ههههههههههههه... غايتو يا عادل وبريمة ..يوم بتجيبوا ليكم خبر زول ..!! شكرا يا عادل على اضافة غنية استاذنا خليل اسماعيل..واتفق معاك غنية تسامح عميقة للغاية.. هدية لصديقنا احمد ياسين..لو جبتوا لينا الغنا..امسودان دي كلها حاجة واحدة..! طبعا يا عادل ، بريمة ده لو دقينا راسنا في الحيطة عشان نقنعوا بعادل امين (ود الدلنج يا بريمة) مافي زول ح يصدق..! من الغنية ، باب انثروبولوجيا ثقافية وكده..! (عيال سليجي) ، سليجي واحدة من مناطق اهلنا الداجو ، شمال مدينة لقاوة الحالية..وحكاية الداجو في جنوب كردفان دي دايرة ليها جكة..! (عيال سلارا)..ديل اهلنا النمانج ، هل تصدق يا عادل..مدرسة سلارا المتوسطة للبنات كانت مسورة باشجار الياسمين ، وبداية الخريف (فصل الرشاش) بتشم ريحة الياسمين على بعد كليومترات..والله صحي..!! منطقة سلارا ..شمال غرب مدينة الدلنج الحالية..ومنها ابونا فليب عباس غبوش..استاتذتنا دكتور هنود أبيا كدوف ..البروف الأمين حمودة..جرهام عبد القادر..وامنا العظيمة مندي بنت السلطان وابوها السلطان عجبنا..!! (عيال بُقلتي)..دي منطقة اهلنا الحوازمة ولاد أبقار..جنوب شرق مدينة الدلنج..وصدقني يا عادل بريمة القدامك ده..اشتغل فيها مباريات مصارعة كتيرة خلاص..!!!!!! اذكر من ناس البُقلتي..صديقة في هذا المنبر كانت بتجيب صور اهلها والناس بتتفاعل زي الترتيب..!..التحية ليها بتنا الغايبة دكتورة سلمى تاور..!!!..والله صحي يا احمد ياسين..!! فشنو..شايقية مافي..جعليين مافي ..فواريين مافي..!!.. انحنا كلو سوداني..!! طبعا يا عادل..(عيال لقاوة) ديل ناس كبر..!!!!!!..غريبة مش؟؟؟؟ يوم بيوم نبيع الكــُمبا..!! يلا نعلبوا سوا..يللا نرقصوا سوا..! لمن امسك الحيكومة يا عادل..ده ح يكون النشيد الوطني بتاعنا..على الأقل الناس ترقص وتفك التعسم البلا فهم..!
يا احمد ياسين.. انا ما بجيب سيرة اسماعين عبد المعين..! يوم بيوم يااااااااااااااااخ..!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة