الايموت التلاتة ديل1- حراس اغنية الحقيبة2- اغنية امدرمان3- طريقة الترتيل للاغانيحاجة من النوع دا ، وحد اسمو عجبين يقال مثقف كتب في هذا الشانمانسميه اغاني جميلة لو كتبت اليوم لكانت هابطة بس حراساغنية امدرمان مجملنها حبتين
ما من عشاق الحقيبة الـDie-hard ديلك لكن فيها اشراقات جميلة برضو بشكل عام منفتح جدا على االغنا السوداني كلو شرق وغرب ووسط وشمال وبسمع ناس كتيرين وحتى برة السودان .. لكن اغنية ام درمان عندها مكان خاص بالنسبة لي ..
06-27-2018, 06:46 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5461
عمك عجبين زول قافلة معاهو ساي في النهاية كل زمن بي حاجاتو بس سؤالك بتاع مسار اغنية امدرمان ده سؤال فلسفي بحت الا تجاوبو براك ملاحظتي انا الشخصية انو النقلة من الحقيبة لي للحديثة كانت فجائية سريعة جدا زي قلبة العربية نعم الحقيبة استغلت الات موسيقية من بدري ولو بشكل محدود لكن نمط الاداء بتاع الرجالة داك والتلحين ظل كما هو فجأة كده جو ناس الكاشف وعشة الفلاتية وبقية جيلهم قالو ليهم الرجالة تطير وفي فترة بسيطة جدا الناس لقت نفسها بتسمع في اغاني مختلفة الى حد كبير عما اعتادوه .. وبعدها بشوية جا عثمان حسين تم الناقصة
اثر المديح و التصوف كبير على الاغنية الامدرمانية عندك حاج الماحى مثلا سمح الوصوفو و قالوا الحجيج قطع تجد ا الاغنية الامدرمانية منغمسة فى موسيقى المدحتين شعرا و جرس موسيقى اضف الى ذلك الغناء الشعبى الذى كان سائدا فى تلك الحقبة التى غلب عليها الوجدان الدينى المرتبط بالمديح
06-27-2018, 08:20 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5461
Quote: من وين جا اللحن الموازي والموسيقي الموازية للنص الشعري عند الكاشف ، لابد من مقدمات سبقته لدي اخر/ين
الكاشف زول عبقري بالجد ، لكن ممكن تقول انو زنقار اضاف شيء جديد للحن الحقيبة في الاغنية ذاتا وفي الكسرة البقاها كوبليه حقيقي فيهو كلام موزون بدل الكسرة الكلاسيكية بتاعة (هوي يا ليل) .. شوف مثلا اغنية "عروس الروض" حتلقاها مختلفة . سرور ايضا الاداء بتاعو مختلف شوية من ناس الحقيبة .. يعني .. لكن في النهاية الكاشف عبقري والعباقرة دائما بجيبو حاجة ما مألوفة او بتختلف من السائد .. الخلاصة الكاشف ممكن يكون استفاد من اضافات زنقار وسرور ..
06-28-2018, 03:36 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5461
قلت ما أجيكم ايدي فاضية .. أما حفركم في اتجاه الجذور ما عندي ليهو رقبة .. لكن صحيح تم توظيف الآلات الموسيقية من عصر الكاشف أو عبد الحميد .. وحصل تخفيف في شعر الرجالة زي ما قلتو .. لكن التون اللحني ما حصل ليهو تغير إلا مؤخرا .. ما بقدر أمشي أكتر من كدا لإنو الموضوع داير تخصص.
06-28-2018, 05:47 PM
عبداللطيف حسن علي
عبداللطيف حسن علي
تاريخ التسجيل: 04-21-2008
مجموع المشاركات: 5461
( أنا في قلبي ريد لي ام در)...وريد لكل ما هو سوداني جميل. ،، يقال: للمديح: رواية للأغنية: لحن ،، كتير بقيف في تصنيف قديم وحديث ..من ناحية الإبداع في الحرف والنغم والأداء وبحس إنه مرات الزمن مقلوب. ،،
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة