Post: #1
Title: نصائح من أعضاء البورد لشخص نازل السودان و"مفلس" بعد غياب دام أكثر من 8 سنوات
Author: مهند أحمد سلمان طيفور
Date: 09-04-2018, 07:23 AM
Parent: #0
07:23 AM September, 04 2018 سودانيز اون لاين
مهند أحمد سلمان طيفور-South Korea
مكتبتى
رابط مختصر يا جماعة الخير: نازل السودان وما متابع الأخبار كتير، أدونا نصائحكم..
في شخص لازم نجري منو؟
في زول لازم نصادفو؟
في عوارض غير محمولة العواقب؟
وين الصدف الجميلة أشان نمشي ليها توش؟
|
Post: #2
Title: Re: نصائح من أعضاء البورد لشخص نازل السودان وand
Author: علي دفع الله
Date: 09-04-2018, 07:27 AM
Parent: #1
اتعلم الرقية الشرعية سوقا حااار😂
يا زول انزل ساي بتاخد ليك شوية بهدلة وبعدا جلدك بتخن وبحصل ليك الادابتيشن
|
Post: #3
Title: Re: نصائح من أعضاء البورد لشخص نازل السودان وa
Author: أيمن محمود
Date: 09-04-2018, 07:31 AM
Parent: #2
نصيحيتي ليك اصبر و ما ترجعالا اذا مضطر .. لانو لو رجعت احتمال كبير ما تقدر تطلع تاني .. السودان يبقى ليك رمال متحركة
|
Post: #6
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 07:37 AM
Parent: #3
يا ساتر...
من قولة "تيت"...
الله يكضب الشينة..
|
Post: #4
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 07:34 AM
Parent: #2
هههههههه
قالوا ديل الرقية الشرعية ذاتها بقت ما بتمشي معاهم..
وبعدين العارض ذاتو مرات بيجي في شكل إنسان يعني لازم الزول يحتاط ..
|
Post: #5
Title: Re: نصائح من أعضاء البورد لشخص نازل السودان وa
Author: اخلاص عبدالرحمن المشرف
Date: 09-04-2018, 07:35 AM
Parent: #2
الكيزان خلو ال عندو قرش وألما عندو واحد
يعني اتخيل عندك مليارات واقف في الصفوف
كلو في الصف الا هم
وسع خيالك
نحن في زمن المليارديرات المقطعين
وبعدين انت وضعك أحسن من ال عندهم قروش
ديل ممغوسين وقروشهم مصادرة أو ح تكمل بعد
ثمانية شهور 💐🎉
|
Post: #7
Title: Re: نصائح من أعضاء البورد لشخص نازل السودان وa
Author: اخلاص عبدالرحمن المشرف
Date: 09-04-2018, 07:38 AM
ثم السلام علبكم
|
Post: #8
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 07:40 AM
الزيارة 3 أسابيع غير قابلة للمد
إلا طبعا إذا قلتو خير....
|
Post: #9
Title: Re: نصائح من أعضاء البورد لشخص نازل السودان وa
Author: ahmedona
Date: 09-04-2018, 07:51 AM
Parent: #8
كان ماشي كسلا ---
أعمل إحتياطي لورديات الدعم السريع من الضبان والبعوض ---
وأعمل حسابك من حمي منتشرة تعطل الركب....
|
Post: #10
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 10:44 AM
Parent: #9
لو في طيران مباشر كان نزلت طوالي في أرض المحنة (كسلا) أشان الضبان ذاتو يعرف إنو ما هو براهو البيطير .. هه ..
كسلا ليها برنامج خاص للزيارة ...
