|
|
|
 Re: نصائح من أعضاء البورد لشخص نازل السودان وa (Re: سفيان بشير نابرى)
|
هسي عليك النبي سحنتك دي سحنة زول مفلس يامهند
ماشاء الله اناقة ونضارة شمسية ماركة (اوليفر بيبولز) دي براها بى (365) دولار
وتي شيرت ماركة (كنت وانغ) Kent Wang والله يعلم البنطلون الجنز ماركته شنو لانه ماظاهر
انا دخلت قلت القى واحد ضعيييف منتهى ما قادر يكتب خليك من يقيف على كرعينو قلنا نديهو النصيحة المفيدة
ياخ انت المفروض تنصحنا انحنا المساكين
| |
 
|
|
|
|
|
|
|
|
Re: نصائح من أعضاء البورد لشخص نازل السودان وa (Re: Ahmed Yassin)
|
سلامات لصاحب البورد ولضيوفه
انا نزلت إجازة مرتين خلال السنة الحالية 2018 والسبب التواصل مع الوضع
وفعلا لقيت انو عدم السفر للبلد خسارة كبيرة للمغترب لانو بينفصل عن الواقع
ومهما كانت الصعوبات الا انو اهله هناك ولازم الواحد يواصل لانو الغربة
وان طالت مصير الزول يرجع لتراب بلده وخاصة ناس الاغتراب - وقد يختلف
الامر مع المهاجرين في الغرب - وفى ظل التغييرات الحاصلة في دول المهجر
من الضرورى جدا زيارة البلد بانتظام لاسباب اضافة لصلات الارحام - على
راسها تلمس الفرص الموجودة في البلد - ومن خلال الواقع فيه فرص كتيرة
متاحة للاعمال الصغيرة والاستثمارت الفردية والجماعية خاصة في مجال الزراعة
ومحاصيل الصادر , وحاليا فيه تجمعات كبيرة للمستثمرين في السودان في عدة
مناطق اذكر منها غرب ام درمان - شرق النيل والباقير وسندس إضافة لاعمال
زراعية ناجحة في الشمالية وفى القضارف كذلك
مجالات العمل الناشئة حاليا هي المزارع الحديثة بنظام البيوت المحمية والدواجن
المغلقة والفواكة المستجلبة من جنوب افريقيا وغيرها.
العقارات أصبحت خيار غير مجدى للمغترب والاستثمار الصناعى مكلف جدا
الفرص موجودة والنجاح كبير والنظر للجانب القاتم من الأوضاع في السودان
لن يحل مشكلة المغترب ولا يقدم شيء للبلد خاصة ان أصبحت الغربة خيار
صعب او غير متاح .
وهذا ما عايشته ويعمل عليه الكثيرون اليوم
من ناحية الحياة فهى فعلا صعبة خاصة للناس الاتعودوا الحياه بره السودان
لكن ممكن الانسان الجاى من بره يقدر يعمل حاجات تساعدو تساعد غيره
برضو سواء كانوا اهلو او المجتمع عامة .
اتوكل على الله وامشى ولف وشوف وان شاء الله امورك زابطة
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: Abdalla Hussein)
|
أيوة ياخ دة الكلام البيفتح الشهية الله يطمنك بالخير.
أساسا الزيارة المقصود الأساسي منها صلة الأرحام وفتح الطرق أمام النزول للإجازات القادمة إنشاء الله
وكمان ممكن نستفيد منها زي ما قلت في التنوير عن مشروعنا المستقبلي
أصلا مهما طال الزمنـ ياهو مرجوعنا للسودان ولأوجاعوا وأفراحو.
لما غادرت السودان كان الوضع سيء لكن والله كنا مبسوطين.
وهسع كمان مبسوطين الحمد لله،
ما فرقت محل ما تكون إذا عايز تكون مبسوط حا تكون.
اله يبشرك بالخير.
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: مهند أحمد سلمان طيفور)
|
ابقى عشرة على رد
إخلاص المشرف وهي تقول:
Quote: الكيزان خلو ال عندو قرش وألما عندو واحد
يعني اتخيل عندك مليارات واقف في الصفوف
كلو في الصف الا هم |
اليوم الصباح لقيت مكالمة لم اجاوب عليها من المدرسة الخاصة لابنائي
(بالمناسبة المدارس الخاصة أي كلام)
لقيتم دايرين القصد الثاني وكانت اجابتي مثل اجابة اخلاص
غايتو بعد ثمانية سنوات
ح تظن انك في بلد تاني
والناس المرت عليهم ثمانية سنوات ح يكون اشكالهم تغيرت كثيرا خاصة من تركته فوق الخمس وثلاثين
سيبدون لك وكان اعمارهم تفوق الستين
كرت الكاش وقلل النقاش
واهلا بيك
في بلد لن يخرج من دمائك ابدا
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: Ali Alkanzi)
|
تغمض عيونك وتتلب ساي ..
اصلا انت حتكون مسطح ومافاهم ..
وماقادر تستوعب حاجة ..
ولي زمن ما هين ..
فأخير تهيء نفسك للأسوأ..
عشان ما تنصدم ..
مفلس كمان ..!!!
غايتو مع الآتو العدمان حقك ده
لو جوانبك قوية أمورك بتمش ..
لكن كان ما عندك جوانب قطع شك حتتسنفكـ ..
