العنوان ملطوش من . . . . الترويج الموجود في أغنيات ننوسة
المناسبة...شكلة السناير والبرالمة في البوست السمح داك
دعوة للبرالمة والسناير: انسوا تاريخ التسجيل وسجلوا تاريخ جديد،
ونحكي
Post: #2 Title: Re: الجديد الحَصري..والجميل الأصلي Author: تماضر الطاهر Date: 06-05-2018, 08:35 AM Parent: #1
لمن كنت جديد
منو الرحب بيك؟
Post: #3 Title: Re: الجديد الحَصري..والجميل الأصلي Author: معاوية الزبير Date: 06-05-2018, 08:45 AM Parent: #2
دعوة صحيحة وصريحة علينا العمل بمقولة (هم رجال ونحن رجال) رجال بمعنى mankind للجنسين
Post: #5 Title: Re: الجديد الحَصري..والجميل الأصلي Author: تماضر الطاهر Date: 06-05-2018, 09:00 AM Parent: #3
صاح تاني
،،،
يد بيضا وغصن زيتون وقلم رصاص
Post: #19 Title: Re: الجديد الحَصري..والجميل الأصلي Author: الصادق آدم Date: 06-06-2018, 02:19 AM Parent: #5
هلا بالاخت تماضر انا ما قديم في المنبر (يعني قبلك بشويه سنين دون الخمسه :) ) هناك حقائق مشاركتها مفيده منها في البدايه التفاعل حيكون ضعيف ( الناس بكونو حذريين من الجديد ) اختاري بوستاتك بعنايه وتاكدي من فهمك جيدا لمضونها اوردي المصادر ان كانت علميه او خبريه احبكي المقال جيدا واستعدي لاي نيران عدوه او صديقه ( وطولي بالك) لا تنجري وراء تشتيت مضمون البوست بالمهاترات و الغلوتيات وسوف تتعلمي الكثير
سلامي واهلا وسهلا
Post: #20 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 05:59 AM Parent: #19
حبااابك أخي الصادق
أجد العزاء في عدد القراءات مع قلة التفاعل والشكر واجب لكل من يقرر في سره قراءة ما أكتب ، كلامك درر
تفتكر الحذر من الجديد بيكون من أي منظور؟؟
صادق تحياتي
Post: #4 Title: Re: الجديد الحَصري..والجميل الأصلي Author: عبدالحفيظ ابوسن Date: 06-05-2018, 08:51 AM Parent: #2
ما بتذكر والله ولا بتذكر اول بوست لي
Post: #6 Title: Re: الجديد الحَصري..والجميل الأصلي Author: تماضر الطاهر Date: 06-05-2018, 09:04 AM Parent: #4
أهلاً أهلاً
ارجع بالزمن مرة واتذكر
هو إنت أصلاً كنت عايز تقول شنو؟
وكيف طلع حرفك؟
ومين سمع صوتك؟
Post: #7 Title: Re: الجديد الحَصري..والجميل الأصلي Author: عبدالحفيظ ابوسن Date: 06-05-2018, 09:34 AM Parent: #6
متأكد من كنت أكثر براءة اكثر ثقة في المنبر أكثر ثقة في الاعضاء ولم أكن حذرا بما فيه الكفاية
Post: #8 Title: Re: الجديد الحَصري..والجميل الأصلي Author: تماضر الطاهر Date: 06-05-2018, 09:45 AM Parent: #7
أنا ما بستسلم يا صديقي...مطالب بالحديث..شعراً ونثراً واندياحاً ،
غايتو أنا بشكر كل الحاجات الحصلت ليك هنا عشان طلعتك - في عهدنا - بالصورة دي
،،
ما بنكر ..حتة البراءة دي خلتني اتبسم برااي
Post: #9 Title: Re: الجديد الحَصري..والجميل الأصلي Author: يحي قباني Date: 06-05-2018, 09:45 AM Parent: #7
تماضر كيفنك ...
عملية عضو جديد هل من مرحب دي بقت موضة قديمة ...
زمان يجي العضو يقول رحبو بي ...
يقوموا ( السناير ) يتسنيروا عليو من قولة تيت ..
و الفهم كان كده ... الزول قضى كم سنة ... أفتكر انه اخد دبورتين ...
و الجديد ده مفروض يكون خام ... ما بفهم في اَي شي ...
عشان كده العضو الجديد يخش بي كتاباته ... أيا كان اتجاهها ...
Post: #10 Title: Re: الجديد الحَصري..والجميل الأصلي Author: تماضر الطاهر Date: 06-05-2018, 09:58 AM Parent: #9
أنا بخير الحمد لله..وإنت؟
اصلو ما بريد زول يرحب بي لما اكون جديدة بخجل وما بعرف أرد
والمداخل المعتادة مملة
وبما إنك سينير شديد.....أنا ما فاهمة أي شي
Post: #11 Title: Re: الجديد الحَصري..والجميل الأصلي Author: زهير عثمان حمد Date: 06-05-2018, 10:48 AM Parent: #10
أنا زول قديم وعجوز في المنبر هنا مامن دفعة ناس 2002 لكين قديم وأمكن جا وقت المخارجة وفي وقت عضويتي كانوا في المنبر هنا جهابذة القوم علماء ونجوم مجتمع وأدباء ومتخصصين في كل المجالات كنت في حالة من الانزواء شديد لانو الضربة منهم رهيبه تعويق وأستمر الحال مع كم هائل من الهجوم وقتها كنت يدوب صاحب معرفة معقول بالجهاز وكيفية الكتابة بهيو لكين أتردمت ردم بكل أنواع الاسلحة في تلك الايام الجميلة طاب وقتك أيتها الشاعرة
Post: #12 Title: Re: الجديد الحَصري..والجميل الأصلي Author: عبدالحفيظ ابوسن Date: 06-05-2018, 11:28 AM Parent: #11
Post: #13 Title: Re: الجديد الحَصري..والجميل الأصلي Author: عمر التاج Date: 06-05-2018, 12:36 PM Parent: #12
سلامات يا تماضر وعيدك مبارك ان شاء الله دخلنا المنبر أول عشان نفش الفينا، وفي بالنا ان الكتابة لمن سرق لا من سبق ولكن وجدنا مساحات من الجمال لاتحجبها الاعين واعتادت عيوننا الصدق والجمال ثم جاء من بعدنا خلف ابدعوا وجعلوا من مجرد الدخول والاطلاع متعة لاتدانيها متعة ومازال الخير في المنبر حتى قيام الساعة
Post: #14 Title: Re: الجديد الحَصري..والجميل الأصلي Author: MOHAMMED ELSHEIKH Date: 06-05-2018, 01:15 PM Parent: #13
اول من رحب بي في عام 2008 عندد انضمامي وفتحت اول بوست كان العضوة :
تراجي مصطفى
لها تحية من هنا
Post: #15 Title: Re: الجديد الحَصري..والجميل الأصلي Author: محمد جمعه الخير Date: 06-05-2018, 01:25 PM Parent: #14
كسودانيين نعشق كل ماهو قديم ونخاف ونكون حذرين جدآ مع ماهو جديد والامثلة كثيرة .