بس ربك يستر على بلادنا من الأمراض والحمى...
|
Post: #11
Title: Re: نصائح من أعضاء البورد لشخص نازل السودان وa
Author: الحاج حمد الحاج
Date: 09-04-2018, 11:24 AM
Parent: #10
لو ما (مفلس) كان لقيت روشتة من النصائح لكن مفلس دي ابطلتها هههههههههه ياخي نحن بنمشي كل سنة و مرات في السنة مرتين و كل مرة نمشي نص الاجازة نحاول نستوعب الحاصل و في النص التاني نتعايش بما استطعنا استيعابه !!! ربنا يعينك.البلد حلوة بي ناسها.. ح تتفاجأ بالأسعار و غالبا بغياب الأصدقاء..الخرطوم فيها تغييرات كبيرة من كل النوحي.
|
Post: #12
Title: Re: نصائح من أعضاء البورد لشخص نازل السودان وa
Author: قلقو
Date: 09-04-2018, 11:34 AM
Parent: #11
المعوذتين
آية الكرسـى
خواتيم سورتى البقرة وآل عمران .
لكن برضو لو ماجيت يكون احسن عشان تريح وتستريح .
|
Post: #22
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 12:52 PM
Parent: #14
شكرا على التوضيح عبر البوست المرفق..
|
Post: #13
Title: Re: نصائح من أعضاء البورد لشخص نازل السودان وand
Author: Khalid Abbas
Date: 09-04-2018, 11:37 AM
Parent: #1
8 سنوات ومفلس نصيحة ما تنزل عادى ممكن الناس ما تسلم عليك
التفكير الان مادى بحت إما بسبب الحوجة او بسبب الطمع والزول الكويس ما فاضى ليك فى كل الاحوال بكون لافى زى التور في الساقية بحثا عن قوت اليوم
|
Post: #15
Title: Re: نصائح من أعضاء البورد لشخص نازل السودان وa
Author: سفيان بشير نابرى
Date: 09-04-2018, 11:59 AM
Parent: #13
سلامات يا طيفور أن شاء الله طيب؟
يا حبيب بلدك ولازم تمشي تشوفو و اريتني بي حالك
بس قبل و صيتي عندي سؤال :-
ليك منو كم سنة؟
|
Post: #16
Title: Re: نصائح من أعضاء البورد لشخص نازل السودان وa
Author: Ahmed Yassin
Date: 09-04-2018, 12:24 PM
Parent: #15
هسي عليك النبي سحنتك دي سحنة زول مفلس يامهند
ماشاء الله اناقة ونضارة شمسية ماركة (اوليفر بيبولز) دي براها بى (365) دولار
وتي شيرت ماركة (كنت وانغ) Kent Wang والله يعلم البنطلون الجنز ماركته شنو لانه ماظاهر
انا دخلت قلت القى واحد ضعيييف منتهى ما قادر يكتب خليك من يقيف على كرعينو قلنا نديهو النصيحة المفيدة
ياخ انت المفروض تنصحنا انحنا المساكين
|
Post: #17
Title: Re: نصائح من أعضاء البورد لشخص نازل السودان وa
Author: سفيان بشير نابرى
Date: 09-04-2018, 12:37 PM
Parent: #16
اوووو كي واضح انك 8 سنة ما مشيت السودان
نصيحتي ليك اوعك تسوق عربية في الخرتوم بيجيك انهيار عصبي
عندي واحد صاحبي بعد غربة كذا سنة نزل الخرتوم أو ليوم ساق جابو انهيار عصبي و هو زميل منبر قااااعد هنا و بقرأ في كلامي دا.
|
Post: #19
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 12:44 PM
Parent: #17
النصيحة مقبولة لكن المجبور يركب البحر ..
أنا حايم على تلاتة ولايات الخرطوم وكسلا ونهر النيل في 3 أسابيع بس، وانت عارف الخرطوم براها 3 ولايات ..
دي يحلوها كيف بلا عربية،،، ياخ قول إنشاء الله موتر هههههه ...
ربك يعين
|
Post: #18
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 12:40 PM
Parent: #16
ياخ والله إنت المهم ذاتك..
أنا دخلت البوست وبديت أرد من الأخير أشان ظنك الطيب دة..
على كل البقولو ليه سمين يقول آمين..
ما يغرك المظهر ...
