنعكس علي حالة الطريق و حالة البلد !؟.
المُهم الشاحنات دي شاللآ شنو !؟...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
Quote: اصبحنا دولة مهاجرين ولاجئين ومغتربين ابديين .. والبقية كل واحد منتظر دورو في واحد من الصفوف دي .. الشعب ذاتو اتصالح مع الحاجات دي بطريقة مخيفة ، اصبح الحل في واحد من الصفوف دي ذاتا .. شفت يا ود المدير غنا الشايقية القديم داك الواحد تلقاهو في الخرطوم حقتنا دي وبحس بغربة شديدة يكتب كلام كأنو مسجون في غوانتانامو .. في الستينات عندي عمي لقا فرصة دراسة في روسيا .. حبوبتي وابوي اصرو كراعو ما يشيلا ! ده لو اسي كان شلتو عملو ليهو حنة .. حمدالله الف ع السلامة .. |
تسلم يا ود إدريس . يا عبد الله أخوي الشعب برك، برك البروك الوآآآآحد دا ؤ مافي معارضة أو غيرها حا تقدر تقوِموا من بركتو دي، علي مستوى الفرد فعلاً الحل أصبح في الصفوف الذكرتها ؤ علي مستوى الجماعة البيلقى يدخل في صف يقولولوا إتخارج عافيين مِنّك لله والرسول . زمان الأُسرة بتقول للولد إغترب عشان تساعدنا، هسّع بقو يقولولو إتخارج بس . حليل الغنا يا عبد الله، الغنا جفّ في الحلق وأصبح مسيّخ أصبح سِلعة وأصبح فأس لكسر الجوع والناس زآتُن بقوا يسمعوهو كجزء من همومهم لذلك أصبح طعمه مُر . زمان فاطنة الحاج الله يرحمها لقتني طالع فوق نيمتا، قالت لي معاوية ! دا أنت الطالع فوق النيمة يايابا الفاقة التوديك مصر . تخيّل زمان ما كان يمشي مصر إلآ الزول الفايق الكاتلآهو فاقة ؤ عدم شغلة زي مخلياهو طالع فوق النيمة نُصّت نهار !!!.
الذين لم يلتحقوا بواحد من الصفوف غداً سوف يطردهم الأجانب شئتُم أم أبيتُم المستقبل يُنذر بأنّ البلد ليست مِلككُم ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
Quote: سلامات . لكن والله ثقيل . ياخ تجي وتقعد شهرين بين عطبرة والخرطوم وما تجيني ناطي في الزيداب . اقلو كان اكرمناك بي شية حاشي في سوق الناقة يازول . والله جد زعلان منك . |
سلآمات يا قريبي . يا عثمان ياخ أنا ويّن لِقيتك لآمِن أبآك !. يا راجل أنا فتحت بوست هنا بتوجهي للسودان ؤ بعد وصلت السودان نزلّت رقم تلفوني في السودان هنا وكنت حريص ألتقي كل من يتواصل معي ؤ يعلم الله ماني عارفك في البلد، باقيلك أكان عارفك بفوتك !. الزميلة إخلاص المشرف هي الفتحت البوست ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
مُخ المواطن السوداني عبارة عن شبكة من الهموم ؤ تفكيرو من تصبح لآمن تغيب محصور في الـ24 ساعة بتاعت اليوم فقط يعني ما عندو مساحة عشان يفكر في المستقبل ؤ ما عندو بُعد عشان يتخطى تِحِت كرعينو لذك فهو غافل تماماً من الخطر الذي يُحدِق به، والسوداني المغترب لآمِن يمشي البلد بيكون مركِّز في حال المواطن عشان كِدا ما بيشوف الخطر المحدق بالبلد، أنا في إندهاشي لفت نظري زول بسيط للوحش البيأكل في البلد من أطرافها ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
لو لم تخُني الذاكرة كنت قد نزلت البلد في العام 94، والعِصيّر كنت قاعد في بيتنا السيالة -عطبرة، أها الباب دقّ، فتحت الباب لقيت قدامي شاب تقريباً في العقد الثلاثين من عمره، بعد السلآم سألني من أخوي، قُتلو إتفضّل موجود، قال لي قولوا (أحمد الشايقي). ما زلت أذكر صورة الشباب كأنه أمامي الآن، متوسط الطول متوسط الحجم يرتدي جلآبية وينتعِل سفنجة .