Post: #16 Title: Re: الجديد الحَصري..والجميل الأصلي Author: Nasser Amin Date: 06-05-2018, 02:18 PM Parent: #15
الافكار و الانطباعات الكنت جاي بيها اتغيرت بصورة كبيرة و سريعة فرملت حاجات كتيرة نسبة لتجارب حدثت لآخرين امامي تحياتي
Post: #27 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:28 AM Parent: #16
سلامات ناصريا ريت لو ما فرملتها وإنتظرت تعيش تجربتك ،في مناحي كتيرة من الحياة بنظلم نفسنا بإعتبار تجارب الآخرين مقدسةوحكاية الطبيب والمجرب دي بالذات انا ما بعتقد فيها..مرات الطبيب بيهزم المجرب وتحياتي كمان
Post: #17 Title: Re: الجديد الحَصري..والجميل الأصلي Author: ياسر السر Date: 06-05-2018, 02:24 PM Parent: #15
الف مرحب بك اختي تماضر واتمنى لك اقامة طيبة في هذا الحوش الكبير .... وبي زيارتك بيتنا نور والله نور وكلو زينة .... جد انا لا اذكر من هو اول من رحب بي في هذا المنبر لان الزهايمر قد اصابني تماما والله لذا اعتذر عن الاجابة عن سؤالك ..
تحياتي : ياسر العيلفون ...
Post: #18 Title: Re: الجديد الحَصري..والجميل الأصلي Author: محمد على طه الملك Date: 06-05-2018, 09:19 PM Parent: #17
Quote: الافكار و الانطباعات الكنت جاي بيها اتغيرت بصورة كبيرة و سريعة فرملت حاجات كتيرة نسبة لتجارب حدثت لآخرين امامي
دا أبلغ نقد ممكن يقدم للعضوية .. هههه تماضر خلاص ركبتي مع البرالمة .. من حقك أصلا انت كنتي أصغر مخضرمة.
Post: #23 Title: Re: الجديد الحَصري..والجميل الأصلي Author: قسم الفضيل مضوي محمد Date: 06-06-2018, 06:10 AM Parent: #18
. . . ما في زول رحب بي اصلن ... لأني جيت داخل بنمرة 4 وفتحت بوست طوالي ، لا وكمان بشتكي فيه من بطء المنبر ... والمفاجأة انه اول متداخل معاي في اول بوست لي كان هو سيد الحوش "شخشيا" ...... . في اللحظة ديك ، شعرت الرعشة من صوف راسي لي كرعي ... وقلتّ في نفسي الليلة يحلني الحلّ بلة ......
. .
Post: #31 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:52 AM Parent: #23
أخوي قسم الفضيل..إتلوموا معاك...وحظك
غايتو الصوف الظاهر أعلى رأس صورتك لسه إرتعاشاتو بتحكي
ما عندك أي حل
حبابك
Post: #29 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:39 AM Parent: #18
في طريقة ترقية..ونجيكم فوق؟
و(المرء مع من أحب) دي هنا صعبت علي
سعيدة جداً وتشرفت بيك يااا أستاذي
Post: #28 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:35 AM Parent: #17
حبابك يا ياسر وشاكرة للطفك..الله يزيدك نور
يا سيدي الحال من بعضه..استعن بالقلم ولا تنس أين وضعته
Post: #26 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:25 AM Parent: #15
أهلاً ويسعد كل أوقاتك
بتفق معاك على عِشق القديم
طيب الحذر ممكن...الخوف ليه؟؟
Post: #25 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:23 AM Parent: #14
سلامات أخي محمد الشيخ
تتذكر موضوع البوست؟
عايزة أرحب بيك ولو انها متأخرة
Post: #24 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:20 AM Parent: #13
الليلة غايتو ياعمر قربت أستلف من الخانة المجاورة وأقول ليك يا شيخي
وإنت من الناس الحسسوني انه البيت زي بيتنا لما انا جيت
الكتابة لمن سرق دي جد جميلة
والنفس تعتاد ما ألِفت.. وبسبب الذين أبدعوا وكتبوا الرائعات..تجدني أنا وغبار الأراشيف من أعز الأصحاب
وهناك من تلجمني متعة قراءة ما يكتبون..فأسكت عن التعليق المباح نهاراً
دُم جميلاً
Post: #22 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:07 AM Parent: #12
هههههه ما عملت شي انا!!!
بعدين أنا في طور البراءة..ما تحسب علي يا صديقي
صباحك
Post: #21 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:05 AM Parent: #11
تحياتي أستاذ زهير
كتبت ليك رد منننن أمس وحال الشبكة لا أشكيه لغيرها
انت زول مفيد ومعتق وموهوب، عبرك بنعرف ونواكب الحاصل في البلد ونستفيد كمان مما تنتقي
، بيني وبينك... أوجاع البدايات لا تُنسى لكن لا بد من الصمود والمرونة لامتصاص الصدمات
Post: #30 Title: Re: الجديد الحَصري..والجميل الأصلي Author: عبدالحفيظ ابوسن Date: 06-06-2018, 06:44 AM Parent: #21
صباحات الله بي خيرها اصبري لي بس بتوردي وبنجازيك ودي عندها قصة لو فاضية احكيها ليك
Post: #32 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 06:55 AM Parent: #30
صباح الأنوار
أحكي..فاضية الآن..وأفتقد قهوتي
(بتوردي وبنجازيك)
Post: #33 Title: Re: الجديد الحَصري..والجميل الأصلي Author: عبدالحفيظ ابوسن Date: 06-06-2018, 07:40 AM Parent: #32
عندي اعمامي شغالين خراجة في رفاعة والخراجي زول عندو حمار وفيهو خرج بضم الخاء ، خرج من جلد قاعد زي السرج في ضهر الحمار ، بشيل فيهو الموية بجيبو الموية من البحر وبوزعوها في البيوت بمقابل مادي . اها مرة واحد من اعمامنا ديل جاتو حمة .. وردة بكسر الواو ، بقا ميرود ( مي روود) ، وعندو صاحبو ورفيقو بمشو سوا لامن بقا محموم رفيقو بقا الصباح يجي غاشيهو في البيت ويسوق حمارو بي خرجو ويمشي البحر اي زول عندو زباين .. اها عمنا بسوق حمار عمنا العيان ويرد البحر ويوزع ليهو علي زباينو وهو يشتغل في حمارو . يعني قايد حمارين نهاية اليوم يغشا السوق يشيل العليقة ليهو ويشتري ليهو اغراض بيتو ويدي باقي القروش عمنا راقد عيان وامورو ماشة ، واكبر الموقف دة في صاحبو . بعد بقا نصيح وشد حيلو داير يشكر صاحبو ويعبر عن امتنانو ليهو قام قاليهو والله يا فلان اخوي ماقصرت وحقيت الخوة ان شاء الله تورد ونجازيك
Post: #34 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 08:33 AM Parent: #33
هههههه..عمك افتكر كان منفعل والإحساس بالجميل مالي تفكيرو
،،
جازي ساي الوِردة حاصلة
