Post: #7 Title: Re: سودانيزاونلاين ................................ كاريكات Author: Arif Nashed Date: 06-27-2018, 01:01 AM Parent: #6
التور الواقف في الحلبة يكون حاتم.. ود المشرف وجلالدونا متشعبطين في العمود خوفا من النطح والفلول في السطوح يرمون التور اللنتر بسهامهم الفشنك ههههههههههههه
يا جماعة لو سمحتو عايزين توضيح كامل شامل، البيبان دي فيها وآحد فيهو طبلة، والغريبة الزول المربِع إيدينو ؤ بيتفرج في الناس الفوّق ولا خايف التور ينطحو !.
Post: #9 Title: Re: سودانيزاونلاين ................................ كاريكات Author: حاتم إبراهيم Date: 06-27-2018, 06:17 AM Parent: #1
الفنان الكاريكاريست عمر بصراحة ما فهمت المغزى الحقيقي من الكاريكاتير ..وخاصة ماذا يمثل الثور...ربما لان الغربة القساية خلت فهمنا تقيل شويه ...فهل من الأعضاء من يسهل لي فهم الكاريكاتير... ودمتم بالف خير
Post: #12 Title: Re: سودانيزاونلاين ................................ كاريكات Author: حمد عبد الغفار عمر Date: 06-27-2018, 01:24 PM Parent: #11
Quote: بصراحة ما فهمت المغزى الحقيقي من الكاريكاتير ..وخاصة ماذا يمثل الثور
سلام يا بسمات
الكراكتير بشكل عام فكرة واسعة محصورة في ترميز بسيط أي زول بفهمو حسب خيالو والكراكتير المباشر يسهل فهمو لكن الترميز في الكراكتير زي الزول البتكلم مع نفسو مافي زول عارفو بقول شنو بالضبط لكن بقراءة المحيط وأحد الرموز المباشرة ببدأ التفسير يعني هسه عمر ممكن يجي يقول للناس كلكم أوف بوينت انا قاصد التور دا مشكلة السودان وانتو هاربين منها
شكرا حمد للتوضيح لكن انا شايفة في الرسمة ان جمهور سودانيز اون لاين ب يستفزوا في الثور ويرموه بالحراب ..يعني قاعدين يتصدوا لمشاكل السودان اذا اعتبرنا الثور بمثل مشاكل السودان ودمت بالف خير
Quote: شكرا حمد للتوضيح لكن انا شايفة في الرسمة ان جمهور سودانيز اون لاين ب يستفزوا في الثور ويرموه بالحراب ..يعني قاعدين يتصدوا لمشاكل السودان اذا اعتبرنا الثور بمثل مشاكل السودان ودمت بالف خير
طيّب ما ترآكِ ناقشة الحاصل يا بنتنا . والله مشتاقين ...
معقول يا عمر دفع تكون مؤيد لما يقوم به حاتم ايراهيم وتعتبره حمل وديع اللهم إلا إذا كان هذا الموقف بناء على معرفة شخصية أوعلاقة سخصية أنا غايتو في الحوارات دي العلاقات الشخصية والمعارف الشخصية لا إعيرها اعتبار لأن الحوار حوار رأي وليس تعصب لأحد أو تعصب ضد أحد
الحارسين الابواب ديل عبدالعظيم و قسم الفضيل و امير بوب. المنظراتي اللي في النص ابو قميص اخدر و مربع يدينو ده ابوبكر عباس لانو ممكن يدخل من اي باب حسب الانارة او الاستنارة الموجودة في المدخل.
Quote: قرايتي للكراكتير ....الثور يرمز للنظام و مافي زول متصدى ليه من عضوية سودانيز الا اصحاب الاقلام والرايات الحمراء ..
شكرا اخوى محمد جبرة فقد عبرت عن ما جئت به لاكتبه هنا . الثور يمثل النظام الناس الطالعين فى العمود يمثلون جماهير خارجة فى مظاهرات والنظام يطاردهم الواقفين على الابواب يمثلون جهاز الامن ( حيث معهم سياطهم ) الذين يحملون الاعلام الحمراء يمثلون الحزب الشيوعى السودانى الواقفين على الشرفات يمثلون غالبية الشعب ( للدلالة على ان الغالبية جالسين فى منازلهم ويحرشون ولا يخرجون فى مظاهرات ) فى اعلى الصورة : اعضاء سودانيز فيهم : من يمثلون النظام ( ابوضحكة جنان فى اقصى يمين الصورة ) وفيهم المحرشين والمشجعين وغير المبالين ,
الشي الواضح في الكاركتير التور محارب من مجموعتين .. الأولى بتحاول تستفزو وتستدرجو وهؤلا هم حاملي الرايات الحمراء .. والمجموعة التانية هي البتنشن عليهو بالسهام عشان تجيب أجلو . :) عمر دفع الله صور الثور وهو رافع راسو ولا يأبه بالشاردين ولا بحاملي السهام .. علي العموم الرسمة صورت حجم الضرر الألحقو التور الهايج بالمنبر ودي في حد ذاتها حاجة كويسة .. بس ما اظن عمر قاصد كدا .. جات عفوا :)
يبدو انو مداخلة علي دفع الله الاولي واجواء المنبر أثرت في قراية معظم الناس للكاريكاتير الخلل او الخطأ ما تفسير الناس واي زول حر في شكل القراية بما انو الكاريكاتير مافيهو شرح مرفق ! لكن الخطأ -في تقديري -في الاستسهال والتسارع في الحكم المطلق علي عمر ثم الادانة بناء علي هذا التفسير والرؤية المحددة ! حتي بافتراض تشابه المقصود الحقيقي للكاريكاتير بتفسير الناس برضو في مساحة لاختلاف تفسير الرؤية وواقع المنبر قبل الادانة !