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
مقهى الميناء البري عطبرة . أوّل ما تدخل عطبرة بيلآقيك الميناء البري مرفق معه الجامع الظاهر في الصورة، ومرفق معه أيضاً سوق لم يتم إفتتاحه بعد إضافة لثلاث أو أربع بِنايات ضخمة لم يتم إفتتاحها كل هذا شيده أحمد الشايقي، وأحمد الشايقي يُعتبر سُلطة قوية جداً في الولآية اليوم لدرجة أنّ البعض يتهامسون بأنه يمكن أن يعزل الوالي زاتو !...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
ذهبت لزيارة إبن عمي في شندي بعد صلآة المغرب، قعدت في البيت جا داخل من الشغل، قعدنا نشرب في شاي المغرب ؤ ندردش. سألتو شغال وين ؟، قال لي شغالين في مشاريع غرب شندي تعمل بطريقة الري المحوري. بعد شرح لي مسألة الري المحوري قال لي، جيّب 14 مليار نديك مِحور الآن.!!!، يا زول ! الآن !. قال لي الآن مسجل بأوراقو مكتملة زايداً بنيان ؤ حتي ممكن نرفدك بمهندس لإدارة المِحور. قُتلو طيّب هسّع إنت عارفني أنا مِنو ؟. قال لي معاوية المدير. قُتلو يا زول أنا أجنبي تبيعوا لي كيف !. قال لي هو نحن أصلاً البيشترو مننا كلهم أجانب. !!!. طيّب والمسئول من المشاريع دي مِنو ؟. قال لي (أحمد الشايقي). !!!...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
يا أهلنا يوم تذهب الإنقاذ سوف ينكشف المستوّر، البلد إتباعت والقضية ليست قضية أكل ؤ شراب ؤ دولآر القضية إنو حا تصحو يوم من الأيام تلقو نفسكم غرباء في السودان ودونكم إدارة بنك السودان. أنا بتكلم في حدود المناطق الزرتها في السودان وإن شئتم زدتكم، شرق الأتبراوي بيع جد غرب النيل بيع جد، مناطق الذهب بيع جد، تقريباً 70% من البلد إتباع، والشعب المسكين راسو لآفي في حق العلآج واللكِل والشراب. العايز يجتمع في باريس فاليجتمع والعايز يعمل ندوة في امريكا الشمالية فاليعمل ؤ طظ قدر الليلة ؤ باكر فيكم لو تقدروا تعملو حاجة...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: الهادي الشغيل)
|
صحيح يا ابن عمي سيصبح علينا صباح ونجد أنفسنا أُجراء مستأجِرين ومستأجَرين في الوطن الأجانب يتكالبون على الوطن كما يتداعى الآكلون على صحن الفتة
الناس ملتهين بالمعيشة بأسفل قدر من الطعام والعلاج والتعليم والملاليم وحكام البلد الأوغــاد ولا هاميهم شيء سوى الاستمرار في الحكم كان بالتآمر كان بالتجاهل، أو بالجهل إن أحسنّا الظن
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
Quote: الحمد لله على السلامة يا ود المدير والسلام على أهلنا في السودان نتابع الحكي |
أُستاذنا الحبيب ود الشريف، تسلم يا رجل . اليوم سعر الدولآر زآد يعني المواطن لو عايز حبة بندول وآحدة ما راح يقدر يشتريها وهو محاصر بالصفوف والأزمات والعلآج والتعليم ؤ في نفس الوقت مجلوب في سوق النِخاسة ؤ ما جايب خبر المسكين، مصيرهم تشريد وطرد من البلد وضح النهار ...
| |
|
|
|
|
|
|
Re: يسألونك في السودان، أها ما خلآس جِيّت تِس� (Re: معاوية المدير)
|
Quote: حمد الله ع السلامة يا اخونا معاوية الناس هنا تعايشوا مع الوضع المايل دا لي درجة انو اصبح بالنسبة ليهم دا الوضع الطبيعي فشنو عزومتنا ليك للاستقرار في السودان دي نوع من الطيبة الزايدة الوصفا ود اليمني بي : نحنا ناس طيباتنا زايدي ..ناس حياتنا جبر خواطر خدمة تتعمل هسعيتي ..ما بنقول نرجابا باكر وتاني ناس بيحوقنا قوتنا ...وناساً الله علينا ساتر |
تسلم يا كمال والشكر لك ولأُسرتك علي كرم الضيافة . شي وآضح جداً إنو الناس أصبحوا متعايشين مع الوضع بكل أسف، لكن أيدي الغدر البتعمل في الخفاء سوف تجعل هاؤلاء الطيبين يفترشون الأرض ويلتحفون السماء ...
| |
|
|
|
|
|
|
|