Post: #35 Title: Re: الجديد الحَصري..والجميل الأصلي Author: عبدالحفيظ ابوسن Date: 06-06-2018, 09:27 AM Parent: #34
شفتي الناس دي طيبة وبسيطة كيف؟ هاك اسمعي القدال كان يودر الوردة
طريتك ليل وبرقا فى المشارق شال وبلل العينه زى دمعى المحقن شال طريتك ليل وبرقا في المشارق لال وبلل العينة زي دمعي المحقن شال طريت الطيبة طيبة امي طريت فرحي وطريت المي وطريت همي وريدة اهل الفريق للقال طريت الناس وظلم الناس رضيت يا دنيا شلت احزاني فوق الراس اكان يا دنيا تنجمي قالو البسمة للتانين ودمعك ليك وبيك وناس وعرق الطيبة عند اهل الحنين دساس بدور يا ناس بدور متل الخريف ما عاد بعد غرب متل ناس الله ما بتفرح بدور افرح وبعد الصبنة والسفاي وجلدا في العضم كرب يجيني رشاش واشم الطين واكج حرماني فرقان ريدة للغاشين بدور افرح واقوم يا ناس بعد هودت فوق الصي اعاود لي بلود الرب واتيقن واشوف الرحمة شوف العين يزول البي واقوم افرح تشقشق فرحة الاطفال في الكون خير وخضرة وضي والحنية ما لاقيها من الناس اشيلها قصيد واسيها سبيل سبيل للناس فرح يملي الحنينين ري اصلو البسمة للتانين ودمعك ليك وبيك وناس وعرق الطيبة عند اهل الحنين دساس
Post: #36 Title: Re: الجديد الحَصري..والجميل الأصلي Author: فرح الطاهر ابو روضة Date: 06-06-2018, 09:49 AM Parent: #35
في مرحبين الامين البشاري اول مرحب أن لم تخونني الذاكرة وبرضه في شكل وحاجات تانية تظل في الذاكرة زي انت يا بكري بتجيب النوعيات دي من وين هههه ووحينا العضو الجديد المدعو ابو روضة يتجاسر علي كبار المنبر وفي نفس الاسبوع تم تخفيض مشاركاتي لعدد مشاركة واحدة استمرت هكذا الي اندلاع سبتبمر المجيدة وقتها كتبت لبكري وطلبت منه زيادة عدد مشاركاتي لان شعبنا السوداني الان يخوض مواجهة شرسة ويموت علي الطرقات ومن العيب أن نظل سكوتا كتب لي ردا مختصرا يفيد اديناك ستمائة مشاركة حتي ولو كان هذا الرد فيه شي من المبالغة او حقيقة ولكن للامانة احترمت هذا الرد جدا واداني دافع اني اظل عضوا بهذا المنبر فوق كل الظروف اجمل ما اهدتني اليه تجربة تحديد المشاركات وفي الاسبوع الاول من دخولي للمنبر اني اتابع الهجوم الذي يسلطه البعض علي الاعضاء الجدد بشي من التكالب والتشرذم تصل درجة محاولات التطفيش من المنبر المهم الترحيب او رفض وجودك من اساسه كلها تجارب بكل تأكيد مفيدة وبتضيف للعضو اكثر
تحياتي للجميع
Post: #37 Title: Re: الجديد الحَصري..والجميل الأصلي Author: نعمات عماد Date: 06-06-2018, 10:15 AM Parent: #36
Quote: تكمن القدرة على تجاوز الماضي في استعداد المرء ليخطو خطوات للأمام، ومقدار الجهد الذي ينوي بذله ليرفع الصخرة العاطفية عن كاهله ويلقيها بعيدًا
بيكساباي
من الجزيرة.نت لا انظر لإخفاق البدايات بغضب او اي مشاعر سالبة. اشكر من رحبوا بي حينها، اعترف، كان كل همي في الايام الأولى معرفة ما اذا كان المتداخل كوز أو أمنجي !
Post: #41 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 11:45 AM Parent: #37
(تكمن القدرة على تجاوز الماضي في استعداد المرء ليخطو خطوات للأمام، ومقدار الجهد الذي ينوي بذله ليرفع الصخرة العاطفية عن كاهله ويلقيها بعيدًا)
بيكساباي
Post: #39 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 10:53 AM Parent: #36
مرحب بيك أستاذ أبو روضة شرفت
"يتجاسر على كبار المنبر" دي ذكرتني علية القوم من قريش البجيبوهم في المسلسلات الدينية هههههه
يا سلام فعلاً وقت الأزمات 600 بوست ما كفاية والوفاء جميل لمن فتحوا لنا الأبواب
ما عايزة اقول عن السناير أشرار (هههه) لكن فيهم
ويا سلام لو حكيت لي عن تجاربك في المنابر والمنتديات السودانية وايها كان الأصعب/الأجمل
مودتي أخي
Post: #38 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 10:18 AM Parent: #35
قالو البسمة للتانين ودمعك ليك وبيك وناس وعرق الطيبة عند اهل الحنين دساس
***
طريتك ليل
،،
كان ده جزاي في (وِردتي) أريتها ما راحت
شكراً يا ذوق
Post: #40 Title: Re: الجديد الحَصري..والجميل الأصلي Author: ABUHUSSEIN Date: 06-06-2018, 11:14 AM Parent: #38
Quote: كان كل همي في الايام الأولى معرفة ما اذا كان المتداخل كوز أو أمنجي !
سلام للجميع
Post: #42 Title: Re: الجديد الحَصري..والجميل الأصلي Author: فرح الطاهر ابو روضة Date: 06-06-2018, 12:06 PM Parent: #40
تحياتي تماضر لو سمحت لنا المشغوليات اكيد حيكون لينا حضور من هنا زميل المنبر الصديق علي دفع الله كتب ذات مره بوست علي مرور عام علي تسجيله بالمنبر فيه كتير من روح الدعابة والطرفة وتوثيق في ظني مفيد علي دفع الله برضه تسجيله علي خلفية بوستات العشرات هههه لم اكن عضوا بهذا المنبر حينها ومتابع جيد المهم كانت كتمة ليها عجاجة بالمناسبة علي دفع الله ظل ورا تسجيلي بالمنبر الي أن تحقق فله التحية من علي البعد وعد لو اني لقيت البوست المعني بتاع الاحتفال بمرور عام للعضو علي دفع الله حاجيبه هنا وشكرا لاتاحة هذه المساحة والمتاكد منه الان انه المنبر كسب عضوية تماضر بوصفها قلم حيكون ليه حضور انيق ومرتب وعشرة علي عشرة
Post: #45 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 12:16 PM Parent: #42
في انتظار البوست اخي ابو روضة متشوقة لك وللاستاذ علي دفع الله..سلام ومودة ،
والله شكراً ما بتتخيل سعادتي بيكم البوست ازهر بي وابلكم العطر
Post: #43 Title: Re: الجديد الحَصري..والجميل الأصلي Author: تماضر الطاهر Date: 06-06-2018, 12:09 PM Parent: #40
حبااابك نورت
هههههه طبعاً (ص ) دي نفسي اعرف حكايتها
Post: #44 Title: Re: الجديد الحَصري..والجميل الأصلي Author: Hassan Makkawi Date: 06-06-2018, 12:11 PM Parent: #40
الإسم "تماضر" إن سمعته او قرأته ارى "طماطم"... ومنذ صغرى!! عموماً... جايب ليك Code مفيد للإقتباسات هاك:
Quote: ...................