دة كلو من سوق الشمس.. هههههههه
|
Post: #20
Title: Re: نصائح من أعضاء البورد لشخص نازل السودان وa
Author: Abdalla Hussein
Date: 09-04-2018, 12:45 PM
Parent: #16
سلامات لصاحب البورد ولضيوفه
انا نزلت إجازة مرتين خلال السنة الحالية 2018 والسبب التواصل مع الوضع
وفعلا لقيت انو عدم السفر للبلد خسارة كبيرة للمغترب لانو بينفصل عن الواقع
ومهما كانت الصعوبات الا انو اهله هناك ولازم الواحد يواصل لانو الغربة
وان طالت مصير الزول يرجع لتراب بلده وخاصة ناس الاغتراب - وقد يختلف
الامر مع المهاجرين في الغرب - وفى ظل التغييرات الحاصلة في دول المهجر
من الضرورى جدا زيارة البلد بانتظام لاسباب اضافة لصلات الارحام - على
راسها تلمس الفرص الموجودة في البلد - ومن خلال الواقع فيه فرص كتيرة
متاحة للاعمال الصغيرة والاستثمارت الفردية والجماعية خاصة في مجال الزراعة
ومحاصيل الصادر , وحاليا فيه تجمعات كبيرة للمستثمرين في السودان في عدة
مناطق اذكر منها غرب ام درمان - شرق النيل والباقير وسندس إضافة لاعمال
زراعية ناجحة في الشمالية وفى القضارف كذلك
مجالات العمل الناشئة حاليا هي المزارع الحديثة بنظام البيوت المحمية والدواجن
المغلقة والفواكة المستجلبة من جنوب افريقيا وغيرها.
العقارات أصبحت خيار غير مجدى للمغترب والاستثمار الصناعى مكلف جدا
الفرص موجودة والنجاح كبير والنظر للجانب القاتم من الأوضاع في السودان
لن يحل مشكلة المغترب ولا يقدم شيء للبلد خاصة ان أصبحت الغربة خيار
صعب او غير متاح .
وهذا ما عايشته ويعمل عليه الكثيرون اليوم
من ناحية الحياة فهى فعلا صعبة خاصة للناس الاتعودوا الحياه بره السودان
لكن ممكن الانسان الجاى من بره يقدر يعمل حاجات تساعدو تساعد غيره
برضو سواء كانوا اهلو او المجتمع عامة .
اتوكل على الله وامشى ولف وشوف وان شاء الله امورك زابطة
|
Post: #23
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 12:58 PM
Parent: #20
أيوة ياخ دة الكلام البيفتح الشهية الله يطمنك بالخير.
أساسا الزيارة المقصود الأساسي منها صلة الأرحام وفتح الطرق أمام النزول للإجازات القادمة إنشاء الله
وكمان ممكن نستفيد منها زي ما قلت في التنوير عن مشروعنا المستقبلي
أصلا مهما طال الزمنـ ياهو مرجوعنا للسودان ولأوجاعوا وأفراحو.
لما غادرت السودان كان الوضع سيء لكن والله كنا مبسوطين.
وهسع كمان مبسوطين الحمد لله،
ما فرقت محل ما تكون إذا عايز تكون مبسوط حا تكون.
اله يبشرك بالخير.
|
Post: #21
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 12:49 PM
Parent: #13
ياخ والله اشتقت للسودان موت..
ياخ والله حوامة نص الضهر والشمس مسخنة دي اشتقت ليها..
