|
|
 Re: انتعاش سوق السحرة والدجالين بالخرطوم. (Re: محمود الدقم)
|
سلام محمود
اسمح لي مشاركتك القصة هذه والتي شهدت وكنت احد ابطالها
لفترة طويلة كنت اكذب وجود الجن واعتبره بعض من الخرافات
ولكن
على ما اذكر رمضان 2015 الساعة العاشرة صباح وانا في عز النوم، يرن تلفوني وكان المتصل ابن خالتي من الرياض وانا في احدى مدن الجنوب وقتها
بعد السلام والتحايا قال لي: يا ناصر قبل اسبوعين وانا طالع من المكتب لاقاني شاب سوداني داخل وقفني وكان ببحث عن عمل، ووقتها عندنا عمل في احدى مزارع كفيلنا في احدى مدن الجنوب،
عدت به للمكتب وبعد جلست واستماع وتعريف بطبيعة العمل والراتب كلمت الكفيل والذي اعداه بعض المال للتوجه الى المدينة وتلفون الباكستناني المشرف على المزرعة.
وواصل اليوم صباح اتصل بي الباكستناي ويقول ان السوداني الجديد مريض ولم نفهم مابه عليك الله اتحرك عليهو وشوف الحاصل شنو لان الشاب مابعرف اي زول هناك.
اتوكلت على الله ومشيت للمنطقة حوالي 25 دقيقة وبها عدد من المزارع، وكنت متواصل مع الباكستاني حتى وصلت الى المزرعة
وعند دخولي انبهرت حقيقة بجمال المزراعة
ممرات رائعة وتشذيب جميل للاشجار وحوضين سباحة ومبني فخم من الزجاج
وفي مدخل المزرعة نظام فيلا صغيرة وهي سكن العمال
دخلت معه ووجدت السوداني طريح الفراش ومقلع عيونو و(يجفل) ويغطي وشو بايدو زي الفي واحد عايز يضربو كف
ومن سحنته عرفتو من اولاد (الراحات) وما شبه الشغل في المزرعة كعامل تلقيط الثمار..
وطوالي جاني احساس انو مستهبل وعايز يتخارج ...!!
رجعت للباكستاني وسالتو الحالة دي جاتو متين
ساقني خلف القصر حيث يوجد مبني صغير من الزجاج عبارة عن غرفة وهول كبير ممتد امامها ومفروش على احدث طراز الزجاج يبدأ في المبنى من ارتفاع متر تقريبا الجزء التحتى حائط من الطوب
ساقني للمبنى ده وفي زقاق خلف المبني ( بين المبنى والسور الخلفي الخارجي للمزرعة) قال لي السوداني تبول هنا ومن وقتها هو في الحالة دي جاهم جاري ولم يستر نفسه او يغتسل وهو يصيح
تعجبت من هدوء المكان وغموضه
ولكن كنت ولازلت عند الراي انو مستهبل وعايز يتخارج من الشغل
رجعت ليهو وسقتو الى مركز صحي قريب يعمل به طبيب سوداني
ادوه درب وحقنة مهدئة وفحوصاتو طلعت نظيفة مافيها حاجة
بقى هادي ورجعنا المزرعة
وبمجرد دخولنا لسكن العمال رجع يكورك ويغطي وشو ومرات ينتفض زي الضربو كف
دخل علينا سوداني يعمل في بقالة قريبة من المزرعة بعد ان عرف بالامر
وشاركني الراي انو داير يتخارج وفعلا اتصلت بان خالتي وكلمتو
طلع المريض للخارج وجلس في ظل خلف سكن العمال
طلعنا وراهو خوفا عليه
وجلسنا وكان حشر كثيف جدا وذباب مبالغة وقاعدين نقول ليهو ارجع وهو مسهي بعيد
ونحن نتنفض كل شوية من الحشر والذباب وهنا نبهني السوداني التاني ان المريض ده مغطى بالحشر ولا حكة ولا تحرك ولا نفض
نظرت اليه ووجدت الحشر داخل عينيه وانفه واذنه وما اتحرك نهائي
ما دل على حالة غير طبيعية
من الحشر اتحركنا منو بعيد
وفجاءة وقف ويتنفض تاني زي الفي زول بديهو كف
ويكورك
والله تاني ما بعملها
قلت ليك خلاص والله مابعملها
استغربت وفهم انو مستهبل ضاع مني ورجعت للباكستاني وسالتو هل في جن هنا
قال لي بدون تردد ايوه وفي حفلات في الليالي بنسمعا عادي ..!!!
واكد لي الامر بتاع البقالة
طلعنا زي الساعة 2 ظهر الى شيخ قريب
ودخلنا ليهو
وجلس مع المريض وبدا يثراء في بعض الايات وانا جالس معهم
واثناء القراءة الشيخ يسال انت منو وعايز شنو؟
تكرر السؤال عدة مرات
السوداني نطق لاول مرة منذ حضوري ونطق بلسان ما اعتقد لسانو
صوت متألم وقال: انو والد اطفال وكانو بلعبو وتبول فيهم هذا الشخص
ودار حوار مع الشيخ انو يطلع
وهو رافض
والشيخ يقراء
استمر الامر حوالي ساعة او ساعة و20 دقيقة ونام الزول.!!