Quote: ترحيب بالجديد الحصرى
Post: #46 Title: Re: الجديد الحَصري..والجميل الأصلي Author: معاوية المدير Date: 06-06-2018, 01:24 PM Parent: #44
Post: #52 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 06:48 AM Parent: #46
فرحت شديد بوجودك هنا
هدية من إيدك مقبولة
وشكراً من قلبي
ده دربي ...أقرا البوست واجي
Post: #54 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 07:06 AM Parent: #46
يا استاذ معاوية نسيت اقول ليك... انا لي زمن مع واواي الوناقيب
Post: #50 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 06:41 AM Parent: #44
تحيات حصرية وجديدة ليك شكراً على الكود وانا ما فاهمة ليه هنا الموضوع معقد ، علشان ترسل ابتسامة تعاني ( انا أبتسم) ههههههه يا سلام ولو قريتني اقتصادياً معناها قدرتني تقدير شديد ، في انتظار ما تصطاد
Quote:
الإسم "تماضر" إن سمعته او قرأته ارى "طماطم"... ومنذ صغرى!!
Post: #51 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 06:45 AM Parent: #44
تحيات حصرية وجديدة ليك شكراً على الكود وانا ما فاهمة ليه هنا الموضوع معقد ، علشان ترسل ابتسامة تعاني ( انا أبتسم) ههههههه يا سلام ولو قريتني اقتصادياً معناها قدرتني تقدير شديد ، في انتظار ما تصطاد
(الإسم "تماضر" إن سمعته او قرأته ارى "طماطم"... ومنذ صغرى!! )
حاولت استخدم الكود وافتكر الحكاية جاطت ههههه
كده احسن لحد ما أمحى أميتي
Post: #47 Title: Re: الجديد الحَصري..والجميل الأصلي Author: النذير بيرو Date: 06-06-2018, 09:24 PM Parent: #10
الاخت تماضر رمضان كريم وكل الاخوة غايتو انا ماعارف تصنيفي سنير عجوز شديد حضرت المنبر ده وكنا بنخش نسلم علي بعض الصباح بدون باسوويرد وكنا مع سيد الحوش الاخ العزيز بكري بجيكم راجع ان شاء الله بي زكريات المنبر الجميلة سلام للجميع برالمة وسناير النذير
Post: #48 Title: Re: الجديد الحَصري..والجميل الأصلي Author: نعمات عماد Date: 06-06-2018, 11:13 PM Parent: #47
شكراً يا عزيزتي الشاعرة المتمكنة تماضر . ،،،،،،،،،، سلام ابوحسين مشكور على الإشارة للتصريح الصريح الذي آمل استصحابه عند قراءة أي مداخلات قديمة .
Post: #49 Title: Re: الجديد الحَصري..والجميل الأصلي Author: محمد عبد الله الحسين Date: 06-06-2018, 11:29 PM Parent: #48
سلام للاخت تماضر و لكل المتداخلين الظرفاء
دخولي المنبر كان عام 2013 بمساعدة و تزكية من الاخ الاستاذ الامين عبدالرحمن.. مع شوية الحاح على بكري... ما كنت بحصولي على كلمة السر برلوم لاني كنت متابع من الشباك من مدة.. و بالجد زمان كان في ناس قامات قبل ما نجي نحن..
المهم الان المنبر في ناس و كتابات بنكهات متعددة و مشكلة و ظريفة ده بشكل عام. كويس انك بدخولك حاولت تتعرفي على الناس و اراءهم يعني برلوم وثلِد بسنونه.. شكلك اضافة قيّمة للمنبر و اعدت للمنبر ألق دفء الكلمة و طعم الشعر و الرومانسية. تحياتي
Post: #59 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 09:12 AM Parent: #49
أستاذي العزيز الرقيق الرائع من قبل التسجيل..بقرا للكثيرين هنا وانت منهم واشكر كل من ساعدك ..ليصلنا بجميل اهتماماتك وكتاباتك لتعارفوا دي من اسرار التعايش..وهنا في ناس جديرين بالمعرفة اتمنى اكون عند حسن ظنك
شكراً عميقاً
Post: #57 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 08:44 AM Parent: #48
العزيزة جداً نعمات
شكراً على دعمك المتواصل والشعر مسئولية
انا بفتش على موسيقى الدواخل مرات بتطلع كلام منطوق ومرات كلام مكتوب
متمكنة دي كبييرة علي
Post: #55 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 08:27 AM Parent: #47
مرحب بيك اخي النذير وسعيدة اني ح اقرا ذكرياتك في اقرب وقت ، كيف بدون باسويرد؟؟
Post: #53 Title: Re: الجديد الحَصري..والجميل الأصلي Author: عاطف عمر Date: 06-07-2018, 07:00 AM Parent: #1
تحياتي وسلامات عزيزتنا تماضر قدمت نفسي بتاريخ 28/11/2004 ببوست بعنوان ( هل غادر البرالمة من متردم ؟؟ ) كانت مداخلته الرئيسة
Quote: طالما ساءلت نفسي في أوقات التأمل ، و قد تفرقنا في أرجاء المعمورة في منافينا الاختيارية أن كيف يمكن أن ننعم بوطن متصالح مع نفسه و مع الآخر ، متجاوزاً بذلك نظريات آيدولوجية وإثنيات ضيقة أقعدته سنيناًعن اللحاق بركب عالم تبحر سفينته فى عباب ألفية جديدة لاتأبه بمن يعجز عن مجاراة سرعتها . تساءلت عن هل و كيف يمكن لأطفالنا أن ينعموا بوطن ( هم أصحاب حق أصيل فيه ). تساءلت عمالذى أوصلنا للمرحلة التي أضحت فيها غاية أمانينا الحصول على قرين كارت أو إقامة دائمة في بلاد كان حتى أمس قريب مجرد الحديث عنها يحتاج منا للإستعانة بالأطلس .
تقاذفتني الآراء مداً و جذرا لكن الإجابة الشافية التي إرتأيتها أن أستعين بالأخوان و الأخوات ، نتلاقح الأفكار ، نفكر معاً بصوت عال ، نبث بعضنا هموم بعضنا لأنه في البدء كان الكلمة. نتعرف معاً كيف و متى و لماذا تنكبنا الطريق . في حوار ذكي صادق لا غالب و لا مغلوب فيه . حوار ندخله و فى النفس أن ( رأيي صواب يحتمل الخطأ و رأى غيرى خطأ يحتمل الصواب ). حوار فيه نتفق من غير تبعية إلا للحقيقة و فيه نختلف دون أن يفسد الخلاف ودنا للآخر .