قاعدين في بلد فول ما فيها دكوة ما فيها..
|
Post: #24
Title: Re: نصائح من أعضاء البورد لشخص نازل السودان وa
Author: Ali Alkanzi
Date: 09-04-2018, 01:00 PM
Parent: #21
ابقى عشرة على رد
إخلاص المشرف وهي تقول:
Quote: الكيزان خلو ال عندو قرش وألما عندو واحد
يعني اتخيل عندك مليارات واقف في الصفوف
كلو في الصف الا هم |
اليوم الصباح لقيت مكالمة لم اجاوب عليها من المدرسة الخاصة لابنائي
(بالمناسبة المدارس الخاصة أي كلام)
لقيتم دايرين القصد الثاني وكانت اجابتي مثل اجابة اخلاص
غايتو بعد ثمانية سنوات
ح تظن انك في بلد تاني
والناس المرت عليهم ثمانية سنوات ح يكون اشكالهم تغيرت كثيرا خاصة من تركته فوق الخمس وثلاثين
سيبدون لك وكان اعمارهم تفوق الستين
كرت الكاش وقلل النقاش
واهلا بيك
في بلد لن يخرج من دمائك ابدا
|
Post: #25
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 01:12 PM
Parent: #24
ربك يعين ويقدرك على تدريس أولادك
وتعليمهم
وينصرك على مدراء المدرسة المطالبهم ما بتخلص.
|
Post: #27
Title: Re: نصائح من أعضاء البورد لشخص نازل السودان وa
Author: جمال ود القوز
Date: 09-04-2018, 01:36 PM
Parent: #24
تغمض عيونك وتتلب ساي ..
اصلا انت حتكون مسطح ومافاهم ..
وماقادر تستوعب حاجة ..
ولي زمن ما هين ..
فأخير تهيء نفسك للأسوأ..
عشان ما تنصدم ..
مفلس كمان ..!!!
غايتو مع الآتو العدمان حقك ده
لو جوانبك قوية أمورك بتمش ..
لكن كان ما عندك جوانب قطع شك حتتسنفكـ ..
يا أخوي ربنا يعينك غايتو ..
|
Post: #26
Title: Re: نصائح من أعضاء البورد لشخص نازل السودان وand
Author: walid taha
Date: 09-04-2018, 01:26 PM
Parent: #1
تانى يوم من وصولك أصحى بدري جدا وأمشى جمب برج الإتصالات أرمى كل شي ورا ضهرك وعاين للنيل كويس حتحس بكمية سعادة وحبور ما تتخيلها
بعد داك امشى (لذيذ) أكل فول بالجبنة وزيت السمسم
اوعا تمشى تسأل عن أراضى وبيوت وحاجات زى لو صحى داير تأجز يا زول
حتشكرني
|
Post: #28
Title: Re: نصائح من أعضاء البورد لشخص نازل السودان وa
Author: اسامه العريفي
Date: 09-04-2018, 01:41 PM
Parent: #26
| Quote: قاعدين في بلد فول ما فيها دكوة ما فيها.. |
اوصيك تاخد ليك وجبة فول في مطعم (قريد ) ببحري تجنب أكل اللحوم
في المطاعم
لو ما من حملة الجوازات الاجنبية انكرب من تاني يوم من وصولك
لمراجعة قسم المغتربين ، اجازة سعيدة
|
Post: #30
Title: Re: نصائح من أعضاء البورد لشخص نازل السودان وa
Author: Sayed Bekab
Date: 09-04-2018, 02:06 PM
Parent: #28
بالتوفيق أتجنب الآتي :
١- ناس جيب عشان نجيب
٢- خليك واضح مع كل المقربين انك مفلس
٣- أتجنب تقع تحت ضغط العزومات
٤- حاول تشتري حاجاتك بالشهر القطاعي بشرط جيبك
٥- ما تتبوبر و لا تتشوبر
٦- قابل اصاحبك دائما في البيت او علي الأكثر قعده في طرف الشارع المليان وسخ و ضبان عند ستات الشاي
٧- في تعاملاتك اليومية مافي داعي ل ده شنو و هناك و هناك و نحنا لمن كنا بره و شوفنا و عيشنا و هكذا حديث
٨- قلل من أكل اللحوم و خليك مع الملاح
٩- انكرب و ادرس السوق و الأسعار
١٠- اشتري حاجاتك من أسواق الجملة
١١- أدعي ربك يسترك و يسهل امرك و يحفظ ما عندك من مال .
|
Post: #34
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 03:20 PM
Parent: #30
ههههههههههههه
في وضوح أكتر من البوست دة يا معلم..