واخبرنا الشيخ بالذهاب والعودة قبل المغرب
وعند عودتنا لقينا زولنا مسلك واستحم
واتونسنا معاهو وطلع من اولاد بحري
وطبيعي جدا
سالت الشيخ المقريء وقال لي باختصار خلاص هو كويس
وفعلا مشى معاي وبات وماعندو مشكلة بس حلف بالتقطعو ما يرجع المزرعة تاني
وقال بالنص:
|
|
 
|
|
|
|
|
| العنوان |
الكاتب |
Date |
| انتعاش سوق السحرة والدجالين بالخرطوم. | محمود الدقم | 06-24-18, 05:33 PM |
| Re: انتعاش سوق السحرة والدجالين بالخرطوم. | Yasir Elsharif | 06-24-18, 09:17 PM |
| Re: انتعاش سوق السحرة والدجالين بالخرطوم. | عبدالعظيم عثمان | 06-24-18, 09:26 PM |
 Re: انتعاش سوق السحرة والدجالين بالخرطوم. | النذير حجازي | 06-24-18, 10:11 PM |
| Re: انتعاش سوق السحرة والدجالين بالخرطوم. | محمود الدقم | 06-25-18, 08:44 AM |
| Re: انتعاش سوق السحرة والدجالين بالخرطوم. | محمود الدقم | 06-24-18, 11:31 PM |
| Re: انتعاش سوق السحرة والدجالين بالخرطوم. | Asim Fageary | 06-25-18, 04:41 AM |
| Re: انتعاش سوق السحرة والدجالين بالخرطوم. | Yasir Elsharif | 06-25-18, 07:25 AM |
| Re: انتعاش سوق السحرة والدجالين بالخرطوم. | عبدالعظيم عثمان | 06-25-18, 08:55 AM |
| Re: انتعاش سوق السحرة والدجالين بالخرطوم. | محمود الدقم | 06-25-18, 08:54 AM |
| Re: انتعاش سوق السحرة والدجالين بالخرطوم. | Yasir Elsharif | 06-25-18, 09:33 AM |
| Re: انتعاش سوق السحرة والدجالين بالخرطوم. | عبدالعظيم عثمان | 06-25-18, 10:06 AM |
| Re: انتعاش سوق السحرة والدجالين بالخرطوم. | Yasir Elsharif | 06-25-18, 10:36 AM |
| Re: انتعاش سوق السحرة والدجالين بالخرطوم. | عبدالعظيم عثمان | 06-25-18, 10:43 AM |
| Re: انتعاش سوق السحرة والدجالين بالخرطوم. | محمود الدقم | 06-25-18, 10:54 AM |
| Re: انتعاش سوق السحرة والدجالين بالخرطوم. | Asim Fageary | 06-25-18, 11:02 AM |
| Re: انتعاش سوق السحرة والدجالين بالخرطوم. | Yasir Elsharif | 06-25-18, 10:59 AM |
| Re: انتعاش سوق السحرة والدجالين بالخرطوم. | عبدالعظيم عثمان | 06-25-18, 12:12 PM |
| Re: انتعاش سوق السحرة والدجالين بالخرطوم. | النذير حجازي | 06-25-18, 12:52 PM |
| Re: انتعاش سوق السحرة والدجالين بالخرطوم. | Yasir Elsharif | 06-25-18, 01:09 PM |
| Re: انتعاش سوق السحرة والدجالين بالخرطوم. | عبدالعظيم عثمان | 06-25-18, 01:55 PM |
| Re: انتعاش سوق السحرة والدجالين بالخرطوم. | Yasir Elsharif | 06-25-18, 05:20 PM |
| Re: انتعاش سوق السحرة والدجالين بالخرطوم. | محمود الدقم | 06-25-18, 05:21 PM |
| Re: انتعاش سوق السحرة والدجالين بالخرطوم. | ناصر حسين محمد | 06-25-18, 06:17 PM |
| Re: انتعاش سوق السحرة والدجالين بالخرطوم. | محمود الدقم | 06-26-18, 08:06 AM |
| Re: انتعاش سوق السحرة والدجالين بالخرطوم. | عبدالعظيم عثمان | 06-26-18, 08:51 AM |
| Re: انتعاش سوق السحرة والدجالين بالخرطوم. | Yasir Elsharif | 06-26-18, 09:04 AM |
| Re: انتعاش سوق السحرة والدجالين بالخرطوم. | محمود الدقم | 06-26-18, 10:52 AM |
| Re: انتعاش سوق السحرة والدجالين بالخرطوم. | عبدالعظيم عثمان | 06-26-18, 11:09 AM |
| Re: انتعاش سوق السحرة والدجالين بالخرطوم. | Yasir Elsharif | 06-26-18, 12:31 PM |
|
| |
ناصر حسين محمد
فيس بوك
تويتر
انستقرام
يوتيوب
بنتيريست