وجدت في المنبر الحر وسيطاً جيداً للتعرف بكرام أفاضل / فضليات كلهم اكتسب مع معارفه الأكاديمية الرفيعة خبرات الحياة الواسعة . ووجد في الأسفار فوائدها السبع . استمتعنا زماناً من مقاعد المتفرجين بحيوية ( رجاء العباسي ) و ظرف ( سيجيمان ) و نشاط ( لنا مهدى ) و عمق ( علاء الدين نصار ) وغيرهم كثر . كلهم أضافوا لمعارفنا الكثير محواً و إثباتاً . فأردنا أن نكون ضمن منظومتهم ( منظومتنا ) الرائعة
الشكر أجزله للأستاذ بكري أن أتاح لنا هذه الفرصة , أرجو أن نكون إضافة للمنبر .
و دمتم
أخوكم
عاطف عمر
جاء أول تداخل من الأخت العزيزة لنا مهدي
Quote: بل قد عرفت الدار بعد لا توهم الاخ الحبيب عاطف الف مرحبا بك بيننا تتلاقح رؤاك ههنا وتمد يد الفكر و الثقافة و تمتد اليك ايادى اخري بالفكر و الثقافة نزلت سهلا
Post: #56 Title: Re: الجديد الحَصري..والجميل الأصلي Author: عبدالحفيظ ابوسن Date: 06-07-2018, 08:30 AM Parent: #53
يا تماضر ياخ بطلي عوارة السناير دي ردي في آخر مداخلة وما تنجضينا بالبحث عن اخر مداخلة
Post: #58 Title: Re: الجديد الحَصري..والجميل الأصلي Author: ABUHUSSEIN Date: 06-07-2018, 08:55 AM Parent: #56
Quote: حاولت استخدم الكود وافتكر الحكاية جاطت ههههه
كوجنتيها كوجين الآبري ....
Post: #63 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 09:36 AM Parent: #58
هههههههه
وقريباً اعوسها ،
يسعد اوقاتك واوقات ابو سن كمان
Post: #61 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 09:31 AM Parent: #56
ههههههههه
اتعب حبة
الحلو بعد المر يا صديقي
Post: #60 Title: Re: الجديد الحَصري..والجميل الأصلي Author: تماضر الطاهر Date: 06-07-2018, 09:21 AM Parent: #53
العزيز عاطف عمر سلام وتحايا جميل جداً ما حدث معك وتظل هنالك أسماء وأشخاص لا تغادر مواقفهم الجميلة والمشجعة تفاصيل ذاكرتنا هم الذين تُفتح بهم الأبواب وتتسع الأمكنة لك وعبرك لهم اندى تحياتي ، اين هم الآن؟
Post: #62 Title: Re: الجديد الحَصري..والجميل الأصلي Author: جلالدونا Date: 06-07-2018, 09:35 AM Parent: #60
هلا بيك تماضر بوست ذكرياتى لذيذ بالنسبة لى يمكن كنت معروف لى بعض العضوية قبل انضمامى للمنبر واحد من السناير اطلق علينا ناس تحت الخط حتّى بالامارة السنير و صاحب المكتبة المنبرية محمد البشرى الخضر لامن خلاااااص تغلبو الحيلة يقول لى انت ما ترجع الفيس ابركلك ارجع اقول سبحان الله ود البشرى عندو مكتبة و ابو حسين ما عندو نقول شنو عاد يدّى الحلق لى شنو كده ما عارف
Post: #64 Title: Re: الجديد الحَصري..والجميل الأصلي Author: Kabar Date: 06-07-2018, 10:42 AM Parent: #62
عارفة يا تماضر ، سنة 2003 ، دوبك جديد في البكان ده ، كتبت وسألت (ماتت منى ولا مات القمر)..
كــنا جمــاعة ، فرشنا النيــل ضــرا..و الشمــس المــدارية كانت غطــانا..أمــا الضــل ، فكــان مفــردة غايبة تمــاما عن قامــوس كــلامنا..جمعتــنا ريــدة مـــــنى.. قام واحــد مننا ، وهب ليها النخـــيل ، رمــى نعليهو..و حلــف يحرق برمـــل الهجــير..في قصــاد مــنى واحــد تاني ، كان الســيف عــندو معــزة..قام كســر ســيفو ، و قال :يــغور الزمــان المــا بيجيب مـــنى واحــد تالت ، هـويتو وســم جمــال ممـــدود فوق وشيهو شــلوخ..عقـد لســانو وســكت حــزنا على غيــاب مــنى ، و في زمــن الســكوت داك.. نحت ليها عصــاية آبنــوس ، مرصعــة بســن فيـــل.. و قايــض غيابها بالإنتــــظار واحـــد رابـــع ، شــرب جمــالها قــوافي..صبــاها في بطــون التبلــــدي وعد شفــيف، و قعــد في رجـــاها ســـنين في صبـــاح حـــزين ، جانا كلب مخمــور..قال :يا أهل المحــبة الغافليـــن ..خــبر قلنــا ، بخشـــم واحـــد : خير إن شــاء اللـــه قال الكلب:المــــوت حاصل ، يا في مـــــنى ، يا في القمــــر و قعـــدنا دهـــر تــاني و مــا عرفـــنا مـــنو المــات.. ماتت مـــنى ..و لا المــات القمـــر؟ و إتقاسمــنا اليــقين عشــا، ورفضنا نقــر بإننــا رقدنا القـــوى كنــا جماعـة ، و فضــلنا جمــاعة فرشـــنا النيـــل ضــــرا الشمـــس المــدارية ، كانت غطــانا و مــاعــرفنا المــات منـــو ماتت منـــى ، ولا مات القمــــر؟
تداخلت تماضر شيخ الدين ، المطر (ابوذر بابكر) ، الموصلي ، يحي ابنعوف ، الزومة ، الجندرية ، ميرفت..
ميرفت قالت لي:
سلام وتحية ، اخي كبر اننا ، كلنا ، صالحون للعزاء في أي وقت لا وقت يلائم حصاد الدموع إلى اليقين من هذه الوحشة وحشة السؤال الطازج في اساه : المات منو ،، منى وللا القمر ومنى كتيرة وموزعة في الامكنة مياه الدموع الساطعة/ المالحة تتسلل, الآن إلى وحدة الأمهات الأمهات يهرمن بين الإبرة والخيط بانتظار الأولاد والأولاد لا يعودون يعود البكاء بخفي الوجع
قلت ليها:
صــديقتي ميرفــت..حبابك وســـلاما في الرايعين،يازولــة من نبــض تاني في حــديث العــزاءت تتنمــر علينا القطط السمان و تمارس ادعية ضد الخــوف و صــرخة الأطفال الجماعية، وقتها سيكتب الزمن ملامح الخــروج و ســوف نهزم بيادر النسيان بأن نلبس الزهـو و نغنــى في حضــرة منــى في حديث الأمهات ،لا خــوف عليهن ، فلقد رضعنا منهن تراتيــل الرجــوع، صــدقيني يا ميرفــت..لن نمــل من حملهن في غابات النبض الصدوق و من ذكراهن نغنــى نشــيد الرجعة البهية حينها تغدو منــــى ما تبقى من امــل حنون
صدقت ميرفت..الأمهات يهرمن بين الإبرة والخيط ، والأولاد لا يعودون..لا يعودون..يعود البكاء..اليلقاهن قبور وشواهد صغيرة في البقاع البعيدة..!