بس لكن أنا ضعيف أمام العزومات ياخ
والشافني في حدائق حبيبي مفلس ديك ما كضب.
أقلل اللحوم كيف؟ انت والله طلعت أكتر زول بيكرهني
ياخ أنا عندي كليسترول مركز وبعد دة كلو جاي السودان مخصوص أشان اللحمة.
دي من خروفها للنار للصينية تاني وين ألقاها؟؟؟
8 سنوات مع المجمد المكرفس لا طعم ولا رائحة ولا لون...
|
Post: #33
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 03:14 PM
Parent: #28
والله كتلتني كتلة ..
دي المفكر فيها ذاتها..
تجديد بطاقة الخدمة الإلزامية .
والمغتربين جاك زول..
جواز أجنبي شنو؟؟؟
|
Post: #35
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 03:24 PM
Parent: #28
وجبة فول في مطعم (قريد ) ببحري
دي أجمل وصية..
مع إنو المطعم أول مرة أسمع اسمو لكن لازم أزورو..
مع الشكر
|
Post: #29
Title: Re: نصائح من أعضاء البورد لشخص نازل السودان وa
Author: احمد حمودى
Date: 09-04-2018, 01:58 PM
Parent: #26
تانى يوم من وصولك أصحى بدري جدا وأمشى جمب برج الإتصالات
أرمى كل شي ورا ضهرك وعاين للنيل كويس حتحس بكمية سعادة وحبور ما تتخيلها
بعد داك امشى (لذيذ) أكل فول بالجبنة وزيت السمسم
اوعا تمشى تسأل عن أراضى وبيوت وحاجات زى لو صحى داير تأجز يا زول حتشكرني
كلام walid taha دة ما ترميه واطة ؟ والتحية ليك ولك الضيوف
|
Post: #32
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 03:12 PM
Parent: #29
يا أهلا وسهلا على المرور اللطيف
ونحن لها
|
Post: #36
Title: Re: نصائح من أعضاء البورد لشخص نازل السودان وa
Author: Ali Abdalla
Date: 09-04-2018, 03:47 PM
Parent: #29
التحية لصاحب البوست ولضيوفه
يا أخوي انزل ساي وعيش الواقع
تعيش زي ما الناس عايشة وتبقي مارق
بعد غياب دام ل ١٢ عام
نزلت لمدة شهرين تقريباً
وغادرت قبل إسبوعين
حقيقة التغير كبير وأستيعابو صعب في البداية
الواقع متغير علي الدوام
كونك تلقي وصفة سحرية من رابع المستحيلات
لكن التراكم القديم لما يشتغل الموضوع ببقي عادي
السودان حلو بي ناسو وااله ينسوك اي حاجة
كنت راجع من الجزيرة للخرطوم ليلاً (شارع الخرطوم سنّار)
وفي الطريق نزل لي لستك
لقيت مفتاح العجل والعفريتة مافي
والله وقف لي واحد في أقل من خمسة دقايق
أداني عفريتو بل كان بيساعد في تغيير الاسبير
إتحركت من المكان في أقل من نصف ساعة
يا هو دا السودان وناسو
بالنسبة لموضوع الحركة والصرف
شفت لو حسبتها ولّ ما حسبتها واحد
الواقع هو البوريك إنت من المفروض تتصرف كيف.
تحية خاصة جداً لي ناس توتي
ودي
|
Post: #39
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-05-2018, 05:16 AM
Parent: #36
يا سلام ياهو سودانا وياهم ناسو
|
Post: #31
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-04-2018, 03:11 PM
Parent: #26
من حسع والله "شكرا معظم" والنصيحة مقبولة
أكيد حا أعملها
والله بالنسبة لي منظر غبار السودان ذاتو نعمة خليك لما أصل مرحلة رومانسية زي دي.