Post: #25 Title: Re: سودانيزاونلاين ................................ كاريكات Author: محمد حمزة الحسين Date: 06-28-2018, 02:46 PM Parent: #24
حُذِف للتكرار والتعديل ادناه لتصغير الكراكتير مع التحيات لله الزاكيات
Post: #26 Title: Re: سودانيزاونلاين ................................ كاريكات Author: محمد حمزة الحسين Date: 06-28-2018, 02:59 PM Parent: #24
غايتو اعجبني ابداع الفنان عمر في تصوير اصحاب الرايات الحمراء اول مرة اللون الاحمر في كراكاتير عمر يكون معبر ... التحيه لك مثني وثلاث ... : : : : مع التحيات لله الزاكيات
Post: #27 Title: Re: سودانيزاونلاين ................................ كاريكات Author: كمال عباس Date: 06-30-2018, 02:29 PM Parent: #26
تور عمر دفع الله !! قراءة .. الفنان وراسم الكاركتير لايقدم لائحة تفسيرية لعلمه ولايشرحه لأن هذا ينسف فكرة العمل وخصوصا والرسم المعني لايصحبه إي حوار أوكلام وإنما هو مجرد رسم ! * من الطبيعي جدا أن تعدد القراءات والمفاهيم والتفاسير للرسم -كل يراه ويفهمه من زاوية معينة وربما يتمني ويرغب البعض أن ينال الرسم أويسخر من خصمه !أي يحمل الرسم ويشحنه ببعد ومعني إضافي قد لايكون قد خطر ببال الفنان كما أن البعض يحاكم الفنان وينال منه بناء علي فهمه هو ! ثانيا فسر بعض رمزية التور الهائج بأن المقصود من عضو معين وسار كثر بهذا التفسير وروجوا له وحاكموا عمر بناء عليه ! *ففي نظرهم أن الرمز لفلان هذا بالتور المستثار -والهائج هو تبرئية وتبرير له بإعتباره ضحية وديعة يتم تهيجها وإثارتها - وأستفزازها عمدا - من قبل أصحاب الهوي والغرض والمعتديين! وقفة التشبيه بالتور الهائج - في رأي ليس محمدة ولاثناء - فأنت أمام كائن بلاعقل أو فكر أو هدف - كائن تحركه الغريزة - ورد الفعل والإستفزار - ليندفع كما التور في مستودع الخزف وتور الله في برسيمه - يفسد ويحطم ويضرب ويرفس ! وقفة ثانية إذا كان فلان هذا هو مقصود عمر دفع الله فإن المنطق يقول - أن عمر قدم لكم نصحا -وحكمة - أتركوا التور في حاله وأنصزفوا لما يفيدكم - تجاهلوه - وإن فعلتم سيصبح مجرد تور خامل ومستأنس لايهش ولاينش ! ثالثا في فهمي وتفسيري أن تور عمر لايعبر أو يرمز لشخص بعينه وأنما يعبر عن حالة وعقلية - عامة وهي أن المنبر أصبح ميدان - للإستفزاز والتهييج والتسلية والتفكه عبر نيران الصراعات المشتعلة - يقوم البعض - بالإستفزاز والإستفزاز المضاد -والإثارة ويستجيب الآخر بالتهييج بالغريزة لا بالعقل والفكر ! هنا ممكن جدا أن يتحول صاحب الراية الحمراء لتور مستفز ويتحول التور -لحامل راية الإثارة تبادل أدوار) - ويتواصل العك والإسفاف - ويتحول المنبر لساحة عراك وصراع وتتلاشي رسالة المنبر ويقل الجاد والمثمر -! حتي يمكن أن يقال الناس في شنو - والجماعة دي في شنو! الناس ديل شغاليين بسباق الحمير وصراع التيران وناسيين ماسوي ذلك ! - صاحب المنبر يتفرج وقد يستفيد من الحراك السالب -في زيادة عدد الكلكات والسلطة الإنقاذية مستفيدة من مثل الوضع !