تماضر شيخ الدين حلفت بكل ماتملك: مات القمر..ومنى ما ممكن تموت..!
يا ربي هل لازلنا جماعة..وفضلنا جماعة فرشنا النيل والشمس المدارية كانت غطانا؟..
ويبقى الحنين كما هو اشكال وانواع..
سبحان اللـــه يا معاوية الزبير..
نفس الترنيمة ..نفس نحاس القرع..نفس الوجوه والأصوات والخصل الشاردة..بتكتب حنين الأمهات للأولاد..يكتبن الحنين بنفس التنغيم والوجوه التي تبدو للوهلة الأول محايدة الملامح ، ولكنها تخفي حزن نبيل انيق..!
شكرا تماضر..
كبر
Post: #65 Title: Re: الجديد الحَصري..والجميل الأصلي Author: علي دفع الله Date: 06-07-2018, 10:22 PM Parent: #64
تماضر الطاهر والله هلت الانوار يا صديقة والبورد موعود بي اضافة نوعية
كل له قصة بداية في هذا البورد اللعين 😂😂 وقصتي زي ما حكاها ابو روضة كانت معركة حامية الوطيس لكن عدت بخيرها .. انتي هسي بدايتك هادية ورزينة وخليك على المود دا
والله سعدت بي شوفتك هنا حبابك عشرة وقنبي طولا والتحيات لكل الاصدقاء
Post: #66 Title: Re: الجديد الحَصري..والجميل الأصلي Author: محمد حيدر المشرف Date: 06-08-2018, 00:19 AM Parent: #65
أول شكلة كانت مع عصام جبرالله .. شكله مهذبة جدا وتداخل "بورداب الدوحة" وحاولوا يقولوا لي عصام ان محمد المشرف ده زولنا وكده ..
اول الاختلافات كانت مع محور تراجي بشاشا ومحمد سليمان وبشار صقر وآخرون حول التكييف الاثني للصراع .. وللحقيقة استفدت كثيرا منهم .. والان, وان كانت نظرتي ومازالت رفض التكييف الاثني للصراع, الا ان هذا الرفض مختلف جدا عن الرفض الزمان بفضل هؤلاء .. وبعضهم بالتأكيد قد تغيرت مواقفه ..
اجمل ما كتبته في نقد هؤلاء كان نص منجور ساي قدام الكيبورد .. اسمو (قيامة كانتونا) .. رحم الله زميلنا كانتونا رحمة واسعة وألطف ما حدث حول ذلك النص الساي انو استاذنا الكبير فضيلي جماع ظن اني انتحلت نصا لغابرييل غارسيا ماركيز ووضعت اسمي عليه ..
تملكني الزهو قليلا .. أعترف!!
لو خصم هذا المنبر مني شيئا لكانت قدرتي على الكتابة .. كنت احاول كثيرا ان اقلل كثيرا من الكتابة المزينة حتى ضاع مني تزيين الكلام الى غير رجعة :)
شكرا تماضر
Post: #74 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 12:16 PM Parent: #66
حباب المشرف المشرِف أدب الإختلاف وتقبل الآخر يحتاج لي روح " نبي إلا شوية"... انا بتمنى اقبل من يخالفني الرأي في ظاهري وباطني..بالله مش صعب؟ اعجبني وصفك للشكلة واتعلمت منك شي جديد...النظر للمواقف بعد زمن بالله يا ريت تحكوا لي عن العداءات الاتحولت لي صداقات و دور اللقاءات الاجتماعية في تخفيف حدة التوتر الكتابي ، سعيدة شديد جداً انا
Post: #73 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 12:03 PM Parent: #65
النور نوركم والله بين الشيخ التوم والشيخ فرح قلوب تهيم وحكم تبين أتمناك وأسرتك في احسن حال أخي ، ( فكيف ترونها تبدو بداياتي نهاياتي) مرات بكون مشاكسة..بس ما بحب الشكل هههههه
ليك ولي ابو روضة سلام خاص
فرحت بي ترحيبك
Post: #70 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 02:56 AM Parent: #64
العزيز جداً كبر اول شي جبر الله خاطرك الذي ياما جبر خواطرنا وجمل أيامك بما يعزيك ويسلينا إذ تبتسم ولو كان بالإمكان..لضحينا بمجرة أقمار لبقاء منى لكن..حياة المعنى اطول عمراً الموت سعادة لمن يجد بعد الرحيل قلوباً آسفة وعيوناً راثية وخلود في عقول سماوية المرتقى. والحياة بخواطر المميزين لا تنتهي بتاريخ اليوم المعلوم يكفيني إذا رحلت أن يبكيني حبيبي ساعة قبل أن يعشق أخرى والساعة كألف عام مما يعدون ، بعد ما اكمل بكاي برجع ارحب بيك تاني وتاني
Post: #68 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 02:07 AM Parent: #62
البوست لذيذ بوجودكم والله والذكريات سجن ومهرب تجرحنا وتداوينا ، كنت وين قبال ما تجي هنا؟ ، هههههه صاحب المكتبة دي حلوة مرات بحس انه حكيم..تتفق معاي؟ بس في دي ما تسمع كلامو..هنا ابركلك انا ما مصدقة بعد زمن من المتابعة اني معاكم وبنتعرف على بعض ، صحي رمضان كريم ، المكتبة دي شروطها شنو؟ واطالب بمكتبة لي ابو حسين وفوراً
Post: #67 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 01:37 AM Parent: #1
سلام وكل اوقاتكم سعيدة كل واحد فيكم اجمل من التاني والله من سعادتي ما قادرة اعبر ، يا داب رجعت من مشوار طويل ح اقرا حروفكم حرف حرف محبتي وشكري وامتناني
Post: #69 Title: Re: الجديد الحَصري..والجميل الأصلي Author: ABUHUSSEIN Date: 06-08-2018, 02:27 AM Parent: #67
Quote: واطالب بمكتبة لي ابو حسين وفوراً
بالله كلميهم الحاقدين ديل ... 😂😂😂 ياخ ربنا يسعدك دنيا و آخرة ..... همسه في اضانك .. ارجي الراجيك من الحاقدين و الحاسدين و الشمات و اعداء النجاح و اعداء الناجحين ... 😂😂😂😂😂😂
Post: #71 Title: Re: الجديد الحَصري..والجميل الأصلي Author: Abdelrahim Mohmed Salih Date: 06-08-2018, 03:05 AM Parent: #69