يا أخوي ربنا يعينك غايتو ..
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: اسامه العريفي)
|
بالتوفيق أتجنب الآتي :
١- ناس جيب عشان نجيب
٢- خليك واضح مع كل المقربين انك مفلس
٣- أتجنب تقع تحت ضغط العزومات
٤- حاول تشتري حاجاتك بالشهر القطاعي بشرط جيبك
٥- ما تتبوبر و لا تتشوبر
٦- قابل اصاحبك دائما في البيت او علي الأكثر قعده في طرف الشارع المليان وسخ و ضبان عند ستات الشاي
٧- في تعاملاتك اليومية مافي داعي ل ده شنو و هناك و هناك و نحنا لمن كنا بره و شوفنا و عيشنا و هكذا حديث
٨- قلل من أكل اللحوم و خليك مع الملاح
٩- انكرب و ادرس السوق و الأسعار
١٠- اشتري حاجاتك من أسواق الجملة
١١- أدعي ربك يسترك و يسهل امرك و يحفظ ما عندك من مال .
| |
|
|
|
|
|
|
|
|
Re: نصائح من أعضاء البورد لشخص نازل السودان وa (Re: Sayed Bekab)
|
ههههههههههههه
في وضوح أكتر من البوست دة يا معلم..
بس لكن أنا ضعيف أمام العزومات ياخ
والشافني في حدائق حبيبي مفلس ديك ما كضب.
أقلل اللحوم كيف؟ انت والله طلعت أكتر زول بيكرهني
ياخ أنا عندي كليسترول مركز وبعد دة كلو جاي السودان مخصوص أشان اللحمة.
دي من خروفها للنار للصينية تاني وين ألقاها؟؟؟
8 سنوات مع المجمد المكرفس لا طعم ولا رائحة ولا لون...
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: walid taha)
|
تانى يوم من وصولك أصحى بدري جدا وأمشى جمب برج الإتصالات
أرمى كل شي ورا ضهرك وعاين للنيل كويس حتحس بكمية سعادة وحبور ما تتخيلها
بعد داك امشى (لذيذ) أكل فول بالجبنة وزيت السمسم
اوعا تمشى تسأل عن أراضى وبيوت وحاجات زى لو صحى داير تأجز يا زول حتشكرني
كلام walid taha دة ما ترميه واطة ؟ والتحية ليك ولك الضيوف
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: احمد حمودى)
|
التحية لصاحب البوست ولضيوفه
يا أخوي انزل ساي وعيش الواقع
تعيش زي ما الناس عايشة وتبقي مارق
بعد غياب دام ل ١٢ عام
نزلت لمدة شهرين تقريباً
وغادرت قبل إسبوعين
حقيقة التغير كبير وأستيعابو صعب في البداية
الواقع متغير علي الدوام
كونك تلقي وصفة سحرية من رابع المستحيلات
لكن التراكم القديم لما يشتغل الموضوع ببقي عادي
السودان حلو بي ناسو وااله ينسوك اي حاجة
كنت راجع من الجزيرة للخرطوم ليلاً (شارع الخرطوم سنّار)
وفي الطريق نزل لي لستك
لقيت مفتاح العجل والعفريتة مافي
والله وقف لي واحد في أقل من خمسة دقايق
أداني عفريتو بل كان بيساعد في تغيير الاسبير
إتحركت من المكان في أقل من نصف ساعة
يا هو دا السودان وناسو
بالنسبة لموضوع الحركة والصرف
شفت لو حسبتها ولّ ما حسبتها واحد
الواقع هو البوريك إنت من المفروض تتصرف كيف.
تحية خاصة جداً لي ناس توتي
ودي
| |
|
|
|
|
|
|
|
|
|
Re: نصائح من أعضاء البورد لشخص نازل السودان وa (Re: Mahjob Abdalla)
|
مهند وضيوفه السلام عليكم ورحمة الله وبركاته
طبعا يا مهند لوسمعت كلام الجماعة العايشين خارج السودان عمرك ما ح تفكر تنزل. صحيح الوضع صعب وكل شي بالصف من البنزين
الى الرغيف الى البنك ولكن بعض الصفوف لا تنطبق عليك، غير كده يمكن التعايش مع الوضع. انا جيت خروج نهائي اثناء اسوأ مراحل الدولة
السودانية ولا زالت صامد ولا افكر في العودة الى الخليخ. بعض الزملاء ممن نزل اجازة وزارني في مكان العمل لم يخفوا حسرتهم على ضياع عمرهم
في بيئة مهنة لا تقدر اسهامهم.
اجمالا القضية لا تنحصر في الجوانب المالية، هنالك جوانب معنوية لا يمن الحصول عليها بكل اموال الدنيا.
تعال جرب وان شاء الله لا خوف عليك مننا.
| |
|
|
|
|
|
|
| |
علي دفع الله
أيمن محمود
ahmedona
الحاج حمد الحاج
قلقو
عبدالمنعم الطيب حسن
سفيان بشير نابرى
Ahmed Yassin
Abdalla Hussein
Ali Alkanzi
جمال ود القوز
walid taha
اسامه العريفي
Sayed Bekab
احمد حمودى
Ali Abdalla
Mahjob Abdalla
الصادق يحيى عبدالله
عادل ابراهيم احمد
فيس بوك
تويتر
انستقرام
يوتيوب
بنتيريست