لأنو الشي الوحيد القاعد أسأل عنو هو العقارات كنت مجلي فكرة السودان .
|
Post: #37
Title: Re: نصائح من أعضاء البورد لشخص نازل السودان وa
Author: Mahjob Abdalla
Date: 09-04-2018, 04:24 PM
Parent: #31
ما دام مفلس يعني بالضمان ما ماشي تحارب الفقر و معني كدا ما ماشي تحارب ربنا ,فأنت في مأمن.
و السلام عليكم.
|
Post: #38
Title: Re: نصائح من أعضاء البورد لشخص نازل السودان وa
Author: الصادق يحيى عبدالله
Date: 09-04-2018, 06:28 PM
Parent: #37
مهند وضيوفه السلام عليكم ورحمة الله وبركاته
طبعا يا مهند لوسمعت كلام الجماعة العايشين خارج السودان عمرك ما ح تفكر تنزل. صحيح الوضع صعب وكل شي بالصف من البنزين
الى الرغيف الى البنك ولكن بعض الصفوف لا تنطبق عليك، غير كده يمكن التعايش مع الوضع. انا جيت خروج نهائي اثناء اسوأ مراحل الدولة
السودانية ولا زالت صامد ولا افكر في العودة الى الخليخ. بعض الزملاء ممن نزل اجازة وزارني في مكان العمل لم يخفوا حسرتهم على ضياع عمرهم
في بيئة مهنة لا تقدر اسهامهم.
اجمالا القضية لا تنحصر في الجوانب المالية، هنالك جوانب معنوية لا يمن الحصول عليها بكل اموال الدنيا.
تعال جرب وان شاء الله لا خوف عليك مننا.
|
Post: #41
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-05-2018, 05:20 AM
Parent: #38
وعليكم السلام ورحمة الله وبركاته
كلامك درر والله ..
الجايبني للسودان هو السودان..
لأهلى لناس السودان للسودان ذاتو..
أكيد يوم حا أرجع للسودان نهائي
وطبعا أكيد حا أتعود..
|
Post: #40
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-05-2018, 05:17 AM
Parent: #37
أكيد ومنكم نستفيد
يا عمي توكلنا على الله
|
Post: #42
Title: Re: نصائح من أعضاء البورد لشخص نازل السودان وa
Author: عادل ابراهيم احمد
Date: 09-05-2018, 06:06 AM
Parent: #40
حبابك يا مهند..
والحمد لله انو رفع كراعك على أهلك بعد كل تلك الغيبة ..
خت الرحمن في قلبك يا استاذ وتأكد بأنو " العزبالأهل" :
سيستقبلك اهلك بالأحضان والدموع والاشواق والابواب والقلوب المشرعة ..
والديك واخوتك واخواتك واعمامك واخوالك واهلك وجيرانك واصحابك ستجدهم بانتظارك ..
سترى صفحة جديدة من صفحات ايامك في وطنك وبين اهلك وعزوتك ستقضي بينهم سحابة يومك ووستنام قرير العين هاديء البال مبتسما راضيا ..
ستعرف أن الغربة أخذت منك الكثير وأن مخاوفك من الرجوع كان محض أوهام ..
ستعرف أن أهلك لن يستبدلوك بالمال ..وأن المال عندهم وسترى ذلك حين يتبارى الاهل والاصحاب في الاحتفاء بك ..
وما بين كسلا ونهر النيل ستجد رجالا يسدوا عين الشمس وفاءا وعرفانا ..
ولربما وجدت في السودان ما لم تجده في سنين الغربة من التوفيق والخير ..الخير في الاهل ما بقيت الدنيا .. الخير في السودان رغم الظروف ..
يا زول دربك أخدر وتحياتنا للاهل ..
|
Post: #43
Title: Re: نصائح من أعضاء البورد لشخص نازل السودان وa
Author: مهند أحمد سلمان طيفور
Date: 09-05-2018, 06:09 AM
Parent: #42
يا سلام دة الكلام.
انت كمان إن شاء الله ربنا يرد غربتك سالم غانم
ويخليك لأسرتك وعيالك...
|
|