تحيه لك ولقلمك الانيق اعتبر زمنيا وكتابيا من الجدد فى حوش اخونا بكرى رغم متابعتى له منذ سنوات قارئا وحين قررت الانضمام كتبت له مباشره دون شفيع ومزكى واستجاب مشكورا ولااذكر إذا كتبت بوست قيدومه: ) لكن ما اذكره دخول هادئ بدون ضجه وشكرا للب الشعر فى عررصات المنبر مبذولا صرحا للجمال وفضاء للبوح الاليف طبعا فى بوستات كتيره تعجبنى لكن امر عليها قراءه صامته ليس عن بخل او كسل بل لضيق الوقت وحين اكتب ردا اكون مخنوق فى الكلام والزمن فارجح حال على حال فتنتصر رئه القلم حافز الكتابه مزاجى لكن ربما هناك مواضيع بحكم الاهتمام الشخصى ولاهميتها حسب التقدير الشخصى تدفع إلى المشاركه وهذه فلسفتى الكتابيه على قلتها روح المرح وحس النكته الذكيه لايغيب عن كتاباتك يا تماضر رمضانك كريم وشكرا على البوست
Post: #72 Title: Re: الجديد الحَصري..والجميل الأصلي Author: عبدالحفيظ ابوسن Date: 06-08-2018, 04:51 AM Parent: #71
لسع ماقريتيها يا المبروكة حرف حرف اوعا تكوني زي ناس فلان ديلك بس 😆 هو ودو عندو مكتبة 😠😬
Post: #78 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 03:24 PM Parent: #72
بتقرا الحمدو يا المبروك بقراها وعشان... ، انا بقراها بدون عشان يا صاحبي موضوع المكتبة ده مشوقني ،،، ههههه زي ناس منووو؟؟
Post: #76 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 12:43 PM Parent: #71
العزيز جداً عبد الرحيم...قريت مداخلتك اكتر من مرة اسعدني جداً انك تخصني بمشاركة من مشاركاتك القليلة وانا بتفق معاك شديد في الاختيار والمرور الصامت البستفز الحواس كتير بس مرات ما بقدر ابوح...خوفاً أو طمعاً. مرورك هنا وهناك اسعدني شكراً لمكان جمعني بمميزين يقدرون ويقدرون على صنع الفرح في خاطري ، ما تنقطع
Post: #75 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 12:21 PM Parent: #69
هههههه...حبابهم لو جوني آمين ويسعدك كمان يا أبو حسين ونجيك في مكتبتك ونحتفل معاك ، همستك صوتها مسموع ،
Post: #77 Title: Re: الجديد الحَصري..والجميل الأصلي Author: Faisal Saad Date: 06-08-2018, 01:21 PM Parent: #1
سلامات يا تماضر و حبابك بين أهلك في سودانيس اونلاين دوت كوم وطن من لا وطن له،، شدي حيلك و خلينا نقرأ شذرات من خط يراعك و كدا..
تسلمي..
Post: #79 Title: Re: الجديد الحَصري..والجميل الأصلي Author: تماضر الطاهر Date: 06-08-2018, 03:51 PM Parent: #77
تسلم كتير ترحب بيك السعادة ، اهو بحاول عندي اهتمامات كتيرة ناوية اكتب عنها ربنا يقدرني واكون اهل للوجود معاكم
Post: #80 Title: Re: الجديد الحَصري..والجميل الأصلي Author: Faisal Saad Date: 06-09-2018, 02:36 AM Parent: #79
يديك العافية و طاب مقامك. ننوسة المذكورة في اول البوست دي نانسي عجاج ولا ننوسة تانية، بعدين اسهبي لينا في واواي الوقانيب دي شوية، و دخلينا الفلم دا و فكي طرطشتنا شوية،، هههه. السنير معاوية المدير عنده المحن و تشفيره عينة..
كونوا بالف خير..
Post: #81 Title: Re: الجديد الحَصري..والجميل الأصلي Author: تماضر الطاهر Date: 06-09-2018, 07:11 AM Parent: #80
حبابك ويسعد كل أوقاتك
ننوسة دي يا سيدي من مغنيات هذا الزمن..ما بقدر أصنفها هل هي مغنية "زنق" ولا ما "زنق"..المهم هي عندها استايل جديد ومحبوبة جداً..مشهورة بي ترديد أغاني "الزار"- يجعل كلامنا خفيف عليهم - وعندها تكنيك صوتي بيتغير فيهو صوتها لأغلظ درجة. سمعتها في الترحيل وأنا راجعة البيت..أدهشتني..وفي أثناء الأغنية بيجي الترويج..الجديد الحصري والجميل الأصلي..واسم الجهة الطلعت الأغاني وعنوانهم. إقترحوها شباب حِلتنا كختام لليالي رمضان وبعدها من شدة الضحك ما وصلوا لأي نتيجة..كدي قوقلها وأسمعها لو ممكن.
واواي الوناقيب بوست مسكني زمن في حضرة البادية والشعر الحقيقي..كاتب عنه أستاذ معاوية المدير لقيتو أثناء بحثي عن شعراء البطانة ومساديرهم الحنينة. نقلت ليك من البوست تعريف صغير:
(الواواي هو صياح رعاة الإبل في الخلا بتنغيم ونبرة معينة ، يحثونها به على فعل شيء ما ) ( الوناقيب " جمع " ونقيب " ، فهي في الراجح عندي ، من الألفاظ السودانية المحلية الأصل. وهي تعني في لهجة المؤلف: " راعي الإبل)
لو بحثت ح تلقى موضوع ممتع جداً
هذا مع شكري العميق أخي
Post: #82 Title: Re: الجديد الحَصري..والجميل الأصلي Author: Faisal Saad Date: 06-09-2018, 09:35 AM Parent: #81
شكرا علي التنوير الشافي الكافي،، دي الاستنارة ولا بلاش، هههه ممزوجة بلطف و أريحية و طيب خاطر،، ايش رأيك تخشي تنافسي في السباق..
تدثري بالعافية..
Post: #83 Title: Re: الجديد الحَصري..والجميل الأصلي Author: تماضر الطاهر Date: 06-09-2018, 09:41 AM Parent: #82
ههههه الله يجبر خاطرك
أنا شن جابني للكبار ديل
بعيد بعيد...
الله يعافيك وتسلم على ذوقك
Post: #84 Title: Re: الجديد الحَصري..والجميل الأصلي Author: علاء سيداحمد Date: 06-09-2018, 10:10 AM Parent: #83
يا مراحب يا تماضر
العضو الجديد عليه اولا ان يثق فى نفسه وفى قدراته والحذر من استسهال الكتابة حيث السناير هنا لهم راى حتى فى المصادر . ويجب على العضو الجديد فحص المصدر - الدليل جيداً قبل ايراده وقبل هذا وذاك عليه بالصبر الجميل وطولة البال وعدم الانجرار وراء الشتائم والسباب والتلاعن .
بالنسبة لاول شخص رحب بى بصراحة مافاكر ولكن الذى اذكره ان الناس هنا رحبت بى ترحيب شديد .
Post: #86 Title: Re: الجديد الحَصري..والجميل الأصلي Author: تماضر الطاهر Date: 06-09-2018, 12:43 PM Parent: #84
مرحباً اخي علاء وشكراً على النصائح القيمة يمكن لأني بميل للمواضيع الأدبية..ما بحس اني في حالة حرب مع الآخرين الثقة بالنفس مطلوبة دايماً.. علاقتي بالمنتديات قديمة..وقابلت انواع من البشر نختلف أو نتفق فكلها آراء يجب أن تحتفظ بقدر من الود وأنت عندما تكتب، تكتب ذاتك وتاريخك ، هسي انا برحب بيك وحبااابك
Post: #85 Title: Re: الجديد الحَصري..والجميل الأصلي Author: Nasser Amin Date: 06-09-2018, 10:12 AM Parent: #83
قوقلت ننوسة كلام عجيب , مافهمت اي حاجة كلو مشفّر
Post: #87 Title: Re: الجديد الحَصري..والجميل الأصلي Author: معاوية المدير Date: 06-09-2018, 01:02 PM Parent: #85
Quote: يا استاذ معاوية نسيت اقول ليك... انا لي زمن مع واواي الوناقيب
يا تماضر بيقولوا، فلآن مولود بسنونو، دا طبعاً لو بقى زول شِفِت . غايتو عيني باردة لكن إنت بسنيناتِك جيتي البُكان دا وحات ربي . ساحات المعارك شغلتنا لكن الظاهر عليك حا ترجعينا تاني للمربع دا ...
Post: #88 Title: Re: الجديد الحَصري..والجميل الأصلي Author: الصادق عبدالله الحسن Date: 06-09-2018, 01:39 PM Parent: #87
=
أعتذر يا عزيزتنا تماضر لعدم وجود إجابة على سؤالك فأنا لا أذكر متى جئت، ولا بماذا ابتدأت، ولا أعلم من أين، ولا كيف أتيت
ما أنا متأكد منه أنني لا اتمتع برُبع جسارة حبيبنا عبد الفضيل ولا أملك الجرأة لمواجهة تلك المفاجآت التي تخلع القلب وتذهب بالألباب. وبالطبع ليس في وسعي أن أدخل بنمرة (1) أو (2) ناهيك أن أندفع مفحطاً بنمرة (4) كما هو ديْدن فضيل ودَأْب معاوية المدير.
ولقِلة حيلتي فقد انتهزتُ فرصة تصاعد ذلك الغبار (الحمروني) الكثيف الناتج عن قبقبة السناير للبرالمة ودخلتُ الحوش خلسة (ملتوياً بالبهجة كعمامة إعرابي يزور المدينة للمرة الثانية) اتوجس واتحسس طريقي خوف العِراك والمفاجآت والأشواك وأنا شِبه حافي القدمين (نُص فى النِعال، نُص فى الأرض، ونُص في الغبار).
وتفادياً لأن اصطدم بالسناير، أو أن انزلق في تلك الشِراك "الخبيثة" المنصوبة من جماعة (قُوم لِف).. فقد تسللت بلا توصية ولا ترحيب كالظِل خوف أن أدوس على القَش فتفاجئني المصائب والدبايب أو يصدر عنه كَش.
و(منذ تلك اللحظة التاريخية) ما زلت ألِّـف لففان ثور الساقية وأدور وأتحسس طريقي في حوش بكري ولا أدري إن كان طويل أم قصير؟ وهل أنا أصعد أم أهبط فيه وأغور؟ لست أدري!!
عيد سعيد أستاذة تماضر لكِ ولزوار بوستك الأحباب ونتمنى صمودك ونمو سِنيناتك واستمرار مساهماتك بـ(جديدها الحصري .. وجميلها الأصلي) كما نأمل - ونحن على قبايل عيد - عودة سناير المنبر و"تماضراته" ونجماته السابقات وأوبة كل الغائبين والغائبات. ... .. .
Post: #91 Title: Re: الجديد الحَصري..والجميل الأصلي Author: تماضر الطاهر Date: 06-10-2018, 05:21 AM Parent: #88
اهلاً ومرحب وحباب الصادق
الحزن يجعل المكتوب بليغ جداً مهما كان نوع اللغة
كيف حالك بالله؟ انا سعيدة بوجودك هنا وما كل بداية في تاريخ بدايتها فربما حان الوقت لتكتب كما قال المغني..ربيع جديد
، بضحك من حكاية السنون والصمود ابتسم وخلينا نشاركك ما تكتب ،
فرحانة بيكم فرح
وبضم صوتي لصوتك لعودة الجميع
Post: #90 Title: Re: الجديد الحَصري..والجميل الأصلي Author: تماضر الطاهر Date: 06-10-2018, 05:06 AM Parent: #87
العزيز جداً معاوية انا في انتظار رجوعك لتلك الساحات ،
دي ليك :
، فرقك للخصيب جرجر عليهو المحلة يا اب قولاً متل مدد الزهور للنحلة ظالمة اظنني والله قولك احلا شيل زادك وارح بارِح مواطي الوحلة
، وقبلها آااا اللييييل كمان
Post: #89 Title: Re: الجديد الحَصري..والجميل الأصلي Author: تماضر الطاهر Date: 06-10-2018, 04:55 AM Parent: #85
العزيز ناصر
السر في التشفير الخيالات المخدرة بفعل اكثر من فاعل لا يسهل اقتحامها إلا ننوسياً
ما بدس منك..نفسي احضر ليها حفلة
Post: #92 Title: Re: الجديد الحَصري..والجميل الأصلي Author: Faisal Saad Date: 06-10-2018, 06:49 AM Parent: #89
في انتظار البوست الثاني عشان نسهب معاك و نطق الحنك بمزاج و كدا.. هذا و ان أدى هذا البوست غرضه في التعارف و التعريف و هكذا دواليك..
كوني بخير..
Post: #93 Title: Re: الجديد الحَصري..والجميل الأصلي Author: عمر التاج Date: 06-10-2018, 09:59 PM Parent: #92
أول من رحب بي رجل وامرأة رحب بي أولا ود الصايم بضحكته المجلجلة أعقبته تراجي مصطفى بأهلا ، ثم صره في الصرة قالت لي أوع تكون ياكا بتاع كسلا العامل لينا بي هناك جلابي وبتشتم فينا أما أول من رحب بك يا تماضر فهو أنا وكمان اكتشفتك من أول مداخلة حتى قلت حاتقول فيني شيء لله
Post: #94 Title: Re: الجديد الحَصري..والجميل الأصلي Author: تماضر الطاهر Date: 06-11-2018, 01:01 AM Parent: #92
تحياتي أخي فيصل سعد هم اتنين لحد الآن..ومفكرة الصباح اكتب واحد تالت..فيه خواطر تحت إسم واحد اجمع فيه قصاصاتي المبعثرة. اتمنى يكون البوست فعلاًً عمل شي كويس بالنسبة للتعارف أنا سعيدة لأنه جوني ناس جميلين ومميزين شاكرة من قلبي..لك وللجميع
Post: #95 Title: Re: الجديد الحَصري..والجميل الأصلي Author: Faisal Saad Date: 06-11-2018, 03:37 PM Parent: #94
في الانتظار و الترقب مرابطون.. بعد قراءة النصوص في بوست الشعر، أعتقد جازما مفروض تسكي ليك مكتبة و كدا، هههه
...
